Lajmet
Një ekosistem inovativ, UBT dhe sektori privat partnerë në zhvillimin e industrisë kreative
Published
2 weeks agoon
By
UBT NEWSUBT ka mirëpritur një grup të talentuar të rinjsh, fitues të sfidës “Innovation Unleashed: A Challenge for Creative Minds”. Ky projekt, i mbështetur nga Ambasada e Dukatës së Madhe të Luksemburgut në Prishtinë, ka për qëllim të transformojë idetë e rinjve në prototipe inovative, duke nxitur zhvillimin e industrive kreative në Kosovë.
Në takimin e organizuar për t’u njohur me fituesit e projekteve, Drejtori i Departamentit për Edukim dhe Zhvillim Profesional në UBT, Prof. Dr. Besnik Skenderi, theksoi rëndësinë e mbështetjes profesionale që do t’u ofrohet fituesve. Ai shpjegoi: “Ne, në bashkëpunim me UNDP, do t’ju ndihmojmë juve në zhvillimin e produkteve për të cilat ju keni aplikuar. Ju do të punoni ngushtë me ekspertët tanë. UBT ka ekspertët e vet, të cilët i kemi zgjedhur sipas fushës tuaj, dhe profesorët tanë do të punojnë ballë për ballë me ju. Do të keni të paktën 10 sesione mbështetjeje profesionale, dhe ne do të jemi më afër jush në formën e këshillimit dhe tutorimit, sepse e dimë që anën teorike e njihni.”
Skenderi theksoi gjithashtu se ky projekt është një mundësi e shkëlqyer për të rinjtë dhe për UBT-në vetë: “Ky është një hap i mirë për juve, por edhe për ne si UBT. Ky është një nga projektet e rralla që kërkon një analizë të thellë, dhe është parashikuar që të jetë një projekt i qëndrueshëm. Pas përfundimit të projektit, ne do të dalim me një produkt, diçka që do të ecë përpara dhe do të kontribuojë në zhvillimin e sektorit kreativ në Kosovë.”
Me këto fjalë, Besnik Skenderi inkurajoi të rinjtë të shfrytëzojnë çdo mundësi dhe të angazhohen maksimalisht në këtë proces, duke u siguruar që ideja e tyre të realizohet në mënyrë të suksesshme.
Ky projekt gjithashtu synon të shfrytëzojë avantazhet unike të grupit të talentuar të krijuesve të rinj, duke ofruar kostot konkurruese të punës dhe politika të favorshme fiskale, për të ndihmuar në ndërtimin e një reputacioni ndërkombëtar të qëndrueshëm. Duke përfshirë akademinë dhe sektorin privat, ky program krijon një platformë të fuqishme për zhvillimin e një ekosistemi dinamik që nxit inovacionin dhe fuqizon talentin. Pas përfundimit të projektit, do të prezantohet një produkt që do të ecë përpara, duke e vendosur Kosovën në hartën e industriave kreative në nivel ndërkombëtar.
Pjesëmarrësit do të kenë mundësinë të përfitojnë nga mentorimi i ekspertëve të njohur që UBT ofron, duke zhvilluar aftësi në sipërmarrje dhe vetëpunësim. Kjo përvojë do t’i ndihmojë ata të avancojnë në sektorin e industrive kreative, që po shfaq një potencial të madh në tregun kosovar.
Përfaqësues nga UNDP, theksuan gjithashtu rëndësinë e këtij projekti si një iniciativë trevjeçare që synon zhvillimin e qëndrueshëm dhe rritjen gjithëpërfshirëse të sektorit. Kjo iniciativë do të krijojë mundësi të reja për punësim dhe do të kontribuojë në përmirësimin e ekonomisë vendore, duke nxitur krijimin e vendeve të punës dhe rritjen e qëndrueshme.
Me këtë iniciativë, UBT dëshiron të kontribuojë në krijimin e mundësive për të rinjtë, duke i pajisur ata me njohuri dhe aftësi që do t’i ndihmojnë në karrierat e tyre të ardhshme, ndërsa promovon zhvillimin ekonomik të qëndrueshëm në vend. Kjo është një mundësi e shkëlqyer për të rinjtë shqiptarë që dëshirojnë të realizojnë idetë e tyre dhe të kontribuojnë në një të ardhme më të ndritur për Kosovën./UBTNews/
You may like
-
Vizita e studentëve të MBE-së në “Geris Corporation”, lidhja e teorisë me praktikën industriale
-
Rektori i UBT-së, Prof. Dr. Edmond Hajrizi, prezanton vizionin e UBT-së për “Smart City” në Kongresin Ndërkombëtar të Cilësisë në Francë
-
Së bashku për shëndetin: UBT me aktivitet humanitar për dhurimin e gjakut!
Bota
Karlo Akutis, “patron shenjti i internetit”, do të bëhet shenjtor në prill të 2025
Published
4 mins agoon
November 21, 2024By
UBT NEWSKarlo Akutis, i njohur si “patron shenjti i internetit” dhe “influenceri i Perëndisë”, do të shpallet shenjtor nga Kisha Katolike në prill të vitit 2025, duke u bërë kështu i pari milenial që do të arrijë këtë nder të lartë.
Acutis, një djalë i lindur në Londër dhe i njohur për aftësitë e tij online, ndërroi jetë në vitin 2006 në moshën 15-vjeçare nga leukimia, pas një periudhe të gjatë sëmundjeje. Gjatë jetës së tij, ai kishte krijuar një ndikim të jashtëzakonshëm në internet, duke regjistruar mrekulli dhe duke menaxhuar faqe web për organizata katolike. Përmes aktivitetit të tij në rrjetet sociale dhe internet, Akutis bëri të mundur që besimi katolik të lidhej më shumë me brezin e ri në këtë epokë digjitale.
Pas vdekjes së tij, trupi i Akutis u transferua në Assisi, Itali, ku tani ndodhet i ekspozuar në një shenjë, së bashku me relikte të tjera që lidhen me jetën e tij. Historia e jetës së tij, mes dhimbjes dhe besimit të palëkundur, ka shërbyer si një burim frymëzimi për shumë të rinj.
Për shpalljen e tij si shenjtor, Kisha Katolike kërkon verifikimin e dy mrekullive të lidhura me ndërmjetësimin e kandidatit. Mrekullia e parë për Akutis u njoh në vitin 2020, kur një fëmijë brazilian, i cili vuante nga një sëmundje kongjenitale, u shërua në mënyrë të jashtëzakonshme pas lutjeve të bëra për nder të tij. E dyta, një mrekulli e verifikuar këtë vit, përfshin shërimin e një studenti universitar në Firence, i cili u rikuperua nga një gjakderdhje e rëndë në tru.
Acutis është parë si një shenjë shprese për Kishën Katolike, e cila po përpiqet të lidhet më afër brezave të rinj në një kohë ku teknologjia dhe digitalizimi kanë bërë një ndryshim të madh në mënyrën se si besohet dhe praktikohet feja. Papa Françesku, një admirues i flaktë i Akutis, do ta shpallë atë shenjtor në një ceremoni solemne që do të mbahet në Vatikan më 26 prill 2025.
Historia e Karlo Akutis, përmes mirësisë dhe besimit të tij të pandashëm, përfaqëson një udhërrëfyes të fuqishëm për një epokë moderne, ku besimi dhe teknologjia mund të bashkohen në një mënyrë të mrekullueshme dhe transformative./Euronews/
Lajmet
“Shkelje ligjore”, punëtoret teknike të Kuvendit zëvendësohen nga kompania pa paralajmërim
Published
18 mins agoon
November 21, 2024By
UBTNewsPunëtoret teknike të Kuvendit të Kosovës, të cilët kanë mbajtur grevë për tre muaj me kërkesën për rritjen e pagave dhe kushte më të mira pune, janë përballur me zëvendësim të menjëhershëm nga punëdhënësi.
Po ashtu gjërat e tyre personale janë larguar nga vendi i punës dhe janë hedhur në qese të zeza para dyerve të Kuvendit. Ndërsa, punëtoreve greviste nuk u lejohet as hyrja në oborrin e objektit.
Njëra nga punëtoret teknike, Nebahate Krasniqi, ka thënë se kompania e pastrimit “Schafberger”, nuk i ka informuar ende punëtorët e tij se a do u vazhdohet kontrata e punës, duke shtuar se nuk po u lejohet as në oborr të Kuvendit të qëndrojnë.
“Kompania neve asnjë gjë nuk na ka lajmëruar që iu ka vazhduar kontrata, negocim sa e kemi kuptuar, nuk është dalë me na tregu asgjë hiç… 1:36 Ka marrë punëtore zëvendësim, neve nuk na lejohet as në oborr të Kuvendit me qëndrua, por ne kemi filluar grevën para se me dalë kontrata, prapë se prapë neve nuk na morën, i morën të tjerat në fund dhe janë zëvendësim… 2:02 Çka i kemi pasur gjërat tona, si çdo njeri që i mban dhe i kanë hedhur jashtë tash në këse të zeza para Kuvendit”, ka thënë Krasniqi.
Punëtorja tjetër Shefkije Canolli është shprehur se shkeljet ndaj tyre kanë arritur kulmin, sipas saj duke u “hedhë jashtë si një leckë”.
“Me 275 euro veç ilaçe për vete dhe familjes asgjë nuk iu ndihmojë hiç…Shkeljet tona deri në maksimum janë bë, se me punua punëtorja prej 10 vit deri në 24 vite dhe me e hedhë jashtë si një leckë vetëm këtu kam parë, askund tjetër, më e padrejtë nuk ka…Marri për ta, pse me i hedhë gjërat tona, kur kemi punuar… Ne nuk kemi vra askënd, asgjë nuk kemi bë, kemi dalë një grevë, me e lypë një të drejtë tonën, pak më të lartë me mbijetuar, me mbajt familjen, vetën”, është shprehur Canolli.
Ndërsa, kryetari i Sindikatës së Pavarur të Sektorit Privat të Kosovës (SPSPK), Jusuf Azemi ka theksuar se sipas ligjit të punës dhe Inspektoratit Qendror të Punës, kompania ka bërë shkelje ligjore dhe padrejtësia.
“Sipas Ligjit të punës dhe gjitha ligjet që kanë të bëjnë raportet punëdhënës-punëmarrës, kjo është e padrejtë, këtë të padrejtë po e thotë edhe inspektorati i punës me bashkëpunëtorë, që kompania ka bërë shkelje ligjore…Gjitha këto gjëra i kemi përcjellë, fotografuar edhe punëtoret e rijnë që i ka fut, ata që nga momenti që këta punëtorë janë të obliguar që të dalin nga vendi, ku është e caktuar që të mbajnë grevën dhe deri në këtë moment është shkelje ligjore”, ka theksuar Azemi.
Punëtoret teknike të Kuvendit të Kosovës kanë kërkuar që të rriten pagat nga 275 euro në 550 euro.
Lajmet
Ambasadorja amerikane paralajmëron zgjerimin e listës së zezë në Maqedoninë e Veriut
Published
36 mins agoon
November 21, 2024By
UBTnewsAmbasadorja amerikane në Shkup, Angela Ageler, paralajmëroi më 21 nëntor për zgjerimin e “listës së zezë” edhe me persona të tjetër të dyshuar për krim dhe korrupsion në Maqedoninë e Veriut.
Gjatë një deklarate për media pas hapjes së Konferencës së parë për luftën kundër korrupsionit në Ballkanin Perëndimor – organizuar nga Ambasada e Shteteve të Bashkuara në Shkup në bashkëpunim me Byronë për Narkotikët Ndërkombëtarë dhe Zbatimin e Ligjit – Angeler theksoi se lista “është dinamike dhe gjithmonë ka emra që rishikohen dhe diskutohen”.
Ajo nuk specifikoi emra apo afate për përfshirjen e tyre në listë, duke theksuar se kjo është një çështje që vendoset nga Uashingtoni.
“Nuk kam afat kohor sepse është vendimi i Uashingtonit, por mund t’iu sigurojë që deri sa flasim ka një numër të emrave që merren në konsideratë, dhe si gjithmonë ne shohim që të shtojmë emra të rinj”, tha Ageler të enjten para gazetarëve në Shkup.
Gjatë vitit 2023, Departamenti amerikan i Shtetit e futi në listën e zezë ish-zëvendëskryeministrin maqedonas, Koço Angjushev, ndërsa para tij edhe disa politikanë dhe biznesmenë të tjerë të profilit të lartë, si kryetari i Komunës së Strugës, Ramiz Merko, dhe biznesmenin kundërthënës, Orce Kamçev.
Në listën e zezë amerikane janë edhe ish-drejtori i shërbimit sekret, Sasho Mijalkov, dhe ish-kryeministri Nikolla Gruevski, kryetari i Partisë Demokratike Shqiptare, Menduh Thaçi, ish-deputeti Xhevat Ademi, ish-ministri i Punëve të Brendshme, Lube Boshkovski dhe të tjerë.
Lidhur me rekomandimet e Komisionit Shtetëror për Parandalimin e Korrupsionit për emërimin e anëtarëve të Bordit Drejtues të Akademisë së Gjyqtarëve dhe Prokurorëve Publikë, Ageler bëri thirrje që të respektohen.
“Nuk kam detaje konkrete, por do të theksoj se është e rëndësishme që këto komente dhe rekomandime të shqyrtohen me kujdes në mënyrë që publiku të marrë përgjigje për pyetjet”, shtoi Ageler./REL/
Lajmet
Osmani takon ndihmës administratoren e USAID-it, kërkohet mbështetje për fuqizimin ekonomik të grave
Published
53 mins agoon
November 21, 2024By
UBTNewsPresidentja e Kosovës, Vjosa Osmani, priti në takim ndihmës administratoren në Byronë për Evropë dhe Euroazi të USAID-it, Erin McKee, me rastin e shënimit të 25 vjetorit të partneritetit dhe bashkëpunimit ndërmjet USAID-it dhe popullit të Kosovës.
Presidentja Osmani e ka përgëzuar USAID-in për miqësinë 25-vjeçare dhe mbështetjen e palëkundur për Kosovën. Sipas Presidentes Osmani, misioni i USAID-it gjatë çerek shekullit të kaluar, ka qenë i rëndësishëm në fuqizimin e të rinjve, grave, investimin dhe ndërtimin e institucioneve që mbështesin drejtësinë, barazinë dhe mundësitë për të gjithë.
“Trashëgimia transformuese e USAID-it është e dukshme në çdo cep të Kosovës, nga forcimi i institucioneve deri te rritja e qëndrueshme ekonomike dhe avancimi i parimeve demokratike”, citohet Osmani në komunikatë.
Në këtë kontekst, Presidentja Osmani shprehu mirënjohjen e thellë për kontributin e jashtëzakonshëm të USAID-it, përfshirë investimin prej mbi 1 miliard dollarësh në fushat ndryshme për progresin e Kosovës.
Presidentja Osmani theksoi gjithashtu rëndësinë e vazhdimit të mbështetjes së projekteve në fushën e drejtësisë dhe luftën kundër korrupsionit, si dhe projektet për fuqizimin ekonomik të grave, duke rikonfirmuar përkushtimin e Presidencës për t`i mbështetur këto projekte në dobi të të gjithë qytetarëve të Kosovës.
Karlo Akutis, “patron shenjti i internetit”, do të bëhet shenjtor në prill të 2025
Afrika e Jugut shpall helmimin nga ushqimi fatkeqësi kombëtare, 22 fëmijë vdiqën
Percival Everett fiton ‘Çmimin Kombëtar të Librit’ për fiksion
“Shkelje ligjore”, punëtoret teknike të Kuvendit zëvendësohen nga kompania pa paralajmërim
Art dhe absurditet: Maurizio Cattelan dhe shitja e bananes për 6.2 milionë
Ambasadorja amerikane paralajmëron zgjerimin e listës së zezë në Maqedoninë e Veriut
Oligarku ukrainas në mesin e të sanksionuarve nga Britania
Osmani takon ndihmës administratoren e USAID-it, kërkohet mbështetje për fuqizimin ekonomik të grave
Kristjan Asllani titullar, o tani, o kurrë më!
Të kërkuara
-
Bota3 weeks ago
Trump premton paqe në Liban nëse rikthehet në Shtëpinë e Bardhë
-
Bota3 weeks ago
Koreja e Veriut rrit frikën në botë, lëshon raketën e re balistike ndërkontinentale
-
Lajmet2 months ago
Kurti: Përdhunimi është mjeti që përdori Serbia në Kosovë në mënyrë që të lë pasoja të përhershme në familje
-
Kulturë2 months ago
Marigona Ferati, profesoresha e UBT-së, zëri i artit në jurinë ndërkombëtare në festivalin e teatrove në Oman