Teknologji

Një xham që rrit mbrojtjen dhe performancën e kamerave të smartfonëve

Published

on

Pasi pushtoi ekranet, Corning ka vendosur të sjellë xhamin e Gorilla Glass edhe tek kamerat. Modelet DX dhe DX+ do të jenë të disponueshme për lentet e kamerave duke filluar me telefonët Samsung.

Përveç mbrojtjes së shtuar, Corning thotë se teknologjia përmirëson performancën optike të kamerave të smartfonëve.

Sipas kompanisë xhami DX reflekton më pak dritë nga lenteja e kamerës. Aktualisht edhe me përdorimin e një veshjeje kundër reflektimit, vetëm 92% e dritës së transmetuar hyn në kamerën e smartfonit.

Corning thotë se xhamat DX dhe DX+ mund të lejojnë penetrimin e 98% të dritës duke reduktuar problemet optike siç është hija. Disa prodhues smartfonësh po punojnë me kompani të specializuara për të adresuar këtë problem.

Sony dhe Vivo përdorin Zeiss për të rritur transmetimin e dritës dhe reduktuar reflektimet dhe hijet. Së fundi Corning thotë se xhami i afrohen shumë pranë nivelit të rezistencës së xhamave prej safire me një gradë 9 në shkallën Mohs.

Gorilla Glass përdoret sot 8 miliardë pajisje nga 45 brende të njohura. Apple ka investuar 450 milionë dollarë në Corning në 2017-ën dhe 2019-ën duke njohur kështu fushën e tyre të ekspertizës si ndër më të mirat në botë. /PCWorld Albanian

Continue Reading

Teknologji

Volkswagen ID. Buzz AD robotaxi gati për shitje nga viti 2026

Published

on

Volkswagen ka zbuluar versionin përfundimtar të taksisë autonome ID. Buzz AD, që pritet të fillojë përdorimin në Evropë dhe SHBA nga viti 2026.

Kjo veturë është e nivelit 4 të autonomisë, duke mundësuar drejtimin vetë pa ndërhyrje të njeriut, por me mundësi kontrolli manual në rast nevoje.

Teknologjia autonome e zhvilluar nga Mobileye përdor 27 sensorë, përfshirë kamera, LIDAR dhe radarë, për të krijuar një pamje 360-gradëshe të ambientit.

ID. Buzz AD përdor platformën MOIA për menaxhimin e flotës dhe asistencën ndaj pasagjerëve.

 

Volkswagen synon të ofrojë këtë shërbim tek bashkitë dhe operatorët privatë për të zgjeruar rrjetin e taksive autonome.

Aktualisht, shërbimi është në fazën e testimeve në Hanover dhe Hamburg të Gjermanisë.

Continue Reading

Teknologji

Pse Intel pritet të pushojë 20 mijë punonjës nga puna?

Published

on

Gjiganti amerikan i teknologjisë, Intel, ka paralajmëruar se do të shkurtojë 15 deri në 20 për qind të fuqisë punëtore në fabrikat e saj gjatë muajit korrik.

Vendimi u bë i ditur përmes një emaili të brendshëm, ku zyrtari i lartë i prodhimit, Naga Chandrasekaran, tha se masat janë të nevojshme për të përballuar sfidat financiare. Me një total prej 109,000 punonjës globalisht, pritet që të largohen nga puna mes 16,000 dhe 21,000 vetë.

Nuk dihet ende se sa nga këto shkurtime do të prekin punonjësit në SHBA.

Vetëm në Hillsboro, Oregon, kompania punëson mbi 20,000 persona. Lajmi vjen pas vendimeve të ngjashme nga Microsoft dhe Amazon, që po shkurtojnë staf për shkak të ndikimit të teknologjisë së Inteligjencës Artificiale.

Continue Reading

Teknologji

Një epokë e re luksi, Ressence bëri një orë dore nga rëra e shkretëtirës

Published

on

Marka belge e orëve Ressence ka zbuluar një model të ri që duket  futuristik, por megjithatë ka diçka të lashtë në të.

Orët e tyre janë të njohura për pamjen e tyre futuriste – pa akrepa dhe kurorën klasike, me numëratorë orbital që rrëshqasin nën një kristal safiri në formë kupole, që të kujton një anije kozmike minimaliste.

Por modeli më i fundit, i prodhuar në edicion të kufizuar, paraqet një motiv që evokon kohërat e lashta, transmeton Telegrafi.

Type 9 S75 është rezultat i një bashkëpunimi me shitësin me pakicë të orëve Ahmed Seddiqi & Sons me bazë në Emiratet e Bashkuara Arabe për të festuar 75-vjetorin e tyre. Nuk është frymëzuar vetëm nga shkretëtira – është bërë fjalë për fjalë prej saj.

Çdo numërator përmban rërë, Benoit Mintiens, themeluesi i Ressence, dhe Mohammed Abdulmagied Sediki i Ahmed Seddiqi & Sons mblodhën kokrriza nga të shtatë emiratet. Rëra është e lidhur me disqet e titanit të orës dhe kokrrizat shkëlqejnë me çdo lëvizje.

Tingëllon poetike – si të mbash një orë me rërë në kyçin tënd.  Kjo është ora e katërt që krijohet në bashkëpunim midis Ressence dhe Seddiqi.

Modelet e mëparshme kanë paraqitur motive arabe, mozaikë që shkëlqejnë në errësirë ​​dhe gravura të frymëzuara nga modelet tradicionale islame.

Type 9 S75 prodhohet në 20 copë dhe çmimi është 20,300 euro. Pa dyshim, është një nga orët më të veçanta të vitit – e thjeshtë, por krejtësisht e ndryshme.

Një orë që nuk është vetëm një aksesor mode, por një histori për kohën.

Continue Reading

Teknologji

Paralajmëron Meta: Mos i ndani këto informacione me AI-në

Published

on

Meta më në fund ka bërë një hap të vogël drejt adresimit të ndarjes së tepërt të informacionit personal, që ka ndodhur në feedin publik të aplikacionit të saj të IA-së.

Kompania ka shtuar paralajmërim të shkurtër pranë butonit “post to feed” në aplikacionin Meta AI, duke i këshilluar përdoruesit të shmangin ndarjen e informacionit personal ose të ndjeshëm.

Ndryshimi u vu re për herë të parë nga Business Insider, i cili e quajti aplikacionin një nga vendet më depresive në internet për shkak të vëllimit të madh të informacionit intim, të sikletshëm dhe madje edhe personalisht të identifikueshëm që përdoruesit e Meta AI – me sa duket pa vetëdije – po ndajnë publikisht përmes feed-it të saj të integruar “zbulo”.

Ndërsa Meta AI nuk ndan historikun e bisedave të përdoruesve si parazgjedhje, duket se shumë përdorues kanë zgjedhur të ndajnë ndërveprimet, duke mos e kuptuar se duke vepruar kështu do t’i bënte bisedat e tyre me zë dhe tekst të dukshme për të gjithë. Ekspertët e privatësisë e kanë kritikuar Metën, duke theksuar se shumica e chatbot-eve të tjerë të njohur të AI-së nuk kanë një burim social, të shikueshëm publikisht.

“Nëse pritjet e përdoruesve rreth mënyrës si funksionon mjeti nuk përputhen me realitetin, keni problem serioz me përvojën e përdoruesit dhe sigurinë”, tha javën e kaluar ekspertja e sigurisë Rachel Toback, e cila më parë ka punuar me Meta-n.

“Njerëzit kanë ndërtuar një model mendor se si funksionojnë chatbot-et e inteligjencës artificiale dhe nuk presin që postimet e tyre të shfaqen në ndonjë formë të feed-it social – nuk funksionon kështu mënyra se si funksionojnë mjetet e tjera”, shtoi ajo.

Fondacioni Mozilla i ka bërë gjithashtu thirrje Meta-s të ndryshojë dizajnin e aplikacionit.

“Aplikacioni Meta AI nuk e bën të qartë se ajo që ndani po bëhet plotësisht publike”, tha ai në një deklaratë.

“Nuk ka ikona të qarta, as tregues të njohur të ndarjes si në aplikacionet e tjera Meta”, u tha ndër tjera.

Me këtë ndryshim, kur një përdorues vendos të ndajë publikisht një ndërveprim me Meta AI, shfaqet një paralajmërim që thotë: “Postimet që postoni janë publike dhe të dukshme për të gjithë. Postimet tuaja mund të sugjerohen nga Meta në aplikacione të tjera Meta. Shmangni ndarjen e informacionit personal ose të ndjeshëm”.

Ky paralajmërim shfaqet në postimin e parë, burimi publik i aplikacionit nuk tregon më shkëmbimet e mesazheve që përdoruesit e tjerë kanë ndarë me AI-në, por vetëm imazhe dhe video të gjeneruara nga AI. Nuk është e qartë nëse ky është një ndryshim i përhershëm apo reagim ndaj vëmendjes negative që aplikacioni ka marrë së fundmi.

Nëse pa e ditur keni postuar përmbajtje publikisht në aplikacionin Meta AI, mund ta hiqni duke klikuar në profilin tuaj në këndin e sipërm të djathtë të aplikacionit, pastaj duke shkuar te Të dhënat dhe privatësia -> Menaxho informacionin tënd -> Bëj të gjitha kërkesat publike të dukshme vetëm për ty dhe duke zgjedhur opsionin “zbato për të gjitha”.

Continue Reading

Të kërkuara