Kronikë e zezë

Një vit burgim pasi pranoi se vodhi 7 mijë e 500 euro para të gatshme dhe rreth 6 mijë euro stoli ari

Aktgjykimi ndaj të akuzuarit Sh.S, është shpallur të premten në Gjykatën Themelore të Gjilanit dega në Viti.

Published

4 years ago

on

Sh.S është dënuar me 1 vit burgim efektiv dhe është obliguar t’ia kthejë të dëmtuarës 7 mijë e 500 euro pasi ka pranuar se më 1 gusht të këtij viti, në shtëpinë e të dëmtuarës R.H, vodhi 7 mijë e 500 euro para të gatshme, si dhe stoli ari e argjendi në vlerë prej 6 mijë euro.

Aktgjykimi ndaj të akuzuarit Sh.S, është shpallur të premten në Gjykatën Themelore të Gjilanit dega në Viti, nga gjykatësja Drane Simani,  raporton “Betimi për Drejtësi”.

Gjykata të njëjtin përmes aktgjykimit e ka detyruar që në emër të dëmit të shkaktuar të dëmtuarës R.H,  t’ia paguajë shumën prej 7 mijë e 500 euro, ndërsa për pjesën e stolive e dëmtuara është udhëzuar në kontest civil.

Sipas këtij aktgjykimi, dënimi i shqiptuar ndaj të akuzuarit Sh.S.do të ekzekutohet në afat prej 15 ditësh nga dita e plotfuqishmërisë.

Po ashtu, obligohet i akuzuari që në emër të shpenzimeve të paushallit gjyqësor t’i paguajë kësaj gjykate shumën prej 20 euro si dhe shumën prej 30 euro në Fondin e Viktimave të Krimit.

Ndryshe, Prokuroria Themelore në Gjilan më 18 gusht 2022, ka ngritur aktakuzë kundër Sh.S,  me arsyetimin se më 1 gusht 2022, në Viti, në shtëpinë e të dëmtuarës R.H, me dashje, me qëllim të përfitimit të dobisë pasurore për veten e tij, i ka marrë pronën të dëmtuarës, përkatësisht të holla në vlerë të përgjithshme prej 7 mijë e 500 euro dhe bizhuteri ari në vlerë rreth 6 mijë euro.

Aktakuza thotë se më parë, i pandehuri Sh.S, e ka parë të dëmtuarën R.H, në një dasmë në një restorant në Ferizaj dhe pas një kohe për të përfituar nga mungesa e viktimës ka dalë nga lokali dhe është larguar me makinën e tij “Mercedes”, shkon në Viti në rrugën “Çerçiz Topulli”, ku ka parkuar automjetin, e më pas ka shkuar në shtëpinë e të dëmtuarës dhe fillimisht ka kërcyer murin dhe është futur në oborr.

Më pas, thuhet se me një send të përshtatshëm me përdorim të forcës ka ngritur grilat dhe ka hapur dritaren dhe ka hyrë brenda dhe në një dhomë të vogël dhe nga dollapi, nga kompleti, ka marrë një çantë në të cilën kishte para në vlerë prej 7 mijë e 100 euro dhe bizhuteri- ari, përkatësisht 8 byzylykë, 6 unaza, 3 varëse, 1 zinxhir, 1 byzylyk që mbyllet, një unazë martese, si dhe dy perla, një byzylyk argjendi, një komplet argjendi konkretisht vathë, një unazë dhe një varëse.

Në aktakuzë thuhet se më pas ka hyrë në dhomën e gjumit dhe nga dollapi, nën lavanderi, ka marrë para në vlerë prej 400 euro si dhe 1 rreth-unazë martese, e cila ishte në një kuti dhe kur gruaja- e dëmtuara ka hyrë në dhomën e gjumit, i pandehuri me çantën dhe paratë e vjedhura është hedhur nga dritarja, ka kaluar mbi mur, shkon në automjetin e tij dhe është larguar nga vendi i ngjarjes dhe pas disa ditësh një pjesë të arit të vjedhur e ka shitur në argjendaritë NTP “Roni” dhe NTP “Brilant” në Ferizaj.

Me këto veprime, i pandehuri Sh.S akuzohet se ka kryer veprën penale “Vjedhje e rëndë”, nga neni 315, paragrafi 2, nënparagrafi 2.1 të Kodit Penal.

Related Topics:
Continue Reading

Lajmet

Ish-ministri Pal Lekaj dënohet me 3 vjet e 8 muaj burgim për rastin “53-milionëshi”

Published

10 hours ago

on

September 9, 2026

By

Gjykata Themelore në Prishtinë ka shpallur aktgjykimin ndaj ish-ministrit të Infrastrukturës, Pal Lekaj nga radhët e Aleancës, duke e dënuar me 3 vjet e 8 muaj burgim për rastin e njohur si “53-milionëshi”.

Kryetarja e trupit gjykues, Violeta Namani-Hajra tha: “…Gjykata konform rregullave të procedurës penale të pandehurit i gjykon: Të pandehurin Pal Lekaj i shqiptohet burgim në kohëzgjateje prej 3 vitesh e 8 muaj i cili dënim do të ekzekutohet në momentin kur aktgjykimi bëhet i formës së prerë, i caktohet edhe dënim plotësues në kohëzgjatje prej 3 vite e 6 muaj ku i ndalohet ushtrimi i funksionit në admininistratën publike pas mbajtjes së dënimit me burgim”.

Ndërsa, të pandehurit Nebih Shatri i caktohet dënim me burgim në kohëzgjatje prej 1 vit e tetë muaj i cili dënim do të ekzekutohet në momentin kur aktgjykimi bëhet i formës së prerë.

“Të pandehurit Nebih Shatri konform rregullave të Kodit penal të Republikës së Kosovës i caktohet edhe dënim plotësues në kohëzgjatje prej 2 vite ndalim i ushtrimit të funksionit në administratën publike dhe funksionet publike pas mbajtjes së dënimit me burg. Të pandehurit Eset Berisha i shqiptohet dënim më burgim prej tri vite e tre muaj, po ashtu i caktohet dënimi plotësues ndalimi i ushtrimit ë funksioni në administratën publike në kohëzgjatje prej 3 vitesh”.

Ndryshe, rasti ka të bëjë me pagesën shtesë prej 53.1 milionë eurosh ndaj kompanisë “Bechtel & Enka”, lidhur me zgjatjen e afatit të punimeve në autostradën “Arbën Xhaferi”.

Përveç Lekajt, në këtë proces gjyqësor akuzohen edhe Eset Berisha, Nebih Shatri dhe Besim Tahiri.

Çështja ishte kthyer në rigjykim pasi Gjykata e Apelit kishte anuluar aktgjykimin e parë dhe kishte urdhëruar shqyrtimin e rastit nga fillimi./A.K/

Continue Reading

Lajmet

Kapet me mbi 2 kilogramë marihuanë në Vërmicë, arrestohet shtetasi i Shqipërisë

Published

11 hours ago

on

September 9, 2026

By

Policia e Kosovës ka arrestuar një shtetas të Shqipërisë, pasi gjatë kontrollit në pikën kufitare në Vërmicë i është gjetur mbi 2 kilogramë marihuanë.

Rasti ka ndodhur më 8 shtator, gjatë realizimit të planit taktik “Transporti”, ku njësitë policore të Stacionit Policor Kufitar në Vërmicë, në bashkëpunim me zyrtarët doganorë, kanë ndaluar për kontroll një autobus që po hynte në Kosovë nga Shqipëria.

Gjatë kontrollit të autobusit dhe bagazheve të pasagjerëve, në çantën e krahut të të dyshuarit është gjetur një qese me rreth 2.162 kilogramë marihuanë.

Në vendin e ngjarjes kanë dalë njësitë përkatëse policore, të cilat kanë administruar provat materiale.

Me vendim të prokurorit, ndaj të dyshuarit është iniciuar rast për veprën penale “Blerja, posedimi, shpërndarja dhe shitja e paautorizuar e narkotikëve, substancave psikotrope dhe analoge”, ndërsa i njëjti është ndaluar për 48 orë./A.K/

Continue Reading

Lajmet

Sekuestrohen dy jelekë antiplumb dhe pajisje elektronike, i dyshuari në kërkim

Published

11 hours ago

on

September 9, 2026

By

Pas hetimeve lidhur me një rast të “Shkaktimit të rrezikut të përgjithshëm”, Policia e Kosovës ka kontrolluar vendbanimin e një të dyshuari mashkull kosovar në magjistralen Prishtinë-Ferizaj.

Gjatë kontrollit, policia ka gjetur dhe sekuestruar dy jelekë antiplumb, një DVR, një USB, nëntë telefona, një laptop, një tabletë dhe pasaportën e të dyshuarit.

I dyshuari aktualisht ndodhet në kërkim policor, ndërsa rasti është duke u hetuar nga ekipet relevante policore./A.K/

Continue Reading

Lajmet

Gjashtë shtetas të huaj dyshohen për falsifikim dokumentesh në Aeroportin e Prishtinës

Published

11 hours ago

on

September 9, 2026

By

Policia e Kosovës ka njoftuar për një rast të dyshuar të falsifikimit të dokumenteve në Aeroportin Ndërkombëtar të Prishtinës “Adem Jashari”.

Rasti është raportuar më 8 shtator, rreth orës 17:45, kur gjashtë shtetas të huaj, gjatë arritjes, kanë prezantuar dokumente të cilat dyshohet se janë të falsifikuara.

Me vendim të prokurorit, pasaportat e dyshuara janë konfiskuar, ndërsa të gjashtë personat janë dërguar në Qendrën e Azilit./A.K/

Continue Reading

Të kërkuara