Lajmet

Nga janari deri në gjysmë të prillit 840 mijë udhëtarë kaluan përmes ANP “Adem Jashari”

Kështu ka bërë të ditur zëdhënësja e ANP “Adem Jashari”, Valentina Gara.

Published

on

840 mijë qytetarë kanë kaluar përmes Aeroportit Ndërkombëtar të Prishtinës “Adem Jashari”, ndërsa periudha e njëjtë e vitit të kaluar ka qenë rreth 650 mijë. Kështu ka bërë të ditur zëdhënësja e ANP “Adem Jashari”, Valentina Gara.

E vendet që vizitohen më shumë këtë periudhë janë Zvicra, Gjermania, Austria e Turqia, ndërsa janë shtuar edhe destinacione të reja. Gara thotë se këtë vit presin që numri i udhëtarëve të kalojë mbi 4 milionë, 1 milion më shumë se vitin e kaluar.

“Nëse e krahasojmë periudhën e njëjtë të vitit 2023 me periudhën e njëjtë të këtij viti, ne në këtë vit kemi një rritje në total prej 30 për qind. Vitin e kaluar kanë qenë diku rreth 650 mijë udhëtarë në këtë periudhë ndërkaq tash kemi rreth 840 mijë ose më shumë. Viti 2023 i kemi përmbyllur mbi 3.4 milionë udhëtarë ndërkaq në vitin 2024 presim një rritje apo presim të arrimë shifrën prej 4 milionë udhëtarësh në vit shifër e cila nuk ka qenë më herët po ashtu edhe në vitin 2023 ka qenë hera e parë që kemi arritur 3 milionë udhëtarë. Sa i përket destinacioneve të cilat vizitohen më së shumti apo tek të cilat kemi më së shumti fluturime, shteti zviceran është shteti i cili prin me numër të udhëtarëve, pastaj pasohet nga Gjermania, kemi më pas Vjenën e Turqinë dhe kështu më radhë”, u shpreh Gara, duke thënë se gjatë vikendeve rritet numri i udhëtarëve që kalojnë përmes Aeroportit.

Gara thotë se për një javë kalojnë mbi afër 15 mijë udhëtarë.

“Varësisht nga ditët, normal që ndryshon edhe numri i udhëtarëve, duke pasur parasysh që ditëve të vikendit kemi një numër më të madh të udhëtarëve, mirëpo nëse matemi një mesatare në një javë ka diku rreth 13 deri në 15 mijë udhëtarë të cilët fluturojnë për dhe nga Aeroporti i Prishtinës”, thotë Gara.

E që nga marrja e ANP-së me koncesion nga kompania turke “Limak”, janë investuar mbi 220 milionë euro. Gara thotë se kompania ka kontribut të drejtpërdrejtë në buxhetin e shtetit.

“Me rritjen e numrit të udhëtarëve, rriten edhe të hyrat në Aeroportin Ndërkombëtar të Prishtinës po ashtu edhe në Qeverinë e Kosovës deri më tani kompania ka pasur një kontribut të drejtpërdrejtë në Qeverinë e Kosovës diku rreth 221 milionë që nga marrja me koncesion ANP-në. Po ashtu duke pasur parasysh edhe investimin që i është bërë Aeroportit të Prishtinës rreth 120 milionë kështu që ky investim është bërë në vitin 2011, ndërkaq nga ai vit deri më tani kontributi ka qenë rreth 220 milionë euro”, u shpreh Gara.

Në fund, Gara thotë se kanë shtuar edhe destinacione të reja, kryesisht në shtetet e Skandinavisë.

Aktualitet

OEK: Gjykata Supreme shqyrton padinë kundër ZRrE për tregun e lirë të energjisë

Published

on

Oda Ekonomike e Kosovës, ka njoftuar se Gjykata Supreme do ta trajtojë padinë kundër Zyrës së Rregullatorit për Energji për tregun e lirë të energjisë.

“Oda Ekonomike e Kosovës njofton se Gjykata Supreme ka vendosur që padia e ushtruar nga OEK ndaj Zyrës së Rregullatorit për Energji (ZRrE), lidhur me daljen e detyrueshme në tregun e lirë të energjisë, do të procedohet dhe do të shqyrtohet për vendim meritor. Tashmë është caktuar kolegji i gjyqtarëve i cili do ta trajtojë padinë ndaj ZRrE”, njofton OEK.

OEK thotë se kanë pritje që gjykata të vendosë brenda afatit 60 ditorë dhe ‘të anulojë aktet nënligjore të ZRRE’së”.

Përkundër që kërkesa për vendosjen e masës së përkohshme për pezullimin e vendimit nuk është aprovuar, me arsyetimin se akti “Njoftimi i ZRrE-së” nuk i plotëson kriteret e një akti nënligjor normativ, çështja do të shqyrtohet në mënyrë meritore për të gjitha aktet nënligjore të ZRrE-së, përveç këtij njoftimi, sipas afateve ligjore.

Andaj, pritjet e Odës Ekonomike të Kosovës janë që gjykata të vendosë brenda afatit 60 ditor nga dita e parashtrimit të padisë, siç e parasheh ligji dhe të anulojë të gjitha aktet nënligjore të ZRrE-së me të cilat janë përcaktuar kriteret për daljen në tregun e lirë,” thuhet në këtë njoftim.

“Pavarësisht se masa e përkohshme e sigurisë nuk është aprovuar, Oda Ekonomike e Kosovës vlerëson pozitivisht faktin se lënda do të trajtohet në themel dhe shpreh besimin se vendimi final do të jetë në të mirë të ekonomisë, bizneseve dhe qytetarëve të Kosovës”, thuhet në njoftim.

Continue Reading

Bota

Administrata Trump miraton shitjen e armëve prej 825 milionë dollarësh për Ukrainën

Published

on

Administrata Trump ka miratuar një shitje armësh me vlerë 825 milionë dollarë për Ukrainën, e cila do të përfshijë raketa me rreze të gjatë veprimi dhe pajisje të ngjashme për të rritur aftësitë e saj mbrojtëse.

Përpjekjet e ShBA-së për të ndërmjetësuar paqen midis Ukrainës dhe Rusisë duket se kanë ngecur.

Departamenti i Shtetit njoftoi të enjten se kishte njoftuar Kongresin për shitjen e raketave me municion sulmi me rreze të gjatë veprimi dhe sistemeve të navigimit për Ukrainën. Shitja do të mbulojë 3,350 raketa ERAM, 3,350 njësi GPS, së bashku me komponentë, pjesë këmbimi dhe aksesorë të tjerë, si dhe trajnim dhe mbështetje teknike, shkruan AP.

Ai tha se Ukraina do të përdorte fonde nga aleatët e NATO-s, Danimarka dhe Holanda.

Continue Reading

Aktualitet

Tiranë: Sekuestrohen mbi 26 milionë euro pasuri në pronësi të një të dënuari për vrasje

Published

on

Policia në Tiranë ka sekuestruar pasuri me vlerë prej 26 milionë e 500 mijë euro, nën pronësi të një 45-vjeçari të dënuar për vrasje dhe për pjesëmarrje në grup kriminal për trafikim të lëndëve narkotike, nga autoritetet italiane.

Sipas njoftimit të policisë, pasuritë e sekuestruara janë konkretisht: 19 prona, 2 automjete dhe 20 llogari bankare, të regjistruara në emër të 45-vjeçarit ose të familjarëve të tij, me vlerë tregu rreth 26 milionë e 500 mijë euro.

“Vijon puna për gjurmimin dhe sekuestrimin e pasurive të tjera që dyshohet se kanë burim nga veprimtaritë kriminale të këtij shtetasi. Materialet procedurale iu referuan Prokurorisë së Tiranës, për veprime të mëtejshme”, thuhet tutje në njoftim.

Continue Reading

Aktualitet

Kosova e Shqipëria forcojnë partneritetin ushtarak, trajnime të përbashkëta për operacione ujore

Published

on

Bazuar në marrëveshjen bilaterale të bashkëpunimit ndërmjet Forcës së Sigurisë së Kosovës dhe Forcave të Armatosura të Republikës së Shqipërisë (FARSH), Kompania e Kërkim-Shpëtimit e Regjimentit të Mbrojtjes Civile (RMC) realizoi trajnim të përbashkët në fushën e zhytjes.

Trajnimi i përbashkët u realizua në Qendrën e Zhytjes në Pashaliman, Vlorë, Republika e Shqipërisë.

Sipas FSK-së qëllimi i këtij trajnimi ishte ruajtja, zhvillimi dhe avancimi i njohurive dhe aftësive profesionale në fushën e zhytjes, në thellësi dhe kushte të ndryshme operative si dhe shkëmbimin e përvojës dhe praktikave më të mira ndërmjet pjesëtarëve të të dy forcave ushtarake.

FSK po ashtu thotë se ky aktivitet i përbashkët dëshmon për rëndësinë e thellimit të bashkëpunimit ndërmjet institucioneve ushtarake të Kosovës dhe Shqipërisë, si dhe përkushtimin e ndërsjellë për ngritjen dhe përmirësimin e kapaciteteve specialistike në realizimin e operacioneve ujore me standarde të larta ndërkombëtare.

Continue Reading

Të kërkuara