Kronikë e zezë

Ngrihet aktakuzë ndaj 5 personave për falsifikim të parasë në Prizren

Prokurori i ka propozuar Gjykatës që pas mbajtjes së shqyrtimit gjyqësor, të pandehurit të shpallen fajtorë dhe të dënohen sipas ligjit.

Published

5 years ago

November 30, 2021

UBT news

Prokuroria Themelore në Prizren, Departamenti i Krimeve të Rënda, ka ngritur aktakuzë kundër të pandehurve B.B., T.P., V.Z., L.E., dhe A.P., për shkak të dyshimit se në bashkëkryerje kanë kryer veprën penale falsifikimi i parasë.

Sipas aktakuzës, i pandehuri B.B., gjatë periudhës së muajit tetor e deri në fillim të muajit nëntor 2021, në Prizren është vërtetuar se i njëjti me dashje posedon para të falsifikuara me qëllim të vënies në qarkullim të tyre si të vërteta, në atë mënyrë që përgjatë periudhës së lartpërmendur ia shet të pandehurit T.P., 1.250 euro, të gjitha në monedha metalike nga dy euro, me qëllim që ky i fundit t’i vë të njëjtat në qarkullim si të vërteta.

I pandehuri T.P., pajtohet që t’i blejë të njëjtat për shumën e parave prej 900 euro duke i paguar në mënyra periodike, ashtu që herën e parë për 300 euro fals paguan 200 euro origjinale, ndërsa herën e dytë për 400 euro fal paguan 300 euro origjinale derisa në herën e tretë për 550 euro fals paguan 400 euro origjinal, ashtu që në total i pandehuri B.B., arrin t’i shesë 1.250 euro fals për 900 euro.

Ndërsa, të pandehurit T.P., V.Z., L.E., dhe A.P., gjatë periudhës kohore muaji tetor deri në fillim të muajit nëntor 2021, me dashje dhe në bashkëkryerje kanë vënë në qarkullim paratë e falsifikuara si të vërteta, në atë mënyrë që në cilësinë e punëtorëve si kamerierë në njërin prej lokaleve të gastronomisë në Prizren, paratë e falsifikuara të cilat i pandehuri T.P., i kishte siguruar – blerë nga i pandehuri B.B., ia dorëzon kolegëve të tij – të pandehurve: V.Z., L.E., dhe A.P., me qëllim që të njëjtit t’i vënë në qarkullim paratë e falsifikuara si të vërteta, në atë mënyrë që i pandehuri T.P., mban paratë e falsifikuara në veturën e tij të markës ‘’VW Polo’’, e parkuar ne bodrumin e njërës prej Qendrave Tregtare në Prizren, nga e cila veturë më pas iu dorëzon kolegëve të pandehurve: V.Z., L.E., dhe A.P., të gjitha në monedha metalike nga dy euro, të cilat të njëjtit i vënë në qarkullim si të vërteta në drejtim të klientëve të ndryshëm të cilët kanë vizituar lokalin, ku secili prej të pandehurve si shpërblim kanë ndarë nga 25 euro origjinale në pjesë të barabarta.

Pas zbatimit të urdhër-kontrollit të Gjykatës nga ana e policisë, arrijnë t’i gjejnë 195 monedha metalike nga dy euro në veturën ‘’VW Polo’’ në pronësi të të pandehurit T.P., dhe një shumë tjetër parash të falsifikuara nga dy euro nëpër kuletat e pazarit ditor të të pandehurve V.Z., L.E., dhe A.P., ku në total, policia arrin të sekuestrojë nga të pandehurit 390 euro fals.

Prokurori i çështjes me rastin e ngritjes së aktakuzës, i ka propozuar Gjykatës që pas mbajtjes së shqyrtimit gjyqësor, administrimit të provave dhe vlerësimit të tyre, të pandehurit për veprën penale për të cilën akuzohen të shpallen fajtorë dhe të dënohen sipas ligjit.

Lajmet

Policia dhe Dogana parandalojnë kontrabandimin e mallrave nga Serbia, sekuestrohen dy automjete

Published

10 minutes ago

July 31, 2026

UBT News

Policia e Kosovës, në bashkëpunim me Doganën e Kosovës, ka parandaluar dy raste të kontrabandimit me mallra në zonën e Korminjanit.

Sipas njoftimit të Policisë, më 30 korrik 2026, gjatë zbatimit të një plani taktik operacional në rrugët malore të këtij fshati, janë identifikuar dy automjete që kishin hyrë në territorin e Kosovës përmes rrugëve ilegale malore nga territori i Serbisë.

Gjatë kontrollit të automjeteve janë gjetur dhe sekuestruar mallra të ndryshme pa dokumentacion përcjellës, të cilat dyshohet se janë futur në mënyrë të kundërligjshme në Kosovë.

Nga verifikimet e kryera është konstatuar se mallrat nuk posedonin dokumentacion për prejardhjen apo procedurat doganore, ndërsa sipas mbishkrimeve rezultonin të ishin prodhim i Serbisë.

Me autorizim të prokurorit kujdestar në Gjilan, automjetet dhe mallrat janë sekuestruar dhe janë dërguar në terminalin doganor për procedura të mëtejme të vlerësimit dhe ruajtjes.

Policia ka bërë të ditur se lidhur me rastin janë iniciuar procedurat ligjore, ndërsa hetimet do të vazhdojnë nga njësitë kompetente në bashkëpunim me Doganën e Kosovës.

Policia e Kosovës ka theksuar se mbetet e përkushtuar në luftimin e kontrabandës dhe aktiviteteve të tjera të kundërligjshme në zonën kufitare, me qëllim mbrojtjen e rendit juridik, ekonomisë së vendit dhe sigurisë së qytetarëve./A.K/

Kronikë e zezë

Therje me thikë në Prishtinë, arrestohet një i mitur

Published

2 hours ago

July 31, 2026

UBTNews

Një i mitur është arrestuar në Prishtinë, pasi dyshohet se ka therur me thikë një person gjatë mbrëmjes së 30 korrikut.

Sipas raportit të Policisë së Kosovës, ngjarja ka ndodhur rreth orës 23:30, ku i dyshuari, një i mitur, dyshohet se ka sulmuar me thikë viktimën, gjithashtu mashkull kosovar.

Si pasojë e lëndimeve të marra, viktima është dërguar për trajtim mjekësor në Qendrën Klinike Universitare të Kosovës.

Pas arrestimit dhe intervistimit, me vendim të prokurorit, i dyshuari është dërguar në mbajtje, ndërsa rasti po hetohet nga organet kompetente për të sqaruar rrethanat dhe motivet e ngjarjes.

D.L

Lajmet

Grabitje me armë në një banesë në Prishtinë, pesë persona sulmohen

Published

2 hours ago

July 31, 2026

UBT News

Pesë persona, një grua dhe katër burra, kanë raportuar në Policinë e Kosovës se janë grabitur në banesën e tyre në Prishtinë.

Sipas raportit policor, ngjarja ka ndodhur më 28 korrik rreth orës 19:45, ndërsa është raportuar më 30 korrik. Viktimat kanë deklaruar se pasi kanë hapur derën pas ziles së banesës, katër persona kanë hyrë brenda dhe nën kërcënimin e armës u kanë marrë telefona dhe stoli me vlerë.

Dy nga viktimat kanë pësuar lëndime trupore dhe kanë pranuar tretman mjekësor.

Policia ka bërë të ditur se rasti është duke u hetuar./A.K/

Kronikë e zezë

Të shtëna me armë dhe armëmbajtje pa leje në disa qytete të Kosovës

Published

2 hours ago

July 31, 2026

UBTNews

Policia e Kosovës ka raportuar disa raste të përdorimit të armëve të zjarrit dhe armëmbajtjes pa autorizim në Podujevë, Prishtinë, Shtime, Prizren dhe Gjakovë, ku janë sekuestruar armë dhe municion, ndërsa disa persona janë arrestuar.

Në fshatin Shtedim të Podujevës, policia ndërhyri pas raportimit për të shtëna me armë zjarri në një aheng familjar. Gjatë kontrollit u gjet dhe u sekuestrua një pistoletë me gaz, ndërsa një i dyshuar u arrestua. Me vendim të prokurorit, ai u lirua më pas në procedurë të rregullt.

Në Prishtinë, në rrugën “Drenova”, një qytetar raportoi se një predhë arme kishte goditur derën hyrëse të shtëpisë së tij. Predha u sekuestrua nga policia, ndërsa rasti po hetohet.

Dy raste të tjera u regjistruan në Shtime. Në fshatin Petrovë, pas raportimit për të shtëna në një aheng familjar, një i dyshuar dorëzoi vullnetarisht një pistoletë me dy fishekë. Ndërkohë, në rrugën “Fazli Grajqevci”, një person u arrestua pasi dyshohet se kishte shtënë me armë zjarri dhe më pas dorëzoi një pistoletë me gaz. Pas konsultimit me prokurorin, ai u lirua në procedurë të rregullt.

Në fshatin Korishë të Prizrenit, gjatë hetimeve për një rast, policia gjeti dhe sekuestroi një pistoletë me gaz në stallën e një të dyshuari. Hetimet për këtë rast janë në vazhdim.

Rasti më i rëndë u raportua në Gjakovë, në rrugën “Gasper Karaqi”, ku policia ndaloi një automjet të drejtuar nga një i dyshuar. Gjatë kontrollit u gjetën një pistoletë dhe shtatë fishekë, ndërsa drejtuesi i automjetit rezultoi të ishte nën ndikimin e alkoolit. Me vendim të prokurorit, ai është dërguar në mbajtje.

Policia e Kosovës ka rikujtuar se përdorimi i armëve në ahengje dhe posedimi i paautorizuar i tyre përbëjnë vepra penale dhe ka apeluar te qytetarët që të respektojnë ligjin dhe të shmangin veprime që rrezikojnë jetën dhe sigurinë publike.

D.L