Lajmet

Nga pirja e duhanit te stresi dhe dietat – pse po dobësohen flokët tuaj?

Published

4 years ago

on

Ndërsa vitet kalojnë, flokët tuaj do të fillojnë të hollohen – flokët e përjetojnë moshën ashtu si gjithçka tjetër në trupin tuaj. Fillimisht ato nuk janë më si më parë, pasi gradualisht bëhen më të hollë dhe nisni të vëreni zona me flokë më të rrallë.

Nëse keni vërejtur se flokët tuaj po hollohen, ka një numër arsyesh pse kjo mund të ndodhë.

Shumë burra vuajnë nga një gjendje gjenetike që shkakton rënien e flokëve, zakonisht nga pjesët anësore tek kurora e kokës.

Skalpi përmban gjithçka që flokët kanë nevojë për rritje, që nga gjëndrat deri tek papila e lëkurës që dërgon lëndë ushqyese nga gjaku, dhe bulbet që thithin lëndët ushqyese për të ndihmuar rritjen e flokëve tuaj.

Sa më i shëndetshëm të jetë koka juaj, aq më i shëndetshëm është dhe floku. Kur lëkura juaj e kokës nuk është më e shëndetshme, atëherë do të vini re që flokët tuaj rrallojnë.

1. Mosha

Ndërsa vitet kalojnë gjëndrat e flokëve fillojnë të degradohen, kështu që flokët tuaj nuk janë aq të shëndetshëm sa dikur. Ndërsa plakeni, flokët tuaj natyrshëm bëhen më të hollë dhe më pak të shkëlqyeshëm.

Burrat veçanërisht e kanë këtë problem falë një përbërje të quajtur dihidrotestosteron (DHT), një nënprodukt i testosteronit, i cili bashkohet me gjendrën e flokëve duke bërë që ajo të tkurret dhe të humbasë.

Ndërkohë një rënie e hormoneve femërore mund të bëjë që flokët të hollohen kur plakemi. Me rënien e flokëve pas menopauzës, skalpi juaj bëhet më i dukshëm veçanërisht në pjesën e përparme dhe jo aq i menaxhueshëm sa dikur.

2. Stresi

Stresi mund të shkaktojë një reagim në trupin tuaj që bën që flokët të bien më shpejt. Stresi fizik dhe emocional mund të shkaktojë që flokët të hollohen ose madje edhe të bien. Flokët kanë një cikël rritjeje. Është normale të humbasësh një sasi të caktuar flokësh çdo ditë, por kur stresohesh faza e rënies përshpejtohet në mënyrë që flokët të duken më të hollë se zakonisht. Lajmi i mirë është se flokët tuaj do të kthehen në normalitet kur të jeni më pak të stresuar, prandaj përpiquni të përqendroheni në marrjen e hapave për të zvogëluar stresin tuaj.

3. Pirja e duhanit

Toksinat në tymin e cigareve mund të lidhen me cilësinë e dobët të flokëve si dhe humbjen e tyre. Problemeve që shakkaton tymi I duhanit tani mund t’i shtoni dhe dëmtimin e flokëve. Këtu ndikojnë toksinat dhe qarkullimi i gjakut.

Një studim Tajvanez për burrat në vitin 2007 zbuloi se ata që pinë duhan raportuan nivele më të larta të humbjes së flokëve. Shkencëtarët spekuluan se toksinat në tym dëmtuan gjëndrën e flokëve dhe për këtë arsye humbet dhe aftësia e tyre për të mbajtur flokë të trashë dhe të shëndetshëm. Një arsye tjetër që pirja e duhanit mund të shkaktojë humbje të flokëve është se mund të kufizojë qarkullimin e gjakut. Pra, nëse doni të mbroni flokët tuaj, hiqni dorë nga cigarja, ose të paktën përpiquni të shmangni tymin e duhanit duke përdorur alternativa pa tym, sic eshte IQOS, pajisja qe e ngroh por nuk e djeg duhanin.

4. Dieta

Nëse dieta juaj ka mungesë të proteinave ose vitaminës B, ju mund të vini re se flokët tuaj po bien. Ushqimi i një diete të ekuilibruar dhe të shëndetshëm është thelbësor për funksionimin e trupit dhe flokët tuaj gjithashtu.

Nëse ju mungojnë disa vitamina, lëndë ushqyese apo edhe grupe ushqimore nga dieta juaj, mund të vëreni se flokët tuaj janë më pak të shkëlqyeshëm. Nëse nuk po hani mjaftueshëm trupi juaj mund të fillojë të racionojë proteina në pjesë të tjera të trupit tuaj duke mbyllur rritjen e flokëve. Ju mund ta parandaloni atë duke ngrënë shumë peshk, vezë dhe mish.

Tani që mësuat disa nga arsyet që ju bëjnë të humbni flokët, përpiquni të konsideroni ato si pjesë të të gjithë trupit, jo vetëm të rëndësishëm për pamjen e jashtme.

Related Topics:
Continue Reading

Aktualitet

Profesori i UBT-së, Bahri Gashi, pjesë e rrjetit prestigjioz ndërkombëtar të recensimit shkencor në Taylor & Francis

Published

13 hours ago

on

August 25, 2025

By

Profesori i Fakultetit të Studimeve të Sigurisë në UBT, Bahri Gashi, është ftuar të kontribuojë si recensues i punimeve shkencore ndërkombëtare në një nga platformat më prestigjioze botërore të botimeve akademike, Taylor & Francis, me seli në Mbretërinë e Bashkuar.

Në këtë rol të rëndësishëm, profesori Gashi do të angazhohet në recensimin e artikujve shkencorë në fusha strategjike si:

  • Inteligjenca dhe Kundërinteligjenca;
  • Siguria Kombëtare;
  • Mbrojtja dhe Politikat e Sigurisë.

Kontributi i tij do të jepet në kuadër të revistës akademike të specializuar “International Journal of Intelligence and CounterIntelligence”, një revistë e indeksuar në platformat më të larta ndërkombëtare të certifikimit shkencor, e cila gëzon reputacion të lartë në komunitetin akademik dhe profesional të sigurisë.

Ky angazhim i profesorit të UBT-së është një dëshmi e qartë se UBT po fuqizon gjithnjë e më shumë praninë e tij në skenën ndërkombëtare të kërkimit shkencor, duke rritur besueshmërinë e akademikëve të saj dhe duke kontribuar në zhvillimin e fushave të rëndësishme për sigurinë dhe mbrojtjen në nivel global.

Continue Reading

Aktualitet

​Kransiqi i LVV-së në KQZ me aksion simbolik pas vendimit të PZAP-së për Listën Serbe

Published

14 hours ago

on

August 25, 2025

By

Në mbledhjen e sotme të Komisionit Qendror të Zgjedhjeve anëtari i saj nga radhët e Lëvizjes Vetëvendosje, Alban Krasniqi në hyrje të mbledhjes vendosi mbishkrimin “Po pluralizmit, jo terrorizmit”. Ky veprim i Krasniqit erdhi pas vendimit të Panelit Zgjedhor për Ankesa dhe Parashtresa, i cili kërkoi nga Komisioni Qendror i Zgjedhjeve të certifikojë Listën Serbe për pjesëmarrje në zgjedhjet lokale të 12 tetorit 2025.

Gjatë kësaj mbledhje, me qëllim të përmirësimit të listave votuese, u miratua edhe largimi i 1 mijë e 514 personave të vdekur.

Arianit Elshani, udhëheqës i Këshillit i Operacioneve Zgjedhore, tha se shifra në fjalë është verifikuar bashkë me zyrtarët ekzekutiv të Komisioneve Komunale të Zgjedhjeve.

“Bëhet fjalë për 1 mijë e 514 persona të evidentuar si të vdekur të cilët në bazë të verifikimeve që janë bërë nga zyrtarët ekzekutiv të Komisioneve Komunale të Zgjedhjeve në terren, ku kanë marrë përsipër një listë të personave që janë mbi 95 vjeç dhe figurojnë në listën votuese”, tha ai.

E me kërkesë të qytetarëve të lagjes “Marigona Residence”, Komisioni Qendror i Zgjedhjeve miratoi edhe hapjen e qendrës së re të votimit në këtë lagje.

Elshani tha se kjo ka qenë kërkesë e 260 votuesve dhe se qendra e votimit do të jetë në shkollën “Internacional School of Prishtina-ISP”.

“Bëhet fjalë për shkollën ‘Internacionale School of Prishtina – ISP’ që gjendet në lagjen Marigona këta votues kanë qenë të alookuar për të votuar në një qendër tjetër të votimit në fshatin Peroc në ‘Miladin Mitiq’, mirëpo është kërkuar një numër prej 260 votuesve në këtë rast ekziston mundësia me u bartë në këtë qendër të votimit”, deklaroi ai.

Në këtë mbledhje u votua edhe udhëzimi për votimin e Personave me Nevoja të Veçanta (VPNV), i cili synon lehtësimin dhe garantimin e të drejtës kushtetuese për të votuar për të gjithë qytetarët pa përjashtim dhe ka për qëllim të përcaktojë mënyrën e regjistrimit, evidentimit dhe votimit të Peronave me Nevoja të Veçanta, të cilët nuk mund të votojnë në vendvotimin e tyre.

 

Continue Reading

Aktualitet

Kosova humb 114 milionë euro për energji, Shoqata e Prodhuesve fajëson institucionet

Published

14 hours ago

on

August 25, 2025

By

Shoqata e Prodhuesve Vendor ka reaguar ashpër pas lajmeve se Kosova ka humbur 114 milionë euro nga projektet e Bashkimit Evropian të dedikuara për fushën e energjisë, si pasojë e sanksioneve të vendosura nga BE-ja.

Përmes një reagimi në Facebook, përfaqësuesi i shoqatës, Kushtrim Ajvazi, ka kritikuar institucionet e vendit për, siç e quan ai, dështimin në ruajtjen e interesit shtetëror dhe ekonomik.

“Për informaten tuaj, Kosova ka humbur 114 milionë € projekte në fushën e energjisë nga sanksionet e BE-së. Këto mjete ishin të destinuara për zhvillim dhe stabilitet të furnizimit energjetik”, ka shkruar Ajvazi.

Ai ka hedhur poshtë arsyetimin e institucioneve që dalja e Kosovës në tregun e lirë të energjisë ishte një kusht nga BE-ja.

“Mos e përdorni më arsyetimin se e kemi pas kusht nga BE-ja me dalë në treg të lirë, se është marre për juve”, ka përfunduar ai

Continue Reading

Aktualitet

UBT ofron Master në Psikologji me standarde evropiane

Published

15 hours ago

on

August 25, 2025

By

UBT ofron programin Psikologji në nivelin Master, i cili synon përgatitjen e profesionistëve të aftë për të kuptuar mendjen dhe sjelljen njerëzore, si dhe për t’u shërbyer individëve dhe komunitetit në fusha të ndryshme të shëndetit mendor.

Ky program dyvjeçar, i akredituar sipas standardeve më të larta evropiane, ofron njohuri dhe përvojë praktike në psikologjinë klinike, këshilluese, edukative dhe organizative. Studentët mësojnë teknika të avancuara të vlerësimit psikologjik, terapitë moderne, si dhe metodologjitë kërkimore të cilat u japin atyre kompetencat e nevojshme për t’u bërë pjesë aktive e zgjidhjes së sfidave psiko-sociale.

Misioni i programit

Programi ka për qëllim të edukojë dhe fuqizojë psikologët e ardhshëm përmes një kurrikule kërkimore, duke promovuar praktikën etike, të menduarit kritik dhe ndjeshmërinë kulturore. Theksi vihet te përgatitja e profesionistëve që do të kontribuojnë jo vetëm në shëndetin mendor dhe kërkimin shkencor, por edhe në zhvillimin e politikave të nivelit kombëtar e ndërkombëtar.

Çfarë ofron Masteri në Psikologji?

  • Kurse të specializuara në psikologji klinike, këshillim, psikologji zhvillimore dhe sociale
  • Një kurrikulë të përputhur me standardet EuroPsy
  • Praktika në institucione shëndetësore, shkolla, organizata joqeveritare dhe komunitete
  • Pjesëmarrje në projekte kërkimore dhe punë në terren
  • Përfshirje në aktivitete të komunitetit me fokus në shëndetin mendor

Karrierë dhe ndikim shoqëror

Diplomuarit e këtij programi janë të përgatitur për një gamë të gjerë rolesh profesionale, nga psikoterapia dhe këshillimi, deri te politika publike dhe hulumtimi shkencor. Ata do të jenë në gjendje të kryejnë vlerësime e ndërhyrje psikologjike, të hartojnë projekte kërkimore, të promovojnë shëndetin mendor në komunitet dhe të ndikojnë në hartimin e politikave sociale dhe shëndetësore.

Stafi dhe kërkimi shkencor

Fakulteti i Psikologjisë në UBT kontribuon në një kulturë të gjallë akademike dhe kërkimore, në përputhje me Strategjinë e Kërkimit 2024–2029. Programi synon zhvillimin e projekteve ndërdisiplinore, bashkëpunimet globale dhe botime shkencore, duke e vendosur Kosovën në hartën ndërkombëtare të studimeve psikologjike.

UBT bashkëpunon ngushtë me institucione shëndetësore dhe organizata të komunitetit për të zhvilluar iniciativa në shëndetin mendor, trajnime profesionale dhe konsultime. Deri në vitin 2029, Masteri në Psikologji synon të jetë:

  • Lider kombëtar në kërkimin dhe trajnimin psikologjik
  • Partner i njohur në Evropën Juglindore
  • Qendër e konferencave dhe botimeve ndërkombëtare
  • Promovues i mirëqenies psiko-sociale nëpërmjet arsimit cilësor dhe përfshirjes në komunitet

Struktura e studimeve

Programi ofron një kurrikulë të balancuar midis teorisë dhe praktikës, me lëndë të avancuara si Psikologji Klinike dhe Psikoterapi, Psikologji Kognitive, Psikopatologji, Psikometri, Etikë në Psikologji dhe përfundon me tezën e masterit dhe praktikën profesionale.

APLIKO TANI ONLINE!

Continue Reading

Të kërkuara