Lajmet

Nijazi Gashi dorëhiqet nga udhëheqja e Shoqatës së Pensionistëve: Asnjëherë kërkesat tona s’u morën parasysh

Published

on

Instituti i Kosovës për Drejtësi (IKD), sëbashku me Shoqatën e Pensionistëve, kanë organizuar takim diskutues me pensionistë, me ç’rast është publikuar edhe raporti me titull “Shteti neglizhon harmonizimin e pensioneve me koston e jetesës”.

Sipas këtij Raporti se Qeveria duke mos bërë rritje reale të pensioneve, pensionistët do të izolohen, do të jetojnë në kushte të mjerueshme dhe do të ketë ndikim negativ në aspektet sociale dhe psikologjike të jetës së tyre.

Kryetar i Shoqatës së Pensionistëve të Kosovës, Nijazi Gashi, tha se ata kanë bërë llogaritjet se sa duhet të jenë pensionet, por që asnjëherë janë marr parasysh kërkesat e tyre nga Qeveria.

Madje ai me këtë rast ka bërë të ditur se më nuk do të jetë më kryetar i Shoqatës së Pensionistëve.

Kemi bërë kërkesa që kemi llogaritur koston jetësore, dhe ne bazë të saj kemi llogaritu se sa duhet të jenë pensionet. Ja kemi dërguar dhe nuk janë përgjigjur. Nuk ka kanë rritur pensionet, na kanë privuar nga pensionet për 7 vjet, secila qeveri. Nuk e kanë bërë as një veprim të tillë që është marre, niveli me i ulët për këtë legjislaturë që të mos respektoj një nëne. Po me befason injoranca e pushtetarëve tanë. Prej sot unë nuk jam kryetar i organizatave, unë dorë hiqem”, ka thënë ai.

Ehat Miftaraj, drejtor ekzekutiv në IKD, tha se Qeveria aktuale për katër vjet nuk i ka kushtuar vëmendje pensionistëve. Sipas tij, rritja e pensioneve për 20 për qind nuk është në harmoni dhe parimet që dalin nga Kushtetuta dhe  kostoja e jetesës.

Ne si IKD konsiderojmë që secila parti në pushte që është duhet ti kushtoj një rëndësi të veçantë pensionistëve. Në Qeverinë e fundit nuk jemi duke parë diçka të tillë. Edhe pse e kemi parë që qeveri ka marr vendim për rritjen e pensioneve, e shohim që ky vendim nuk është marr në harmoni dhe pajtim që dalin nga Kushtetuta dhe ligji”.

Në planë-programi e partisë në pushtet kemi pasur premtime të ndryshme ku do të ndihmën grupet e ndejshme, duke përfshirë këtu edhe  pensionistet. Fatkeqësisht në katër vite nuk kemi parë që i është kushtuar rëndësisë pensionistëve. Ky 20%, jo që nuk është në pajtim me inflacion por nuk është në pajtim edhe me koston e jetesës në të cilën po jetojmë. Qeveria nuk i ka kushtuar fare dialogut social”.

Naim Jakaj, hulumtues i Lartë në IKD, i cili publikoi të gjeturat e këtij raporti, tha se ngritja e pensioneve nga ana e Qeverisë është një lëvizje politike elektorale, e cila nuk reflekton një politikë sociale të qëndrueshme dhe të drejtë për këtë kategori.

Ai ka thënë se një nga problemet më të mëdha me sistemin e pensioneve në Kosovë ka qenë mungesa e harmonizimit me koston e jetesës dhe inflacionin.

Ngritja erdhi pas një periudhe të gjatë ku pensionistët gjatë tre viteve të fundit përjetuan rënie të fuqisë blerëse, dhe mund të thuhet që tani ky vendim më shumë është një lëvizje politike elektorale, e cila nuk reflekton një politikë sociale të qëndrueshme dhe të drejtë për këtë kategori. Për mungesën e një politike të mirëfilltë pensionale, tanimë kjo çështje vërtetua nga mbledhja e fundit e Qeverisë, ku premtimi për reformë të thellë në këtë mandat, u tha se do të bëhet në mandatin tjetër”.

Duke mos bërë rritje reale të pensioneve, pensionistët do të izolohen, do të jetojnë në kushte të mjerueshme dhe kjo jetesë do të ketë ndikim negativ në aspektet sociale dhe psikologjike të jetës së tyre. Ndjenja mos përkrahjes nga shteti, ndjenja e izolimit dhe dëshpërimit ka efekte të mëdha në shëndetin mendor të pensionistëve, andaj duhet intervenim më të shpejtë dhe më të mirë”, ka thënë ai.

Lajmet

​Paga minimale, Murati thërret në takim përfaqësuesit e bizneseve

Published

on

By

Ministri në detyrë i Financave Punës dhe Transfereve, Hekuran Murati ka ftuar përfaqësuesit e komunitetit të bizneseve për të diskutuar çështjen e rritjes së pagës minimale.

Takimi është paraparë të mbahet të enjten prej orës 10:00 në objektin e Qeverisë së Kosovës.

“Në emër tê Ministrit të Financave, Punës dhe Transfereve, z. Hekuran Murati, ju ftojmë tê merrni pjesë nẽ takimin ku do tẽ diskutohet çështja e rritjes së pagës minimale”, thuhet në ftesën e Ministrisë së Financave drejtuar Dhomave dhe Odave Ekonomike në Kosovë.

Aktualisht paga minimale në vendin tonë është 350 euro bruto. Kjo rritje u bë në gusht të vitit të kaluar, disa ditë pasi hyri në fuqi Ligji për pagën minimale, i cili parashihte një rritje të pagës minimale në 264 euro bruto. Deri në fuqizimin e Ligjit të ri, paga minimale në Kosovë ishte 130 euro për punëtorët nën 35 vjeç dhe 170 euro për punëtorët deri në 65 vjeç.

Ndërsa, më 26 tetor kryeministri në detyrë Albin Kurti në seancën e jashtëzakonshme ku dështoi formimi i qeverisë së re, përmendi edhe rritjen e pagës minimale në 500 euro. /KP

Continue Reading

Lajmet

Siria njeh Kosovën

Published

on

By

Siria është shteti numër 120 që njeh pavarësinë e Kosovës, ka bërë të ditur presidentja Vjosa Osmani.

Me mbështetjen e Lartësisë së tij Mbretërore, Princit të Kurorës së Arabisë Saudite, Muhammed bin Salman Al Saud, sot në Riad arritëm marrëveshjen nëpërmjet së cilës Republika Arabe e Sirisë njeh Republikën e Kosovës, shkruan Osmani në Facebook.

Osmani ka falënderuar presidentin Al Sharaa për vendimin për njohje të Kosovës si dhe për mbështetjen e tij për popullin tonë. Ajo ka falënderuar edhe Princin e Kurorës së Mbretërisë së Arabisë Saudite që e bëri të mundshëm këtë akt historik ndërmjet dy shteteve tona.

“Populli i Kosovës dhe ai i Sirisë kanë vuajtur e sakrifikuar shumë për ta arritur lirinë. Kjo njohje e ndërsjellë sot nuk është vetëm e sovranitetit shtetëror, por edhe njohje e sakrificës së shumë brezave për të jetuar të lirë. Tani Kosova njihet nga 120 shtete. Republika jonë po ecë përpara dhe s’ka asgjë që mund ta ndalë”/KP

Continue Reading

Lajmet

​Transporti ajror, Shqipëria shënon rritje të numrit të pasagjerëve

Published

on

By

Transporti ajror vijoi tendencën pozitive edhe gjatë tremujorit të tretë të vitit 2025, duke regjistruar rritje si në numrin e pasagjerëve ashtu edhe në volumin e mallrave të transportuara.

Sipas të dhënave zyrtare të INSTAT-it numri i pasagjerëve ka vijuar të rritet, duke arritur në 3.892.761 gjatë tremujorit të tretë të këtij viti, nga 3.534.751 që ishin në të njëjtën periudhë të vitit të kaluar, një rritje prej 10,1%, raporton ATSH.

Volumi i mallrave, përfshirë postën, që është trajtuar nëpërmjet transportit ajror, ka arritur në 714,3 tonë, prej të cilëve 78,5% janë mallra të hyrë dhe 21,5% mallra të dalë.

Ky tregues ka shënuar rritje 25,1% krahasuar me të njëjtin tremujor 2024, duke reflektuar zgjerimin e aktivitetit ekonomik dhe rritjen e kërkesës për transport ajror të mallrave. Në këtë periudhë kanë operuar gjithsej 31 shoqëri ajrore, nga të cilat 30 janë të huaja dhe vetëm një shqiptare.

Në hapësirën ajrore shqiptare janë realizuar gjithsej 139.923 fluturime, ku 83,6% e tyre përbëhen nga mbikalime./KP

Continue Reading

Lajmet

Kurti i ftuar i nderit në darkën e shtruar nga Qarku Diplomatik i Parisit

Published

on

By

Kryeministri në detyrë i Republikës së Kosovës, Albin Kurti, ishte mbrëmë i ftuar nderi në darkën e shtruar nga Qarku Diplomatik i Parisit, ku të pranishëm ishin personalitete të larta të hallkave diplomatike, politike dhe ekonomike të Francës, njoftojnë përmes komunikatës për media zyra e kryeministrisë.

Në adresimin e tij para të pranishmëve, Kurti thuhet të ketë folur për rëndësinë e solidaritetit dhe bashkëpunimit ndërmjet vendeve demokratike në avancimin e mëtejmë të shoqërive tona dhe në përballje me sfidat e përbashkëta. Ai theksoi nevojën, si dhe rëndësinë, që në rrugëtimin përpara të vendeve evropiane vlerat dhe interesat të ecin gjithmonë bashkë.

Gjithashtu foli për angazhimin dhe vlerën e shtuar të anëtarësimit të Kosovës dhe gjithë Ballkanit Perëndimor në Bashkimin Evropian dhe NATO. Ai tha se anëtarësimi i Ballkanit Perëndimor në Bashkimin Evropian është në vetë interesin ekonomik dhe të sigurisë të Bashkimit Evropian dhe shteteve anëtare të tij. Në këtë drejtim, ai shtoi se u përket atyre që besojnë se zgjerimi i jashtëm i Bashkimit Evropian dhe reformat e brendshme të tij shkojnë krah për krah. Vetëm një Evropë që dëshiron të reformohet nga brenda mund të zgjerohet nga jashtë, dhe vetëm një Evropë që dëshiron të zgjerohet nga jashtë mund të reformohet suksesshëm nga brenda; zgjerimi i jashtëm dhe reformat e brendshme janë njëkohësisht mundësi dhe kushte të njëra-tjetrës”, citohet të ketë thënë Kurti.

Kurti sot merr pjesë në edicionin e tetë të Forumit të Paqes në Paris, me ftesë të Presidentit të Republikës së Francës, Emmanuel Macron./EO

Continue Reading

Të kërkuara