Sport

Nga kreditë deri te ndryshimi i emrit të stadiumit, Barça po punon në operacionin 650 milionë eurosh

Klubi është në gjendje të shpenzojë 650 milionë euro në dy operacione që janë duke shkuar në rrugën e duhurpër momentin.

Published

3 years ago

on

Barcelona ka punuar për një kohë të gjatë në kërkim të financimit për të balancuar situatën e saj delikate ekonomike dhe për të qenë në gjendje të futet në tregun e verës me para të mjaftueshme për të tentuar të nënshkruajë me Erling Haaland. Klubi është në gjendje të shpenzojë 650 milionë euro në dy operacione që janë duke shkuar në rrugën e duhur për momentin.

Një prej tyre është negociata e hapur me fondin CVC. Pavarësisht se në një moment ata hodhën poshtë marrëveshjen me këtë fond që e pengoi Messin të qëndronte te Barcelona, negociatat janë rihapur prej disa javësh dhe një marrëveshje nuk është larg. Ky operacion do t’i kontribuonte Barcelonës me 300 milionë euro. Një nga çelësat është se këto të ardhura llogariten në bilanc si kapital dhe jo si borxh, diçka thelbësore për Barcelonën. Kjo pengesë tashmë është kapërcyer, raporton “Marca”.

Në Barcelonë nuk besojnë se kjo marrëveshje supozon një krahasim me klubet e tjera të Ligës spanjolle që kanë negociuar kushte të tjera me këtë fond. Në fakt, drejtorët e klubeve të tjera i kërkojnë presidentit Laporta të hyjë në marrëveshje pasi CVC është e interesuar për të drejtat televizive të Madridit se Barçës.

350 milionë të tjera mund të vijnë nga shitja e 49% të “Barça Estudios”. Këtu marrëveshja nuk është aq afër sepse po studiohet nëse do të shitet ajo përqindje apo vetëm 30%. Përveç kësaj, klubi dëshiron të përfshijë një opsion riblerje në kontratë dhe në këtë pikë nuk ka asnjë marrëveshje. Këto dy kontrata do të lejonin që fatura e pagave të rritet në 75 milionë euro, një shumë e konsiderueshme.

Laporta kërkon t’i mbyllë këto dy çështje para muajit prill, pasi që nga ajo kohë do të duhet të diskutojnë për ekzekutimin e kredive me bankat dhe obligacionet. Presidenti nuk dëshiron të shkojë në këtë ekstrem. Nga ana tjetër, marrëveshja e sponsorizimit me Spotify është shumë afër, ku do të përfshihej edhe emri i stadiumit, i cili tani e tutje do të quhej “Spotify Camp Nou”.

Related Topics:
Continue Reading

Sport

Vdekja e Diogo Jota-s: Liverpool merr vendimin, përjetëson fanellën me numrin 20

Published

16 hours ago

on

July 4, 2025

By

Ikja para kohe dhe në mënyrë tragjike e futbollistit Diogo Jota ka tronditur botën e futbollit dhe jo vetëm, ndërsa ka shkaktuar reagime të shumta, ku personazhe të të gjitha fushave, skuadra, lojtarë, por dhe tifozë i shprehën ngushëllimet familjarëve. Në Anfield, flamuri i Liverpool u ul në gjysmë shtizë, ndërsa tifozët e kuq bënë homazhe në nderim të yllit portugez të futbollit.

Pasi kënduan vargjet e Jota, si dhe himnin YNWA tifozët i kanë bërë një kërkesë drejtuesve të klubit për heqjen nga qarkullimi të fanellës me numrin 20.

“Numri 20 duhet të mbetet përjetësisht i tij. Ai nuk ishte vetëm lojtar i madh, por një shpirt i pastër dhe njeri i jashtëzakonshëm”, deklaronin tifozët e ndryshëm.

Pak orë më pas ishte skuadra ajo e cila mori vendimin për përjetësimin e kësaj fanelle, duke e hequr përfundimisht nga qarkullimi, në nderim të lojtarit që humbi jetën.

Diogo Jota dhe vëllai i tij Andre humbën jetën në orët e para të mëngjesit të së enjtes si pasojë e një aksidenti automobilistik në Zamora të Spanjës. Ata ishin duke u kthyer nga Spanja drejt Anglisë, pasi sipas asaj që raportohet në mediat spanjolle, Jota e kishte të ndaluar të udhëtonte me avion për shkak të një ndërhyrje në mushkëri, duke preferuar linjën tokësore. Makina me të cilin dyshja udhëtonin shpërtheu në flakë pas një përplasje të fuqishme, duke mos i dhënë asnjë mundësi shpëtimi.

Continue Reading

Sport

Zyrtare: Nico Williams rinovon me Athletic Bilbao deri në vitin 2035

Published

17 hours ago

on

July 4, 2025

By

Ylli i Spanjës dhe kampion i Euro 2024, Nico Williams, ka firmosur një kontratë të re afatgjatë me Athletic Bilbao që do ta mbajë në “San Mamés” deri më 30 qershor 2035.

Nëpërmjet një njoftimi zyrtar dhe një videoje të veçantë në rrjetet sociale, Athletic Bilbao konfirmoi se ka arritur marrëveshje për rinovimin e kontratës me një nga futbollistët më të talentuar të brezit të ri. Klauzola e lirimit të tij është rritur me mbi 50% krahasuar me marrëveshjen e mëparshme.

“Kur merr vendime, gjëja më e rëndësishme është të dëgjosh zemrën. Jam aty ku dua të jem, me njerëzit e mi. Kjo është shtëpia ime. Aupa Athletic!”, u shpreh vetë Williams në videon promovuese të klubit.

Nico Williams ishte pranë transferimit te Barcelona, por përfundimisht ka mbetur në Bilbao.

 

 

Continue Reading

Sport

Fluminense dhe Al Hilal përballen për një vend në gjysmëfinale

Published

21 hours ago

on

July 4, 2025

By

Nga ora 21:00, skuadra braziliane Fluminense dhe ajo arabe Al Hilal do të përballen për herë të parë në histori, në një duel emocionues që zhvillohet në stadiumin “Camping World” në Orlando.

Të dyja skuadrat kanë qenë surpriza të mëdha, duke eliminuar gjigantë të futbollit evropian. Fluminense mposhti Interin me rezultat 2-0, ndërsa Al Hilal shkroi histori duke e eliminuar kampionin në fuqi Manchester City.

Ky takim do të përcaktojë një tjetër finalist të mundshëm të këtij edicioni të pasur me surpriza, dhe pritet të ofrojë emocione të forta për të gjithë adhuruesit e futbollit.

Continue Reading

Sport

Tyson Fury e paralajmëron rikthimin

Published

21 hours ago

on

July 4, 2025

By

Ish-kampioni i botës në boksin profesionist, Tyson Fury e ka paralajmëruar rikthimin nga pensionimi.

Boksieri i deridjeshëm britanik u mposht dy herë nga ukrainasi Oleksandr Usyk, i cili është kampion aktual i padiskutueshëm në boksin profesionist.

Por, gjiganti britanik nuk e ka ndërmend të dorëzohet dhe e ka paralajmëruar përmes një postimi në rrjetet sociale përballjen e tretë me Usyk.

“Trilogy”, shkroi Fury në llogarinë e tij zyrtare në rrjetin social “Instagram”, ndërsa këtij shkrimi ia përcolli dy fotot, një të tij dhe një të Usyk.

 

Continue Reading

Të kërkuara