Teknologji

Një ashensor i prishur çoi në krijimin e një prej gjuhëve më të dashura të programimit

Gjuha e programimit Rust që atëherë është bërë një projekt open-source me mbështetje të madhe nga programuesit.

Published

3 years ago

on

17 vite më parë, zhvilluesi i Mozilla Gaydon Hoare u rikthye nga puna për të gjetur ashensorin e apartamentit të tij jashtë funksioni. I detyruar të ngjiste 21 kate, ai u acarua ndërsa kuptoi se një keqfunksionim softueri kishte shkaktuar këtë ushtrim fizik të pa planifikuar.

Të gjithë këtë irritim Hoare e shkarkoi te një projekt i një gjuhe programimi të shpejtë dhe fleksibël me minimizim të gabimeve dhe parandalim të problemeve të tilla siç është mosfunksionimi i ashensorit.

Gjuha e programimit Rust që atëherë është bërë një projekt open-source me mbështetje të madhe nga programuesit dhe aplikuar nga projekte të vogla deri tek aplikacione masive si ato të zhvillohen nga gjigantë si Microsoft dhe Amazon.

Gjuhët e programimit si C dhe C++ kanë një kosto. Ato ofrojnë fleksibilitetin e nevojshëm që programi të funksionojë për ekzekutimin e suksesshëm të një aplikacioni por nga ana tjetër kërkojnë nga zhvilluesit të menaxhojnë transaksionet e memories me kujdes. Dështimi në llogaritjen e duhur të këtyre transaksioneve të memories mund të shkaktojë dështime dhe mungesë stabiliteti të aplikacionit.

Për të lehtësuar menaxhimin e memories, gjuhë si Java prezantuan konceptin e Garbage Collector. këto kolektorë janë dizajnuar për të pastruar memorien e sistemit në mënyrë periodike duke minimizuar rrezikun e gabimeve të memories. Por nga ana tjetër kjo rrit përdorimin e memories dhe konsumon më shumë resurse për të mbajtur kolektorët në funksion.

Hoare u përpoq të krijojë një gjuhë programimi efektive dhe efikase për të eliminuar hendeqet mes këtyre qasjeve të vjetra të menaxhimit të memories. Edhe pse u kërkon zhvilluesve aplikimin e disa rregullave strikte të kodimit, gjuha menaxhon vetë memorien në vend të zhvilluesit duke siguruar ekzekutimin e një kodi prej të cilët memoria është e sigurt.

Nga 2013 mbështetësit e gjuhës kishin rafinuar menaxhimin e memories nga Rust deri në atë pikë saqë nuk nevojitej fare një kolektor. Gjuha vijoi të maturohej dhe të fitojë mbështetje nga zhvilluesit në mbarë botën përpara se versioni i parë stabil të mbërrinte në Maj të 2015-ës.

Në 2022 madhësia e komunitetit Rust ishte trefishuar në më shumë se 3 milionë përdorues dhe ishte në listën NASA për gjuhët e sigurta në aspektin e memories.

Përdorimi i Rust në industritë e automobilave dhe hapësirës nga kompanitë IT, përfshirë Microsoft, Amazon dhe Dropbox, vijon të rritet çdo ditë duke ulur varësinë ndaj C dhe C++./PCWorld Albanian

Related Topics:
Continue Reading

Teknologji

Makina e vitit 2026 në Gjermani, ja kush po e dominon kategorinë

Published

1 day ago

on

November 27, 2025

By

Modeli kompakt elektrik Škoda Elroq u bë makina elektrike më e shitur në Gjermani gjatë muajit tetor dhe sapo fitoi titullin prestigjioz “Makina Gjermane e Vitit 2026”, duke lënë pas konkurrentë si Dacia Bigster dhe Hyundai Ioniq 9.

Me pajisjet e tij moderne dixhitale, sistemet e sigurisë dhe teknologjinë e avancuar, Elroq përfaqëson një shembull të qartë të inovacionit në industrinë e automobilave, përfshirë edhe sistemin e tij të fuqishëm të transmisionit.

Në dispozicion janë tre versione baterish:

Versioni bazë ka një bateri me kapacitet të përdorshëm 50 kWh, që ofron një autonomi prej 375 km, mund të karikohet deri në 130 kW, dhe kur kombinohet me një motor elektrik 170 kf, përshpejton nga 0 në 100 km/h për 9 sekonda.

Versioni më i avancuar ka një bateri 77 kWh me autonomi 570 km, karikohet deri në 175 kW, dhe motori elektrik me 286 kf dhe 545 Nm siguron një përshpejtim vetëm 6.6 sekonda deri në 100 km/h.

Fituesit e çmimeve shpallen në pesë kategori bazuar në çmimin e automjetit:

Kategoria kompakte (deri në 40,000 €): Škoda Elroq

Automjete të vogla (deri në 25,000 €): Dacia Bigster

Segmenti premium (deri në 70,000 €): Hyundai Ioniq 9

Klasa luksoze (mbi 70,000 €): Cadillac Vistiq

“Makina e Vitit” vlerëson makinat më të mira të reja në treg, ku një juri prej 40 gazetarësh automobilash teston modelet kryesore në pesë kategori. Fituesit e klasave marrin pjesë në një provë finale drejtimi, dhe automjeti me më shumë vota shpallet Makina e Vitit në nëntor.

Për herë të parë në historinë e konkursit, fituesi i përgjithshëm nuk është nga Gjermania, duke treguar se prodhuesit ndërkombëtarë po marrin gjithnjë e më shumë iniciativën në industrinë automobilistike. /A.Z/UBT News/

Continue Reading

Teknologji

Renault Group shpallet “Prodhuesi i Vitit”

Published

1 day ago

on

November 27, 2025

By

Një natë krenarie për të gjithë të lidhurit me Renault Group, pasi kompania franceze e automjeteve u shpall “Prodhuesi i Vitit” në TopGear.com Awards 2025 në Londër.

Viti 2025 ka qenë i mbushur me aktivitete për Renault, dhe kompania ndihet e nderuar që përkushtimi i ekipeve u vlerësua nga një nga emrat më të respektuar në industrinë automobilistike.

Jack Rix, redaktor i TopGear.com, komentoi:

“Ka qenë vit i jashtëzakonshëm, me R5 dhe R4 që fituan zemrat e njerëzve, Clio që shpëtoi segmentin supermini, Twingo që riktheu triumfueshëm e R5 Turbo 3E që dëshmoi se ka ende vend për pak çmenduri. Alpine filloi odiseadën elektrike me modelet A290 dhe A390, Dacia zgjeroi horizontet me Bigster dhe më pas i ngushtoi përsëri me Hipster. Tani presim me padurim vitin 2026.”

Ky çmim i fundit kurorëzon një vit të rëndësishëm për Renault, dhe kompania falënderon sinqerisht TopGear.com për njohjen e dhënë.

Suksesi i Renault nuk përfundon këtu: modeli R4 u shpall “Crossover i Vitit”, pas titullit “Vetura Elektrike e Vitit” në TopGear.com Electric Car Awards më herët gjatë vitit.

Ky rezultat reflekton vizionin e Renault: të inovojë dhe të sfidojë kufijtë për të krijuar automjete më të qasshme dhe më argëtuese për një audiencë gjithnjë e më të gjerë. /A.Z/UBT News/

Continue Reading

Teknologji

Apple përballet me hetime për ndikimin e privatësisë

Published

2 days ago

on

November 26, 2025

By

Zyra kundër monopolit e Polonisë (UOKiK) po heton nëse Apple po kufizon konkurrencën në tregun e reklamave mobile përmes politikës së saj të privatësisë, App Tracking Transparency (ATT).

Ky sistem, i prezantuar në iOS 14.5 e më pas, mund të pengojë aplikacionet e palëve të treta të mbledhin të dhëna për reklama të personalizuara, duke favorizuar shërbimin e reklamave të Apple.

Presidenti i UOKiK, Tomasz Chrostny, deklaroi se politika e ATT-së mund të ketë mashtruar përdoruesit për nivelin e mbrojtjes së privatësisë dhe mund të përbëjë abuzim me pozicionin dominues.

Nëse akuzat konfirmohen, Apple mund të gjobitet deri në 10% të të ardhurave vjetore në Poloni. Hetime të ngjashme po kryhen edhe në Gjermani, Itali, Rumani, ndërsa në Francë kompania u gjobit me 150 milionë euro. /A.Z/UBT News/

Continue Reading

Teknologji

Nokia investon 4 miliardë dollarë në SHBA dhe sjell rrjetin 4G në Hënë

Published

2 days ago

on

November 26, 2025

By

Nokia do të investojë 4 miliardë dollarë në SHBA për kërkim, zhvillim dhe prodhim, me fokus në përparimet e rrjetit të drejtuar nga inteligjenca artificiale.

Nga kjo shumë, 3.5 miliardë dollarë do të përdoren për kërkim-zhvillim dhe 500 milionë për prodhim dhe shpenzime kapitale në Teksas, New Jersey dhe Pensilvani.

Përveç investimeve tokësore, Nokia do të vendosë rrjetin e parë 4G në Hënë, pjesë e misionit Intuitive Machines-2, duke ndihmuar në bazat për eksplorimin hënor dhe misionet me ekuipazh.

Anija Athena e misionit u ngrit së fundmi me raketën SpaceX Falcon 9, duke transportuar rrjetin hënor të Nokias.

Nokia prezantoi kamerën e saj profesionale Nokia 360 Camera, e para 5G në botë që transmeton video 8K me zë hapësinor dhe lidhje me vonesë të ulët për përdorim industrial. /A.Z/UBT News/

Continue Reading

Të kërkuara