Teknologji

Një xham me realitetin e shtuar për makinat

Përveç navigimit, xhami i përparmë mund të shfaqë edhe informacione të tjera sigurie, si makina të tjera, këmbësorë ose objekte. kryesisht duke përdorur të dhëna nga sensorë që ekzistojnë në makina. Por teknologjia e WayRay nuk është e kufizuar vetëm tek xhami i makinës.

Published

4 years ago

June 8, 2021

Betim Gashi

Në vend të një telefoni inteligjent dhe një sistemi navigimi, një kompani teknologjike po krijon një xham inteligjent që të mund të përdoret në automjete për të parë objekte dhe informacion virtual përmes realitetit të shtuar.

Marrja e udhëzimeve nga një telefon celular mund të jetë e dobishme, por shoferit i duhet të heqë sytë nga rruga për të parë hartën në ekranin e vogël. Po sikur i gjithë xhami i përparmë i makinës të jetë pajisja e navigimit – si një mënyrë më e sigurt për t’i dhënë makinës?

“Ne mund të krijojmë imazhe me tre dimensione dhe ato mund të jenë të dukshme përmes një lloji xhami të veçantë. E quajmë xham holografik”, thotë Vitaly Ponomarev, themelues dhe drejtor ekzekutiv i kompanisë WayRay.

Kompania zvicerane WayRay ka krijuar një paisje unike, që kur vendoset midis dy shtresave xhami i ngjan një lenteje. Kur kombinohet me një program kompjuterik dhe projeksion lazer të montuar në kroskotin e makinës, shoferi mund të shohë realitetin e pasuruar dhe informacion virtual përmes xhamit, e ngjashme me përvojat e tjera të realitetit të pasuruar që mund të shihen përmes syzeve, thotë themeluesi i WayRay, Vitaly Ponomarev.

“Në përdorim thyerjen e dritës për ta pasqyruar atë drejtpërdrejt në retinën e syrit, kështu që duket si një objekt i vërtetë me tre përmasa.(në) botën reale; pra ne simulojmë se si objekti i vërtetë do ta kishte çliruar dritën.”

Nga dritaret e aeroplanëve tek ato të trenave dhe tek ndërtesat, realiteti i pasuruar mund të përftohet me çdo sipërfaqe transparente. Në të ardhmen, përdoruesit mund të luajnë lojëra, të kenë qasje në mediat sociale, të mësojnë informacion për atë që po shohin, të gjitha përmes pasqyrimit holografik në xham.

Themeluesi i WayRay parashikon që xhamat e makinave me imazhe informuese shtesë për realitetin të fillojnë të përdoren në disa makina të reja rreth vitit 2023.

Teknologji

Google gjobitet 314 milionë dollarë për mbledhjen e të dhënave të përdoruesve

Published

14 hours ago

July 3, 2025

UBT News

Google mbledh shumë të dhëna përdoruesish nga telefonat Android, një gjykatë në Kaliforni ka vendosur që gjigandi i teknologjisë duhet t’u paguajë 314.6 milionë dollarë përdoruesve në këtë shtet amerikan për “keqpërdorim” të të dhënave të tyre.

Bëhet e ditur se përdoruesit ngritën padi kolektive më 2019 duke përfaqësuar 14 milionë banorë të Kalifornisë, padia pretendon se Google mblodhi të dhëna nga telefonat joaktivë Android pa leje. Të dhënat u mblodhën për qëllime reklamimi, në të njëjtën kohë interneti celular i përdoruesit u përdor në proces.

Avokati Glen Summers tha se vendimi “justifikon meritat e këtij rasti dhe pasqyron seriozitetin e sjelljes së keqe të Google”.

Një zëdhënës i Google tha se vendimi “keqinterpreton shërbimet që janë kritike për sigurinë, performancën dhe besueshmërinë e pajisjeve Android” dhe shtoi se kompania do të apelojë. Përfaqësuesit e Google i thanë gjykatës se përdoruesit kishin dhënë pëlqimin për këto transferime të të dhënave si pjesë e kushteve dhe politikave të saj të privatësisë.

Ajo pretendon se asnjë përdorues Android nuk u dëmtua nga këto praktika. Ndryshe, kjo nuk është e vetmja padi për këtë çështje.

Një padi e veçantë e ngritur në emër të 49 shteteve të tjera ngre të njëjtat pretendime dhe pritet të dalë në gjyq në prill 2026.

Teknologji

iPhone i palosshëm po vjen, por ja sa do të kushtojë

Published

16 hours ago

July 3, 2025

UBT News

Apple pritet të zbulojë një iPhone të palosshëm vitin e ardhshëm, dhe raportet e fundit sugjerojnë se telefoni inteligjent hyri në testimin e prototipit në qershor.

Ky informacion bazohet në burime të zinxhirit të furnizimit, që pretendojnë se Apple tashmë ka një prototip funksional të telefonit të saj të parë të palosshëm.

Faza e testimit të prototipit pritet të zgjasë deri në fund të këtij viti, pas së cilës pajisja do të hyjë në fazën e Testit të Verifikimit Inxhinierik (EVT), dhe nëse gjithçka shkon sipas planit, telefoni inteligjent duhet të prezantohet me serinë iPhone 18 në shtator 2026, shkruajnë mediat e huaja, përcjell Telegrafi.

Një raport i ri pohon se Apple ka ndaluar zhvillimin e iPad-it të palosshëm për shkak të vështirësive të ndryshme në prodhim dhe interesit të dobët të klientëve. Edhe pse nuk dihen shumë detaje për iPhone të palosshën, një gjë është e sigurt. Ai nuk do të jetë i lirë.

Thashethemet sugjerojnë një çmim fillestar prej 2,100 deri në 2,300 dollarë.

Teknologji

Vjen ndryshimi i madh në Threads

Published

2 days ago

July 2, 2025

UBT News

Threads ka vendosur të mundësojë dërgimin e mesazheve direkte (DM) për të gjithë përdoruesit e rritur, pas një periudhe testimi.

Mesazhet mund të dërgohen vetëm te ata që ju ndjekin ose me ndjekës të përbashkët në Instagram, formimi i një grupi në biseda ende nuk është i mundur, por është në zhvillim. Këto kufizime e bëjnë Threadsin ende të varur nga Instagrami, megjithatë përfaqësojnë një hap përpara krahasuar me përdorimin e inboxit të Instagramit për Threads.

Fillimisht, drejtuesit e Meta, përfshirë kreun e Instagramit Adam Mosseri, ishin kundër mesazheve direkte në Threads, por rritja e platformës – tashmë me mbi 350 milionë përdorues – ka shtyrë kompaninë të ndryshojë drejtim.

Meta po e pozicionon Threads gjithnjë e më shumë si një alternativë ndaj X (ish-Twitter), duke i dhënë prioritet bisedave dhe përmbajtjes aktuale.

Me përditësimin e ri, Threads shton edhe funksionin “highlight” për të theksuar trendet në aplikacion.

Teknologji

Google humb betejën ligjore, Pixel 7 nuk do të shitet më në Japoni

Published

2 days ago

July 2, 2025

UBT News

Gjiganti amerikan është shpallur fajtor në Japoni për shkelje të patentave.

Google ka humbur të drejtën për të shitur serinë Google Pixel 7, pas një mosmarrëveshjeje për patentat me kompaninë koreane të telefonisë celulare Pantech. Sipas një vendimi nga një gjykatë distrikti në Japoni, Google është shpallur fajtor për shkelje të patentave në lidhje me lidhjen LTE.

Pantech ngriti padi kundër Google, duke pretenduar se gjiganti i teknologjisë përdori të njëjtën teknologji të përshkruar në një patentë në pronësi të Pantech.

Patenta lidhet me mënyrën se si modemi LTE në telefonat Pixel komunikon me stacionet bazë. Megjithatë, patenta nuk u licencua me kushte të drejta.

Si rezultat, një gjykatë në Tokio vendosi që telefonat Pixel 7 duhet të hiqen nga raftet sepse Google refuzoi të bashkëpunonte.

Google refuzoi të paguante një tarifë licence dhe gjithashtu refuzoi të jepte të dhëna për numrin e telefonave Pixel 7 të shitur në Japoni.

Tregu japonez është i rëndësishëm për Google, telefonat Pixel janë të dytët më të shitur në vend, menjëherë pas iPhone, i ndjekur nga Samsung dhe Xiaomi.

Pantech tani po ngre një padi të re kundër Google, duke synuar modelet më të reja Pixel 8 dhe Pixel 9, kështu që pësojnë të njëjtin fat nëse dy kompanitë nuk arrijnë një kompromis.