Lajmet

Nisin punimet, Kurti: Zgjerimi i rrugës Prishtinë-Podujevë, nevojë e kamotshme për Llapin

Projekti kap vlerën rreth 35 milion euro që pritet të përfundojë brenda një viti.

Published

2 years ago

on

Është bërë inaugurimi i fillimit të punimeve të rrugës Prishtinë-Podujevë, projekt ky që kap vlerën rreth 35 milion euro që pritet të përfundojë brenda një viti.

Me këtë rast, kryeministri Albin Kurti deklaroi se do të bëjnë çfarëdo që nevojitet që kjo rrugë të përfundojë sa më parë.

Sipas Kurtit, ngecja e madhe në këtë rrugë më herët ka ndodhur për shkak se kanë hyrë në ekzekutim punimet pa planifikim e pa përgatitje.

“Inspektuam punimet, shikuam harta dhe gjithashtu bashkëbiseduam me punëtoret për punën që janë duke e kryer dhe e cila kap vlerën e gjithmbarshme për rreth 35 milion euro. Rruga Prishtinë-Podujevë është e vjetër gjysmë shekulli dhe ka qenë nevojë e kamotshme e trevës së Llapit që të lidhet me kryeqytetin në mënyrë efikase të shpejtë dhe të sigurt dhe do të bëjmë çmos që kjo rrugë të përfundoj sa më parë. Natyrisht që numri i ditëve është rreth numrit të ditëve që ka viti që nevojitën si ditë punë që të përfundoj kjo. Por tash jemi në rrugë të mbarë për të përfunduar këtë zgjerim i cili është i rëndësishëm, jo vetëm për shpejtësinë e lidhjes më kryeqytet por edhe për sigurinë e të gjithë qytetarëve… Ngecja e madhe ka ekzistuar pikërisht për shkak se kanë hyrë në ekzekutim pa planifikim e pa përgatitje. Tash ne e rikuperuam me shpejtësi maksimale dhe do të bëhet zgjerimi i rrugës. Do të vazhdojmë edhe më një vizitë tjetër që do të ja bëjmë edhe rregullimit të rrugës Prishtinë-Mitrovicë”, tha Kurti.

Ministri i Infrastrukturës, Liburn Aliu, derisa ka treguar më shumë detaje për projektin ka theksuar se përvojat nga e kaluara kanë treguar që është shumë e rëndësishme që proceset e shpronësimit të kryhen para se të fillojnë punët, pasi që sipas tij, një ndër element e zvarritjeve në projekte janë elemente e shpronësimit.

“Projekti i zgjerimit të rrugës Prishtinë-Podujevë është projekt që i ka pesë llote. Jemi në një mënyrë, në një sistem më të organizuar të zhvillimit dhe punimit. Përvojat nga e kaluara na kanë treguar që është shumë e rëndësishme që proceset e shpronësimit të kryhen para se të fillojnë punët, për shkak se një ndër element e zvarritjeve në projekte janë elemente e shpronësimit… Një element i rëndësishëm është trafiku në këtë rrugë. Zgjerimi i rrugës do të ketë ndikime të shumta në trafikun ekzistues që është një ndër problemet kryesore. Kemi krijuar ekipe të veçantë që të merren me mbarëvajtjen e trafikut sidomos gjatë këtyre muajve të parë që do të hyj diaspora, respektivisht mërgata jonë do të ketë prezentë dhe do të jetë trafiku më i shtuar. Do të kemi kujdes që të mos ketë pengim të trafikut më rrugë. Pastaj do të fillojmë të punojmë edhe më trup të rrugës. Jemi mjaftë të përkushtuar dhe të vendosur që kjo rrugë të kryhet në kohë që të kemi cilësi të punimeve, e paralelisht më këtë edhe për projektet e tjera”, tha Aliu.

Ndërsa, zëvendësministri, Hysen Durmishi tha se një pjesë e ekipeve do të punojnë edhe natën në mënyrë që të mos ketë pengesa në komunikacion, duke shtuar se ky projekt do të përfundoje para afatit të planifikuar.

“Do të kujdesemi që në një pjesë, në periudha të ndryshme kohore, të punojmë edhe natën, në mënyrë që të mos ketë pengesa në komunikacion, si dhe rrugëve alternative të cilat tashmë janë identifikuar sepse operatorët ekonomik janë vlerësuar edhe me planin dinamik por edhe me dokumentin të cilin e kanë prezantuar për menaxhimin e trafikut. Të gjitha këto përgatitje që kemi bërë jemi optimist se ky projekt do të përfundojë para afatit të planifikuar ”, tha Durmishi.

Kryetari i Podujevës, Shpejtim Bulliqi është shprehur i lumtur me fillimin e këtij projekti, pasi që sipas tij e njëjta rrugë ka shkaktuar vështirësi në qarkullim për shkak numrit të madh të automjeteve.

“Një projekt i shumëpritur nga qytetarët e Llapit, për arsyeje se kjo rrugë pat shkaktuar shumë vështirësi në qarkullim, për shkak të numri të madh të automjeteve. Por, nga kjo që po shohim, kemi parapërgatitje të mira dhe çdo gjë është menduar, çdo gjë ka shkuar me rend dhe rregull, dhe shpresojmë se ky projekt do të mbyllet brenda afateve kohore”, tha Bulliqi.

Related Topics:
Continue Reading

Lajmet

Osmani pranoi letrat kredenciale nga ambasadori i ri i Hungarisë në Kosovë

Published

2 days ago

on

May 30, 2025

By

Presidentja Vjosa Osmani ka pranuar sot letrat kredenciale nga ambasadori i ri i Hungarisë në Prishtinë Laszlo Istvan Dux.

Gjatë ceremonisë, presidentja Osmani i uroi mirëseardhje ambasadorit Dux, duke theksuar faktin se Hungaria ka qenë ndër vendet e para që e ka njohur pavarësinë e Kosovës.

Osmani vlerësoi marrëdhëniet ndërmjet dy shteteve dhe shprehu përkushtimin për zgjerimin e mëtejshëm të bashkëpunimit në fusha me interes të përbashkët, veçanërisht në arsim dhe ekonomi, raporton KosovaPress.

Continue Reading

Lajmet

Punëtorët e “Pastrimit” në ditën e nëntë të grevës

Published

2 days ago

on

May 30, 2025

By

Punëtorët e ndërmarrjes “Pastrimi” kanë hyrë në ditën e nëntë të grevës para Komunës së Prishtinës, duke kërkuar pagesën e borxhit prej 2.7 milionë euro që komuna i detyrohet ndërmarrjes.

Pavarësisht ndryshimeve klimatike, ata qëndrojnë në tenda ditë e natë dhe paralajmërojnë se nuk do të tërhiqen pa u realizuar kërkesat.

Nënkryetari i Sindikatës, Shpend Qosa, në një intervistë për Ekonomia Online tha se janë në pritje të një takimi vendimtar me zyrtarët komunalë, ndërsa theksoi se kërkesat kryesore janë sigurimi i naftës, pagave dhe stabilizimi i kompanisë.

“Sot kemi hyrë në ditë e nëntë të grevës, ne e kemi pasur një takim me zyrtarët komunal jemi në shqyrtim të kërkesave tona edhe sot jemi në pritje të një takimi. Deri sa të gjejmë një zgjidhje për kërkesat tona. Diçka konkrete nuk kemi që do të arrijmë një zgjedhje ne vazhdojmë punën dhe dalim në punë. Ato kërkesa tona që i kemi në takim kemi folur, edhe komuna ka dhënë disa zgjidhje të saj të cilat i kemi shqyrtuar. Sot i presim në takim për të arrijmë një marrëveshje, realisht kërkesat tona janë me pasur naftë paga dhe me stabilizuar gjendja e kompanisë. Punëtorët pagat i kanë marr”, ka thënë Qosa.

Punëtori Blerim Hajdini, i cili punon prej 16 vitesh në këtë ndërmarrje, tha se greva nuk do të ndalet pa u plotësuar kërkesat.

Ai shprehu shqetësimin për pagat e ulëta dhe borxhet personale, duke theksuar se paga mujore prej 425 euro është e pamjaftueshme për të përballuar jetesën.

“Jemi në grevë deri të na plotësohet kërkesat tona dhe kushtet tona nuk e kemi ndërmend ta ndalim grevën. Unë punoj që 16 vite këtu të gjithë kanë kredi të majme, unë i kam 15 euro kredi nuk mund t’ia dal assesi për arsye se paga është shumë vogël, e kemi 425 euro në kontratë. Kërkesa jonë është të na kthej borxhin 100 për qind dhe ta ndërpresin privatin menjëherë”, shtoi ai.

Continue Reading

Lajmet

Ministria e Shëndetësisë paralajmëron 100 inspektorë të rinj për luftën kundër duhanit

Published

3 days ago

on

May 30, 2025

By

Ministria e Shëndetësisë po planifikon t’i punësojë edhe 100 inspektorë me qëllim të rritjes së kontrollit të përdorimit të duhanit në Kosovë, kështu tha ministri në detyrë i Shëndetësisë, Arben Vitia gjatë një konference për media në prag të Ditës Botërore Kundër Duhanit.

Ministri i Shëndetësisë, Arben Vitia tha se është lajm i mirë që në Kosovë ka rënie të përdorimit të duhanit për shkak të politikave të ndërmarra, por shtoi se ende duhet punë.

Vitia theksoi se miratimi dhe zbatimi i udhëzimit administrativ për vërejtjet e kombinuara shëndetësore në pakot e duhanit ka dhënë rezultatet e tij.

“Në Kosovë sipas STEPS përdorimi i duhanit është në rënie krahasuar me vitin 2011 apo hulumtimin paraprak, që natyrisht kjo është një lajm i mirë, ky është trend inkurajues që dëshmon efektivitetin e politikave të deritanishme, por një trend i pamjaftueshëm për qëllimet që ia kemi bërë vetes,” tha ai.

Ministri në detyrë i Shëndetësisë, Arben Vitia tha se me Ministrinë e Financave po shohin mundësinë t’i shtojnë kapacitetet inspektuese edhe për 100 inspektorë me qëllim të rritjes më të madhe të kontrollit të duhanit.

“Rritja e akcizës në 65 euro për kilogram sipas vendimit të qeverisë së Kosovës është tjetër sinjal që politikat fiskale po japin efekt… Kemi fuqizuar edhe kapacitetin inspektues përmes rekrutimit të rreth 30 inspektorëve të rinj që kanë ndihmuar në zbatim të ligjit, por natyrisht kjo akoma nuk është e mjaftueshme dhe vazhdon të mbetet sfidë serioze, prandaj kohëve të fundit në bashkëpunim me ministrinë e Financave po përgatisim një plan për angazhimin e rreth 100 vetave shtesë që ky ligj të zbatohet në përpikëri në të gjitha vendet ku nuk duhet të pihet duhani,” theksoi Vitia.

 

Continue Reading

Lajmet

PDK-ja dorëzoi zyrtarisht në ZRRE kundërshtimin për daljen e bizneseve në tregun e lirë

Published

3 days ago

on

May 30, 2025

By

Partia Demokratike e Kosovës (PDK) ka dorëzuar sot në mënyrë zyrtare kundërshtimin e saj ndaj vendimit të Zyrës së Rregullatorit për Energji (ZRRE) për daljen e bizneseve në tregun e lirë, duke e cilësuar këtë vendim si të paligjshëm dhe të papërballueshëm për qytetarët.

Në një konferencë për media, deputeti i PDK-së, Abelard Tahiri, bëri të ditur se partia ka ndërmarrë hapa ligjorë për ta sfiduar këtë vendim brenda afateve të përcaktuara.

“Ngritja e çmimit e ka bërë të pamundur përballimin e kësaj kostoje të lartë nga rritja e çmimeve që do të pasojë nga vendimet e paligjshme të ZRRE-së. Ne sot, duke ndjekur hapat ligjorë, e kemi dorëzuar kundërshtimin tonë administratës në ZRRE. Jemi të bindur që qëndrimet e tyre do të jenë të njëjta. Ne do të presim 15 ditë për ta anuluar këtë. Nëse brenda 15 ditëve ata nuk e anulojnë, ne do ta procedojmë në departament,” tha Tahiri.

Continue Reading

Të kërkuara