Shëndet

Njerëzit që pinë 3-5 filxhanë kafe në ditë janë më vigjilentë

Edhe vetëm një filxhan kafe mund t’ju ​​mbajë të përqendruar gjatë gjithë ditës.

Published

4 years ago

on

Nuk është sekret që konsumimi i kafeinës përmes një kafeje në mëngjes, mund t’ju japë energji dhe freski shumë njerëzve. Por tani, një studim i ri zbulon se edhe pirja e një filxhani të dytë dhe të tretë, mund të jetë diçka pozitive për trurin tuaj.

Studiuesit në Portugali thonë se njerëzit që pinë kafe rregullisht, jo vetëm që janë më të përqendruar, por kanë më shumë aktivitet edhe në trurin e tyre. Sipas Autoritetit Evropian të Sigurisë Ushqimore, konsumi i moderuar i kafesë është zakonisht 3 deri në 5 filxhanë në ditë.

Në studimin e ri, studiues nga Universiteti i Minhos në Braga të Portugalisë zbuluan se konsumimi çdo ditë i kësaj sasie kafeine, mund t’i bëjë konsumatorët e kafesë të jenë më të përqendruar, ndërsa do të kenë një kujtesë më të fortë dhe aftësi më të mëdha për të mësuar gjëra të reja.

Shkencëtarët që ekzaminuan skanimet me MRI, zbuluan ndryshime në përbërjen e trurit midis pirësve të rregullt të kafesë, dhe atyre që nuk e konsumojnë fare këtë pije. U pa se konsumatorët e kafesë kishin një tru më “efikas”, me një lidhje më të shpejtë në trurin  vogël.

Edhe vetëm një filxhan kafe mund t’ju ​​mbajë të përqendruar gjatë gjithë ditës

Këto modele tregojnë se pirja e rregullt e kafesë, mund t’u ofrojë njerëzve një kontroll më të mirë motorik. Ndërkohë, studiuesit vunë re gjithashtu se pjesëmarrësit në studim që konsumonin kafeinë, kishin më pak gjasa që të pësonin hutime në momente të caktuara të ditës.

Autorët e studimit shtojnë se efektet e kësaj rritjeje të aktivitetit të trurit, mund të jenë të menjëhershme. Rezultatet tregojnë se edhe ata që më herët nuk ishin konsumues të kafesë, mund të fillojnë të shohin përfitime për një kohë të shkurtër edhe pas vetëm një jave.

Studiuesit analizuan lidhshmërinë dhe strukturën e trurit tek 31 pirës të rregullt të kafesë dhe 24 njerëz që nuk e konsumonin atë. Gjithashtu, ekipi i studiuesve i ekzaminoi këta individë gjatë kohës që ata kryenin një detyrë mendore menjëherë pasi kishin konsumuan një filxhan kafeje.

“Kjo është hera e parë që studiohet në këtë nivel detajesh,efekti që ka pirja e rregullt e kafesë në rrjetin e sistemit tonë nervor. Ne ishim në gjendje të vëzhgonim efektin e kafesë në strukturën dhe lidhjen funksionale të trurit tonë, si dhe ndryshimet midis atyre që pinë kafe rregullisht dhe atyre që nuk pinë kafe në kohë reale. Gjetjet ndihmojnë për të kuptuar përmirësimin e efekteve të kafeinës, duke e vënë theksin tek kontrolli i përmirësuar motorik, rritja e nivelit të vëmendjes dhe vigjilencës, dhe përfitimet në të mësuarit dhe kujtesën”- thotë profesori Nuno Souza, që ishte edhe drejtues i studimit në fjalë.

Studimet e mëparshme kanë zbuluar se çdo ditë në botë konsumohen rreth 3 miliardë filxhanë kafe. Bashkë me shëndetin e trurit, pija e preferuar e mëngjesit ka shumë efekte pozitive në rritjen e djegies së dhjamit dhe tek një shëndet më i mirë i zemrës. Gjetjet shfaqen në revistën “Molecular Psychiatry”. / StudyFinds – Bota.al

Related Topics:
Continue Reading

Shëndet

Pse dhimbja e shpinës po bëhet sëmundja moderne e epokës së telefonit?

Published

49 minutes ago

on

November 25, 2025

By

Kushdo që përjeton dhimbje në shpinë duhet të ulë përdorimin e tepërt të telefonit.

Qëndrimi për dy deri në katër orë në ditë të përkulur mbi celular i ngarkon vertebrat e para të shtyllës kurrizore me presion deri në 27 kilogramë – thuajse sa pesha e një fëmije 7–8 vjeç.

Dhimbjet e shpinës, të cilat prekin një pjesë të madhe të popullsisë moderne, mund të lidhen me një evolucion jo plotësisht të përsosur.

Me kalimin nga ecja me katër gjymtyrë në ecjen drejt, shtylla kurrizore ka pësuar ndryshime që nuk janë bërë në mënyrë ideale; madje disa tipare të vertebrave të “kushërinjve” tanë primatë mund të jenë trashëguar deri te ne.

Sipas ekspertëve, personat që vuajnë nga probleme të shpinës mund të kenë një strukturë të shtyllës kurrizore më të ngjashme me atë të shimpanzeve, e cila është më pak e përshtatshme për të përballuar ngarkesën që krijon ecja në këmbë. /A.Z/UBT News/

Continue Reading

Shëndet

Pa karbohidrate, pa stres! Ushqimet që ju ndihmojnë të bini në peshë

Published

6 hours ago

on

November 25, 2025

By

Eliminimi i karbohidrateve nga dieta është një strategji efektive për të humbur peshë. Më poshtë gjeni disa ushqime që përmbajnë pak ose aspak karbohidrate:

Kërpudhat – Të varfra në karbohidrate, të pasura me lëndë ushqyese hekur, kalcium, dhe magnez. Ofrojnë sasi të mirë antioksidantësh.

Midhet – Të gjitha llojet janë të pasura me proteina, vitamina të grupit B, minerale si fosfori dhe hekuri, dhe nuk përmbajnë karbohidrate.

Vezët – Një zgjedhje e zakonshme në dietat pa karbohidrate falë vlerave të larta ushqyese.

Karkalecat dhe gaforret – Janë burim i shkëlqyer proteinash dhe nuk përmbajnë karbohidrate.

Mishi i kuq – Nuk ka karbohidrate, ndaj mund të konsumohet lirshëm, por gjithmonë me masë për një dietë të balancuar.

Farat e kungullit – Të përsosura për ata që janë në dietë, ofrojnë shije të këndshme pa karbohidrate të larta. Përmirësojnë shëndetin e zemrës, ulin stresin dhe forcojnë sistemin imunitar.

Mishi i bardhë – Konsiderohet më i shëndetshëm se mishi i kuq. Mund të konsumohet nga pula, lepuri apo peshku.

Djathi – Sidomos Grana Padano, djathë tradicional italian i pasur me minerale dhe pa karbohidrate.

Gjalpi – Përdoret në gatime dhe nuk përmban karbohidrate, por duhet konsumuar në sasi të moderuara. /A.Z/UBT News/

Continue Reading

Shëndet

Gripi nuk ka shanse! Këshilla praktike për të qëndruar të shëndetshëm

Published

23 hours ago

on

November 24, 2025

By

Stina e vjeshtës dhe dimrit shpesh shoqërohet me rritje të rasteve të gripit dhe infeksioneve të frymëmarrjes, për shkak të motit të ftohtë dhe ndryshimeve të papritura të temperaturës.

Megjithëse ilaçet mund të jenë opsion, ekzistojnë disa mënyra natyrale për të lehtësuar simptomat/parandaluar përkeqësimin e sëmundjes.

Uji dhe lëngjet: Konsumimi i lëngjeve ndihmon në parandalimin e dehidratimit dhe lehtëson rrjedhjen e hundëve. Pini ujë, lëngje frutash, supë me lëng pule ose ujë të ngrohtë me mjaltë dhe limon. Shmangni pijet me kafeinë, që mund të shkaktojnë etje.

Ujë me kripë: Gargara me ujë të ngrohtë dhe kripë ndihmon për të qetësuar fytin e irrituar dhe për të lehtësuar simptomat e ftohjes.

Supë me lëng pule: Studimet kanë treguar se supa e pulës ka efekt antiinflamator dhe ndihmon në rrjedhjen e hundëve, duke kufizuar aktivitetin e viruseve në pjesën e brendshme të hundës.

Antihistamina: Përdorimi i saj mund të lehtësojë rrjedhjen e hundëve, teshtimat, lotimin e syve dhe kollitjen.

Lagështira: Ajri i thatë favorizon përhapjen e viruseve. Përdorni aparate për lagështi, por kujdesuni t’i pastroni rregullisht sipas udhëzimeve të prodhuesit, për të shmangur mykun dhe bakteret.

Këto masa të thjeshta e ndihmojnë trupin të përballojë gripin më lehtë dhe të ruani shëndetin gjatë muajve më të ftohtë. /A.Z/UBT News/

 

Continue Reading

Shëndet

Këto janë përfitimet e xhenxhefilit për shëndetin

Published

24 hours ago

on

November 24, 2025

By

Xhenxhefili është një nga erëzat më të shëndetshme dhe konsumimi i tij i rregullt sjell shumë përfitime për organizmin.

Përmirëson qarkullimin e gjakut

Xhenxhefili përmban minerale të rëndësishme si magnezi, kromi dhe zinku, që ndihmojnë në përmirësimin e qarkullimit të gjakut. Ai është i dobishëm kur jeni të sëmurë dhe keni ethe apo temperaturë të lartë.

Ndihmon në luftimin e inflamacioneve

Dhimbjet e vazhdueshme dhe inflamacionet shkojnë dorë për dore. Xhenxhefili njihet si anti-inflamator natyral, i cili lehtëson dhimbjet dhe përmirëson  gjendjen e përgjithshme të trupit.

Si ta përdorni xhenxhefilin?

Mund të përdoret në shumë forma, i freskët, në pluhur a i ëmbëlsuar. Për efekt shërues kur jeni ftohur, zien xhenxhefil në ujë të vluar, shtoni limon e një lugë mjaltë. Ky kombinim është i shkëlqyer për të lehtësuar simptomat e përshpejtuar shërimin. /A.Z/UBT News/

Continue Reading

Të kërkuara