Policia e Kosovës ka arrestuar sot rreth orës 10:00 dy persona në Han të Elezit. Të arrestuarit janë H.L (M/K) i moshës 45-vjeçare dhe M.K (M/K) i moshës 41-vjeçare.

Policia ka bërë të ditur se ata ishin të kërkuar në bazë të urdhëresës së Gjykatës Themelore në Ferizaj për veprën penale “Keqpërdorim i besimit” me dënim burgimi me nga nëntëdhjetë (90) ditë.

Në njoftimin e policisë thuhet se pas kompletimit të dokumentacionit, të njëjti janë dërguar në vuajtje të dënimit.

Policia Rajonale e Ferizajt do të vazhdojë me realizimin e urdhëresave të gjykatës ndaj personave që ende nuk i janë përgjigjur thirrjes së gjykatës.

Policia ka arrestuar një 36 vjeçar në fshatin Begracë të Kaçanikut, i cili ka qenë në kërkim nga autoritetet. Ai po kërkohej për veprën penale “Lëndim i lehtë trupor” me dënim prej 8 muajve. I njëjti është dërguar në vuajtje të dënimit.

“Sot, në ora 10:50 në fshatin Begracë të Kaçanikut policët e stacionit në Kaçanik kanë arrestuar personin e kërkuar me urdhëresë të gjykatës A.L (M/K) i moshës 36 vjeçar. Ai ishte i kërkuar në bazë të urdhëresës së Gjykatës Themelore në Ferizaj për veprën penale ‘’Lëndim i lehtë trupor’’ me dënim burgimi prej tetë (8) muajve. Pas kompletimit të dokumentacionit, i njëjti është dërguar në vuajtje të dënimit”, thuhet në njoftim.

Mbrëmë rreth orës 21:00 në Gjilan ka ndodhur një aksident trafiku mes një veture dhe një këmbësori.

Organet e rendit bëjnë të ditur se deri te aksidenti dyshohet se ka ardhur për shkak të mos dhënies së përparësisë këmbësorit dhe se lëndime trupore ka pësuar viktima i cili ka pranuar tretman mjekësor e më pas është liruar.

Ratsi është inicuar si aksident trafiku me lëndime.

“Gjilan 02.02.2023 – 21:00. Ka ndodhë një aksident trafiku në mes të një veture dhe këmbësorit, viktimës mashkull kosovar. Deri te aksidenti dyshohet se ardhur për shkak të mos dhënies së përparësisë këmbësorit. Si pasojë e aksidentit lëndime të trupore ka pësuar viktima i cili ka pranuar tretman mjekësor e më pas është liruar. Në lidhje me rastin është konsultuar prokurori i shtetit i cili ka rekomanduar që rasti të procedohet në procedurë të rregullt”, thuhet në njoftimin e policisë.

Një person në Novobërdë ka raportuar të mërkurën në polici se i janë vjedhur para të gatshme.

Policia ka njoftuar se lidhur me rastin përmes video incizimeve është identifikuar e dyshuara femër kosovare dhe se gjatë deklaratës ajo e ka pranuar veprën.

Me vendim të prokurorit, rasti shkon në procedurë të rregullt.

Rasti është inicuar si vjedhje e rëndë.