Kronika e zezë

Një person vjedh 500 euro në xhami, arrestohet

Publikuar

2 javë më parë

më

Policia e Kosovës sot në Suharekë ka arrestuar personin me inicialet A. T. (31) nga Shiroka e Suharekës për shkak se ka kryer veprën penale vjedhje e rëndë.

Ankuesi i rastit ka raportuar se persona të panjohur, gjatë natës, kanë thyer tre xhama të dritareve dhe dy xhama të derës së hyrjes së xhamisë në rrugën “Brigada 123” në Suharekë.

Të njëjtit dyshohej se kanë depërtuar brenda xhamisë dhe nga aty kanë vjedhur një shumë të parave të gatshme, rreth 500 euro.

Te personi i arrestuar janë gjetur dëshmitë, parat e vjedhur në xhami, rreth 500 euro.

Paratë e gjetura janë sekuestruar, ndërsa i dyshimti me urdhër të prokurorit kujdestar dërgohet në mbajtje për 48 orë.

Ndërkohe kundër të dyshuarit do të ngrihet kallëzim penal për veprën penale vjedhje e rëndë, i cili do të përcillet në Prokurorinë themelore.

Etiketa
Vazhdo të lexosh

Kronika e zezë

​Vdes foshnja gjatë lindjes, policia nis hetimet

Rasti është klasifikuar si trajtim i papërgjeshëm mjekësor.

Publikuar

9 orë më parë

më

1 Dhjetor, 2023

nga

Një rast i rëndë është raportuar të ketë ndodhur në Qendrën Klinike Univeristare të Kosovës, përkatësisht në repartin e gjinekologjisë.

Në raportin 24-orësh të Policisë së Kosovës thuhet ankuesi mashkull kosovar ka raportuar se pasi e ka dërguar bashkëshorten për lindje në repartin e gjinekologjisë, e ka kuptuar se foshnja ka vdekur.

Në njoftim gjithashtu thuhet se njësitet policore kanë dalë në vendin e ngjarjes dhe janë duke hetuar rastin, teksa me vendim të prokurorit, trupi i pajetë është dërguar në IML për obduksion.

Rasti është klasifikuar si trajtim i papërgjeshëm mjekësor.

Vazhdo të lexosh

Kronika e zezë

Vritet një grua në Prishtinë

Rasti ka ndodhur rreth orës 20:20 të së mërkurës.

Publikuar

1 ditë më parë

më

30 Nëntor, 2023

nga

Një grua ka mbetur e vdekur në rrugën “Dalip Alshiqi” në Sinidoll të Bërnicës në Prishtinë. Lajmin e ka bërë të ditur zëdhënësja e policisë rajonale të Prishtinës, Flora Ahmeti, sipas së cilës rasti ka ndodhur rreth orës 20:20 të së mërkurës.

“Rreth orës 20:20, kemi pranuar informatën për të shtëna me armë në rrugën “Dalip Alshiqi” në Prishtinë. Policia si dhe mjekët emergjent, menjëherë kanë dalë në vendin e ngjarjes, ku në një veturë kanë hasë një person pa shenja jete. Vdekjen e viktimës (femër) e ka konstatuar ekipi mjekësor në vendin e ngjarjes”, ka thënë Ahmeti.

Ajo ka thënë se sipas informacioneve të para, dyshohet se bëhet fjalë për vrasje me armë zjarri.

“Policia në koordinim me prokurorinë, ka nisur hetim dhe ndërmarrjen e të gjitha veprimeve hetimore dhe të ekzaminimit, që do të ndihmonin hetimin e ngjarjes si dhe sqarimin e plotë të rastit”, ka thënë Ahmeti.

Vazhdo të lexosh

Kronika e zezë

Vjedhen 25 mijë euro në një market, caktohet masa e paraburgimit për pesë të pandehur

Publikuar

2 ditë më parë

më

29 Nëntor, 2023

nga

Gjykata Themelore në Gjilan ka caktuar masën e paraburgimit të pandehurve M. B., G. S., A. M., M. M. dhe Z. M.

Sipas gjykatës, më datën 01.06.2023, rreth orës 02:00, në rrugën “Dëshmorët e Kombit”, në Viti, marketin “B….”, me qëllim të përfitimit të kundërligjshëm pasuror për vete, të pandehurit kanë kryer vjedhje të rëndë në dëm të të dëmtuarit A. H.

“Të njëjtit kanë shkuar në marketin e lartcekur, ashtu që fillimisht të pandehurit M. B. dhe G. S. hapin me forcë dyert e marketit, depërtojnë në brendi dhe në zyre të marketit marrin shumë prej 28.000€, e më pas largohen në drejtim të parkingut ku ishin duke i pritur të pandehurit M.M., A.M. dhe Z.M., të cilët ishin duke e siguruar terrenin. Po ashtu me datë 05.10.2023, rreth orës 23:00, në Viti pikërisht në marketin e njëjtë me qëllim që ti sjellin vetës dobi pasurore të kundërligjshme kryejnë grabitje në dëm të dëmtuarit A. H., në atë mënyrë që me përgatitje paraprake dhe duke i ndarë rolet, ashtu që të pandehurit M. B. dhe G. S., të maskuar e me përdorim të forcës apo kanosjes serioze duke mbajtur armë në dorë, ndaj të dëmtuarit H. H., ashtu që derisa i dëmtuari i kishte mbyllur dyert kryesore të marketit, të pandehuri i dalin para, në afërsi të marketit, në errësirë me ngjitës i’a mbyllin gojën të njëjtit… e më pas me forcë hapin dyert e marketit, depërtojnë në brendësi dhe aty marrin shumë prej 2500 €, e më pas dalin nga marketi dhe bëhen bashkë me të pandehurit M.M, A.M. dhe Z.M. të cilit ishin duke i pritur me veturë. Më këto veprime të pandehurit kanë kryer veprat penale “vjedhje e rëndë” dhe “grabitje”, vepra të sanksionuara me Kodin Penal të Republikës së Kosovës (KPRK). Gjyqtari i procedurës paraprake ka vlerësuar se qëndrojnë arsyet ligjore për caktimin e paraburgimit ndaj të pandehurve, duke i marrë për bazë të gjitha ato që u thanë më lart, masat tjera alternative do të ishin të pamjaftueshme për zhvillimin me sukses të procedurës penale”, thuhet në komunikatë.

Palët e pakënaqura kanë të drejtën e ankesës ndaj të këtij Aktvendimi, pas pranimit të të njëjtit në Gjykatën e Apelit.

Vazhdo të lexosh

Kronika e zezë

​Digjet banesa në Fushë Kosovë, shkak mbushësi i telefonit

Përveç dëmeve materiale nuk raportohet për lëndime në njerëz.

Publikuar

2 ditë më parë

më

29 Nëntor, 2023

nga

Një banesë është përfshirë nga zjarri në Fushë Kosovë dje në orët e hershme të mëngjesit.

Personi që jetonte aty ka bërë të ditur në polici se si pasojë e një mbushësi të telefonit (adapter) nga zjarri i është përfshirë banesa e tij.

Përveç dëmeve materiale nuk raportohet për lëndime në njerëz.

“Rruga e Pejës, Fushë Kosovë 28.11.2023 – 04:25. Viktima mashkull shtetas i huaj, ka informuar se si pasojë e një mbushësi të telefonit (adapter) nga zjarri i është përfshirë banesa e tij. Njësiti përkatës policor dhe zjarrfikësit kanë dalë në vendin e ngjarjes dhe kanë shuar zjarrin. Përveç dëmeve materiale nuk raportohet për lëndime në njerëz”, thuhet në raportin e policisë.

Vazhdo të lexosh

Të kërkuara