Lajmet

Nga nesër me 80 deputetë dhe 40 nënshkrime thirret seanca për presidentin

Published

5 years ago

on

Me fillim nga ora 10:00, në seancën e nesërme do të betohen deputetët e rinj, të cilët zëvendësojnë ata që kaluan nëpër poste ministrore.

Po ashtu me propozim të grupeve parlamentare do të ndahen përgjegjësitë në 14 komisionet e votuara këtë javë, prej të cilave shtatë do të udhëhiqen nga Lëvizja Vetëvendosje. Ndërsa në shtatë të tjerat do të jenë shumicë me nga pesë deputetë.

Kështu edhe proceduralisht nga dita e nesërme hapet mundësia që me 40 nënshkrime të thirret seanca e jashtëzakonshme për të votuar për postin e presidentit.

Në zgjedhjet e 14 shkurtit nga mbi 800 mijë votues, rezultatet ishin këto: Lëvizja Vetëvendosje 58 deputetë, Partia Demokratike e Kosovës 19 deputetë, Lidhja Demokratike e Kosovës 15 deputetë, Aleanca për Ardhmërinë e Kosovës 7 deputetë, Lista Serbe 10 deputetë si dhe komunitetet jo shumicë kanë 10 deputetë.

Më 22 mars me 67 vota për votohet Qeveria Kurti 2. Rrjedhimisht bashkë me kandidatin për kryeministër, Vjosa Osmani shpalosi platformën me të cilën synon postin e presidentit.

Në procesin për ta votuar postin e presidentit, sipas Kushtetutës nevojiten 80 deputetë prezentë në sallë si dhe 80 vota brenda kutisë në mënyrë që të zhvillohet si proces.

Nëse në dy herët e para me këtë përbërje nuk arrihet të zgjidhet presidenti, atëherë në herën e tretë nevojiten 61 vota, vota të cilat tashmë i ka Lëvizja Vetëvendosje. Me 58 deputetë si dhe dhjetë vota të komunitetit jo-serb, tashmë janë të siguruara 68 vota për presidentin.

Kryetari i ri i LDK-së, Lumir Abdixhiku, pas katër takimeve me 33 anëtarët e kryesisë dhe takimit të fundit me 15 deputetët e Grupit Parlamentar të LDK-së, e ka konfirmuar se ky subjekt do ta përkrahë Vjosa Osmanin për presidente.

“Ikja nga përgjegjësia është më e lehta. Në politikë jemi për të bërë zgjidhje. Kam pasur dy mundësi, të zgjedh mosmarrjen pjesë në seancë dhe të pengojë shumicën. Ne kemi zgjedhur të dytën, atë të konstruktivitetit të institucioneve. Kam refuzuar politikën kushtëzuese”, theksoi Abdixhiku.

Nga 15 deputetët, e katër janë që nuk dihet ende qëndrimi për postin e presidentit, Avdullah Hoti, Driton Selmanaj, Agim Veliu dhe Behgjet Pacolli. Për këta të fundit dhe të gjithë deputetët e LDK-së, Abdixhiku ka thënë se pret që ta respektojnë vendimin për të qëndruar në sallë. Ndërsa kur u pyet se a do të ketë masa ndëshkimore ai tha se “nuk komentoj situatë hipotetike”.

AAK dhe PDK tashmë kanë qëndrime të prera se nuk e përkrahin Vjosa Osmanin për postin e presidentit.

Kreu i AAK-së, Ramush Haradinaj është shprehur se nuk kanë marrë ndonjë ofertë për t’u bërë pjesë e procesit të presidentit, prandaj janë kundër Osmanit për presidente.

 “Ne kemi mirëpritur mundësinë me biseduar me fituesit e zgjedhjeve, me zotëri Kurtin dhe zonjën Osmani, nuk kemi marrë prej tyre propozim, kërkesë, marrëveshje politike për të votuar presidenten ose qeverinë, nuk kanë kërkuar prej neve bashkëpunim, nuk jemi pjesë e një marrëveshje për votimin e kandidates për presidente. Kemi parë qëndrimin e LDK-së, është një marrëdhënie e re në mes të LDK-së dhe Lëvizjes Vetëvendosje, por sa i përket Aleancës, nuk ka ndryshuar asgjë”, tha Haradinaj.   

Qëndrim edhe më të ashpër ka ushtruesi i detyrës së kryetarit të PDK-së, Enver Hoxhaj.

 “PDK nuk e mbështet kandidaturën e Vjosa Osmanit. Ka qenë një figurë përçarëse, karrierën e saj e ka ngritur në frymën e përçarjes. Së dyti, ajo është një kandidate partiake, jo konsensuale për të qenë presidente. Ajo është treguar e njëanshme sa ka bërë detyrën e ushtrueses së presidentes, është e para që e ka përdorur zyrën për të bërë një parti politike”, tha ai.

Emir Abrashi nga organizata jo-qeveritare “Demokraci Plus”, thotë se është në përgjegjësinë e Albin Kurtit dhe Vjosa Osmanit të punojnë me deputëtet e LDK-së dhe ata nga komunitetet për postin e presidentit.

“Nëse këta tre ose katër deputetë nuk bëhen pjesë e Kuvendit, votimi për postin e presidentin do të dështojë. 58 Vetëvendosje, 10 komunitetet jo-serbe bëjnë 68. Vetëvendosje duhet të sigurohet t’i ketë këta dhjetë deputetë të komuniteteve dhe ata të LDK-së të jenë prezentë në sallë. Pra Kurti dhe Osmani të mos qëndrojnë pasiv, por t’i takojnë e t’i bindin ata”, thekson Abrashi.

Data e fundit kur Kosova duhet të ketë presidentin e ri në mënyrë që vendi të mos shkojë në zgjedhje është 5 maji.

Ndër tri pikat e seancës së nesërme është “e ndryshme”, prandaj me 40 nënshkrime seanca për presidentin mund të thirret edhe gjatë ditës së nesërme.

(Autorë të tekstit janë Liridon Llozani, Ferdane Syla dhe Xhynetë Spahiu, studentë të vitit të tretë në Media dhe Komunikim në UBT)

Related Topics:
Continue Reading

Lajmet

Numërimi i votave nga KQZ: Kush janë kandidatët më të votuar pas 35% të kutive?

Published

16 hours ago

on

June 9, 2026

By

Komisioni Qendror i Zgjedhjeve (KQZ) po vazhdon me procesimin e rezultateve për zgjedhjet e parakohshme parlamentare. Sipas të dhënave zyrtare të orës 16:20, ku janë numëruar 35.27% gara brenda listave partiake tashmë ka marrë formë.

Në listën e Vetëvendosjes, garës i prin bindshëm bartësi i listës dhe lideri i partisë, Albin Kurti, i cili deri më tani ka grumbulluar 80,669 vota. Ai ndiqet nga Glauk Konjufca me 63,340 vota, ndërsa e treta radhitet Albulena Haxhiu me 36,623 vota. Në vendin e katërt pozicionohet Hekuran Murati me 31,943 vota, i pasuar nga Donika Gërvalla-Schwarz me 29,592 vota dhe Xhelal Sveçla me 23,830 vota.Dhjetëshen e parë e përmbyllin Avni Dehari me 21,718 vota, Hajrulla Çeku me 20,472 vota, Mimoza Kusari Lila me 20,464 vota dhe Ejup Maqedonci me 17,858 vota.

Te PDK-ja, procesit të numërimit i prin me shkëputje të ndjeshme bartësi i listës Bedri Hamza, i cili ka siguruar 38,800 vota. Ai ndiqet nga Përparim Gruda që mban vendin e dytë me 24,616 vota, dhe Arian Tahiri i treti me 21,411 vota. Në pozitën e katërt gjendet Uran Ismaili me 19,265 vota, i pasuar nga Sala Jashari me 13,605 vota dhe Vlora Çitaku me 13,369 vota. Lista e më të votuarve te kjo parti vazhdon me Ganimete Musliun me 10,344 vota, Arben Mustafën me 9,374 vota, Mërgim Lushtakun me 9,137 vota dhe Enver Hoxhajn që mbyll top-10-shen me 8,864 vota.

Në radhët e Lidhjes Demokratike të Kosovës, garën e udhëheq bartësja e listës Vjosa Osmani Sadriu, e cila ka marrë 25,820 vota. Ajo ndiqet ngushtë nga kryetari i partisë, Lumir Abdixhiku, me 23,384 vota. E treta në radhë është Doarsa Kica Xhelili me 18,358 vota, e pasuar nga Hykmete Bajrami me 14,488 vota dhe Avdullah Hoti me 13,215 vota.Në vendin e gjashtë radhitet Ukë Rugova me 11,061 vota, i ndjekur nga Kujtim Shala me 10,723 vota dhe Anton Quni me 8,956 vota. Dhjetëshen e parë për LDK-në e plotësojnë Armend Zemaj me 8,103 vota dhe Lutfi Haziri me 7,925 vota.

Në AAK, garës aktualisht i prin kryetari i partisë dhe njëherësh bartësi i listës, Ardian Gjini, me 13,407 vota. Pas tij renditet Ramush Haradinaj me 12,089 vota, ndërsa i treti është Daut Haradinaj me 9,196 vota. Në pozitën e katërt radhitet Besnik Tahiri me 8,066 vota, i pasuar nga Bekë Berisha me 6,451 vota dhe Burim Ramadani me 5,972 vota. Listën e dhjetë kandidatëve më të votuar e përmbyllin Time Kadrijaj me 5,839 vota, Agim Çeku me 5,168 vota, Arbër Tolaj me 4,771 vota dhe Albana Bytyqi me 3,211 vota. /E.A/

Continue Reading

Lajmet

Gjimnazi Natyror në UBT International Smart Schools, arsim modern me diplomë të njohur ndërkombëtarisht

Published

16 hours ago

on

June 9, 2026

By

Nëse dëshironi një arsimim modern që kombinon shkencën, teknologjinë dhe zgjidhjen e sfidave reale të botës së sotme, atëherë Gjimnazi Natyror në UBT International Smart Schools është zgjedhja ideale për ju.
Falë akreditimit nga Cambridge International Education, nxënësit përfitojnë një diplomë të njohur ndërkombëtarisht, e cila u hap dyert drejt universiteteve prestigjioze dhe mundësive të shumta akademike në mbarë botën.
Nxënësit përfitojnë nga laboratorë modernë dhe të pajisur me teknologjinë më të avancuar, ku teoria shndërrohet në praktikë përmes eksperimenteve dhe hulumtimeve shkencore. Këtu, të rinjtë nuk mësojnë vetëm konceptet shkencore, por i zbatojnë ato në situata konkrete, duke zhvilluar aftësi analitike dhe kërkimore.
Programi mësimor është i orientuar drejt zgjidhjes së problemeve reale, përmes projekteve inovative që fokusohen në teknologjinë e gjelbër, qëndrueshmërinë dhe zhvillimin e ideve kreative për të ardhmen. Nxënësit angazhohen në projekte të bazuara në realitet, të cilat i përgatisin për sfidat akademike dhe profesionale të shekullit XXI.
Një nga veçoritë kryesore të këtij programi është mësimi praktik, ku çdo njohuri teorike shoqërohet me aplikim konkret. Përmes projekteve ndërdisiplinore, nxënësit mësojnë të punojnë në ekip, të analizojnë të dhëna dhe të zhvillojnë zgjidhje inovative.
Për më tepër, ata përfitojnë mentorim nga ekspertë të fushës, profesionistë dhe akademikë që i udhëzojnë në zhvillimin e ideve, projekteve dhe karrierës së tyre të ardhshme.
Në UBT International Smart Schools, Gjimnazi Natyror nuk është vetëm një program mësimor, është një hap drejt krijimit të shkencëtarëve, inovatorëve dhe liderëve të së ardhmes.
Edhe pak vende të lira kanë mbetur, ndërsa regjistrimet e hershme po vazhdojn në UBT International Smart Schools.

Continue Reading

Lajmet

UBT vazhdon mbështetjen për maturantët: Mijëra nxënës ndjekin javën e dytë të programit përgatitor për Testin e Maturës 2026

Published

16 hours ago

on

June 9, 2026

By

Nxënësit e vitit të fundit të shkollave të mesme anë e mbanë Kosovës po vazhdojnë të ndjekin me interes të lartë programin intensiv përgatitor për Testin e Maturës Shtetërore 2026, i cili po organizohet në ambientet moderne të UBT-së.

Ky program tashmë ka hyrë në javën e tij të dytë, duke bërë bashkë qindra dhe mijëra nxënës të cilët synojnë të konsolidojnë njohuritë e tyre përpara këtij rrugëtimi të rëndësishëm akademik. Për t’u siguruar që studentët e së ardhmes të jenë sa më të gatshëm, trajnimet po fokusohen me përkushtim në lëndët kryesore si Gjuhë Shqipe, Gjuhë Angleze dhe Matematikë, si dhe në lëndët kryesore zgjedhore si Teknologji e Informacionit dhe Komunikimit (TIK) dhe Biologji.

Për t’u dalë në ndihmë të gjithë nxënësve dhe për të lehtësuar qasjen e tyre, UBT e ka shtrirë këtë program përtej kryeqytetit.

Përveç në Prishtinë, trajnimet përgatitore po zhvillohen paralelisht dhe me të njëjtin intensitet edhe në qendrat e UBT-së në qytetet e tjera përfshirë Ferizajn, Prizrenin dhe Pejën. Përmes angazhimit të kuadrove profesionale dhe stafit të përzgjedhur akademik të UBT-së, maturantët po marrin njohuritë e nevojshme, strategjitë dhe teknikat e duhura për ta kaluar me sukses këtë sfidë.

Ky organizim tradicional rikonfirmon përkushtimin e vazhdueshëm të UBT-së për të ngritur cilësinë e arsimit dhe për t’i përkrahur të rinjtë në tranzicionin e tyre drejt studimeve universitare dhe karrierës profesionale.

Continue Reading

Lajmet

Pesë të arrestuar në operacionin “White Star”, sekuestrohen armë, drogë dhe pasuri e madhe

Published

18 hours ago

on

June 9, 2026

By

Pesë persona janë arrestuar gjatë një operacioni të Policisë së Kosovës dhe Prokurorisë Speciale, i zhvilluar në disa qytete të vendit nën emrin “White Star”.

Aksioni është realizuar në Prishtinë, Pejë, Prizren, Viti dhe Drenas, nën mbikëqyrjen e Prokurorisë Speciale dhe në bazë të urdhrit të Gjykatës Themelore.

Të dyshuarit janë ndaluar me vendim të prokurorit special për 48 orë, nën dyshimin për pjesëmarrje ose organizim të grupit kriminal të organizuar, si dhe për blerje, posedim, shpërndarje dhe shitje të paautorizuar të narkotikëve dhe përfshirje në pastrim parash.

Gjatë kontrolleve në lokacione të ndryshme janë sekuestruar:

  • 6 armë zjarri
  • 5 karikatorë dhe 239 fishekë
  • Lëndë narkotike (kokainë dhe fara marihuane)
  • 25 telefona mobilë
  • 7,595 euro para të gatshme
  • 10 automjete dhe 1 motoçikletë
  • 10 kompjuterë
  • 13 USB dhe 1 DVR
  • 16 ora dore

Operacioni është mbështetur nga EUROPOL-i dhe autoritetet e Belgjikës, Francës dhe Holandës, të cilat kanë qenë të pranishme dhe kanë monitoruar zhvillimin e aksionit në terren së bashku me prokurorin e rastit.

Prokuroria Speciale dhe Policia e Kosovës kanë theksuar se ky operacion paraqet goditje të rëndësishme ndaj krimit të organizuar dhe se veprimet hetimore do të vazhdojnë në drejtim të zbardhjes së plotë të rastit dhe identifikimit të të gjithë të përfshirëve. /A.K/

Continue Reading

Të kërkuara