Kronika e zezë

Një muaj paraburgim ndaj të dyshuarit për sulm seksual ndaj të miturës

Gjykata ka caktuar masën e paraburgimit kundër të pandehurit M.B. .

Publikuar

Gjykata Themelore në Ferizaj ka caktuar masën e paraburgimit kundër të pandehurit M.B. shtetas i Republikës së Kosovës, për shkak të dyshimit të bazuar se ka kryer veprën penale sulmi seksual

Pas mbajtjes së seancës dëgjimore dhe analizimit të shkresave të lëndës, gjyqtari i procedurës paraprake i Departamentit për Krime të Rënda, ka vlerësuar se ekziston dyshimi i bazuar mirë, se i pandehuri ka kryer veprën penale sulmi seksual ndaj të dëmtuarës – të mitur.

Gjyqtari i procedurës paraprake, kërkesën e prokurorit të shtetit për caktimin e masës së paraburgimit kundër të pandehurit e ka aprovuar si të bazuar konform dispozitave të KPPRK-së, dhe të njëjtit i është caktuar masa e paraburgimit në kohëzgjatje prej 1 muaj.

Kronika e zezë

Dogana e Kosovës konfiskon afër gjysmë milioni euro ari dhe argjend

Publikuar

nga

Rreth gjysmë milioni euro ari dhe argjend pa dokumentacion janë konfiskuar nga Dogana e Kosovës në qytetin e Prizrenin, pas një operacion të përbashkët me zyrtarë të Administratës Tatimore të Kosovës në disa argjendari.

“Zyrtarët e Doganës së Kosovës dhe Administratës Tatimore të Kosovës kanë kryer një operacion të përbashkët kontrolli në pesë argjendari në qytetin e Prizrenit. Ky operacion u fokusua në identifikimin e mallrave pa prejardhje të dokumentuar në kuadër të përpjekjeve për të luftuar kontrabandën dhe tregtinë e paligjshme”, thuhet në njoftimin e doganës.

Sipas njoftimit në këtë operacion janë konfiskuar 10 kilogram ari dhe 3 kilogram argjend pa dokumentacion të rregullt. Vlera totale e këtyre mallrave të konfiskuar, sipas doganës, arrin rreth 450 mijë euro.

“Kontrollet u kryen në disa lokacione të ndryshme brenda qytetit të Prizrenit. Zbulimi i këtyre mallrave u bë falë punës së palodhur dhe përkushtimit të zyrtarëve të Doganës dhe Administratës Tatimore. Dyshohet se këto mallra janë kontrabanduar”, thuhet më tej në njoftim.

Dogana e Kosovës me këtë rast u bënë thirrje të gjithë qytetarëve që të jenë vigjilentë dhe të raportojnë çdo aktivitet të dyshimtë që mund të ndihmojë në luftën kundër kontrabandës dhe aktiviteteve të paligjshme.

“Bashkëpunimi juaj është thelbësor për të siguruar një shoqëri të drejtë dhe të sigurt”, thuhet në fund të njoftimit.

Vazhdo të lexosh

Kronika e zezë

Vdes në QKUK 16-vjeçari që u plagos nga polici

Publikuar

nga

Ka vdekur në Qendrën Klinike Universitare të Kosovës (QKUK) 16-vjeçari nga fshati Uçë i Istogut, i cili është plagosur me armë zjarri në Dubravë të Istogut. Lajmin e ka konfirmuar shefi i Intensivës, Shaqir Uka. Ai ka thënë se 16-vjeçari ka vdekur në orët e hershme të mëngjesit.

“Pacienti të cilit iu referoheni fatkeqësisht nuk ka arritë me i përballu plagët që ka ëpsuar me rastin e lëndimit me armë zjarri dhe i nëjjti sot ka ndërruar jetë në orët e hershme të mëngjesit”, ka thënë Shaqir Uka.

Polici është arrestuar nga Inspektorati Policor i Kosovës nën dyshimin se ka plagosur me armë zyrtare aksidentalisht një familjar të tij të mitur në kokë.

Në komunikatën e Inspektoratit Policor të Kosovës, në ditën kur kishte ndodhur rasti thuhej se bazuar në hetimet preliminare fillestare dyshohet se rasti ka ndodhur në shtëpinë e zyrtarit policor i cili deri në këtë fazë të hetimit dyshohet se aksidentalisht ka shkrepur armën zyrtare.

Personi i dyshuar në këtë rast (zyrtari policor) është arrestuar nga Inspektorati Policor me dyshimin se i njëjti ka kryer veprën penale “vrasje e mbetur në tentativë” kurse me vendim të prokurorit të njëjtit i është caktuar masa e ndalimit për 48 orë si dhe është suspenduar nga detyra.

Vazhdo të lexosh

Kronika e zezë

Aksident në fshatin Astrazup të Malishevës, vdes infermierja shtatzenë

Publikuar

nga

Sot ka vdekur një grua shtatzënë në QKUK, si pasojë e një aksidenti që ka ndodhur sot në fshatin Astrazup të Malishevës. Këtë e ka konfirmuar zëdhënësi rajonal Sheremet Elezaj. Ai tha se në këtë aksident ishin përfshirë dy automjete dhe një këmbësore.

“Këmbësorja është dërguar në QKUK për trajtim mjekësor, nga më vonë jemi njoftuar se e njëjta ka ndërruar jetë”, tha Elezaj.

Po ashtu, Elezaj ka njoftuar se me vendim të prokurorit të shtetit njëri nga shoferët është dërguar në mbajtje.

“Po ashtu edhe dy personave të tjerë (shoferëve) ju është ofruar trajtim mjekësor”, tha ai.

Vazhdo të lexosh

Kronika e zezë

Rasti “Stenta”, lirohen nga akuza edhe gjashtë të akuzuar

Publikuar

nga

Gjykata Themelore në Prishtinë, Departamenti Special, ka vendosur të lirojë nga akuza për keqpërdorim të pozitës zyrtare dhe marrje ryshfeti të akuzuarit: E.M, N.Z, F.S, F.S, M.G dhe M.A.

Në njoftim zyrtar thuhet se “gjykata konstaton se në kuptim të nenit 363 paragrafi 1 nën-paragrafi 1.3 të Kodit të Procedurës Penale, nuk është provuar se të akuzuarit kanë kryer veprat penale për të cilat janë akuzuar, andaj gjykata të njëjtit i liroj nga akuza”.

“Nga provat e administruara në këtë shqyrtim gjyqësorë, provat që janë propozuar nga organi i akuzës, nuk mund të vërtetojnë faktin se tani të akuzuarit kanë kryer secili veç e veç veprat penale për të cilat akuzohen, andaj në mungesë të provave të cilat do të ndërlidheshin në mes vete nuk është argumentuar se këto ndërlidhje të provave kanë ndërlidhje me veprimet individuale të tani të akuzuarve në kuptim të veprave penale për të cilat ata akuzohen, e që rrjedhimisht në mungesë të tyre, gjykata të njëjtit i lirojë nga aktakuza për veprat penale për të cilat ata akuzohen”, thuhet tutje në njoftim.

Sipas aktakuzës që ishte ngritur vite më parë, këta të pandehur, duke bashkëpunuar më pronarët dhe aksionarët e spitaleve private IMH dhe EDA, dyshohet se kanë keqpërdorur pozitën e tyre zyrtare dhe kanë tejkaluar autorizimet zyrtare, duke referuar dhe dërguar pacientë nga institucionet publike shëndetësore në këto dy spitale private në kundërshtim më sistemin e referimit të pacientëve dhe për ketë kanë marr ryshfet nga këto spitale, shuma të parave që shkonin deri në 500 euro nëse pacienti i referuar/dërguar vendoste stentë dhe 150 euro nëse pacienti bënte vetëm koronarografinë.

Shumat e ryshfetit që merrnin këta të pandehur sillen nga 150 euro deri në 21,985 euro. Më veprimet e tyre këta të pandehur u shkaktonin dëm pacientëve, i cili dëm sillej nga 700 euro deri në 18,000.00 euro për person dhe më këto veprime për periudhën 2011 -2015 ia kanë mundësuar përfitimet financiare spitalit IMH në shumë prej 4,050,958.00 euro dhe spitalit privat EDA në shumë prej 504,595.00 euro ose të dyja spitaleve në shumë të përgjithshme prej 4,555,553.00 euro

Vazhdo të lexosh

Të kërkuara