Lajmet

Një kryebashkiak kapet me 200 kg kokainë në veturën zyrtare

Vlera e drogës përllogaritet në rreth 8.7 milionë dollarë.

Published

4 years ago

January 5, 2022

Betim Gashi

Një kryebashkiak në Niger të Afrikës është prangosur pasi iu gjetën 200 kg kokainë në makinën e tij zyrtare.

Vlera e drogës përllogaritet në rreth 8.7 milionë dollarë. Burimet i thanë Reuters se kryebashkiaku dhe shoferi i tij, të cilët ishin në automjet në atë moment, u arrestuan me 199 pako kokainë në një pikë kontrolli në rrugën që shkonte në veri nga qendra tregtare e shkretëtirës Agadez.

Droga fillimisht po shkonte për në Nigeri përmes kufirit verior si destinacioni përfundimtar. Pas këtij incidenti, koordinatori i njësisë së drogës së Interpolit, Jan Drapal, sugjeroi se mbretërit e drogës po dërgonin dërgesa më të mëdha në përgjigje të kërkesës në rritje evropiane.

Afrika Perëndimore mendohet të jetë një rrugë tranziti për drogën që vjen nga Amerika e Jugut në Evropë dhe ka regjistruar një sërë kapjesh rekord edhe në Nigeri vitet e fundit.

Senegali kapi më shumë se dy ton kokainë të pastër nga një anije në brigjet e tij në tetor. Dhe janarin e kaluar, autoritetet gambiane zbuluan gati 3 ton nga një dërgesë që vinte nga Ekuadori.

Lajmet

Arrestohet një shtetas serb në Kamenicë, solli mall ilegalisht nga Serbia

Published

7 seconds ago

September 9, 2025

UBTnews

Policia e Kosovës njofton se kanë parandaluar kontrabandimin me mallra nga Serbia në Kamenicë.

Sipas policisë, një traktor që drejtohej nga i dyshuari shtetas i Serbisë në të cilën kishte të ngarkuar mall (ushqim për peshq) të cilin dyshohet se e kishte futur në Republikën e Kosovës nga Serbia përmes rrugëve ilegale, në vlerë rreth 10 mijë euro.

“Kamenicë / 08.09.2025 – 20:20. Njësia policore ka ndaluar një traktor që drejtohej nga i dyshuari shtetas i Serbisë në të cilën kishte të ngarkuar mall (ushqim për peshq) të cilin dyshohet se e kishte futur në Republikën e Kosovës nga Serbia përmes rrugëve ilegale. Vlera e mallit llogaritet rreth 10.000 €”, thuhet në raportin 24 orësh të Policisë.

Policia njofton po ashtu se i dyshuari është arrestuar dhe pas inicimit të rastit me vendim të prokurorit është dërguar në mbajtje, ndërsa malli është dërguar në terminalin doganor./D.B/KP

Lajmet

Kosova mposht Suedinë në stadiumin “Fadil Vokrri”

Published

2 minutes ago

September 9, 2025

UBT News

Kombëtarja e Kosovës ka arritur një fitore të madhe mbrëmë në stadiumin “Fadil Vokrri” në Prishtinë duke mposhtur Suedinë me rezultat 2-0.

Dardanët zhvilluan një ndeshje të shkëlqyer dhe falë golave të Elvis Rexhbecajt dhe Vedat Muriqit siguruan fitoren e parë në kuadër të grupit B në kualifikimet për Kampionatin Botëror 2026.

Me këtë sukses, Kosova regjistron tri pikët e para në grup dhe rikthehet fuqishëm në garë pas humbjes në ndeshjen e parë. Dardanët do të rikthehen në fushë në muajin nëntor, kur do të zhvillojnë duelet e radhës në këtë cikël kualifikues./S.K/KP/ FFK/

Lajmet

Policia shqipton mbi 2000 gjoba trafiku për 24 orët e fundit

Published

10 minutes ago

September 9, 2025

UBTnews

Policia e Kosovës ka shqiptuar 2088 gjoba për kundërvajtësit e trafikut brenda 24 orëve të fundit.

Në 24 orët e fundit janë raportuar 38 aksidente trafiku me dëme materiale, 36 aksidente trafiku kanë përfunduar me të lënduar.

Policia e Kosovës ka arrestuar 20 persona, 14 janë dërguar në mbajtje, kurse 2 persona janë në vuajtje të dënimit/D.B/KP

Lajmet

Komuna e Prishtinës njofton se nga nesër rikthehet funksionaliteti i plotë i “Prishtina Parking

Published

40 minutes ago

September 9, 2025

UBTnews

Komuna e Prishtinës ka njoftuar se nga nesër do të rikthehet funksionaliteti i plotë i “Prishtina Parking”.

Sipas njoftimit, në përputhje me vendim të Gjykatës Supreme nesër hyn në fuqi zbatimi i plotë i rregullores për rregullimin e parkingjeve në kryeqytet.

“Njoftojmë qytetarët se shfrytëzimi i parkingjeve publike të menaxhuara nga “Prishtina Parking” bëhet vetëm me pagesë, sipas tarifave zyrtare. Çdo parkim pa pagesë do të sanksionohet me gjoba dhe masa ndëshkuese, në përputhje me legjislacionin në fuqi“, thuhet në njoftim./D.B/KP