Lajmet nga UBT
Nis zyrtarisht festivali ndërkombëtar “Global UBT Fest 2022”
Rektori i UBT-së, Prof. Dr. Edmond Hajrizi, theksoi se UBT është duke u angazhuar që përmes aktiviteteve të ndryshme të dëshmojë potencialin që ka si institucion.
Në një ceremoni solemne, në Parkun Shkencor Inovativ të UBT-së, në Lipjan, është bërë hapja e festivalit më të madh të dijes në Kosovë dhe në rajon, “Global UBT Fest 2022”, festival ky i cili organizohet çdo vit nga UBT.
Në këtë ceremoni mori pjesë rektori i UBT-së, Prof. Dr. Edmond Hajrizi, zëvendëskryeministrja e parë e Republikës së Kosovës, njëherit ministrja për Punët e Jashtme dhe Diasporën, Donika Gërvalla – Schwarz, përfaqësues nga Ministria e Kulturës, Rinisë dhe Sportit, profesori ndërkombëtar nga Izraeli, Dror Fixler, si dhe profesorë e studentë të UBT-së.
Rektori i UBT-së, Prof. Dr. Edmond Hajrizi, theksoi se UBT është duke u angazhuar që përmes aktiviteteve të ndryshme të dëshmojë potencialin që ka si institucion, por edhe potencialin e të rinjve në Kosovë, si dhe tregoi rreth aktiviteteve të ndryshme, të cilat do të zhvillohen përgjatë një muaji në kuadër të “Global UBT Fest”.
“Është festivali më i madh i dijes në Kosovë dhe në rajon, ku janë të ndërthurura aktivitete të ndryshme të mbi 30 shkollave verore të secilit fakultet, të cilat synojnë përmes temave të ndryshme me folës, ekspertë, përfaqësues të ndërmarrjeve dhe institucioneve të ndryshme të përhapin përvoja, njohuri dhe dije tek studentët dhe pjesëmarrësit e tjerë, duke e formësuar një festival global të dijes”, ka thënë rektori Hajrizi.
Zëvendëskryeministrja e parë e Republikës së Kosovës, njëherit ministrja për Punët e Jashtme dhe Diasporën, Donika Gërvalla – Schwarz, potencoi faktin që UBT pavarësisht sfidave, ka arritur të realizojë në Kosovë, një festival të madh të dijes siç është “Global UBT Fest”.
“Jam krenare që në mesin tonë ndodhin aktivitete të kësaj natyre, 30 ditë nuk janë pak, 30 ditë të mbushura edhe vetëm me festë edhe janë shumë, pa lëre më t’i mbushësh me aktivitete, t’i mbushësh me dije, t’i mbushësh me njerëz të interesuar, t’i mbushësh me ngjarje pozitive është një sfidë e jashtëzakonshme, dhe UBT e ka dëshmuar se mund ta bëjë këtë”, ka thënë Gërvalla – Schwarz.
Gërvalla – Schwarz, theksoi që kontributi i institucioneve të Kosovës, ende është i vogël, dhe se duhet angazhim më i madh në aspektin e përmirësimit të kushteve të sistemit arsimor dhe edukativ.
“Në gjendjen në të cilën ndodhemi sot, kontributi i institucioneve ende është i limituar, ende është i vogël në arritjen e asaj çfarë do të përfaqësonte më së miri, mundësitë që të rinjtë tanë, që djemtë dhe vajzat tona kanë, vullnetin që kanë për të mësuar, vullnetin që kanë për të shkëlqyer, të cilëve porsa u krijohet mundësia për të shkuar në një ambient tjetër, ata janë më të mirët”, ka shtuar Gërvalla -Schwarz.
Në këtë ceremoni prezantoi një punim edhe profesori ndërkombëtar nga Izraeli, Dror Fixler, i cili njashtu tha se është i lumtur që është pjesë e hapjes solemne të një festivali të madh të dijes të organizuar nga UBT, “Global UBT Fest”.
Ky festival do të zgjasë 30 ditë dhe do të sjellë emra të mëdhenj të profesorëve dhe artistëve ndërkombëtarë, të cilët do të zhvillojnë aktivitete të ndryshme, përfshirë këtu forume, samite, gara, punëtori e ekspozita të fushave të ndryshme të jetës.
Aktualitet
Pjesëmarrësit e Konferencës Ndërkombëtare të Muzikës Moderne në UBT nisin dorëzimin e abstrakteve
Aktualitet
Rektori i UBT-së, folës kryesor në Konferencën Shkencore Ndërkombëtare të Institutit Pedagogjik të Kosovës
Në kuadër të Konferencës Shkencore Ndërkombëtare me temën: “Arsimi gjatë gjithë jetës: qasje gjithëpërfshirëse nga fëmijëria e hershme deri te arsimi profesional”, të organizuar nga Instituti Pedagogjik i Kosovës, Rektori i UBT-së, Prof. Dr. Edmond Hajrizi, ishte folës kryesor, ku ndau vizionin e tij për transformimin e arsimit në Kosovë dhe rajon.
Në fjalën e tij, Rektori Hajrizi theksoi se nuk mjafton vetëm pjesa universitare për të ndërtuar një sistem funksional, por është e domosdoshme lidhja e saj me arsimin parauniversitar.
“Procesi i ndërtimit të një sistemi arsimor gjithëpërfshirës nuk ka qenë i mjaftueshëm vetëm me arsimin universitar. Është dashur të krijojmë edhe sistemin parauniversitar, në mënyrë që nxënësit dhe studentët të kenë një qasje më të lehtë në tregun e punës”, tha ai.
Ai foli për kalimin nga klasa tradicionale drejt klasave digjitale, duke prezantuar konceptet inovative të zhvilluara edhe në UBT:
Klasa 2.0 – me laboratorë, kompjuterë, hapësira për gaming, hackathon dhe eksperimente praktike.
Klasa 3.0 – që solli dimensionin virtual dhe perceptimin 3D, duke rritur njohuritë dhe kompetencat e studentëve.
Klasa 4.0 – sistemi më i avancuar, që integron të gjitha teknologjitë smart dhe Inteligjencën Artificiale (AI).
“Nga klasa tradicionale kemi kaluar në klasa 2.0 e 3.0, ndërsa sot jemi në gjendje të aplikojmë edhe klasën 4.0, ku studentët përjetojnë kompetencat e së ardhmes në mënyrë reale dhe të menjëhershme”m u shpreh Rektori Hajrizi.
Ai shtoi se për Kosovën ky transformim ka pasur një rëndësi të madhe, pasi teknologjitë e reja e kanë bërë arsimin më të qasshëm dhe më të lirë.
“Nëpërmjet digjitalizimit, ne e kemi ulur koston e arsimit deri në 60%. Arsimi sot është më i shpejtë, më i qasshëm dhe më i lidhur me nevojat e tregut”, theksoi ai.
Një tjetër pikë e rëndësishme që ai ngriti ishte vendosja e Inteligjencës Artificiale (AI) në gjithë strukturën arsimore të UBT-së.
“Ne kemi integruar AI në të gjithë strukturën e UBT-së, duke krijuar një qendër unike në Ballkanin Perëndimor, ku studentët dhe nxënësit detyrimisht përdorin teknologjitë e së ardhmes”, theksoi Rektori Hajrizi.
Konferenca vazhdoi me një panel diskutimi mbi temat e trajtuara nga folësit kryesorë. U theksua se, përkundër zhvillimeve teknologjike, roli i familjes, brezit dhe shoqërisë nuk mund të eliminohet, pasi mbeten elementë themelorë të modelit tradicional të edukimit.
Soda e bukës dhe diabeti, mit apo e vërtetë?
YouTube prezanton mjete të reja inteligjence artificiale dhe opsione monetizimi
Pjesëmarrësit e Konferencës Ndërkombëtare të Muzikës Moderne në UBT nisin dorëzimin e abstrakteve
Më 22 shtator dëshmitari i ri i mbrojtjes në rastin Thaçi dhe të tjerët
Si ndihmon lëngu i bizeleve në pastrimin e mëlçisë?
Basha pret në takim ambasadorin e Shqipërisë, Petrit Malaj
Haradinaj takohet me ambasadoren greke, kërkon njohjen e Kosovës nga Greqia
Jessie J rikthehet me albumin e ri pas 8 vitesh pauzë
Armatimi i kapur në Zveçan, Elshani: Dyshohet se lidhen me të akuzuarin Nemanja Radivojeviq – Gandi
-
Aktualitet3 weeks agoProfesori i UBT-së, Bahri Gashi, pjesë e rrjetit prestigjioz ndërkombëtar të recensimit shkencor në Taylor & Francis
-
Kërkime2 months agoProfesori i UBT-së, Musa Sabedini, publikon punim shkencor në revistën ndërkombëtare JGPSCD në SHBA
-
Aktualitet2 months agoBSc në Shëndet Publik dhe Shkenca Mjekësore në UBT – Investim për të ardhmen e shëndetit të popullatës
-
Lajmet nga UBT3 months agoUBT shpall konkurs për pranimin e studentëve të rinj për vitin akademik 2025/26