

Published
4 years agoon
By
Betim GashiPunonjësit, në ditët e sotme, janë më të angazhuar dhe qëndrojnë më gjatë në një kompani nëse marrëdhëniet mes tyre janë më të forta.
Puna është bërë më e decentralizuar, me më shumë punonjës që punojnë nga shtëpia dhe që përdorin mjete bashkëpunimi që kapërcejnë komunikimin ballë për ballë.
Si rezultat, studimi State of the Global Workplace i Gallup gjeti se 85% e forcës së punës në botë nuk është e angazhuar ose e paangazhuar në mënyrë aktive në vendin e punës, gjë që u kushton kompanive 7 trilionë dollarë në produktivitet të humbur..
Në të kundërt, liderët që i japin përparësi socializimit të punonjësve të tyre shohin angazhim më të madh të ekipit të punës dhe një rritje të produktivitetit dhe mirëqenies së kompanisë.
Për vite me radhë, millennials janë bërë stereotipa si gjenerata e “job hopper”, edhe pse ekzistojnë prova për ta kundërshtuar këtë mit. Sa më i ri të jeni, është më e mundur të ndryshoni punë më shpesh, ndërkohë që përpiqeni të zbuloni veten.
Ashtu si “baby boomer” dhe “Gen X”, shumë millennials kanë qëndruar në një kompani për më shumë se një dekadë, jo për shkak të sigurisë në punë, por më shumë si rezultat i marrëdhënieve që kanë me bashkëpunëtorët e tyre.
Ndjenja e përkatësisë
“Kam punuar te ‘General Mills’ për 11 vjet dhe miqtë aty janë sigurisht një arsye e rëndësishme e asaj që më mban këtu – kjo krijon një ndjenjë të fortë përkatësie” – thotë Michelle Odland, drejtor i marketingut për “Totino’s and Old El Paso” në “General Mills”.
“Miqtë e ngushtë është një nga motivet kryesore pse kam qëndruar në këtë kompani për 11 vjet dhe se pse do të vazhdoj të qëndroj” – thotë Jennifer Schopfer, drejtore e përgjithshme në logjistikën e transportit në “GE Transportation”.
Millennials i konsiderojnë bashkëpunëtorët si familja e tyre e punës dhe drejtuesin si prindërit në punë. Është më e vështirë të largohesh nga një familje se sa të lësh një grup të njohurish që takohen rrallë, nuk shkojnë mirë me njëri-tjetrin dhe me të cilët nuk keni në lidhje emocionale.
Çdo lider mund dhe duhet të përqendrohet në krijimin e një kulture pune sociale më të angazhuar, sepse bën mirë për shëndetin dhe ekipin e tyre. Në një studim global të “Future Workplace” dhe “Virgin Pulse”, ne i pyetëm punonjësit se si liderët mund të ndihmonin në krijimin e marrëdhënieve më të forta në punë.
Thuajse gjysma e të intervistuarve deklaroi se për këtë ndihmojnë aktivitetet për krijimin e ekipeve dhe thuajse një e treta deklaroi aktivitetet sociale. Vetëm 20% përmendi përdorimin e teknologjive më bashkëpunuese. Ekuilibri i duhur mes kohës së lirë dhe instrumenteve bashkëpunuese mund t’i mbajë punonjësit të lidhur dhe t’u japë një ndjenjë përkatësie. Kompanitë e suksesshme dhe liderët e tyre e kuptojnë rëndësinë e aktivitetit të ndërtimit të ekipit.
“Ne mundëm të personalizonim hapësirën, që të ishte sa më e përshtatshme për ekipin e zhvillimit dhe menaxhimit të produktit”, pohon Erin Yang, zëvendëspresident i “Workday” për menaxhimin e produktit teknologjik. Ajo i kërkoi ekipit të saj të jepnin idetë e tyre për ambientin e punës. Falë këtij aktiviteti të zhvillimit të ekipit, hapësira u bë më mikpritëse dhe marrëdhëniet e tyre më të forta, pasi punuan në diçka bashkë, si një skuadër. Përveç aktiviteteve të ndërtimit të ekipit, aktivitetet sociale mund të jenë mjaft të rëndësishme, argëtuese dhe angazhuese.
Me 70% të njerëzve që punojnë nga shtëpia të paktën një herë në javë, në nivel global, kompanitë po përpiqen të gjejnë mënyra për t’i angazhuar dhe për t’i bërë të ndihen pjesë e kulturës. Drejtuesit që krijojnë një forcë punëtore më të angazhuar nga pikëpamja sociale do të jenë në gjendje t’i mbajnë më gjatë në punë bashkëpunëtorët e tyre dhe kanë një kulturë të shëndetshme që i bën të gjithë entuziastë të punojnë, çdo ditë.
You may like
Magazinë
Probleme ligjore për Cardi B, paditet për hedhjen e mikrofonit
Published
11 hours agoon
July 24, 2025By
UBT News
Një grua nga Ohio po padit Cardi B, duke pretenduar se është goditur “me forcë” nga një mikrofon i hedhur nga reperja gjatë një performance në Drai’s Beachclub në Las Vegas në vitin 2023.
Sipas një padie të paraqitur në Gjykatën e Tetë Gjyqësore në Qarkun Clark, Nevada, gruaja, e identifikuar si Jane Doe, ishte në udhëtimin e saj të parë solo në Las Vegas dhe mori pjesë në performancën kryesore të Cardi-t në Drai’s Beachclub më 29 korrik 2023.
Padia pretendon se gjatë performancës së saj, Cardi, 32 vjeç, “u shfaq në skenë në kushte të temperaturës dukshëm të lartë dhe, ndërsa mbante një mikrofon, kërkoi verbalisht që publiku të spërkatte ujë mbi të”.
Në atë kohë, një klip nga koncerti u bë viral ku shfaqej krijuesja e “Bodak Yellow” duke i kërkuar turmës ta “spërkatnin me ujë” me një kusht .
Padia pretendon se Cardi “bëri gjeste dhe deklarata të përsëritura duke i inkurajuar pjesëmarrësit në koncert të hidhnin ujë, duke autorizuar dhe ftuar në mënyrë implicite spërkatjen e lehtë nga pijet”.
Doe pretendon se Cardi “e demonstroi më tej pëlqimin dhe pjesëmarrjen e saj duke derdhur ujë nga një shishe mbi trupin e saj ndërsa ishte në skenë” dhe se ajo “reagoi fizikisht ndaj spërkatjeve duke e goditur të pasmet ndërsa lëngjet e hedhura nga publiku binin në kontakt me të”.
Sipas padisë, Doe, në një përpjekje për të vepruar “në përputhje me mjedisin” dhe “në një mënyrë të pajtueshme me të pranishmit e tjerë, spërkati një pjesë të vogël të pijes së saj në drejtim të Cardi B”. Mirëpo më pas Cardi B hodhi mikrofonin në drejtim të saj.
Magazinë
Shtyhet filmi për Michael Jacksonin, arsyeja mbetet mister
Published
13 hours agoon
July 24, 2025By
UBT News
Filmi biografik i shumëpritur i Michael Jacksonit, “Michael”, do të zhvendoset për një shfaqje botërore më 24 prill, si në kinematë e rregullta ashtu edhe në Imax, duke hequr dorë nga data e mëparshme e tetorit.
Lionsgate ka marrë përsipër shpërndarjen në Shtetet e Bashkuara, ndërsa Universal do të shpërndajë në të gjithë botën – me përjashtim të Japonisë.
Kino Films është përgjegjëse në Japoni. Filmi është drejtuar nga Antoine Fuqua, ndërsa skenari është nga John Logan.
Roli i Jackson luhet nga Jafar Jackson, nipi i Mbretit të Popit. Graham King, i cili fitoi një Oscar për The Departed, është producent.
Sipas sinopsisit zyrtar të filmit: “Michael” kronikon udhëtimin e superyllit global për t’u bërë i njohur në botë si Mbreti i Popit, duke ofruar një vështrim intim në jetën dhe trashëgiminë e qëndrueshme të njërit prej artistëve më me ndikim dhe më të shquar që njerëzimi ka njohur ndonjëherë .”
Në maj, CEO i Lionsgate, John Feltheimer, kishte deklaruar se filmi “ka të ngjarë” të zhvendosej më 2026. Edhe pse xhirimet përfunduan në maj 2024, projekti kaloi nëpër rixhirime dhe montazhi fillestar ishte i gjatë.
Madje kishte mendime për ta ndarë atë në dy pjesë. Informacionet e fundit sipas raportimeve të mediave ndërkombëtare, buxheti i prodhimit është 155 milionë dollarë. Filmi do të publikohet nga FX në Ditën e Shën Valentinit 2026.
Magazinë
Mbreti Charles flet për gjendjen shëndetësore pas diagnostikimit me kancer
Published
15 hours agoon
July 24, 2025By
UBT News
Mbreti Charles III ka bërë një përditësim për gjendjen e tij shëndetësore, duke u shprehur se është përmirësuar ndjeshëm. Ai bisedoi me Lee Harman, i cili kishte kaluar kancerin, gjatë një shëtitjeje ku ishte prezente edhe mbretëreshë Camilla.
“Jam dhe ndihem shumë mirë. (Kanceri) është thjesht një ndër ato gjërat (shtesë)”, u shpreh mbreti.
Lee Harman, 54 vjeç, tha se kishte ndarë me Charles betejën e tij me kancerin, pasi mbreti, në shkurt të vitit të kaluar, bëri me dije se ishte diagnostikuar me kancer dhe iu nënshtrua një operacioni për të trajtuar prostatën e zmadhuar, por beninje.
“Madhëria e Tij zgjodhi të ndajë diagnozën për të shmangur spekulimet dhe me shpresën se mund të ndihmojë në rritjen e ndërgjegjësimit publik për të gjithë ata në mbarë botën që preken nga kanceri,” thuhej në deklaratën e pallatit Buckingham.
Në mars, Charles u shtrua në spital për shkak të efekteve anësore nga trajtimi kundër kancerit. Si pasojë, mbreti u tërhoq përkohësisht nga angazhimet e tij mbretërore; megjithatë, muajin pasues ai iu rikthye punës. Më 1 prill, Charles u shfaq në humor teksa drejtoi një ceremoni në kalanë Windsor në Angli.
Ndërsa ka folur rrallë për shëndetin e tij që nga diagnoza, në maj, një ndihmës tregoi si Charles po përballonte sëmundjen ndërkohë që vazhdonte të punonte.
“Gjëja që mëson rreth kësaj sëmundjeje është se ti thjesht e menaxhon dhe pikërisht këtë po bën ai,” i tha ndihmësi anonim The Telegraph asokohe.
“Mjekësia ka bërë përparime të jashtëzakonshme dhe unë sinqerisht nuk shoh asnjë ndryshim tek ai. Mjafton të bësh atë që thonë mjekët dhe të jetosh jetën sa më normalisht të jetë e mundur”, shtoi personi anonim.
Charles, pasi u diagnostikua me kancer, bëri një deklaratë publike, ku u shpreh:
“Dua të shpreh falenderimet më të përzemërta për kaq shumë mesazhe mbështetjeje dhe urimet e mira që kam marrë gjatë këtyre ditëve. Siç e dinë të gjithë ata që janë prekur nga kanceri, këto mendime dashamirëse janë mbështetja dhe kurajoja më e madhe”.
Më tej, vijoi:
“Është po aq inkurajuese të dëgjoj se publikimi i diagnozës, ka ndihmuar në promovimin e ndërgjegjësimit publik dhe ka ndriçuar punën e organizatave që mbështesin pacientët e sëmurë me kancer dhe familjet e tyre në Mbretërinë e Bashkuar dhe më gjerë nëpër botë. Admirimi im i përjetshëm për kujdesin dhe përkushtimin e tyre të palodhur është edhe më i madh, si rezultat i përvojës sime personale”.
Magazinë
Mjeku i Matthew Perryt pranon fajësinë, përballet me 10 vjet burg
Published
16 hours agoon
July 24, 2025By
UBT News
Doktori Salvador Plasencia është deklaruar fajtor për shpërndarjen e paligjshme të ketaminës ndaj aktorit të njohur Matthew Perry, i njohur për rolin e tij në serialin “Friends”.
Ai është personi i katërt që përballet me drejtësinë mbi vdekjen e Perryt në tetor 2023. Edhe pse mjeku nuk ishte përgjegjës për dozën që i mori jetën aktorit, rrëfimi ka hedhur dritë mbi mënyrën si abuzoi me profesionin e dështoi ta mbronte pacientin e tij, i cili ishte i njohur për betejën e gjatë me varësinë.
Plasencia pranoi katër akuza në një gjykatë në Los Angeles dhe do të dorëzojë vullnetarisht licencën e tij mjekësore. Ai pranoi se kishte dorëzuar Perryt dhe asistentit të tij 20 shishe me ketaminë, shiringa dhe tableta për thithje brenda një periudhe prej dy javësh.
Dorëzimi i lëndëve nuk kishte qëllime mjekësore dhe ndodhte në ambiente të pazakonta, përfshirë një parking pranë një akuariumi. Në një nga komunikimet e tij me një tjetër mjek të përfshirë, Mark Chavez, ai e quante Perryn “idiot” dhe përmendte pagesa të larta deri në 12,000 dollarë për një vizitë në shtëpi.
Gjatë një seance më 12 tetor 2023, aktorit iu rrit ndjeshëm tensioni i gjakut, pavarësisht rrezikut të qartë për shëndetin, Plasencia la doza të tjera të ketaminës në duart e asistentit të tij. Hetimet kanë zbuluar një rrjet të tërë personash të përfshirë në furnizimin e Perryt me ketaminë.
Asistenti i tij, Kenneth Iwamasa, ka pranuar se i dha aktorit lëndën narkotike ditën e vdekjes. Eric Fleming, një tjetër i akuzuar, pranoi se kishte shpërndarë dozën vdekjeprurëse që e kishte marrë nga Jasveen Sangha – e njohur në media si “mbretëresha e ketaminës”.
Sangha është e vetmja që nuk ka pranuar fajësinë e do të përballet me gjyq më vonë. Pavarësisht dënimeve të shumta, marrëveshja gjyqësore thekson se ketamina që i mori jetën aktorit nuk ishte dhënë nga Plasencia. Matthew u gjet i vdekur më 28 tetor 2023 në shtëpinë e tij në Los Angeles.
Autopsia konfirmoi se vdiq nga efektet e ketaminës, duke rikthyer vëmendjen publike te rreziqet e varësisë dhe mungesës së kontrollit në sistemin mjekësor.

Vazhdojnë regjistrimet në Inxhinieri të Ndërtimit dhe Infrastrukturë, vetëm edhe pak vende të lira!

Laura e Argjendtë – UBT dhe Kosova përfaqësohet denjësisht në lojërat universitare botërore në Gjermani

Ylli i Juventusit nuk paraqitet në stërvitje, irritohen drejtuesit e klubit

Lamborghini prezanton veturën e re për gara

Mjaltë me Kanellë – Si të bëni vetë antibiotikun natyral?

Arsenali finalizon goditjen e bujshme

Sllovenia i bën thirrje Izraelit të sigurojë qasje të pakufizuar të ndihmës humanitare në Gaza

Probleme ligjore për Cardi B, paditet për hedhjen e mikrofonit

Gjakovë: 63 shoferë kapen nën ndikimin e alkoolit
Të kërkuara
-
Lajmet nga UBT1 month ago
UBT organizon debat rreth zgjerimit të BE-së dhe ruajtjes së vlerave evropiane
-
Lajmet nga UBT3 months ago
Profesori, Arsim Hajdari, doktoron me temën “New Perspective of Biological Therapy in Treatment of Age-Related Macular Degeneration”
-
Lajmet nga UBT2 months ago
UBT – Institucioni privat me më së shumti programe të akredituara nga Agjencia e Akreditimit të Kosovës
-
Lajmet nga UBT2 months ago
UBT rilicencohet nga MAShTI për ofrimin e arsimit profesional në katër drejtime të rëndësishme shëndetësore