Sport

Nga fjalët për Kanten, triumfi në Ligën e Kampionëve e deri te fajësimi i klubit, Rudiger konfirmon largimin nga Chelsea

Rudiger do të largohet nga klubi londinez në fund të këtij sezoni.

Published

4 years ago

on

Mbrojtësi gjerman, Antonio Rudiger përmes një komunikate zyrtare në Twitter ka konfirmuar sot largimin nga Chelsea.

Rudiger do të largohet nga klubi londinez në fund të këtij sezoni dhe do t’i bashkohet si lojtar i lirë gjigantit spanjoll, Real Madrid.

Me këtë rast, Rudiger ka shfrytëzuar rastin që të thotë lamtumirën e tij drejt tifozëve të Chelseat dhe klubit, ku këtë të fundit e fajësoi për çështjen e rinovimit të kontratës.

Fillimisht, Rudiger e nisi këtë përshëndetje me disa fjalë për bashkëlotarin e tij, N’Golo Kante, për të cilin tha se është ndër njerëzit më të sjellshëm në futboll.

“Duhet ta tregojë një histori të shpejtë për njërin nga djemtë më të sjellshëm në futboll. Sigurisht jam duke folur për Kanten. Para se të vija në Chelsea, kisha dëgjuar të gjitha historitë e bukura për të. Ata thanë se ai është gjithmonë i buzëqeshur. Ata thanë se ai ende vozit një Mini Cooper të vjetër. Ata thanë se ai kurrë nuk e ngre zërin. Por e dini se si shkon në futboll, apo jo? Askush nuk është vërtet i tillë. Ka shumë presion, shumë zhgënjim. Të gjithë jemi njerëz. Askush nuk është kaq i lezetshëm gjatë gjithë kohës. Është e pamundur. Pastaj takova N’Golo. Gjithçka që i thashë këtij djali, ai thjesht më shikonte dhe tundte kokën, sikur të mendonte se gjithçka që thashë ishte vërtet interesante. Dhe ai do ta bënte këtë gjë, unë nuk di vërtet se si ta shpjegoj, duhet ta dëgjoni. Sa herë që unë flas, ai bënte *click, click, click* me gojën e tij”, tha Rudiger për Kanten.

Më pas, Rudiger foli për triumfin në Ligën e Kampionëve, për të cilin mbrojtësi gjerman tregoi se pas gjitha problemeve që kishte pasur i dukej si ëndërr.

“Për mua, për të arritur në një finale të Ligës së Kampionëve, pas çdo gjëje që kisha kaluar personalisht, dhe pasi luajta për kaq gjatë pa asnjë tifoz gjatë COVID … uau … ishte si një ëndërr. Kam fjetur si një bebe para finales së Ligës së Kampionëve dhe kur u zgjova, u ndjeva i pathyeshëm. Me familjen time pas dhe me ushqimin në tryezë, nuk mund të humbas. Vetë ndeshja ishte e bukur, sepse fituam kundër një skuadre tejet të fortë si City, duke u mbrojtur të bashkuar dhe duke i goditur me kundërsulme. Ne luftuam për jetën tonë dhe në fund u bëmë kampionë. Në fishkëllimën e fundit, unë po vrapoja si i çmendur, dhe Tuchel erdhi drejt meje, dhe unë e përqafova fort. Ishte një moment i veçantë për mua dhe do t’i jem gjithmonë mirënjohës, sepse më dha një shans kur të gjithë kishin hequr dorë nga unë”, tha Rudiger.

Ndër të tjera, Rudiger foli edhe për situatën e rinovimit të kontratës së tij me Chelsea, ku e fajësoi këtë të fundit që kishte lënë për momentet e fundit këtë gjë.

“Fatkeqësisht, bisedimet për kontratën time kishin filluar të vështirësoheshin vjeshtën e kaluar. Biznesi është biznes, por kur nuk dëgjon asnjë lajm nga klubi nga gushti në janar, situata ndërlikohet. Pas ofertës së parë, nuk kishte bisedime, nuk kishte asgjë. Ne nuk jemi robotë, e dini? Ju nuk mund të prisni me muaj me kaq shumë pasiguri për të ardhmen tuaj. Natyrisht, askush nuk i pa sanksionet që vinin, por në fund klubet e tjera të mëdha po shfaqnin interes dhe unë duhej të merrja një vendim. Do ta lë me kaq, sepse mënjanë biznesin, nuk kam asgjë të keqe për të thënë për këtë klub”, tha Rudiger.

Antonio Rudiger ishte transferuar te Chelsea nga Roma, ku në 202 paraqitje për skuadrën angleze arriti të regjistroj 12 gola dhe shtatë asistime mbi emrin e tij, ndërsa arriti të fitojë trofe si Ligën e Kampionëve, FA Cup, Ligën e Evropës, Super Kupën e Evropës dhe Kupën e Botës për klube.

Related Topics:
Continue Reading

Sport

Amorim shpërthen ndaj United: “Nuk erdha të jem trajner, por menaxher”

Published

4 days ago

on

January 5, 2026

By

Ruben Amorim ka sfiduar hierarkinë e Manchester United që ta lënë të bëjë punën e tij pa ndërhyrje.

Pasi aludoi të premten për problemet prapa skenave, Amorim priti deri në pyetjen e fundit të konferencës së tij për media pas ndeshjes pas barazimit 1-1 me Leeds United për të bërë një tjetër pikë të rëndësishme.

Ai deklaroi vazhdimisht se ishte gati të largohej kur kontrata e tij të skadonte pas 18 muajsh, duke treguar se ishte hasur në ndërhyrje të padëshiruara në detyrat e tij nga figura të larta të United, të cilat nuk do të toleroheshin diku tjetër.

Ai përmendi emrat e tre ish-trajnerëve të profilit të lartë të Premier Ligës dhe sugjeroi se ata nuk do t’i nënshtroheshin ndërhyrjes që ai mendon se ka përjetuar.

“Dua vetëm të them se erdha këtu për të qenë menaxher, jo për të qenë trajner,” tha ai.

Në çdo departament – departamenti i vëzhgimit, drejtori sportiv – [ata] duhet të bëjnë punën e tyre. Unë do ta bëj timen për 18 muaj dhe pastaj do të ecim përpara.

“Dua vetëm të them se do të jem menaxheri i kësaj skuadre, jo vetëm trajneri. Isha shumë i qartë për këtë. Kjo do të përfundojë brenda 18 muajsh dhe pastaj të gjithë do të largohen. Kjo ishte marrëveshja. Kjo është puna ime. Jo të jem trajner.“

Amorim gjithashtu hodhi poshtë idenë se United është bërë shumë i ndjeshëm ndaj kritikave të jashtme.

Ai tha: “Nëse njerëzit nuk mund ta përballojnë situatën me Gary Nevilles dhe kritikat për gjithçka, ne duhet ta ndryshojmë klubin.”

 

Continue Reading

Sport

Top 20 sportistë më të paguar në histori

Published

6 days ago

on

January 2, 2026

By

Sporti është një veprimtari shumë fitimprurëse. Natyrisht, për sportistët që arrijnë rezultate kulmore.

Lista më poshtë sjell 20 sportistët, me fitimet më të mëdha gjatë karrierës së tyre sportive.

  1. Majkëll Xhordan – Basketboll (SHBA) – 4.15 miliardë dollarë
  2. Tajgër Uds – Golf (SHBA) – 2.79 miliardë dollarë
  3. Kristiano Ronaldo – Futboll (Portugali) – 2.23 miliardë dollarë
  4. LeBron James – Basketboll (SHBA) – 1.88 miliardë dollarë
  5. Lionel Mesi – Futboll (Argjentinë) – 1.85 miliardë dollarë
  6. Arnold Palmer – Golf (SHBA) – 1.82 miliardë dollarë
  7. Xhek Niklaus – Golf (SHBA) – 1.75 miliardë dollarë
  8. Dejvid Bekam – Futboll (Angli) – 1.61 miliardë dollarë
  9. Roxher Federer – Tenis (Zvicër) – 1.59 miliardë dollarë
  10. Flojd Mejuezer Junior – Boks (SHBA) – 1.52 miliardë dollarë
  11. Fil Mikelson – Golf (SHBA) – 1.49 miliardë dollarë
  12. Mihail Shumaher – Formula 1 (Gjermani) – 1.39 miliardë dollarë
  13. Shakil O’Nil – Basketboll (SHBA) – 1.27 miliardë dollarë
  14. Nejmar Junior – Futboll (Brazil) – 1.17 miliardë dollarë
  15. Kobi Brajant – Basketboll (SHBA) – 1.11 miliardë dollarë
  16. Kevin Durant – Basketboll (SHBA) – 1.07 miliardë dollarë
  17. Luis Hamilton – Formula 1 (Angli) – 970 milionë dollarë
  18. Majk Tajson – Boks (SHBA) – 965 milionë dollarë
  19. Aleks Rodrigez – Bejsboll (SHBA) – 795 milionë dollarë
  20. Meni Pakjao – Boks (Filipine) – 490 milionë dollarë

Continue Reading

Sport

E konfirmuar: Vjen drita jeshile për stadiumin nacional, ndahen milionat e para

Published

2 weeks ago

on

December 29, 2025

By

Sekretari i Përgjithshëm i Ministrisë së Kulturës, Rinisë dhe Sportit, Bislim Bislimi, ka bërë të ditur se stadiumi nacional është përfshirë në projektbuxhetin e vitit 2026, me një vlerë fillestare prej 4 milionë euro.

Në një intervistë për KosovaPress, Bislimi ka theksuar se ky projekt do të shtrihet edhe në vitet në vijim dhe se kostoja totale pritet të tejkalojë shifrën prej 20 milionë euro, duke e cilësuar stadiumin nacional si një domosdoshmëri për vendin.

Duke folur për rëndësinë e këtij projekti, Bislimi ka sqaruar se stadiumi nacional është diskutuar në kuadër të vlerësimit të nevojave reale të Kosovës për infrastrukturë sportive, ndërsa ka nënvizuar se aktualisht po investohet në mbi 20 stadiume në të gjithë vendin, sipas planit pesëvjeçar për zhvillimin e infrastrukturës futbollistike, i cili kap vlerën mbi 200 milionë euro.

Ai ka shtuar se stadiumi nacional do të jetë i veçantë për nga përmasat dhe standardet inxhinierike e sportive, duke u dalluar nga projektet e tjera ekzistuese.

“Ka të reja sa i përket stadiumit nacional. Është përfshirë në projekt-buxhet të vitit 2026 me një vlerë fillestare prej 4 milionë euro. që pastaj vazhdon në vitet në vazhdim. Me siguri shkon mbi 20 milionë. Besojmë shumë që ky projekt deri në këtë moment është diskutuar vetëm sa i përket vlerësimit të nevojave të vendit tonë për një stadium nacional. Ne po investojmë në mbi 20 stadiume në gjithë Kosovën, sipas planit të dakorduar pesë vjeçar për ngritjen e infrastrukturës futbollistike që përfshin një shifër prej mbi 200 milionë euro.”, bëri të ditur Bislimi.

Sa i përket fazës fillestare, Bislimi ka bërë të ditur se shuma prej 4 milionë eurosh e paraparë për vitin 2026 është e mjaftueshme për përgatitjet teknike dhe nisjen fillestare të punimeve në stadium. Megjithatë, ai ka theksuar se lokacioni i ndërtimit të stadiumit nacional ende nuk është përcaktuar dhe mbetet çështje për t’u vendosur në vazhdim.

Continue Reading

Lajmet

Zhegrova mungoi në stërvitjen e Juventusit

Published

2 weeks ago

on

December 24, 2025

By

Juventusi ka vazhduar përgatitjet për ndeshjen e së shtunës ndaj Pisas në Serie A, mirëpo, gjatë stërvitjes së sotme, dy yje të skuadrës kanë munguar, Edon Zhegrova dhe mbrojtësi Gleison Bremer.

“Tuttomercatoweb” raporton se nuk ka shqetësim të menjëhershëm, pasi mbrojtësi brazilian po ndjek një program individual dhe një ngarkesë të specializuar pas rikthimit nga një dëmtim afatgjatë.

Edon Zhegrova mungoi në stërvitje pasi thuhet se pati temperaturë të lehtë.

Zhegrova luajti në ndeshjen e fundit ndaj Romës për më shumë se 30 minuta, pasi e zëvendësoi Francisco Conceicaon e lënduar.

Ai ishte faktor kyç në golin e dytë të Juventusit i shënuar nga Lois Openda mirëpo bëri një gabim te goli i pësuar. Ndeshja përfundoi 2-1 për Juventusin.

Lojtarët e tjerë të dëmtuar që nuk morën pjesë ishin Cabal, McKennie, Conceicao, Vlahovic, Gatti dhe Pinsoglio.

Juventusi luan ndaj Pisas të shtunën në mbrëmje në “Arena Garibaldi”, me fillim nga ora 20:45./S.K/EO/

Continue Reading

Të kërkuara