

Lajmet
Nis mësimi pas Vitit të Ri, nxënësit dhe mësimdhënësit të pakënaqur me numrin e ditëve të pushimit
Nxënësit dhe mësimdhënësit vlerësojnë se do të ishte dashur të kenë më shumë ditë pushimi këtë fillim vit.
Published
3 years agoon
By
Betim GashiNë ditën e katërt të Vitit të Ri, nxënësit iu janë kthyer bankave shkollore pas festave të fundvitit dhe procesi mësimor po zhvillohet normalisht në Prishtinë.
Megjithatë nxënësit dhe mësimdhënësit vlerësojnë se ishte dashur me pasur ditë pushimi më shumë këtë fillim vit sikur viteve paraprake. Për Vitin e Ri, festë zyrtare ishte të hënën dhe të martën.
Ministria e Arsimit me vendim ka ndryshuar kalendarin e vitit shkollor 2022-2023, për shkak të 22 ditëve të pambajtura të mësimit gjatë muajit shtator 2022 si pasojë e grevës së mësimdhënësve.
Sipas kalendarit, gjysmëvjetori i parë për të gjitha nivelet e arsimit parauniversitar do të përfundojë më datë 27.01.2023. Ndërkaq, pushimi dimëror për të gjitha nivelet e arsimit parauniversitar do të fillojë më datë 30.01.2023 dhe mbarojë më 03.02.2023.
Përkundër që ka dalë në punë sot, mësimdhënësi i shkollës “Naim Frashëri”, Astrit Kasapolli thekson se pushimi pas Vitit të Ri do të duhej të vazhdonte edhe më gjatë në arsim.
“Ndoshta kishte qenë e arsyeshme me qenë pushimi më I gjatë, me nisë mësimi prej ditës së martë të javës së ardhshme, meqë të hënën është festë zyrtare. Por, është institucioni i arsimit që ka vendosur, dhe ne duhet me i përfillur vendimet dhe me vazhduar mësimin”, theksoi ai.
Edhe nxënësja Bulëza Bërnica tha se ka pasur dëshirë që për Vitin e Ri të kishte më shumë ditë pushimi.
“Pushimet, festat për fundvit kanë shkuar mirë. Kishim pasur dëshirë që pushimi të ishte edhe më i gjatë. Festat i kemi kaluar mirë me familje”, theksoi ajo.
Më shumë ditë pushimi ka kërkuar edhe Flandër Turjaka nxënëse në shkollën “Naim Frashëri”, në Prishtinë.
“Mendoj që për festat e fundvitit ishte dashur që pushimi me qenë më i gjatë për me i shijuar më shumë festat e fundvitit me familjarët tanë”, theksoi ajo.
Zëvendësdrejtoresha e shkollës “Naim Frashëri”, Drita Qorolli ka thënë se mësimi në këtë shkollë ka filluar normalisht dhe sot kanë marrë pjesë në mësime 99 për qind e nxënësve.
Fillimi i mësimit menjëherë pas Vitit të Ri, nuk e ka penguar zëvendësdrejtoreshën Qorolli, pasi që sipas saj moti i mirë këto ditë është në favor të nxënësve dhe mësimdhënësve.
“Pas festimit të këtyre ditëve festive mësime tek ne ka filluar normalisht, 99 për qind të nxënësve kanë ardhur sot në shkollë, edhe pse disa prindër kanë insistuar dhe sipas Këshillit të prindërve të Kosovës ka qenë kërkesë me vazhduar pushimi dimëror sikur viteve të tjera, mirëpo fëmijët sot kanë ardhur në shkollë dhe të përgatitur për mësim, me orar të rregullt vazhdohet mësimi sipas vendimit që është marrë nga Ministria e Arsimit për zëvendësimin e ditëve të humbura në grevë… Personalisht mua nuk më ka penguar, edhe pse ndoshta jemi mësuar me vite të tëra, pushimi dimëror ka qenë i planifikuar gjithmonë pas datës 31 dhjetor, dy javët e para të muajit janar. Por, megjithatë, edhe pse është koha e mirë, ta shfrytëzojmë për t’i kryer obligimet tona”, tha Qorolli.
Edhe zëvendësdrejtoresha e shkollës “Gjergj Fishta” në Prishtinë, Sofije Janova tha se si institucion po i respektojnë vendimet e Ministrisë së Arsimit për mbajtjen e mësimit.
“Po, sot kemi një fillim të mirë të vitit shkollor, nxënësit i janë përgjigjur mësimit. Sot të pranishëm në ciklin 6-9 janë rreth 98.8 për qind të nxënësve. Kështu që çdo gjë po funksionon mirë dhe po shkon mirë… Këtë vit ishte një specifikë tjetër, kështu që është e natyrshëm dhe i mjaftueshëm edhe ky pushim që kemi pasur dhe kemi nis mirë”, theksoi ajo.
Mësimdhënësi Fatos Ferizaj tha se shumica e nxënëseve kanë ardhur në shkollë dhe mësimi është duke u zhvilluar me rregull.
“Nga ajo që kemi parë sot, shumica e nxënësve kanë ardhur. Mësimi është zhvilluar me rregull pas një atmosfere festive dhe filloi çdo gjë mirë”, u shpreh Ferizaj.
Duket se pushimin sot e ka vazhduar drejtoresha e shkollës “Gjergj Fishta”, e cila nuk kishte dalë në punë.
Lajmet
Lajm historik për futbollin e Kosovës
Published
38 minutes agoon
October 23, 2025By
Driton Iseni
Me sloganin “Making Kosovo Heroes”, një nga akademitë më të njohura të futbollit në botë, S.L. Benfica, hap shkollën e saj të futbollit në Prishtinë.
Me shumë emocion ju njoftojmë për një arritje dhe një lajm të mrekullueshëm për botën e sportit në Kosovë!
Në mars të vitit 2026 do të inaugurohet Shkolla e Futbollit S.L. Benfica, një nga akademitë më prestigjioze të futbollit në botë, duke shënuar kështu një moment të rëndësishëm për futbollin në vendin tonë. Kjo do të jetë shkolla e parë nga disa që do të hapen në rajon, përfshirë Shqipërinë dhe Maqedoninë e Veriut si pjesë të këtij projekti.
Shkolla e Futbollit Benfica do të zhvillohet në partneritet me UBT-në, respektivisht në Prishtinë, një nga kryeqytetet më dinamike dhe më të gjalla në rajon.
Kjo akademi jo vetëm që do të sjellë njohuri dhe ekselencë në fushën e futbollit, por do të krijojë gjithashtu mundësi të reja për të rinjtë e Kosovës, duke u ofruar atyre një platformë për të zhvilluar talentin dhe për të ndjekur ëndrrat e tyre sportive.
Marrëveshja u formalizua në frymën e entuziazmit dhe miqësisë ndërmjet dy institucioneve, përmes një ceremonie të organizuar në Klubin Benfica në Lisbonë. Ajo u nënshkrua nga Drejtori i Zgjerimit Ndërkombëtar të Benfica-s, z. Bernardo Faria de Carvalho, dhe Rektori i UBT-së, Prof. Dr. Edmond Hajrizi.
Kjo akademi do t’u ofrojë të rinjve mundësinë për të mësuar nga trajnerë të njohur dhe të përkushtuar, me qëllim arritjen e standardeve që kërkon niveli i futbollit evropian për grupmoshat 4-16 vjeçare.
Për të siguruar mbikëqyrjen e projektit, klubi do të dërgojë një ekip koordinatorësh dhe trajnerësh që do të qëndrojnë në Prishtinë, për të monitoruar nga afër dhe për të zbatuar programin në përputhje me standardet më të larta.
Ky është një lajm i madh për të gjithë ne — për të gjithë ata që e duan sportin, dhe veçanërisht për fëmijët e talentuar. Ky projekt do të kontribuojë në zhvillimin e futbollit vendor dhe do të forcojë imazhin dhe pozitën e Kosovës në arenën ndërkombëtare.
Shkolla e Futbollit Benfica në Kosovë synon të bëhet një qendër ekselence për zhvillimin e atletëve të rinj, duke ofruar kushte sportive të cilësisë së lartë që do t’u mundësojnë atyre të përparojnë sipas strategjisë dhe metodologjisë së zhvillimit të Benfica-s.
Me një fokus të veçantë në zhvillimin e futbollit në vendet e Ballkanit Perëndimor dhe në prag të Kupës së Botës 2030, S.L. Benfica po forcon strategjinë e saj për të rritur praninë në Kosovë dhe për të mbajtur lidhje me një brez të ri talentesh.
Ky zgjerim gjithashtu synon forcimin e marrëdhënieve të klubit me tifozët rajonalë dhe thellimin e ndikimit të futbollit në vend në prag të këtij eventi madhor.
Benfica Campus në Kosovë, përveç angazhimit të saj të drejtpërdrejtë në Prishtinë për zbulimin e talenteve të rinj, do të ofrojë një gamë programesh të dizajnuara për të integruar dhe zhvilluar të gjitha aftësitë dhe njohuritë që kërkon futbolli modern, duke i kombinuar ato me:
- Kampet e trajnimit të ekipeve – Prishtinë
- Kampet në Benfica – Lisbonë
- Kampet e trajnimit elitar – Prishtinë & Lisbonë
- Turne ndërkombëtare të futbollit për të rinjtë – Evropë dhe SHBA
- Edukim dhe certifikim të trajnerëve
Ftojmë të gjithë dashamirët e futbollit që të bashkohen me ne në këtë rrugëtim të bukur, sepse futbolli në Kosovë po hyn në një dimension të ri! Ky është vetëm fillimi, dhe jemi të bindur se shumë talente do të lindin nga Shkolla e Futbollit Benfica në Prishtinë, e cila padyshim do të jetë një histori suksesi që do ta bëjë Kosovën krenare.
Lajmet
Bën gara shpejtësie, 10 muaj masë mbrojtëse dhe gjoba nga 400 euro për dy shoferët
Published
2 hours agoon
October 23, 2025By
UBTnews
Policia e Kosovës ka gjobitur dy vozitës pasi të njëjtit u zunë në flagrancë duke bërë gara ilegale në rrugën Pejë-Prishtinë.
Sipas njoftimit ndaj këtyre vozitësve janë marr masa ligjore; gjobë nga 400 euro për dy vozitësit, 4 pikë negative dhe 10 muaj masë mbrojtëse për dy vozitësit.
Policia thotë se njësia rajonale e trafikut rrugor, në vazhdimësi do të jetë në teren dhe nuk do të ketë asnjë tolerim ndaj asnjë personi që bie ndesh me legjislacionin në fuqi./KP
Rajoni
Kazakistani hap zyrtarisht ambasadën në Shqipëri
Published
2 hours agoon
October 23, 2025By
UBTnews
Në një ceremoni solemne të zhvilluar në Tiranë, u përurua zyrtarisht Ambasada e Republikës së Kazakistanit në Shqipëri, duke shënuar një moment të rëndësishëm në forcimin e marrëdhënieve diplomatike mes dy vendeve.
Ngjarja u zhvillua në praninë e përfaqësuesve të institucioneve shqiptare, trupit diplomatik dhe personaliteteve të shquara të jetës publike. Të pranishme në ceremoni ishin edhe zëvendësministrja për Evropën dhe Punët e Jashtme, Megi Fino dhe kryetarja në detyrë e Bashkisë së Tiranës, Anuela Ristani, shkruan ATSH.
Ceremonia u drejtua nga ambasadori i Republikës së Kazakistanit në Shqipëri, Iskander Aisariyev, i cili mbajti një fjalim përshëndetës me rastin e hapjes së misionit diplomatik.
Ai theksoi rëndësinë historike të këtij hapi në marrëdhëniet kazako-shqiptare, duke e cilësuar ambasadën si një urë të re miqësie dhe bashkëpunimi.
“Kjo është një ngjarje me rëndësi historike për vendet tona. Ajo simbolizon jo vetëm hapjen e një misioni të ri diplomatik, por edhe fillimin e një etape të re në zhvillimin e marrëdhënieve kazako-shqiptare, të bazuara në besim, mirëkuptim dhe angazhim të përbashkët për paqe, stabilitet dhe mirëqenie”, u shpreh ambasadori.
Ai nënvizoi se Kazakistani dhe Shqipëria ndajnë vlera të përbashkëta si bashkëjetesa paqësore, respekti për diversitetin dhe aspirata për zhvillim të qëndrueshëm.
Po ashtu, ai shtoi se ekziston potencial i madh për bashkëpunim në fusha si tregtia, energjia, turizmi, arsimi, teknologjia dhe shkëmbimet kulturore.
“Ambasada jonë e re do të bëhet një instrument efektiv për realizimin e këtyre mundësive,” theksoi ambasadori Aisariyev, duke falënderuar Qeverinë shqiptare për mbështetjen e dhënë gjatë procesit të hapjes së përfaqësisë diplomatike.
Ceremonia u mbyll me një pritje zyrtare në ambientet e ambasadës, ku të ftuarit patën mundësinë të shkëmbenin mendime mbi perspektivat e bashkëpunimit ndërmjet Kazakistanit dhe Shqipërisë në një klimë miqësore dhe bashkëpunuese./KP
Lajmet
Barkodet ndërkombëtare së shpejti edhe për produktet e Kosovës
Published
4 hours agoon
October 23, 2025By
UBT News
Kosova së shpejti do të nis lëshimin e barkodave ndërkombëtarë dhe kështu vlerësohet se do të hapet rrugë për produkteve kosovare për njohje dhe prezencë më të gjerë në tregjet ndërkombëtare.
Këtë e ka bërë të ditur Oda Ekonomike e Kosovës (OEK), teksa njoftoi për takimin e kryetarit të saj Lulzim Rafuna me kryetaren e Fondacionit GS1 Turqi, Elif Muftuoglu.
“Gjatë takimit, u shpreh falënderimi dhe mirënjohja për mbështetjen e vazhdueshme që GS1 Turqia i ka dhënë Kosovës në procesin e anëtarësimit në rrjetin ndërkombëtar të barkodave GS1 – sistem që siguron identifikim dhe njohje globale të produkteve. Falë këtij bashkëpunimi, GS1-Kosova do të nisë me sukses lëshimin e barkodave ndërkombëtare, duke i hapur rrugë produkteve të Kosovës për njohje dhe prezencë më të gjerë në tregjet ndërkombëtare. Ky hap do të shtojë vlerën, besueshmërinë dhe sigurinë e produkteve kosovare, si për konsumatorët vendorë ashtu edhe për ata ndërkombëtarë”, thuhet në njoftimin e odës.
Më tej, Oda Ekonomike e Kosovës shprehu mirënjohje të veçantë për GS1 Turqinë dhe znj. Elif Muftuoglu për bashkëpunimin e sinqertë dhe përkrahjen profesionale në këtë proces të rëndësishëm për zhvillimin ekonomik të vendit./S.K/EO/

Urtësia e Fishtës, thëniet më të fuqishme të Homerit shqiptar

Lajm historik për futbollin e Kosovës

Demi Lovato tregon arsyen pse është kaq e hapur për sfidat e saj

A mund të hanë vezë personat me sëmundje të zemrës?

Meta siguron 27 miliardë dollarë financim për qendrën më të madhe globale të të dhënave

Artisti kosovar Jakup Ferri nderohet në St James’s Palace

Rusia premton “përgjigje të dhimbshme” nëse BE-ja konfiskon asetet

Bën gara shpejtësie, 10 muaj masë mbrojtëse dhe gjoba nga 400 euro për dy shoferët

Kazakistani hap zyrtarisht ambasadën në Shqipëri
Të kërkuara
-
Lajmet2 months ago
Profesori i UBT-së, Bahri Gashi, pjesë e rrjetit prestigjioz ndërkombëtar të recensimit shkencor në Taylor & Francis
-
Rajoni4 weeks ago
Policia, FSK-ja dhe Shërbyesit Civilë përfitojnë bursë 20 për qind në programet Master Shkenca Politike dhe Studime të Sigurisë në UBT
-
Lajmet nga UBT2 months ago
Votoni për UBT-në dhe Rektorin Hajrizi në Triple E Awards: Dy nominime të reja ndërkombëtare për institucionin dhe Kosovën
-
Rajoni2 months ago
Profesori i UBT-së fiton grant prestigjioz kërkimor në Universitetin Çarls të Pragës