Sport

Një finale patriotike për BE-në

ky ka qenë një kampionat i mbushur me kundërthënie politike.

Published

on

Teksa Kampionatit Evropian të Futbollit “Euro 2020” po i vije fundi me finalen e shumëpritur që mbahet të dielën, është koha t’i bëhet një vështrim këtij turneu që mbërtheu kontinentin evropian me drama të minutës së fundit dhe një mori golash. Por, gjithashtu ky ka qenë një kampionat i mbushur me kundërthënie politike, pasi kjo ngjarje sportive njëmujore është bërë një mikrokozmos për shumë çështje me të cilat Evropa po përballet për momentin.

Dhe ndoshta narrativi më i madh, që Brukseli dëshpërimisht dëshiron të shmangë, mund të ndodhë në finale: suksesi i Anglisë së Brexit-it.

Por, le të fillojmë nga e para: përzierja e sportit me politikën nuk është diçka e mirë. Këtë e thonë vazhdimisht zyrtarët e lartë sportivë, sportistët dhe shumë tifozë. Mund të mos jetë “luftë me mjete të tjera”, por në një kontinent, që në pjesën më të madhe nuk është i përfshirë në konflikt të përgjakshëm dhe ku të paktën teoria e Zonës Shengen do të duhej të hiqte kontrollet në kufijtë kombëtarë në mes të shumë shteteve, “Euro 2020” ofroi një hapësirë të pranueshme për të kanalizuar patriotizmin e zjarrtë.

Vetëm nëse e analizoni pak kampionatin “Euro 2020”, mund të vëreni shumë lajme politike, që përzihen edhe me goditjet nga këndi në fushën e gjelbër dhe me kartonët e kuq, që ishin të diskutueshëm.

Tek e fundit, ky kampionat pandemik, u mbajt një vit më vonë sesa fillimisht ishte planifikuar, por për kuriozitet prapëseprapë u quajt “Euro 2020”. Shumë menduan se ishte çmenduri që kjo ngjarje të zhvillohej në 11 shtete të ndryshme, teksa ende ka njerëz që po vdesin nga koronavirusi. Po ashtu, ky turne u bë edhe më komik dhe më politik kur disa qytete lejuan që stadiumet të mbusheshin me tifozë dhe që tifozët e huaj të lejoheshin në tribuna, ndërsa disa qytete të tjera kishin masa më të ashpra. E vetmja gjë për të cilën duket se të gjithë pajtohen është se ky kampionat do të jetë një ngjarje super-shpërndarëse, kur një valë e re e pandemisë COVID-19 ta godasë kontinentin evropian më vonë gjatë stinës së verës.

Por, ka edhe më shumë. Fillimisht u shfaq problemi se cili ekip apo lojtarët e cilës kombëtare do të uleshin në gjunjë para fillimit të lojës për të kundërshtuar padrejtësitë racore – një gjest ky që u përdor më shumë pas vrasjes së George Floyd vitin e kaluar në Shtetet e Bashkuara. Turmat, ndërkaq, kanë brohoritur ose fishkëllyer pothuajse në masë të njëjtë – ndoshta duke treguar kështu edhe tensionet që ekzistojnë lidhur me të drejtat e pakicave kombëtare, që mund të jenë problem në kontinentin evropian.

Pastaj ishte rasti i fanellës së ekipit të Ukrainës, ku u vendosën kufijtë shtetërorë dhe ku përfshihej edhe Krimea dhe në të ishte edhe slogani “lavdi Ukrainës”, që Rusia fuqishëm e kundërshtoi. Ky slogan u cilësua politik nga UEFA dhe u hoq nga fanellat e ekipit ukrainas, por e gjithë kjo gjë ishte një kujtesë e zymtë e luftës që po vazhdon.

Sulmuesi i Austrisë, Marko Arnautoviq, babai i të cilit është serb, ka fyer në baza racore shqiptarët etnikë në kombëtaren e Maqedonisë së Veriut, gjë për të cilën u suspendua për një lojë. Ky rast, shpërfaqi edhe një herë tensionet që ende ekzistojnë në Ballkanin Perëndimor.

Ndërkaq, loja e shumëpritur Angli-Skoci u luajt në sfondin e zhurmës për shkëputjen e Skocisë. Dhe për më tepër, ishin edhe kundërthëniet që e përcollën të ashtuquajturin “ligj kundër LGBTI+” të Hungarisë, ku u vendosën flamujt me ngjyra të ylberit dhe bilborde në stadiume. Kjo ndoshta është çështja më e ndjeshme politike që tash për tash e ka kapluar Evropën.

Por, në fund të fundit, fituesi i këtij kampionati do ta shkruajë narrativin kryesor. Është e vërtetë që gazetarët dhe komentatorët janë ata që shpesh e shkruajnë narrativin, duke gjetur paralele në politikën bashkëkohore. Merreni shembullin e fitores së Kupës së Botës nga Franca më 1998 dhe 2018. Në të dy rastet, Franca u lavdërua pasi iu përmbajt motos së saj “Liberté, égalité, fraternité” (Liri, barazi, vëllazëri) përmes një ekipi multi-etnik në kohën e nacionalistit Jean-Marie Le Pen më 1998 dhe 20 vjet më pas, në kohën e bijës së tij, Marine.

Danimarka ende e kujton verën e vitit 1992, kur pa e kuptuar, fitoi një biletë falas për në “Euro”, teksa Jugosllavia kishte shpërthyer në luftë. Ata e fituan kampionatin, vetëm disa javë pasi ata kishin refuzuar Traktatin e Mastrihtit të BE-së dhe më pas draftuan rrugët ligjore për vete sa i përket këtij traktati. Danezët po fluturonin. Fitorja e Gjermanisë më 2014 në Kupën e Botës ofroi mundësinë që të prezantohej një fytyrë më e butë para botës, pas viteve të shumta me akuza se gjermanët janë të ashpër – ata u prezantuan si një shtet që mund të integrojë të tjerët dhe të zbusë patriotizmin e publikut, kurse fitorja e Greqisë më 2004 në Kampionatin Evropian, dhe mbajtja e Lojërave Olimpike në Athinë në po të njëjtin vit, ishte fillimi i asaj që do të përfundonte me kolapsimin e ekonomisë greke disa vjet më vonë.

Tani, papritur Brukseli gjendet para mundësisë së fitores së Anglisë. Dhe nuk është kjo Anglia normale, me tifozë të zhurmshëm që këndojnë “po kthehet në shtëpi”, duke iu referuar fitores së kampionatit, pas 55 vjetësh, kur kjo kombëtare për herë të fundit kishte triumfuar në Kupën e Botës që u mbajt në Angli.

Kjo është Anglia e Brexit-it. Anglia që e mposhti BE-në më herët gjatë këtij viti në garën e vaksinimit. Shumë pak persona do të mund ta duronin pamjen e kryeministrit britanik, Boris Jonson duke buzëqeshur e mbajtur trofeun dhe duke sugjeruar se ky është sukses i “Britanisë globale”, që nuk zmbrapset nga diktatet e BE-së. Pavarësisht se disa lojtarë anglezë luajnë në liga të tjera evropiane dhe të gjithë morën mësimet e futbollit kur Anglia ishte ende pjesë e bllokut evropian, një fitore e Anglisë në këtë kampionat do të ishte thjesht një pilulë e hidhur për t’u gëlltitur.

Kryeministri britanik, Boris Johnson dhe bashkëshortja e tij, Carrie shikojnë ndeshjen Angli-Danimarkë. Londër, 7 korrik, 2021.
Kryeministri britanik, Boris Johnson dhe bashkëshortja e tij, Carrie shikojnë ndeshjen Angli-Danimarkë. Londër, 7 korrik, 2021.

BE-ja më shumë do të preferonte që të fitonte ekipi i përtërirë i Italisë, kombëtare e cila do të linte pas fiaskon e tre vjetëve më parë në Kupën e Botës. Italia në këtë kampionat ka luajtur padyshim futbollin më të mirë në të gjitha kampionatet evropiane që ka marrë pjesë, ku tash ka pak stil mbrojtës, një element për të cilin kombëtarja italiane është e njohur.

Shtoja kësaj edhe rrëfimin që ky shtet, që më 2020 u gjunjëzua dhe tani është shtet që qëndron në këmbë dhe udhëhiqet nga kryeministri Mario Draghi – njeriu që Brukseli e vlerëson si personin kyç që shpëtoi euron në kohën sa ishte president i Bankës Qendrore Evropiane. Nuk është çudi që burokratët po iu luten zotave të futbollit për fitoren e Italisë në finalen e të dielës.

Sport

Shënon supergol nga goditja e dënimit, 15-vjeçari shqiptar shkruan histori në Zvicër

Published

on

Altin Azemi, një mesfushor i talentuar shqiptar, ka bërë debutimin e tij në kategorinë e dytë të Zvicrës me një performancë që do ta bëjë të njohur për çdo tifoz futbolli. Në moshën vetëm 15 vjeçare, Azemi shkroi një kapitull të ri në historinë e futbollit zviceran, duke shënuar një supergol nga goditja e dënimit që i siguroi fitoren ekipit të tij, Neuchatel Xamaxi, me rezultatin 6-2 kundër Schaffhausenit.

Ndeshja e së hënës e mbajti të gjithë në tension deri në momentin e fundit. Në minutën e 88-të, Altin Azemi hyri në fushë për herë të parë si zëvendësues, dhe vetëm gjashtë minuta më vonë, ai mori përgjegjësinë për një goditje dënimi që do ta ndryshonte përjetësisht karrierën e tij. Me shumë qetësi dhe pasion, ai dërgoi topin në rrjetë, duke e bërë një goditje të bukur dhe duke festuar me emocion, duke hequr fanellën dhe duke e mbajtur lart, si një nderim për idhullin e tij, Lionel Messin. Kjo festë e zjarrtë do të çonte në kartonin e parë të tij në debutim, por nuk mund të hidhte hi kurrë mbi këtë moment historik.

Me këtë gol, Azemi bëhet lojtari më i ri i cili ka shënuar në Challenge League, me vetëm 15 vjet, 11 muaj dhe 2 ditë. Ai kaloi rekordin që mbahej nga Valon Duzhmani, i cili kishte shënuar në vitin 2006 për Kriensin kur ishte 16 vjeç, 5 muaj e 2 ditë. Ky moment nuk është vetëm një arritje personale për Azemin, por një moment i rëndësishëm për futbollin shqiptar, duke treguar potencialin e madh që ka ky djalosh i ri.

Altin Azemi nuk është vetëm një lojtar i zakonshëm. Ai ka treguar aftësi të jashtëzakonshme edhe në nivele të tjera. Ai ka dy paraqitje për përfaqësuesen e Zvicrës U15 dhe nëntë të tjera për Zvicrën U16, ku ka shënuar dy gola. Po ashtu, ai ka katër gola në 13 paraqitje këtë sezon në ligën e 17-vjeçarëve, dhe ka marrë pjesë në dy ndeshje edhe për ligën e 19-vjeçarëve në Zvicër.

Me një talent të jashtëzakonshëm dhe një qëndrim të ftohtë përballë presionit, Azemi është një lojtar që do të mbajë sytë e të gjithëve të drejtuar nga të ardhmen e tij. Padyshim, ai ka të gjitha mundësitë për të ndjekur pas gjurmët e idhujve të tij dhe për të bërë emër në futbollin ndërkombëtar. Historia e tij është vetëm fillimi, dhe të ardhmen e tij të ndritur vetëm koha do ta vërtetojë./UBTNews/

Continue Reading

Sport

Ronaldo zbulon emrat që mund të marrin drejtimin e Brazilit

Published

on

Ronaldo “fenomeni” ka zbuluar se cilët janë të preferuarit e tij për të marrë detyrën e trajnerit të Kombëtares së Brazilit.

Në një intervistë për programin “Galvão e Amigos”, ish-lojtari renditi emrat që do të dëshironte të shihte në krye të Brazilit, me Pep Guardiolën, Jorge Jesus, Abel Ferreira dhe Renato Gaúcho në listën e tij.

“Do të përpiqesha, por me të vërtetë duhet të bëhet shumë më shpejt sesa po bën federata, natyrisht. Por do të provoja sipas radhës Guardiola, Jorge Jesus, Abel dhe nëse asnjëri nuk do të kishte sukses, do të kisha një plan me Renato Gaúcho, të cilin mendoj se do ta bënte si masë urgjente deri në Botëror”, ka thënë Ronaldo.

Përveç emërtimit të emrave të preferuar për të marrë përsipër Kombëtaren e Brazilit, ish-sulmuesi kritikoi programin e trajnimit të trajnerëve.

 

 

Continue Reading

Sport

‘Muri i verdhë’ gati para Championsit, Barçën e pret ‘ferri’ në Dortmund

Published

on

Borusia Dortmund ka arritur për herë të dytë radhazi në çerekfinalet e Ligës së Kampionëve dhe do të përballet me Barcelonën në një sfidë që premton shumë emocion. Ndeshja e parë do të zhvillohet në Spanjë më 9 prill, ndërsa ndeshja e kthimit do të zhvillohet në stadiumin legjendar të Dortmundit, Signal Iduna Park, më 15 prill.

Tifozët e Dortmundit, të njohur për pasionin dhe entuziazmin e tyre, janë tashmë në pritje të kësaj sfide të madhe. Siç raportohet nga Marca, kërkesa për bileta ka qenë jashtëzakonisht e lartë, duke tejkaluar kapacitetin e stadiumit që arrin në 81.365 vendet. Kërkesat për bileta kanë arritur deri në 300 mijë, duke dëshmuar se tifozët e Dortmundit janë të etur për këtë takim historik.

“Signal Iduna Park” është i njohur për atmosferën e tij elektrizuese dhe tifozët e quajnë atë “Muri i Verdhe”. Ata kanë një reputacion të jashtëzakonshëm për të mbështetur skuadrën e tyre me një entuziazëm që shpesh e kthen stadiumin në një “ferr” për kundërshtarët. Barcelona, me talente të mëdhenj si Hansi Flick dhe Lamine Yamal, do të hasin një atmosferë të nxehtë dhe të pasionuar, pasi tifozët e Dortmundit do të bëhen lojtari i dymbëdhjetë në fushë, duke krijuar një sfidë të vështirë për katalanasit.

Kjo përballje është padyshim një nga ato që nuk mund të humbet, dhe tifozët po presin me padurim për të parë se si do të zhvillohet ky duell i fortë për një vend në gjysmëfinalet e Ligës së Kampionëve./UBTNews/

Continue Reading

Sport

Zbulohen pagat e lojtarëve dhe trajnerëve në Premier Ligë, Haaland dhe Guardiola kryesojnë listën

Published

on

Janë zbuluar se cilët lojtarë dhe menaxherë marrin më shumë para në shtëpi çdo javë, ka shkruar Gazeta franceze L’Equipe.

Në krye të listës për nga lojtarët është Erling Haaland, i cili luan në Manchester City, dhe zgjatja e kontratës së tij më Cityn në fillim të vitit 2025 e ka bërë atë lojtarin më të paguar në Ligën Premier, i cili fiton 2.57 milionë euro në muaj apo 30 milionë në vit.

Pas tij radhitet, Kevin De Bruyne, që fiton 2.06 milionë euro apo rreth 25 milionë euro në vit, e që edhe ky është në skuadrën e Manchester City. Janë Casemiro (Manchester United), Mohamed Salah (Liverpool), me fitime prej 1.88 milionë euro në muaj a 22.5 milionë euro në vit.

Marcus Rashford (Aston Villa) dhe Raheem Sterling (Arsenal) plotësojnë pesëshen e parë me 1.67 milionë në muaj apo 20 milionë euro në vit secili. Sa i përket menaxherëve, Pep Guardiola kryeson listën me 1.98 milionë euro në muaj a rreth 24 milionë euro në vit.

Pas tij vjen Mikel Arteta (Arsenal), i cili fiton 1.48 milionë euro në muaj apo rreth 18 milionë euro në vit dhe David Moyes (Everton) me 1.23 milionë euro në muaj apo rreth 15 milionë euro në vit.

Continue Reading

Të kërkuara