Teknologji

Një prej opsioneve më të kërkuara mund të vijë së shpejti në Instagram

Publikuar

3 vjet më parë

më

Instagram së shpejti do të adresojë një prej ankesave më të mëdha nga përdoruesit, të paktën sesi një informacioni të publikuar ditën e sotme në rrjetin social Twitter.

Zhvilluesi dhe informatori i teknologjisë Alessandro Paluzzi në Twutter postoi disa imazhe të cilat tregojnë se Instagram do të lejojë përdoruesit të postojnë nga kompjuteri desktop dhe uebsajti i Instagram.

Ndërtuar si një aplikacion për smartfonët, Instagram i ka rezistuar ndër vite thirrjeve për të lançuar aplikacione që bëjnë të mundur postimin nga një kompjuter.

Provat Paluzzi i nxori nga kodi i aplikacionit Instagram dhe janë sinjal se rrjeti social më në fund do të ndryshojë qëndrim.

Aktualisht përdoruesit mund të postojnë vetëm nga aplikacioni për iOS dhe Android. Por kur do të ofrohet një mundësi e tillë?

Nuk ka një informacion në lidhje me këtë e madje as garanci se ky testim një ditë do të formalizohet. /PCWorld Albanian

Etiketa
Vazhdo të lexosh

Lajmet

Aksionarët e Tesla-s padisin Elon Musk për devijimin e burimeve në kompaninë e tij të AI

Publikuar

13 orë më parë

më

15 Qershor, 2024

nga

Aksionarët e Tesla kanë ngritur një padi kundër CEO-s, Elon Musk dhe bordit të kompanisë për zhvendosjen e burimeve dhe talentit nga prodhuesi i makinave elektrike dhe përdorimin e tyre në vend të kësaj për kompaninë e inteligjencës artificiale (AI) të Musk, xAI.

Disa aksionarë pohuan se Musk u përpoq për vite me radhë ta poziciononte Tesla-n si një kompani robotike dhe AI-në ​​dhe jo si një prodhues automjetesh.

Sipas padisë e cila u ngrit në shtetin amerikan të Delaware, Musk “devijoi talentin dhe burimet e pakta nga Tesla në xAI dhe mblodhi miliarda dollarë për xAI ndërsa pretendonte aksesin e xAI në të dhënat e lidhura me AI të Tesla”.

Padia, e raportuar fillimisht nga TechCrunch dhe Business Insider, vjen menjëherë pasi Musk hoqi dorë nga padia e tij kundër OpenAI, kompania e cila qëndron pas ChatGPT, te e cila ai ishte një investitor origjinal./UBTNews/

Vazhdo të lexosh

Teknologji

Elon Musk tërheq padinë ndaj OpenAI

Publikuar

4 ditë më parë

më

12 Qershor, 2024

nga

Miliarderi Elon Musk të martën tërhoqi padinë e tij ndaj krijuesit të ChatGPT, OpenAI dhe kryeshefit ekzekutiv të tij, Sam Altman. Sipas Musk, ata hoqën dorë nga qëllimi fillestar i firmës për zhvillimin e inteligjencës artificiale (AI) për të mirën e njerëzimit dhe jo për përfitim.

Avokatët e miliarderit Musk i kërkuan gjykatës shtetërore të Kalifornisë që të rrëzojë padinë, e cila ishte ngritur në muajin shkurt. Kështu thuhet në një dosje të Gjykatës së Lartë të San Franciskos.

Shefi i Tesla-s ngriti padi kundër OpenAI në fund të shkurtit të këtij viti, duke argumentuar se kompania që ai kishte ndihmuar të themelonte në vitin 2015 ka devijuar nga qëllimet e saj altruiste./UBTNews/

Vazhdo të lexosh

Teknologji

​Maroku fillon përdorimin e inteligjencës artificiale në gjykata

Publikuar

4 ditë më parë

më

12 Qershor, 2024

nga

Maroku tha të martën se ka filluar përdorimin e inteligjencës artificiale (AI) në gjykatat në të gjithë vendin e Afrikës Veriore.

“AI ka sjellë ndryshime të rëndësishme në mbarë botën”, tha Ministri i Drejtësisë, Abdellatif Ouahbi, gjatë një takimi të Komitetit të Drejtësisë në Dhomën e Përfaqësuesve (dhoma e parë e parlamentit).

“Ne kemi blerë një program të AI dhe ia kemi dorëzuar Kryetarit të Këshillit të Lartë Gjyqësor për ta shpërndarë mes gjyqtarëve. Ky program transkripton vendimet e gjyqtarëve në vend që ata t’i shkruajnë ato manualisht”, shtoi ai.

Ministri maroken tha se integrimi i AI synon “të lehtësojë punën e avokatëve dhe gjyqtarëve”.

Ai shpjegoi se programi do t’u mundësonte profesionistëve ligjorë të kërkojnë në mënyrë efikase nëpër arkiva të teksteve ligjore dhe precedentë gjyqësorë.

Më 14 maj, Ouahbi tha se ministria e tij po hartonte një ligj për të rregulluar përdorimin e AI në Marok.

Legjislacioni synon të parandalojë çështje të ngjashme me ato që përjetohen me mediat sociale, “ku privatësia personale shpesh nuk respektohet”, shtoi ai.

Maroku planifikon të mbajë një konferencë në shtator për të eksploruar praktikat ndërkombëtare të AI dhe për të krijuar një kornizë ligjore për rregullimin e AI, sipas Ouahbi.

Shkurtin e kaluar, Maroku njoftoi themelimin e dy shkollave të AI dhe digjitalizimit në qytetet Taroudant dhe Berkane, duke shënuar një nismë pioniere në vend./AA/

Vazhdo të lexosh

Teknologji

Punëtorët e Samsung-ut në Korenë e Jugut nisin grevë për herë të parë

Publikuar

1 javë më parë

më

7 Qershor, 2024

nga

Punëtorët e gjigantit teknologjik, Samsung Electronics, në Korenë e Jugut, e kanë nisur të premten grevën e parë ndonjëherë.

Samsung Electronics është njëra prej kompanive më të mëdha në botë për prodhim të telefonëve të mençur, dhe njëra prej pak kompanive në botë që prodhon çipat e nevojshëm për kryerje të shumë funksioneve teknologjike.

Menaxhmeti i kompanisë është duke negociuar me sindikatat për pagat e punëtorëve qysh prej janarit, mirëpo palët nuk kanë arritur te një zgjidhje.

“Greva e parë në Samsung Electronics është duke u zhvilluar sot përmes marrjes së pushimit, dhe po kuptojmë që shumë punëtorë janë duke marrë pjesë”, ka thënë Son Woo-mok, udhëheqës i sindikatës së punëtorëve.

Kompania ka thënë se një veprim i tillë nuk do të ketë ndikim në prodhim dhe në aktivitetet tjera biznesore.

Rreth 10 punëtorë janë parë të premten para zyrave të Samsungut në Seul duke bërtitur: Respektojeni punën. Ne nuk duam rritje 6.5 për qind apo bonus 200 për qind”.

Samsung Electronics është pjesë e konglomeratit Samsung Group, që dominon sferën biznesore në Korenë e Jugut, ekonominë e katërt më të madhe në Azi./REL

Vazhdo të lexosh

Të kërkuara