

Kulturë
Njerka e Kanye West jep detaje ekskluzive për fëmijërinë e tij
Brenda Bentley foli për betejën e Ray West me kancerin, dhe lidhjen e e tij me Kanye.
Published
4 years agoon
By
UBT newsBabai i Kanye West drejton një organizatë bamirësie në Republikën Domenikane, ku ai përballet me rrezikun e përditshëm nga tërmetet deri te krimi i shfrenuar, kshtu ka zbuluar ish-njerka e reperit, transmeton UBT News.
Ray West, 72 vjeç, krijoi fondacionin “The Good Water” në Republikën Domenikane disa vjet më parë për të ndihmuar viktimat e prostitucionit dhe korrupsionit dhe ishte në ishull kur një tërmet masiv goditi Haitin këtë muaj. Vetëm dy ditë më vonë, lagjja e varfër ku ai jeton u përplas nga një stuhi tropikale.
Në një intervistë ekskluzive për DailyMail, Brenda Bentley, e cila filloi të takohej me Ray pas divorcit të tij nga nëna e ndjerë e reperit Kanye, Donda, foli për betejën e Ray West me kancerin, dhe lidhjen e babait dhe djalit.
Ray u diagnostikua me kancer të prostatës në 2018 dhe u kthye në SHBA për trajtim.
“M’u deshën 42 vjet për të kuptuar se babai im ishte shoku im më i mirë” – Kanye West.

Por pasi mundi kancerin, Ray këmbënguli të kthehej në Republikën Domenikane.
Brenda, 66 vjeç, e cila ishte fejuar dy herë me Ray dhe mbetet e afërtë me të, foli për jetën e tij në ishullin e Karaibeve.
“Ata marrin shumë tronditje nga tërmetet atje dhe ai tha se ky [i fundit] e tronditi atë, por që me të vërtetë nuk bëri shumë dëm”, tha ajo, përcjell UBT News.
Ajo shtoi se është e rrezikshme të jetosh atje për shkak të krimit të lartë. “Nuk ka shumë aktivitet policor”, tha ajo.
Pas lindjes së Kanye, Ray u bë një fotoreporter i shquar. Ai ishte i njohur për portretet e poetes dhe aktivistes për të drejtat civile Maya Angelou dhe Presidentit Ronald Reagan. Por ai hoqi dorë nga karriera e tij mediatike për të bërë punë bamirësie.
Ai filloi duke u zhvendosur në një strehë për të pastrehët, “jo sepse ishte i pastrehë”, tha Kanye, por “sepse donte të ndihmonte ish-të varurit nga droga, ai donte të afrohej [me ta] aq shumë”.
Ai krijoi fondacionin e Republikës Dominikane për të ndihmuar viktimat e prostitucionit dhe korrupsionit.
“Ai po e financon punën vetë”, tha Brenda për DailyMail. “Ai shet ujë të pastruar dhe përdor fitimet për të financuar projekte si kujdesi shëndetësor për gratë”.
Brenda u takua për herë të parë me Kanye kur ishte nëntë vjeç.
Ai u rrit nga nëna e tij Donda por e vizitonte Brenda-n në pushimet verore. Ai mbajti lidhje me të pas vdekjes së nënës së tij./UBTNews
“Ajo la një vrimë të madhe në jetën e Kanye. Donda ishte gjithçka e tij”.

Magazinë
Zyrtare: Eurovision 2026 mbahet në Vjenë
Published
2 hours agoon
August 22, 2025By
UBT News
Kryeqyteti austriak, Vjena, është shpallur zyrtarisht si qyteti mikpritës i Eurovision Song Contest 2026.
Kjo do të jetë hera e tretë që Vjena pret Festivalin Evropian të Këngës, pas organizimeve të vitit 1967 dhe 2015.
Finalja e madhe e edicionit të 70-të do të mbahet më 16 maj 2026 në Wiener Stadthalle, arena më e madhe e mbyllur në Austri, ndërsa gjysmëfinalet do të zhvillohen më 12 dhe 14 maj.
Pas fitores së JJ në Basel më 17 maj 2025 me këngën “Wasted Love”, televizioni publik austriak ORF mori detyrën për të organizuar konkursin e ardhshëm, duke sjellë në vendin e tyre trofeun e tretë në historinë e Eurovisionit.
Vjena barazohet me Kopenhagën, Malmon dhe Stokholmin si një nga qytetet që e kanë pritur garën, ndërsa vetëm Dublini, Londra dhe Luksemburgu mbeten në krye të listës me më shumë organizime. Përveç finales, qyteti do të ofrojë një javë të tërë aktivitetesh për fansat.
EuroClub do të vendoset në ndërtesën madhështore të Bashkisë së Vjenës, ku do mbahet edhe Ceremonia e Hapjes më 10 maj. Ndërkohë, sheshi i Bashkisë shndërrohet në Eurovision Village, me koncerte, aktivitete dhe transmetime live të eventit, ashtu si në vitin 2015.
Organizatorët kanë theksuar se Vjena, si një nga vendet e vendosur në zemër të Evropës, është ideal për të festuar 70-vjetorin e Eurovisionit.
Ata kanë premtuar një spektakël madhështor që do të bashkojë mijëra artistë, delegacione, fansa dhe gazetarë nga e gjithë bota në një përvojë unike kulture dhe muzike.
Lifestyle
Shampo pa sulfate: Pse dhe kur duhet t’i zgjidhni ato?
Published
3 hours agoon
August 22, 2025By
UBT News
Procesi i zgjedhjes së një shampoje dhe zbutësi/balsami të ri është blerje e lehtë që e bëjmë një herë në muaj. Megjithatë, kur flokët yndyrosen shpejt ose janë më të thatë se zakonisht, mendojmë me kujdes për zgjedhjet e produkteve tona.
Me kaq shumë premtime për gjithçka, nga nxitja e rritjes së flokëve tek ruajtja e ngjyrës, gjetja e shampos së duhur duket sfidë më vete, pasi nuk është e lehtë të kuptosh cilët përbërës të duhen dhe cilët duhet t’i shmangësh.
Një përbërës që duhet shmangur pavarësisht nga lloji i flokëve janë sulfatet. Ato janë përbërës pastrues që mund të shkaktojnë probleme. Sulfatet e zakonshme, si lauril, sulfati i natriumit, janë pastrues që heqin hidratimin nga flokët, duke i lënë të thatë dhe “pajetë”.
Edhe pse sulfatet ofrojnë pastrim të thellë, mund të bëjnë më shumë dëm sesa mirë. P.sh përdorimi i tyre shkakton njollë në flokët e lyer e lë skalpin e kokës të dehidratuar. Sulfatet pengojnë rritjen e shëndetshme, pasi thatësia e tepërt mund të ndikojë negativisht në lëkurën tonë.
Gjetja e shampos që nuk do t’i zhvesh flokët nga vajrat natyralë është e rëndësishme. Finn pranon se gjetja e ekuilibrit për këtë çështje është e vështirë për konsumatorin. Gjëja më e rëndësishme, është kujdesi për skalpin e kokës, i cili është baza për rritjen e shëndetshme të tyre.
Është thelbësore që skalpi të mbahet i pastër dhe i hidratuar që flokët të mbeten të shëndetshëm. Kur skalpi është në gjendje të mirë, ndihmon në parandalimin e rënies së flokëve. Në blerjen e radhës bëni kërkimin e duhur mbi problematikën që keni dhe merrni kohën tuaj për të lexuar përbërësit e produktit, ku mos harroni të evitoni produktet me sulfat.
Magazinë
Nicolas Cage në bisedime për të luajtur në sezonin e pestë të “True Detective”
Published
3 hours agoon
August 22, 2025By
UBT News
Nicolas Cage, fitues i çmimit “Oscar”, është në bisedime për të marrë rolin kryesor në sezonin e pestë të dramës kriminale “True Detective”.
Sipas The Hollywood Reporter, ani pse roli nuk është zbuluar ende, pritet që Cage të portretizojë një oficer policie në qendër të një tjetër misteri. Ky sezon do të pasojë suksesin e madh të sezonit të katërt, “True Detective: Night Country”, ku protagoniste ishte fituesja e “Oscarit”, Jodie Foster.
Ky kapitull u prit me lavdërime dhe, siç theksojnë kritikët, “ringjalli serialin” pas dy sezoneve të mëparshme më pak të pëlqyera.
Issa López, i cili udhëhoqi me sukses sezonin e katërt, pritet të rikthehet edhe për sezonin e ri. HBO ka njoftuar se ngjarjet e sezonit të pestë do të zhvillohen në Jamaica Bay, New York, ndërsa premiera është planifikuar për vitin 2027.
Bisedimet me Cage kanë nisur që në fillim të verës, kur HBO u pyet për herë të parë rreth përfshirjes së aktorit i cili ka përjetuar ringjallje vitet e fundit, duke marrë vlerësime të mëdha me “Pig”, “The Unbearable Weight of Massive Talent” dhe “Dream Scenario”.
Magazinë
Lil Nas X arrestohet dhe dërgohet në spital
Published
5 hours agoon
August 22, 2025By
UBT News
Reperi amerikan, fitues i çmimeve “Grammy”, Lil Nas X, është arrestuar në Los Angeles pas një përplasjeje me policinë, kanë konfirmuar autoritetet, raporton BBC.
Policia u thirr rreth orës 05:30 të mëngjesit me kohë lokale në Ventura Boulevard, pas raportimeve se një burrë po ecte në rrugë vetëm me të brendshme.
“Kur autoritetet arritën në vendngjarje, këngëtari i ‘Old Town Road’ u hodh mbi ta dhe u arrestua nën dyshimet për sulm”, ka thënë një zëdhënës i Departamentit te Policisë në Los Angeles (LAPD).
U dërgua në spital për trajtim, pasi dyshohet për mbidozë. Zëdhënësi i policisë, Charles Miller, ka theksuar se “hetimet po vazhdojnë”.
Një video e publikuar paraqet reperin duke vallëzuar në rrugë vetëm me të brendshme dhe çizme, ndërsa ftonte kalimtarët: “Ejani në festë!”.
Lil Nas X pritet të publikojë albumin e dytë të përfolur, “Dreamboy”, gjatë këtij viti, pasi ka paralajmëruar adhuruesit përmes fragmenteve të publikuara në Instagram. I lindur si Montero Lamar Hill, hyri në histori më 2019 duke u bërë burri i parë që kishte treguar haptazi se është homoseksual, e që fitoi një çmim të Shoqatës së Muzikës Country, falë suksesit të këngës “Old Town Road”.
Ky hit theu rekordin e qëndrimit më të gjatë në krye të toplistës Billboard Hot 100, me plot 17 javë. Karriera e tij është shoqëruar me polemika. Konservatorët amerikanë e quajtën videoklipin e këngës “Montero” (Call Me By Your Name) “të shthurur” dhe “djallëzor”.
Reperi ka reaguar me një video ironike në YouTube ku shfaqej në skenën famëkeqe të vallëzimit në prehrin e djallit dhe pati shkruar në Twitter se donte që lotët e kundërshtarëve të tij “ta mbushin kupën time të Grammyt”.

Zyrtare: Eurovision 2026 mbahet në Vjenë

Shampo pa sulfate: Pse dhe kur duhet t’i zgjidhni ato?

Nicolas Cage në bisedime për të luajtur në sezonin e pestë të “True Detective”

Rutte në Kiev: NATO mbështet Ukrainën

Shkencëtarët zbulojnë proteinën që plak trurin

Pekini kundërshton tarifat e SHBA-së për tarifat 50% ndaj Indisë

73 raste të dhunës në familje për një javë

Këta janë antibiotikët më të mirë natyralë

“S’kam pasur kurrë dyshime, doja të qëndroja”, Dumfries tregon besnikëri ndaj Interit
Të kërkuara
-
Lajmet nga UBT2 months ago
UBT organizon debat rreth zgjerimit të BE-së dhe ruajtjes së vlerave evropiane
-
Lajmet nga UBT3 months ago
UBT – Institucioni privat me më së shumti programe të akredituara nga Agjencia e Akreditimit të Kosovës
-
Lajmet nga UBT3 months ago
UBT rilicencohet nga MAShTI për ofrimin e arsimit profesional në katër drejtime të rëndësishme shëndetësore
-
Lajmet nga UBT3 months ago
UBT organizoi Akademi Përkujtimore në nder të Prof. Dr. Naser Kamberit