Lajmet

Një test besimi dhe guximi në lartësi të mëdha

Pak nga filmi “Shoqëria e dëborës”.

Published

3 years ago

on

Filmi epik “Shoqëria e dëborës”, me të cilin Spanja konkurron këtë vit në Oscar për filmin më të mirë ndërkombëtar, ka për regjisor J. A. Bayona, filmi i të cilit “Jetimorja” i vitit 2007, mbetet një prej më filmave paranormalë më të frikshëm. Por asnjë frikë prej një filmi gotik, nuk i afrohet historisë horror të Fluturimit të Uruguayan Air Force 571, avioni që u rrëzua në Ande në vitin 1972, me të mbijetuarit që rezistuan me dëborë të shkrirë, pak biskota dhe… kanibalizëm. Pavarësisht sensacionalizmit të asaj që ishte një histori e pabesueshme, çdo lloj rrëfimi i saj kërkon respekt, si për të vdekurit, ashtu edhe për të gjallët.

Bayona i përmbush këto standarde, gjë që ndodhur edhe me disa adaptime të tjera që i janë bërë ngjarjes, ku më i miri është filmi “Gjallë”, me regjisor Frank marshall dhe i bazuqar në librin e vitit 1974 me autor Piers Paul Read.

Konsumi i viktimave, u paraqit në atë film si një formë Eukaristie (një krahasim i bërë nga njëri prej të paktën 16 të mbijetuarve) dhe vakti si një lloj sakramenti. Bayona nuk shkon aq larg, edhe pse çështjet e Zotit, mëkatit, dhe pasojave kozmike të asaj që janë duke bërë, debatohen me një thellësi kthjelluese nga ana e aktorëve.

“A do të na falë Zoti?”, pyet njëri. Zoti na ka vendosur këtu, përgjigjet një tjetër; ai do të na e falë atë që na nevojitet të bëjmë. Një i tretë thotë se “Zoti nuk ka fare të bëjë këtu, ky është thjesht fat i keq”. Pyetja që shikuesit detyrohen t’i bëjnë vetes – dhe që është pjesë e asaj që e ka bërë rrëzimin e Avionit 571 një klasik – është: “Çfarë do të bëja unë?” Do të haja, apo do të dorëzohesha? A e përjashton njeriun nga raca njerëzore, konsumi i mishit të njeriut?

Rrëzimi, që ndodh shumë pak pasi ka nisur filmi prej 2 orësh e gjysmë, është alarmues, krahët shkëputen, bishti fluturon më vete (bashkë me shumë njerëz) dhe trupi i avionit rrëzohet në një shpat, para se të ndalet në një luginë të madhe e të mbuluar nga dëbora. Pavarësisht të gjithë dhunës, viktimave dhe intimitetit klaustrofobik të trupit të avionit, që do të bëhet shtëpi për më shumë se dy muaj, një prej momenteve që nuk të shqiten nga mendja ndodh përjashtë, pasi disa prej aktorëve janë larguar disa kilometra nga avioni i rrëzuar.

Ata hedhin sytë pas dhe as nuk mund ta shohin. Eshtë një pikë e vogël në një hapësirë të madhe dëbore dhe ata kuptojnë se avionët e shpëtimit nuk munden, dhe nuk do t’i gjejnë kurrë, sado shpesh që të kalojnë aty, në Andet Perëndimore midis Kilit dhe Argjentinës.

Ndjesia e padukshmërisë dhe parëndësisë që i kaplon – bashkë me faktin që kërkimet janë ndaluar, siç mësojnë në një radio – është po aq e frikshme sa edhe stuhia e dëborës që pothuaj do i varrosë të gjallë.

Bayona, duke punuar me një skenar që e ka shkruar bashkë me Bernat Vilaplana, Jaime Marques dhe Nicolas Casariego, mbivendos aspektet metafizike të “Shoqërisë së Dëborës” me vendndodhjet e rrezikshme, rrethanat pothuaj të pamundura, një prani konstante të vdekjes dhe një universi, që është në mënyrë perverse i heshtur, sa i përket vendimit se kush duhet të jetojë dhe kush duhet të vdesë.

“Eshtë mrekulli”, thotë një nënë aty nga fundi i filmit, pasi është ribashkuar me të birin, i cili i përgjigjet: “Çfarë mrekullie?”

Për pjesëtarët e ekipit të tij atje lart në mal, nuk ishte aspak mrekulli. Ata që mbijetojnë, pyesin veten se si ia dolën.

Udhëtimi i Parrados dhe Cannesas për të gjetur në më fund ndihmë është një tjetër aspekt i frikshëm i rrëfimit. Por gjatësia e filmit të tij është një element thelbësor i mesazhit të Bayonas mbi dëshpërimin dhe shpresën dhe, le ta themi, aftësinë rimëkëmbëse të shpirtit. Njerëzit e pistë, në dhimbje, të djegur nga dielli që shfaqen nga malet janë heronj, edhe pse duken krejt si fantazma./WSJ – Bota.al

  • Filmi shfaqet në Netflix nga dita e enjte, 4 janar 2024

Related Topics:
Continue Reading

Lajmet

United Hospital – kujdes shëndetësor 24/7, me teknologji moderne dhe qasje të integruar ndaj pacientit

Published

3 hours ago

on

September 25, 2026

By

Shëndeti kërkon kujdes të vazhdueshëm, diagnostikim të saktë dhe trajtim të koordinuar. United Hospital ofron shërbime shëndetësore 24 orë në ditë, 7 ditë në javë, duke integruar diagnostikën, emergjencën, trajtimin specialistik, kirurgjinë dhe kujdesin intensiv në një strukturë të vetme.

Me fokus në sigurinë e pacientit, precizitetin diagnostik dhe kujdesin multidisiplinar, spitali ofron shërbime nga disa fusha të mjekësisë, duke u mundësuar pacientëve qasje në kujdes profesional për nevoja të ndryshme shëndetësore.

Në fushën e diagnostikës, Radiologjia dhe CT-ja janë pjesë e infrastrukturës teknologjike të spitalit, ndërsa sipas institucionit, pajisjet mundësojnë ekzaminime me deri në 40% më pak ekspozim ndaj rrezatimit, në krahasim me teknologjitë përkatëse tradicionale, në varësi të ekzaminimit dhe protokollit të përdorur.

Shërbimet specialistike përfshijnë Kardiologjinë, Hematologjinë, Nefrologjinë, Gastroenterologjinë dhe Pulmologjinë, duke ofruar qasje të dedikuar për diagnostikimin dhe menaxhimin e një game të gjerë të problemeve shëndetësore.

Në kuadër të shërbimeve kirurgjikale, United Hospital mbulon disa profile, përfshirë Kirurgjinë e Përgjithshme, Kardio-kirurgjinë, Ortopedinë, Kirurgjinë Vaskulare, Pediatrike, Gjinekologjinë, Urologjinë, ORL-në, Kirurgjinë Maksilofaciale dhe Torakale.

Një fokus i veçantë i kushtohet edhe kujdesit për fëmijët. Neonatologjia dhe Pediatria ofrojnë shërbime të dedikuara për pacientët më të vegjël, ndërsa Laboratori, Emergjenca, Radiologjia dhe Kujdesi Intensiv janë të disponueshme gjatë gjithë kohës.

Me një qasje që synon të lidhë diagnostikimin, trajtimin dhe kujdesin e vazhdueshëm, United Hospital e pozicionon veten si një qendër ku pacientët mund të marrin shërbime të integruara shëndetësore në çdo kohë./rajonipress/

📍 M2 Prishtinë–Ferizaj, Km 7, Prishtinë, Kosovë

📞 038 60 70 70 / 046 60 70 70

Continue Reading

Lajmet

Kuvendi voton të hënën deklaratën për Specialen, në rend dite edhe zgjedhja e nënkryetarit

Published

5 hours ago

on

September 25, 2026

By

Kuvendi i Republikës së Kosovës do të mbajë të hënën, më 28 shtator, seancë plenare, e cila do të nisë në orën 11:00.

Sipas rendit të ditës, deputetët do të shqyrtojnë disa çështje, përfshirë miratimin e një deklarate lidhur me aktgjykimin e Dhomave të Specializuara të Kosovës të 16 shtatorit 2026.

Në rendin e ditës janë përfshirë këto pika:

Miratimi i procesverbaleve nga seancat e mëparshme.

Betimi i deputetëve.

Miratimi i Deklaratës lidhur me Aktgjykimin e Dhomave të Specializuara të Kosovës, të datës 16 shtator 2026.

Zgjedhja e nënkryetarit të Kuvendit të Republikës së Kosovës nga Grupi Parlamentar i Partisë Demokratike të Kosovës (PDK).

Formimi i komisioneve parlamentare./A.K/

Continue Reading

Lajmet

Përmbyllet gara ushtarake “Ujku Garues 2026”: Regjimenti i Dytë i Këmbësorisë fiton vendin e parë

Published

5 hours ago

on

September 25, 2026

By

Në kazermën “Ushtarët e NATO-s” në Istog është përmbyllur gara tradicionale “Ujku Garues 2026”, e organizuar nga Komanda e Forcave Tokësore (KFT), ku morën pjesë 20 ekipe nga njësitet e ndryshme të Forcës së Sigurisë së Kosovës.

Vendi i parë në këtë garë ushtarake i takoi Regjimentit të Dytë të Këmbësorisë (K2B2), vendi i dytë u fitua nga Policia Ushtarake e FSK-së, ndërsa vendin e tretë e zuri Regjimenti i Dytë i Këmbësorisë (K2MB).

Gara “Ujku Garues”, e cila mbahet që nga viti 2015 si rezultat i bashkëpunimit mes nënoficerëve të FSK-së dhe kontingjentit slloven, testoi pjesëmarrësit në disiplina të rënda taktike e fizike. Pjesë e sfidave ishin vrapimi, kalimi i poligonit taktik, shtyrja e autoblindës HMMWV, bartja e municionit dhe e të lënduarve, si dhe qitja me armë e hedhja e granatës.

Aktiviteti u shqua për profesionalizëm të lartë, përgatitje intensive fizike dhe shpirt garues mes ekipeve të FSK-së.

 

Continue Reading

Lajmet

Universitetet britanike u konsultuan me kompaninë e armëve BAE Systems për protestat pro-Palestinës

Published

5 hours ago

on

September 25, 2026

By

Së paku 13 universitete britanike kanë diskutuar me prodhuesin më të madh të armëve në Mbretërinë e Bashkuar, BAE Systems, se si t’i menaxhojnë protestat pro-palestineze në kampuset e tyre. Kjo përfshinte rritjen e masave të sigurisë në ngjarje zyrtare dhe koordinimin e përgjigjeve ndaj kritikave.

Korrespondenca mes universiteteve dhe kompanisë ushtarake u zbulua përmes email-eve dhe dokumenteve të brendshme nga një hetim i përbashkët i “Liberty Investigates” dhe “Al Jazeera”.

Sipas dokumenteve, universitete të tilla si ai i Manchesterit, Nottinghamit, Southamptonit, Birminghamit, Strathclyde dhe Cranfield konsiderohen “partnerë strategjikë” të BAE Systems dhe marrin së bashku deri në 15 milionë funte (rreth 20 milionë dollarë) në vit nga kjo kompani.

Në gusht të vitit 2024, BAE Systems duket se u ka kërkuar universiteteve të hartojnë mesazhe për të kundërshtuar atë që e quante “një narrativë shpesh të deformuar nga protestuesit”. Kjo periudhë përkonte me reagimet e mëdha studentore kundër bashkëpunimit me kompanitë që furnizojnë me armë ushtrinë izraelite gjatë luftës në Gazë.

Në një rast në Universitetin e Sheffieldit, zyrtarët e hetimit të brendshëm u konsultuan me BAE Systems përpara se të dënonin katër studentë që protestuan në një ngjarje online me slloganet “BAE vret fëmijë”. Studentëve u kërkua të paguanin një gjobë prej 75 funtesh ose të nënshkruanin një zotim se nuk do të merrnin pjesë në protesta të paautorizuara.

Ndërsa studentët e ndëshkuar e cilësuan këtë si ndikim të drejtpërdrejtë të kompanisë së armëve mbi drejtuesit e universitetit, zëdhënësi i Universitetit të Sheffieldit i hodhi poshtë pretendimet, duke deklaruar se procedurat disiplinore janë të pavarura dhe bazohen vetëm në rregulloren e sjelljes së studentëve. /Al Jazzera/

 

Continue Reading

Të kërkuara