Lajmet

Një i vdekur dhe tre të lënduar – aksident mes tri veturave në Kliqinë të Pejës

Published

55 minutes ago

on

Një person ka humbur jetën dhe tre të tjerë janë lënduar si pasojë e një aksidenti trafiku mes tri veturave në rrugën Pejë–Prishtinë, në Kliqinë të Pejës.

Rastin e ka konfirmuar për Telegrafin zëdhënësi i Policisë së Kosovës për Rajonin e Pejës, Fadil Gashi.

Sipas tij, aksidenti ka ndodhur rreth orës 05:42, ku fillimisht ishin raportuar katër persona të lënduar.

Njëri prej tyre është dërguar në Spitalin e Përgjithshëm të Pejës, ku më pas ka ndërruar jetë. Vdekjen e tij e ka konfirmuar mjeku kujdestar.

Ndërkohë, tre persona të tjerë kanë pësuar lëndime si pasojë e aksidentit.

Policia e Kosovës ka nisur hetimet për të zbardhur rrethanat dhe shkaqet e aksidentit./A.K/

Related Topics:
Continue Reading

Lajmet

Arrestohet i kërkuari për falsifikim dokumentesh, në shtëpi i gjenden 45 fishekë

Published

4 minutes ago

on

August 18, 2026

By

Një person është arrestuar në pikën kufitare në Jarinjë, në Leposaviq, pasi ishte i kërkuar lidhur me një rast të falsifikimit të dokumenteve.

Sipas Policisë së Kosovës, arrestimi është bërë më 17 gusht, rreth orës 12:20. Pas arrestimit, me urdhër të prokurorit është kontrolluar shtëpia e të dyshuarit.

Gjatë kontrollit, policia ka gjetur dhe sekuestruar 45 fishekë, si dhe disa pjesë të uniformës së Policisë së Kosovës. Në cilësi të provave materiale është sekuestruar edhe një telefon me SIM-kartë.

Pas intervistimit, me vendim të prokurorit, i dyshuari është dërguar në mbajtje./A.K/

Continue Reading

Lajmet

Hetim ndaj një personi në Gjakovë për bashkëjetesë me një 16-vjeçare

Published

6 minutes ago

on

August 18, 2026

By

Policia e Kosovës ka nisur hetimet ndaj një personi në Gjakovë, pasi dyshohet se prej disa muajsh ka bashkëjetuar me një vajzë 16-vjeçare.

Sipas raportit policor, më 17 gusht i dyshuari dhe vajza janë paraqitur së bashku në stacionin policor.

Pas konsultimit me prokurorin, rasti është iniciuar dhe do të trajtohet nga njësitë e hetimeve rajonale./A.K/

Continue Reading

Lajmet

I ofroi policëve 50 euro që të mos e gjobisin, arrestohet i dyshuari

Published

8 minutes ago

on

August 18, 2026

By

Një person është arrestuar në Gjakovë pasi dyshohet se u ka ofruar zyrtarëve policorë 50 euro ryshfet, në këmbim të mosshqiptimit të një gjobe për kundërvajtje në trafik.

Sipas Policisë së Kosovës, rasti ka ndodhur më 17 gusht, rreth orës 03:20, në rrugën “Nënë Tereza”.

I dyshuari është arrestuar dhe, pas intervistimit, me vendim të prokurorit është dërguar në mbajtje./A.K/

Continue Reading

Lajmet

Punëtori gjendet pa shenja jete në vendin e punës në Obiliq

Published

12 minutes ago

on

August 18, 2026

By

Një person është gjetur pa shenja jete në vendin e tij të punës në fshatin Shipitullë të Obiliqit.

Sipas Policisë së Kosovës, rasti është raportuar më 16 gusht, rreth orës 21:00.

Me vendim të prokurorit, trupi i pajetë është dërguar në Institutin e Mjekësisë Ligjore (IML) për obduksion.

Rasti është duke u hetuar nga autoritetet./A.K/

Continue Reading

Të kërkuara