Kronika e zezë

Një person i lënduar në një aksident trafiku në magjistralen Prishtinë-Ferizaj

Publikuar

Një person ka mbetur i lënduar si pasojë e një aksidenti mes dy veturave që ka ndodhur sot rreth orës 11:00 në magjistralen Prishtinë – Ferizaj, konkretisht në fshatin Llugaxhi.

Kështu bëri të ditur Agron Borovci, zëdhënësi i policisë për rajonin e Prishtinës.

“Rreth orës 11:00, në fshatin Llugaxhi, respektivisht në udhëkryqin e rrugës Prishtinë-Ferizaj, ka ndodhur një aksident komunikacioni rrugor, në mes të dy automjeteve. Si pasojë e këtij aksidenti, deri më tani një person ka kërkuar ndihmë mjekësore dhe të njëjtit i është ofruar trajtimi i nevojshëm mjekësor. Njësia rajonale e trafikut ka dalë në vendin e ngjarjes dhe ka nisur një hetim lidhur me rrethanat e këtij aksidenti”.

Burimi: KlanKosova

Kronika e zezë

Një muaj paraburgim për dy të dyshuar për kontrabandim me migrantë

Tridhjetë ditë është masa e paraburgimit të të dyshuarve.

Publikuar

nga

Gjykata Themelore në Prizren, ka caktuar masën e paraburgimit në kohëzgjatje tridhjetë ditë, ndaj të pandehurve F.R., dhe Sh.B.., për shkak të dyshimit të bazuar se në bashkëkryerje kanë kryer veprën penale: “kontrabandimi me migrantë”.

Gjykata me rastin e caktimit të masës së paraburgimit ndaj të pandehurve F.R., dhe Sh.B., ka vlerësuar se ekzistojnë arsyet ligjore për caktimin e masës së paraburgimit, dhe nga provat e mbledhura deri në këtë fazë, rrjedh dyshimi i bazuar:

“Më datë 20 shtator, në orët e mesditës në autostradën “Ibrahim Rugova” – aksin rrugor Vërmicë – Prizren është vërtetuar se të pandehurit në bashkëkryerje merren me kontrabandim të migrantëve, me qëllim të përfitimit të drejtpërdrejtë të dobisë pasurore, në atë mënyrë që derisa policia kufitare ishte duke patrulluar në lokacionin e lartpërmendur, vërejnë veturën (1) të cilën ishte duke e drejtuar i pandehuri F.R., si dhe një veturë tjetër (2) të cilën ishte duke e drejtuar i pandehuri Sh.B., ku brenda veturës (1) të të pandehurit F.R., ishin 5 shtetas sirianë, ndërsa në veturën (2) të pandehurit Sh.B., kanë qenë 4 shtetas sirianë, por të cilët me të vërejtur policinë kanë dalë nga vetura (2) e të pandehurit Sh.B., dhe janë larguar nga i vendi i ngjarjes, me ç ’rast të pandehurit janë ndaluar nga ana e policisë së bashku me 5 shtetasit e tjerë sirianë, të cilët u janë nënshtruar procedurave të rregullta nga autoritetet kompetente të emigracionit”, thuhet në njoftimin e gjykatës.

Vazhdo të lexosh

Kronika e zezë

Mbi një mijë gjoba për qytetarët që nuk respektuan masat antiCOVID

Publikuar

nga

Prej se qeveria mori vendim për masat antiCOVID-19, për çdo ditë Policia e Kosovës po shqipton mijëra gjoba për qytetarët të cilët nuk po i respektojnë këto masa.

Vetëm në 24 orëshin e fundit, policia ka shqiptuar gjobë për 1 mijë e 160 qytetarë.

Masat antiCOVID-19 u morën nga institucionet shtetërore e shëndetësore pas rritjes së vdekjeve dhe rasteve pozitive me COVID-19. Masa antiCOVID-19 do të jenë në fuqi deri më 26 shtator.

Ndërkohë që sot, para deputetëve të Komisionit për Shëndetësi është duke raportuar ministri i Shëndetësisë, Arben Vitia lidhur me situatën me COVID-19. 

Vazhdo të lexosh

Kronika e zezë

Vdes në vendin e punës një person në Lipjan

Rasti është duke u hetuar si “vdekje e dyshimtë”.

Publikuar

nga

Një person ka vdekur në Lipjan si pasojë e lëndimeve që ka marrë derisa ishte duke punuar. Policia e Kosovës në raportin 24-orësh ka bërë të ditur se rasti ka ndodhur mëngjesin e së martës, në Lipjan.

Me vendim të prokurorit, trupi i pajetë i viktimës është dërguar në Institutin e Mjekësisë Ligjore për obduksion. Rasti është duke u hetuar si “vdekje e dyshimtë”.

“Lipjan,21.09.2021 – 08:51. Viktima mashkull kosovar gjersa ishte duke punuar , është lënduar dhe si pasoj e lëndimeve, viktima ka ndërruar jetë. Me vendim të prokurorit, trupi i pa jetë është dërguar në IML për obduksion. Rasti është duke u hetuar”, bëhet e ditur në raportin e policisë./UBTNews

Vazhdo të lexosh

Kronika e zezë

Goditi për vdekje këmbësoren në Prizren, një muaj paraburgim të pandehurit

Gjykata Themelore në Prizren i ka caktuar një muaj paraburgim të pandehurit S.G.

Publikuar

nga

Gjykata Themelore në Prizren i ka caktuar një muaj paraburgim të pandehurit S.G., për shkak të dyshimit të bazuar se ka kryer veprën penale “rrezikimi i trafikut publik”.

Gjykata me rastin e caktimit të masës së paraburgimit ndaj të pandehurit S.G., ka vlerësuar se ekzistojnë arsyet ligjore për caktimin e masës së paraburgimit, dhe nga provat e mbledhura deri në këtë fazë, rrjedh dyshimi i bazuar:

“Me datë 19 shtator, në orët e mbrëmjes, në rrugën Vërmicë – Prizren, i pandehuri derisa drejtonte automjetin, vepron në kundërshtim me nenin 53 të Ligjit mbi rregullat e trafikut rrugor dhe nga pakujdesia ka rrezikuar pjesëmarrësit në komunikacion dhe ka vënë në rrezik jetën e njerëzve, në atë mënyrë që, kur arrin në vendin kritik, shpejtësinë e lëvizjes së automjetit nuk ia ka përshtatur kushteve dhe rrethanave në rrugë si, ku me pjesën e përparme të anës së djathtë të veturës e godet këmbësorin – (të dëmtuarën deri më tani të pa identifikuar të gjinisë femërore, të moshës rreth 55 vjeçare), duke e hedhur disa metra dhe përfunduar jashtë rruge në të djathtë të rrugës, e cila në ato momente truponte rrugën nga ana e majtë në anën e djathtë – në drejtim të lëvizjes së automjetit, si pasoj e së cilës, e dëmtuara NN merr lëndime të rënda trupore, dhe më pas ekipi i mjekëve konstaton edhe vdekjen e saj”, njofton gjykata./UBTNews

Vazhdo të lexosh

Të kërkuara