

Bota
Njerëzit janë në panik për blerje të shtëpive, pasiqë çmimet po rriten në të gjithë botën
Published
4 years agoon
By
Betim GashiGjatë pandemisë numri i njerëzve që u kërkonin huadhënësve më shumë kohë në pagesat e tyre të hipotekave u rrit ndërsa recesioni global goditi.
“Këtë herë vitin e kaluar menduam se do të ishte përsëri viti 2008“, tha Kate Everett-Allen, kreu i kërkimit ndërkombëtar të pasurive të patundshme. Frika ishte që çmimet e shtëpive do të bien, siç kishin bërë në mënyrë të besueshme në rëniet ekonomike të së kaluarës.
Në vend të kësaj, çmimet e shtëpive u rritën madje ndërsa bota pësoi rënien e saj më të keqe që nga “depresioni” i vitit 2008. Nga Zelanda e Re në Shtetet e Bashkuara, Gjermania, Kina dhe Peru, po ndodhë i njëjti fenomen: çmimet e shtëpive janë rritur “deri në qiell” dhe shumë blerës janë në panik.
Efekti Covid
Në një kthesë të papritur, pandemia ka përfituar me çmimet e shtëpive. Kjo sepse qeveritë ndihmuan duke siguruar biliona dollarë mbështetje për punëtorët dhe bizneset. Uljet e normave të interesit i mbajtën shlyerjet e hipotekave të përballueshme në shumë vende, ndërsa uljet e përkohshme të taksave në disa tregje nxitën blerjen e shtëpive.
Të pasurit në disa vende kanë ikur nga qytetet për në periferi, me shtëpi me më shumë hapësirë në natyrë, ku nuk do të kenë nevojë të udhëtojnë shumë në zyrat qendrore edhe pas mbarimit të pandemisë. Shumë prej tyre janë financiarisht në një pozitë më të mirë sesa ishin para goditjes pandemike, pasi ata kanë shpenzuar më pak për pushime dhe për të ngrënë jashtë, dhe për këtë arsye mund të shpenzojnë më shumë për blerjet e shtëpive.
Për shembull, në Mbretërinë e Bashkuar, vendet si Stortford dhe Winchester, kanë parë që vlerat e pronave po rriten.
“Çdo gjë që ka një zyrë shtëpie dhe është rreth një orë udhëtim me tren nga Londra po shkon për 10% mbi vlerën e tregut“, sipas Daniel Harrington, shefi ndërkombëtar i rritjes në agjentin e pasurive të patundshme Fine & Country.
Në qytetin bregdetar të Ilfracombe, Lee Hussell, drejtori i agjencisë Webbers, ka shitur dy prona këta muaj për 100,000 £ (139,000 $) mbi çmimet e kërkuara. “Në 38 vjet blerje dhe shitje shtëpish nuk kam qenë dëshmitar i një tregu si ai”, komentoi ai.
“Dymbëdhjetë muaj më parë, njerëzit ishin në panik duke blerë letër higjienike nga frika se mund të mbaronin. Kjo është shumë ndjesia që kemi sot [në tregun e shtëpive“, shtoi Hussell.
Çmimet e shtëpive në Britani u rritën me 8.5%. Kjo është norma më e lartë vjetore e rritjes që nga viti 2014.
Në Gjermani, pronat janë shitur brenda dy javësh pasi të jenë shënuar dhe agjentët po përpiqen të sigurojnë listat në Gjermani, Austri dhe Zvicër. “Ky është një treg shumë i fortë dhe çmimet gjithnjë e më shumë po rriten”, tha Heming.
Sipas Charles Roberts, blerësit e huaj duan ajër të pastër, hapësirë të hapur dhe një vrimë piktoreske për të shpëtuar nga pandemia. Ai kohët e fundit shiti një apartament në Cascais, në perëndim të Lisbonës, për 3.5 milionë euro dhe nuk e ka vizituar kurrë qytetin.
Në disa vende, qeveritë tashmë janë duke kërkuar mënyra për të parandaluar rritjen e jashtëzakonshme të çmimeve. Por edhe kur qeveritë të hartojnë planet e tyre për tregun e shtëpive, analistët nuk parashikojnë një korrigjim apo ulje të çmimit të shtëpive.
Rritja ekonomike globale parashikohet të jetë shumë më e fortë këtë vit, pas zbulimit të vaksinave dhe lehtësimit të masave, të cilat po ashtu do të mbështesin tregjet e strehimit./UBTNews
(Arjeta Ibishi, Media dhe Komunikim)
You may like
Bota
Trump kërkon që gjyqi ndaj Netanyahut të anulohet
Published
6 minutes agoon
June 26, 2025By
UBTnews
Presidenti i Shteteve të Bashkuara të Amerikës, Donald Trump, ka kërkuar që Izraeli ta falë kryeministrin Benjamin Netanyahu, ose ta anulojë gjyqin ndaj tij për korrupsion, duke thënë se SHBA-ja do ta shpëtojë atë ashtu siç e shpëtoi vendin e tij.
Ndaj Netanyahut u ngrit aktakuzë për ryshfet, mashtrim dhe shkelje të besimit në vitin 2019. AI i mohon të gjitha akuzat.
Gjyqi ndaj tij filloi në vitin 2020 dhe përfshin tri çështje penale. Netanyahu është deklaruar i pafajshëm.
“Gjyqi i Bibi Netanyahut duhet të ANULOHET, MENJËHERË, ose të falet Heroi i Madh, i cili ka bërë kaq shumë për shtetin [e Izraelit]”, shkroi Trump në platformën Truth Social të mërkurën, duke shtuar se mori vesh që Netanyahu pritet të paraqitet në gjykatë të hënën.
Lideri i opozitës izraelite, Yair Lapid, tha se Trump nuk duhet të ndërhyjë në këtë çështje.
“Me gjithë respektin dhe mirënjohjen për presidentin e Shteteve të Bashkuara, ai nuk duhet të ndërhyjë në një proces ligjor të një shteti të pavarur”, tha Lapid.
“Shpresoj dhe besoj se ky është një shpërblim që ai [Trump] po i jep atij [Netanyahut], sepse synon të ushtrojë trysni ndaj tij për Gazën dhe për ta detyruar ta pranojë një marrëveshje për pengjet që do ta përfundojë luftën”, i tha Lapid faqes izraelite të lajmeve Ynet.
Trump e lavdëroi Netanyahun si një “luftëtar”, por shtoi në postimin e tij: “Ishin Shtetet e Bashkuara të Amerikës ato që e shpëtuan Izraelin, dhe tani do të jenë Shtetet e Bashkuara të Amerikës ato që do ta shpëtojnë Bibi Netanyahun”.
Duket se ai po i referohej përfshirjes dhe mbështetjes së SHBA-së për sulmet izraelite ndaj programit bërthamor të Iranit.
Nuk është e qartë nëse Trump nënkuptoi se SHBA-ja mund të bëjë diçka konkrete për ta ndihmuar Netanyahun në betejën e tij ligjore.
Presidenti republikan e përshkroi çështjen kundër udhëheqësit izraelit si “gjueti shtrigash” – një term që Trump e ka përdorur shpesh për t’i përshkruar përpjekjet për ta ndjekur atë penalisht në SHBA, dhe të cilin edhe Netanyahu e ka përdorur për ta përshkruar gjyqin ndaj tij.
Fjalët e ngrohta të Trumpit vijnë pas një qortimi të rrallë që ai ia bëri të martën Izraelit për sulmet ajrore ndaj Iranit pas armëpushimit./REL
Bota
Seuli thotë se Koreja e Veriut mund të dërgojë më shumë trupa në Rusi së shpejti
Published
38 minutes agoon
June 26, 2025By
UBTnews
Koreja e Veriut mund të dërgojë trupa shtesë në Rusi për të luftuar në luftën e Moskës kundër Ukrainës në korrik ose gusht, dhe për më tepër është duke vazhduar ta furnizojë Rusinë me armë, thanë të enjten ligjvënësit koreanojugorë, duke cituar agjencinë e inteligjencës.
Shërbimi Kombëtar i Inteligjencës (NIS) beson se Rusia mund të jetë duke u përgatitur për një sulm në shkallë të gjerë kundër Ukrainës në korrik ose gusht, tha për gazetarët deputeti koreanojugor, Lee Seong-kweun, pas një seance me dyer të mbyllura.
“Koha e dislokimit shtesë mund të jetë qysh në korrik ose gusht”, tha Lee, duke shtuar se agjencia përmendi një rund të ri të rekrutimit të trupave për dislokim nga Koreja e Veriut dhe një vizitë të fundit në Penian nga një zyrtar i lartë i sigurisë i presidencës ruse si bazë për vlerësimin e saj.
Në këmbim të dërgimit të municioneve të artilerisë dhe raketave nga Koreja e Veriut për në Rusi, Peniani ka shumë mundësi të marrë këshilla teknike për lëshimet satelitore dhe sistemet drejtuese të raketave, tha Lee, duke cituar NIS-in.
Pas muajsh heshtjeje, si Koreja e Veriut ashtu edhe Rusia e bënë publike zhvendosjen e trupave koreanoveriore dhe rolin që kanë luajtur ata në ofensivën e Moskës kundër Ukrainës për ta rimarrë rajonin e Kurskut.
Të dyja vendet kanë thënë se bashkëpunimi bazohet në traktatin e nënshkruar nga udhëheqësit e tyre në qershorin e vitit të kaluar, që përfshin një pakt të mbrojtjes së ndërsjellë./REL
Bota
Parlamenti iranian miraton projektligjin që pezullon bashkëpunimin me IAEA-në
Published
42 minutes agoon
June 26, 2025By
UBTnews
Parlamenti iranian ka miratuar një projektligj që pezullon bashkëpunimin me Agjencinë Ndërkombëtare të Energjisë Atomike (IAEA).
Sipas televizionit shtetëror, kryetari i parlamentit iranian, Mohammad Baqer Qalibaf, bëri një deklaratë pasi u miratua projektligji.
“Organizata e Energjisë Atomike e Iranit pezullon bashkëpunimin me Agjencinë Ndërkombëtare të Energjisë Atomike derisa siguria e objekteve tona bërthamore të jetë plotësisht e garantuar”, tha Qalibaf.
Zyrtari iranian thekson se aktivitetet bërthamore paqësore të vendit të tij do të përparojnë me një ritëm më të shpejtë.
“Po përpiqemi të miratojmë një projektligj në parlament që do të ndalonte bashkëpunimin e Iranit me IAEA-në derisa të marrim garanci konkrete për një qëndrim profesional”, tha kryetari i Parlamentit iranian Qalibaf më 23 qershor.
Projektligji kërkon miratimin e Këshillit të Gardës Kushtetuese të Iranit që të hyjë në fuqi./atsh
Bota
Von der Leyen i bën thirrje Hungarisë ta lejojë mbajtjen e Paradës së Krenarisë
Published
53 minutes agoon
June 26, 2025By
UBTnews
Presidentja e Komisionit Evropian, Ursula von der Leyen, u ka bërë thirrje autoriteteve hungareze për ta lejuar mbajtjen e Paradës së Krenarisë në Budapest, pasi policia e ndaloi zhvillimin e saj.
Në një reagim në platformën X, kryeministri i Hungarisë, Viktor Orban, tha se Komisioni Evropian duhet të përmbahet nga ndërhyrjet në çështjet e zbatimit të ligjit në vendet anëtare të bllokut, “ku nuk ka asnjë rol për të luajtur”.
Policia hungareze ndaloi javën e kaluar marshimin e caktuar për të shtunën nga komuniteti LGBTQ, duke u thirrur mbi një ligj të miratuar në mars, i cili thotë se mbrojtja e fëmijëve duhet të ketë përparësi ndaj të drejtës për tubim.
Megjithatë, kryetari liberal i Budapestit dhe organizatorët e aktivitetit deklaruan se marshimi do të zhvillohej pavarësisht ndalimit, pasi ai cilësohet si aktivitet komunal dhe nuk ka nevojë për leje nga autoritetet qendrore.
“U bëj thirrje autoriteteve hungareze për ta lejuar zhvillimin e Paradës së Krenarisë në Budapest pa frikë nga ndonjë sanksion penal apo administrativ ndaj organizatorëve apo pjesëmarrësve”, tha von der Leyen në një video të postuar në X të mërkurën në mbrëmje.
“Në Evropë, të marshosh për të drejtat e tua është liri themelore”, shtoi ajo.
I pyetur nëse policia mund ta shpërndajë me forcë marshimin të shtunën, Orban tha të enjten në Bruksel se Hungaria është “vend i civilizuar, nuk e lëndojmë njëri-tjetrin”.
Kritikët e shohin ndalimin e Paradës si pjesë e një goditjeje më të gjerë ndaj lirive demokratike para zgjedhjeve të përgjithshme të vitit të ardhshëm, ku nacionalisti Orban do të përballet me një kundërshtar të fortë opozitar.
Orban, që është në pushtet nga viti 2010, e paraqet veten si mbrojtës të vlerave familjare dhe në shkurt tha se organizatorët as nuk duhet të përpiqen të mbajnë Paradë Krenarie në Budapest këtë vit.
Të martën, ministri hungarez i Drejtësisë ia dërgoi një letër disa ambasadave të huaja, duke i njoftuar se Parada e Krenarisë është “tubim i ndaluar ligjërisht, organizimi dhe shpallja e të cilit përbën vepër penale të dënueshme me burg deri në një vit, sipas ligjit hungarez”.
Ministri Bence Tuzson e dërgoi letrën një ditë pasi diplomatët nga Britania, Franca, Gjermania dhe 30 vende të tjera shprehën mbështetje për komunitetin LGBTQ të Hungarisë dhe Paradën e Krenarisë në Budapest./REL

Trump kërkon që gjyqi ndaj Netanyahut të anulohet

Tre fruta dhe perime që duhet t’i hani këtë verë për të qëndruar të hidratuar

Seuli thotë se Koreja e Veriut mund të dërgojë më shumë trupa në Rusi së shpejti

Parlamenti iranian miraton projektligjin që pezullon bashkëpunimin me IAEA-në

Pse ndihemi të lodhur gjatë verës?

Von der Leyen i bën thirrje Hungarisë ta lejojë mbajtjen e Paradës së Krenarisë

Sulmi me thikë në Bielefeld, siriani dyshohet për lidhje me Shtetin Islamik

Ministri i Mbrojtjes i Iranit viziton Kinën pas përplasjes 12 ditore me Izraelin

Irani hap pjesërisht hapësirën ajrore për fluturime kombëtare dhe ndërkombëtare
Të kërkuara
-
Lajmet nga UBT2 months ago
Profesori, Arsim Hajdari, doktoron me temën “New Perspective of Biological Therapy in Treatment of Age-Related Macular Degeneration”
-
Lajmet3 months ago
Studentët e Psikologjisë në UBT zhvilluan një vizitë studimore në qendrën psikologjike “Radix” dhe Asociacionin Kosovar për Psikoterapi Trupore
-
Lajmet nga UBT3 weeks ago
UBT – Institucioni privat me më së shumti programe të akredituara nga Agjencia e Akreditimit të Kosovës
-
Lajmet nga UBT3 weeks ago
UBT rilicencohet nga MAShTI për ofrimin e arsimit profesional në katër drejtime të rëndësishme shëndetësore