Lajmet

Nga shoqëria civile në politikë, karriera e Erion Veliajt që nga viti 2003

Published

1 hour ago

February 10, 2025

UBTnews

Kryetari i Bashkisë së Tiranës, Erjon Veliaj nisi të hidhte hapat e parë drejt ngjitjes së politikë në vitin 2003, pas një angazhimi të gjatë në shoqërinë civile, organizata ndërkombëtare dhe media.

Veliaj ka lindur në Tiranë, më 17 Dhjetor 1979, studimet Bachelor i ka kryer për Shkenca Politike në Miçigan të Shteteve të Bashkuara të Amerikës. Më pas ai përfundoi studimet Master në Mbretërinë e Bashkuar, me fokus tek Integrimi Europian.

Ishte viti 2003, kur Erion Veliaj vetëm 24 vjec asokohe, themeloi lëvizjen “MJAFT” dhe e drejtoi atë plot 4 vite, deri në nëntor të vitit 2007. Më pas ai iu bashkua Iniciativës për Stabilitetin Evropian, një organizëm kyç në promovimin e zgjerimit të BE-së. Në vitin 2011, Veliaj u bë pjesë e kryesisë së Partisë Socialiste të Shqipërisë si Sekretar për Rininë dhe Emigracionin, dhe 2 vite më vonë, pasi u zgjodh deputet i Qarkut Gjirokastër, u emërua ministër i Mirëqenies Sociale dhe Rinisë në qeverinë Rama 1.

Në 2015-ën, Partia Socialiste gjykoi se Veliaj duhet të kandidonte për kryetar të Bashkisë së Tiranës, garë të cilën e fitoi, dhe prej asaj kohe, ai ka mbajtur këtë post, pasi ka fituar edhe dy palë zgjedhje të tjera bashkiake.

Popullariteti i Veliajt, tashmë është i lëkundur, me vendimin e Drejtësisë, për ta arrestuar atë për korrupsion dhe pastrim parash.

Related Topics:Erion Veliaj karriera kryetari i bashkise

Up Next

Socialistët dhe demokratët evropianë urojnë Kurtin për fitore

Don't Miss

Publikohen rezultatet preliminare në Rahovec, VV del e para

Lajmet

Numërohen 100% të votave në Prishtinë: VV fiton kryeqytetin me 46%, LDK e dyta me 29%

Published

33 minutes ago

February 10, 2025

UBTnews

Ka përfunduar numërimi i të gjitha votave në vendvotimet e kryeqytetit.

Sipas rezultateve preliminare nga Komisioni Qendror i Zgjedhjeve, në Prishtinë parti e parë është Lëvizja Vetëvendosje me 54.696 vota apo 46.91 për qind.

Në vendin e dytë është Lidhja Demokratike e Kosovës me 25.63% apo 29,889 të votave.

Ndërsa PDK radhitet e treta me 18.29% apo 21,326 vota.

Lajmet

Emërllahu largohet nga Ballkani, karrierën do ta vazhdojë në Rumani

Published

52 minutes ago

February 10, 2025

Albina Zeneli

Futbollisti i kombëtares së Kosovës, Lindon Emërllahu do të largohet nga Ballkani për ta vazhduar karrierën në Rumani.

Mesfushori me tipare defanzive do të bëhet pjesë e Clujit dhe do të prezantohet si lojtar i tyre sapo t’i përfundojë testet mjekësore.

Emërllahu tashmë ka marrë rrugë për në Rumani për t’iu bashkuar ekipit të tij të ri.

Është bërë e ditur se Cluji do të paguajë rreth 800 mijë euro për të siguruar nënshkrimin me Emërllahun, teksa Ballkani do ta ruajë 20 për qind të kartonit të tij për shitjen e radhës.

Kujtojmë se Emërllahu kishte kontratë me Ballkanin deri në vitin 2026 dhe paraqitjet e tij të mira kishin bërë që ai të merrte ftesën edhe nga kombëtarja e Kosovës.

Debutimin me ‘Dardanët’ ai e ka bërë në shtator të vitit 2022 dhe deri më tani numëron gjashtë paraqitje.

Emërllahu po largohet nga Ballkani me pesë trofe të fituar, tre tituj kampioni, një kupë dhe një Superkupë të Kosovës.

Lajmet

Socialistët dhe demokratët evropianë urojnë Kurtin për fitore

Published

56 minutes ago

February 10, 2025

UBT NEWS

Shefja e Grupit të Socialistëve dhe Demokratëve në Parlamentin Evropian, Iratxe Garcia Perez, ka uruar kryeministrin e Kosovës, Albin Kurti, për fitore në zgjedhjet e zhvilluara të dielën, duke e cilësuar atë një “fitore të madhe”.

Përmes një postimi në rrjetet sociale, Garcia Perez ka shprehur mbështetje të fortë për qëndrimet e Kurtit dhe partisë së tij, Lëvizjen Vetëvendosje, veçanërisht për angazhimin e tyre të vendosur kundër korrupsionit dhe për një agjendë sociale të qëndrueshme. Ajo theksoi se grupi i socialistëve dhe demokratëve është plotësisht i angazhuar për t’u mbështetur në këtë luftë kundër korrupsionit dhe për të promovuar politika sociale të avancuara.

Në postimin e saj, Garcia Perez e theksoi gjithashtu rëndësinë e kësaj fitoreje për Vetëvendosjen, duke e lidhur këtë parti me grupin politik të qendrës së majtë evropiane, i cili ka një platformë të përbashkët për zhvillimin e politikave progresiste dhe të qëndrueshme. Ajo shprehu bindjen se qeverisja e Kurtit do të vazhdojë të kontribuojë për një Kosovë më të fuqishme dhe të barabartë, duke u mbështetur në parimet demokratike dhe të drejtat e njeriut.

Kjo urim ka theksuar angazhimin e Bashkimit Evropian për të mbështetur zhvillimin dhe avancimin e proceseve demokratike në Kosovë, duke siguruar që vendi të vazhdojë të ecë përpara me reforma dhe integrim në strukturat evropiane./UBTNews/

Lajmet

Publikohen rezultatet preliminare në Rahovec, VV del e para

Published

2 hours ago

February 10, 2025

UBTnews

Komisioni Qendror i Zgjedhjeve po publikon vazhdimisht ndryshimet që po ndodhin me rezultatet e votave për zgjedhjet parlamentare të Kuvendit të Kosovës që u mbajtën dje në Kosovë.

Deri tani janë publikuar rezultatet në disa komuna, ku janë numëruar 100% i votave në mesin e të cilave është Rahoveci.

Në Komunën e Rahovecit, Lëvizja Vetëvendosje ka dal e para me 38.82%.

Pas LVV-së, në Rahovec renditet PDK me 20.44%, pastaj AAk me 18.10% dhe LDK me 14.67%.

Edhe në zgjedhjet e 2021-tës në Rahovec, Lëvizja Vetëvendosje pati dal e para me 49.340.