Teknologji

Norvegji: Kompania Meta kërcënohet me gjobë ditore prej 100 mijë dollarësh

Datatilsynet tha se Meta përdor informacione si vendndodhjen e përdoruesve.

Published

on

Agjencia norvegjeze e mbrojtjes së të dhënave tha të hënën se do të ndalojë kompaninë Meta, e cila ka në pronësi platformat Facebook dhe Instagram, të përdorë informacionin personal të përdoruesve për reklama të posaçme, duke kërcënuar me gjobë ditore prej 100 mijë dollarësh ditore nëse kompania vazhdon këtë praktikë.

Praktikat e biznesit të firmave të mëdha të teknologjisë amerikane janë nën vëzhgim të fortë në të gjithë Evropën për shqetësimet në lidhje me privatësinë, duke rezultuar në gjoba të mëdha në vitet e fundit.

Agjencia norvegjeze e mbrojtjes së të dhënave, Datatilsynet, tha se Meta përdor informacione si vendndodhjen e përdoruesve, përmbajtjen që u pëlqen dhe postimet e tyre për qëllime reklamash.

“Autoriteti Norvegjez për Mbrojtjen e të Dhënave i konsideron të paligjshme praktikat e kompanisë Meta dhe për këtë arsye po vendos një ndalim të përkohshëm të reklamave të saj në Facebook dhe Instagram”, thuhet në një deklaratë të kësaj agjencie.

Vendimi do të hyjë në fuqi më 4 gusht dhe do të zgjasë tre muaj për t’i dhënë kohë kompanisë Metës të marrë masa korrigjuese. Kompania do të gjobitet me 100 mijë dollarë në ditë nëse nuk e respekton vendimin.

“Ne do ta analizojmë vendimin, por nuk ka asnjë efekt të menjëhershëm për shërbimet tona”, tha kompania Meta në një deklaratë për agjencinë franceze të lajmeve, AFP.

Agjencia norvegjeze shtoi se vendimi i saj nuk ishte as një ndalim I platformave Facebook dhe Instagram që operojnë në vend dhe as një ndalim i plotë i reklamave të tyre.

Organizata austriake e mbrojtjes së privatësisë dixhitale, Noyb, e cila ka paraqitur një sërë ankesash kundër aktiviteteve të kompanisë Meta, tha se “e mirëpret këtë vendim si një hap të parë të rëndësishëm” dhe shpreson që agjencitë e mbrotjes së të dhënave në vendet e tjera do të ndjekin shembullin.

Meta mori një goditje të madhe në fillim të këtij viti kur agjencitë evropiane të mbrojtjes së të dhënave hodhën poshtë bazën ligjore që Meta kishte përdorur për të justifikuar mbledhjen e të dhënave personale të përdoruesve për përdorim në reklamat e posaçme.

Meta pësoi një tjetër goditje të madhe në fillim të këtij muaji kur Gjykata Evropiane e Drejtësisë hodhi poshtë zgjidhjet e saj të ndryshme dhe fuqizoi agjencitë e mbrojtjes së të dhënave me kompetenca që marrin parasysh çështjet e privatësisë së të dhënave gjatë kryerjes së hetimeve.

Teknologji

Apple heq aplikacionin ICEBlock pas shqetësimeve për sigurinë e agjentëve

Published

on

Apple ka hequr nga App Store aplikacionin ICEBlock, i cili lejonte përdoruesit të shënonin në hartë vendndodhjet ku kishin parë agjentë të Shërbimit për Imigracion (ICE).

Gjithashtu, janë larguar edhe aplikacione të tjera me funksion të ngjashëm.

Sipas raportimeve të Fox Business, prokurorja e shtetit Pam Bondi kërkoi heqjen e këtyre aplikacioneve, duke theksuar se “janë krijuar për të vënë në rrezik agjentët e ICE, vetëm sepse po bëjnë punën e tyre.”

Apple deklaroi se App Store është krijuar për të qenë një vend i sigurt dhe i besueshëm për të zbuluar aplikacione.

Bazuar në informacionet e marrë nga autoritetet ligjzbatuese mbi rreziqet që paraqiste ICEBlock, kompania vendosi të heqë aplikacionin dhe të ngjashmit me të, sipas Engadget.

Kërkesa për heqjen e aplikacioneve erdhi pas raportimeve se një sulmues në Dallas, i cili hapi zjarr ndaj një objekti të ICE, kishte përdorur aplikacione për gjurmim – përfshirë ICEBlock – për të qëlluar nga çatia.

Sulmuesi vrau dy emigrantë dhe plagosi një të tretë, edhe pse synimi i tij ishin agjentët e ICE.

Zhvilluesi i aplikacionit, Joshua Aron, i tha Fox Business se ishte “jashtëzakonisht i zhgënjyer” nga vendimi i Apple.

ICEBlock kishte arritur majat e listave të App Storepas kritikave nga zyrtarët e administratës, që rritën popullaritetin e aplikacionit.

Zyrtarët paralajmëruan Aronin se po e ndiqnin, e këshilluan të ishte i kujdesshëm, pasi aplikacioni rrezikonte jetët e oficerëve të rendit. /A.Z/UBT News/

Continue Reading

Teknologji

Volkswagen ndalon prodhimin e Touareg, por pse?

Published

on

Thashethemet rezultuan të vërteta, ditët e Volkswagen Touareg janë të numëruara.

Prodhuesi gjerman ka konfirmuar se SUV-i i tij kryesor do të tërhiqet nga prodhimi vitin e ardhshëm.

Pas shitjes së 1.2 milion njësive që nga debutimi i tij në vitin 2002, prodhimi i Touareg do të përfundojë në fund të marsit 2026.

Përpara ndalimit të prodhimit, do të ofrohet një edicion final i këtij modeli të njohur.

Ndërkohë, duke marrë parasysh se Volkswagen ende nuk ka prezantuar një Touareg plotësisht elektrik, kjo nënkupton se SUV-i i njohur mund të vazhdojë si një automjet elektrik në të ardhmen. /A.Z/UBT News/

Continue Reading

Teknologji

Samsung mund të ndërpresë linjën Galaxy S Edge pas suksesit të dobët të S25 Edge

Published

on

Samsung duket se po i jep fund një kapitulli të veçantë në historinë e Galaxy. Pas lançimit të Galaxy S25 Edge, raportet nga Koreja e Jugut sugjerojnë se kompania nuk do të sjellë një pasardhës të drejtpërdrejtë për këtë linjë.

Sipas NewsPim, një nga mediat teknologjike, Samsung planifikon të ndalojë prodhimin e S25 Edge sapo të shesë të gjitha stoqet ekzistuese.

Një zyrtar i paidentifikuar i kompanisë tha: “Nuk jam i sigurt nëse linja e hollë (Edge) do të kthehet ndonjëherë, por për momentin duket e pamundur. Praktikisht është zhdukur.”

Shitjet e dobëta janë arsyeja kryesore e vendimit. Sipas Hana Investment & Securities, deri në gusht janë shitur vetëm 1.31 milion njësi të S25 Edge, krahasuar me modelet e tjera të serisë S25:

Galaxy S25: 8.28 milion njësi

Galaxy S25+: 5.05 milion njësi

Galaxy S25 Ultra: 12.18 milion njësi

Kjo tregon një diferencë të madhe dhe interes të ulët për versionin Edge, i cili u promovua për dizajnin e hollë dhe ekranin e lakuar, por nuk ka arritur të bindë përdoruesit.

Sa i përket Galaxy S26, raportohet se Samsung ka përfunduar zhvillimin e një modeli Edge, por nuk pritet të dalë si pjesë e linjës Edge.

Në vend të tij, kompania planifikon të lansojë tre modele të serisë S26 në janar:

Galaxy S26 Pro

Galaxy S26 Plus

Galaxy S26 Ultra

Vendimi duket i orientuar drejt fokusimit në modelet me performancë të lartë dhe shitje më të mira, duke lënë pas eksperiencën e Edge.

Për fansat e ekranit të lakuar, kjo është një zhgënjim, pasi linja Edge mund të mos rikthehet më, duke shënuar fundin e një epoke të telefonave të hollë dhe elegantë me ekran të lakuar. /A.Z/UBT News/

Continue Reading

Teknologji

Instagram forcon masat e sigurisë për adoleshentët

Published

on

Rrjeti social Instagram po shtrëngon më tej cilësimet për llogaritë e adoleshentëve, duke vendosur kufizime të reja mbi përmbajtjen që fëmijët mund të shohin në platformë.

Kompania mëmë, Meta, kishte prezantuar për herë të parë llogaritë e dedikuara për adoleshentë një vit më parë, kur nisi t’i kalonte automatikisht përdoruesit e mitur në llogari më “të mbyllura”, me cilësime më të forta privatësie dhe kontrolle prindërore.

Kohët e fundit, Meta e ka zgjeruar këtë qasje edhe në Facebook dhe Messenger, duke përdorur mjete të inteligjencës artificiale për të identifikuar adoleshentët që mund të kenë falsifikuar moshën e tyre.

Tani, kompania po ndërmerr hap të ri në mbrojtjen e të rinjve online. Me ndryshimet e fundit, adoleshentët nuk do të mund të ndjekin apo të shohin përmbajtje nga persona që “publikojnë rregullisht materiale të papërshtatshme për moshën”.

Përveç kësaj, këto llogari do të hiqen nga rekomandimet dhe rezultatet e kërkimit për përdoruesit adoleshentë.

Instagram do të bllokojë një gamë më të gjerë termash të ndaluar, që lidhen me temat për të rritur, përfshirë fjalë si “alkool”, “gjakderdhje” dhe madje edhe versionet me gabime drejtshkrimore, që përdoren shpesh për të anashkaluar filtrat e platformës.

Për prindërit që kërkojnë masa më të rrepta, kompania po shton një cilësim të ri “përmbajtje e kufizuar”, i cili pritet të filtrojë edhe më shumë përmbajtje të ndjeshme — megjithëse Meta ende nuk ka dhënë detaje të plota për funksionimin e tij.

Këto masa vijnë si pjesë e përpjekjeve të vazhdueshme të Instagramit për të krijuar një mjedis më të sigurt për të rinjtë, duke balancuar privatësinë, kontrollin prindëror dhe lirinë e shprehjes në rrjetet sociale. /A.Z/UBT News/

Continue Reading

Të kërkuara