Lajmet

Nisin negociatat: Komandanti taleban takohet me ish-presidentin Hamid Karzai

Karzai drejtoi Afganistanin nga viti 2001 deri në vitin 2014.

Published

4 years ago

on

Anas Haqqani, komandant i talebanëve dhe udhëheqës i lartë i rrjetit Haqqani është takuar me ish-presidentin e Afganistanit Hamid Karzai, sipas mediave lokale.

Abdullah Abdullah, i dërguari i paqes i qeverisë së mëparshme, ishte gjithashtu i pranishëm. Pamjet e takimit kanë qarkulluar në internet, por është e paqartë se çfarë u diskutua, shkruan BBC, përcjell abcnews.al.

Rrjeti Haqqani, i caktuar nga SHBA si një organizatë terroriste, mbikëqyr pasuritë financiare dhe ushtarake të talebanëve përgjatë kufirit Pakistan-Afganistan.

Aktualisht është një nga grupet militante më të fuqishme dhe më të frikshme të rajonit, dhe është vlerësuar me disa nga sulmet më të dhunshme kundër forcave afgane dhe aleatëve të tyre perëndimorë vitet e fundit.

Karzai drejtoi Afganistanin nga viti 2001 deri në vitin 2014. Ai u pasua nga Ashraf Ghani, i cili tani është larguar nga vendi.

Në mediat sociale, disa afganë kanë shprehur shqetësimin e tyre në takimin e Karzai me Haqqani. Udhëheqësi militant u dënua me vdekje në vitin 2016, por u lirua tre vjet më vonë si pjesë e një shkëmbimi për lirimin e dy profesorëve perëndimorë që punonin në Kabul. g.v/abcnews.al

Related Topics:
Continue Reading

Lajmet

Haradinaj uron SHBA-të për Ditën e Pavarësisë: Aleate historike, mike e pazëvendësueshme

Published

2 minutes ago

on

July 4, 2025

By

Kryetari i Aleancës për Ardhmërinë e Kosovës, Ramush Haradinaj, ka uruar Shtetet e Bashkuara të Amerikës në ditën e pavarësisë.

Haradinaj, ka thënë se SHBA-të janë aleate historike dhe një mike e pazëvendësueshme e Kosovës.

‘‘Urime Dita e Pavarësisë, Shtetet e Bashkuara të Amerikës! Një aleate historike, një mike e pazëvendësueshme për Kosovën!

Happy Independence Day!’’, shkroi në facebook, Haradinaj.

Continue Reading

Lajmet

Presidentja Osmani uron ShBA-në: Nga populli më pro-amerikan në botë, gëzuar 4 Korrikun

Published

5 minutes ago

on

July 4, 2025

By

Presidentja e Kosovës, Vjosa Osmani, ka uruar Shtetet e Bashkuara të Amerikës me rastin e 249-vjetorit të Pavarësisë.

“Nga populli më pro-amerikan në botë: Gëzuar 4 Korrikun, Ditën e Pavarësisë së Shteteve të Bashkuara të Amerikës”, shkroi në Facebook, presidentja Osmani.

Continue Reading

Lajmet

​Shtetet e Bashkuara të Amerikës festojnë sot Ditën e Pavarësisë

Published

33 minutes ago

on

July 4, 2025

By

Shtetet e Bashkuara të Amerikës festojnë sot Ditën e Pavarësisë.

Data 4 korrik shënon 249-vjetorin e shpalljes së pavarësisë së Shteteve të Bashkuara të Amerikës.

Deklarata e Pavarësisë është një dokument ku 13 kolonitë e Mbretërisë së Bashkuar nga Amerika e Veriut shpallën pavarësinë nga Mbretëria e Bashkuar.

Dokumenti i Pavarësisë u ratifikua më 4 Korrik 1776.

Kushtetuta amerikane, e nënshkruar në vitin 1787 përshkruan më pas bazën dhe strukturën e qeverisë të Shteteve të Bashkuara, e cila është e ndarë në tri degë: ekzekutive, legjislative dhe juridike – Presidenti, Kongresi dhe Gjykata e Lartë.

Dita e Pavarësisë në SHBA festohet me parada madhështore, festime familjare dhe mbyllet me hedhjen e fishekzjarrëve.

Continue Reading

Lajmet

4 Korrik 1776, 249 vjetori i pavarësisë së SHBA-ve – Ditëlindja e Amerikës!

Published

1 hour ago

on

July 4, 2025

By

4 Korriku, i njohur edhe si Dita e Pavarësisë, është dita në vitin 1776 kur delegatët nga 13 kolonitë e Shteteve të Bashkuara miratuan Deklaratën e Pavarësisë, duke njoftuar shkëputjen nga Britania.

Kjo ditë është festë federale në Shtetet e Bashkuara që nga viti 1941 dhe tradicionalisht është një ditë kur amerikanët festojnë me fishekzjarre, parada, koncerte dhe piknikë.

4 Korrik 2025, u mbushën 249 vjet nga dita, që kur burrat më të ndritur të kombit amerikan, nënshkruan Deklaratën e Pavarësisë, duke u betuar, ashtu siç thuhet edhe në deklaratë, për nderin e tyre, të kombit të cilit ata i përkisnin.

Deklarata e Pavarësisë është një dokument nëpërmjet të cilit 13 kolonit e Mbretërisë së Bashkuar nga Amerika e Veriut shpallën veten të pavarur nga Mbretëria e Bashkuar. Dokumenti u ratifikua nga Kongresi Kontinental më 4 korrik, 1776.

Deklarata e Pavarësisë është një nga simbolet e lirisë, dhe më të dashura e të nderuara të Shteteve të Bashkuara.

Continue Reading

Të kërkuara