Lajmet

Nga BQK-ja thonë se Kosova ka plotësuar kriteret për kartonin e gjelbër, pengesë mosanëtarësimi në OKB

Published

on

Kosova ka plotësuar të gjitha kushtet për anëtarësim në Këshillin e Byrosë Evropiane që siguron kartonin e gjelbër, por që akoma pengesë mbetet mosanëtarësimi në Organizatën e Kombeve të Bashkuara.

Kështu është thënë sot pas takimit të guvernatorit të Bankës Qendrore të Kosovës (BQK), Fehmi Mehmeti me ushtruesin e detyrës së drejtorit të Byrosë Kosovare të Sigurimeve (BKS), Sami Mazreku.

Guvernatori Mehmeti i cili vizitoi BKS-në me bashkëpunëtorë, tha se masat e ndërmarra për parandalimin e përhapjes së koronavirusit kanë ndikuar negativisht në rënien e aktivitetit ekonomik dhe kështu pandemia COVID-19 e ka goditur edhe industrinë e sigurimeve.

Ai tha se vitet e fundit vërehet një përmirësim i këtij sektori dhe masat e marra të BQK-së kanë qenë efektive. Teksa shtoi se problem mbeten edhe automjetet e paregjistruara, të cilat sipas tij për çdo ditë rrezikojnë jetën e qytetarëve.

“Sa i përket dëmeve të paguara bruto arritën diku rreth 46 milionë euro apo një rënie të lehtë rreth 4 përqind dhe kjo rënie është si rezultat i aplikimit të masave kufizuese të lëvizjes në fillim të vitit të kaluar. Sa i përket Byrosë Kosovare të Sigurimeve kemi rënie të primeve nga sigurimi kufitar përreth 40 përqind, ndërsa shuma e përgjithshme e arkëtuar në vitin 2020 ishte rreth 4 milionë euro, ndërkaq në anën tjetër pagesa e dëmeve arriti në 5.85 milionë euro. Një problem tjetër që kemi diskutuar edhe më herët, janë automjetet e pasiguruara të cilat qarkullojnë nëpër rrugë të Republikës së Kosovës, të cilat çdo ditë e më shumë e rrezikojnë jetën e qytetarëve të Kosovës”, theksoi Mehmeti.

Mehmeti tha se përkundër përpjekjeve të vazhdueshme nga ana e BQK-së dhe institucioneve të tjera shtetërore për anëtarësim në Këshillin e Byrosë, ende nuk është arritur që Kosova të anëtarësohet në këtë Këshill apo të gjejë ndonjë rrugë alternative me qëllim që të eliminohet pagesa e policave kufitare.

“Sa i përket kartonit të gjelbër, të gjitha kushtet që janë kërkuar për anëtarësim në Këshillin e Byrove janë plotësuar, një ndër ato kushtet Ligji për sigurimet e detyrueshëm tash veç ekziston, themelimi i Fondit garantues prej 4 milionë euro ka ndodhur, mirëpo megjithatë pas dorëzimit të aplikacionit për anëtarësim ka ndodhur një pengesë që Kosova mos të jetë anëtare në Këshillin e Byrove si rezultat i mospranimit në Kombet e Bashkuara”, tha ai.

Ndërsa, ushtruesi i detyrës së drejtorit të BKS-së, Sami Mazreku tha se edhe më tutje shqetësim i tyre mbetet numri shumë i madh i automjeteve të pasiguruara.

Mazreku tha se dëmi që këto i sjellin BKS-së dhe shtetit e kalojnë shumën mbi 3 milionë euro. Ai ka kërkuar ndihmën e BQK-së, por edhe të institucioneve të tjera që ta ushtrojnë ndikimin e tyre për të ndaluar këtë trend negativ.

“Aktualisht kemi rreth 150 mijë automjete të paregjistruara që përbën 35 përqind të numrit të përgjithshëm në Kosovë, për çka ne duhet të punojmë që këtë numër ta ulim në masën prej 5 përqind pastaj të vazhdojmë me forma alternative me ndonjë shtet mik që të gjejmë zgjidhje për Kartonin e gjelbër”, tha Mazreku.

Kurse, zëvendësguvernatori, Sokol Havolli tha se BQK-ja për një periudhë të konsiderueshme ka përgatitur terrenin për të marrë reforma në sektorin e sigurimeve.

Lajmet

Krimet kundër njerëzimit nuk falen, përkujtohet masakra në Studime të Vushtrrisë

Published

on

By

Në 26-vjetorin e masakrës serbe në Studime të Vushtrrisë u kërkua drejtësi për 116 shqiptarët e vrarë më 2 maj 1999.

Në akademinë përkujtimore, të organizuar nga Komuna e Vushtrrisë, u kërkua edhe unitet politik.

Kryeministri në detyrë, Albin Kurti, tha se strategjia gjenocidale serbe përfshiu edhe fshatrat e Vushtrrisë ku mbeten të vrarë 116 civilë.  Ai theksoi se vetëm me dënim për ata që kryen këtë masakër familjarët do të gjejnë prehje, dhe paqja do të jetë e qëndrueshme.

Kryetari i Vushtrrisë, Ferit Idrizi tha se masakra e 2 majit ka lënë gjurmë të mëdha e te pashlyeshme, ndërsa kriminelët serbë që kryen këtë masakër ende nuk janë dënuar.

Në këtë akademi përkujtimore i pranishëm ishte edhe kryetari i Aleancës për Ardhmërinë e Kosovës, Ramush Haradinaj i cili tha se i paharruar është kujtimi për të gjithë të rënët për liri.

Sokol Gjata, në emër të familjarëve, kërkoi që amaneti i martirëve dhe të rënëve për liri mos të harrohet në zyrat e shtetit.

26 vjet më parë, më 2 maj të vitit 1999, forcat serbe vranë dhe masakruan 116 civilë të pafajshëm shqiptarë. Këta të fundit u nxorën nga kolona e qindra njerëzve që kishin marrë rrugë për Shqipëri. Dëshmitarët kishin deklaruar se 116 civilët u pushkatuan brenda dy orëve.

Continue Reading

Lajmet

Hapet Ambasada e Republikës së Kosovës në Malajzi

Published

on

By

Sot hapet Ambasada e Republikës së Kosovës në Kuala Lumpur, Malajzi, duke shënuar një moment të veçantë dhe një hap të rëndësishëm në angazhimet e Kosovës për forcimin e lidhjeve me vendet e Azisë Juglindore dhe zgjerimin e pranisë së saj diplomatike në këtë rajon strategjik.

Kështu thuhet në një komunikatë për media të Ministrisë së Punëve të jashtme, ku theksohet se Malajzia ka qenë një ndër vendet e para që ka njohur pavarësinë e Kosovës, dhe hapja e ambasadës në kryeqytetin e saj përfaqëson një dëshmi të përkushtimit të ndërsjellë për të avancuar bashkëpunimin dhe për të thelluar marrëdhëniet e ndërtuara mbi respektin dhe mirëkuptimin reciprok.

Hapja e Ambasadës në Kuala Lumpur nuk është vetëm një zgjerim i pranisë sonë diplomatike, por edhe një shprehje konkrete e vullnetit tonë për të ndërtuar ura miqësie, bashkëpunimi dhe zhvillimi me një nga rajonet më dinamike në botë. Jemi mirënjohës për mbështetjen e vazhdueshme të Malajzisë dhe të përkushtuar për ta çuar këtë partneritet në nivele të reja,”deklaroi Ministrja e Punëve të Jashtme dhe Diasporës, Donika Gërvalla.

Ambasada e Kosovës në Kuala Lumpur synon të shërbejë si një urë e re bashkëpunimi në fushat e diplomacisë, tregtisë, shkëmbimeve kulturore dhe përkrahjes së qytetarëve të Kosovës në këtë pjesë të botës. Kjo hapje është rezultat i punës së vazhdueshme institucionale dhe përkushtimit strategjik për afirmimin ndërkombëtar të Republikës së Kosovës.

Continue Reading

Lajmet

Presidentja Osmani pritet me nderime të larta shtetërore në Malajzi: “Faleminderit Kryeministër Anwar Ibrahim për mikpritjen!”

Published

on

By

Presidentes së Republikës së Kosovës iu organizua pritje me nderime të larta shtetërore në Kompleksin qeveritar Perdana Putra në Putrajaya në Malajzi.

Presidentja Osmani falënderoi për pritjen në këtë shtet.

Faleminderit Kryeministër Anwar Ibrahim për mikpritjen!”, shkroi presidentja Osmani.

Kreu i shtetit të Kosovës ka udhëtuar për vizitë zyrtare në Federatën e Malejzisë, me ftesë të Kryeministrit YAB Dato’ Seri Anwar Ibrahim.

Më parë, Zyra e Presidentes së Kosovës ka bërë të ditur se në kuadër të kësaj vizite, presidentja Osmani do të dekorojë me Medalje Presidenciale të Meritave Kryeministrin aktual të Malejzisë, Anwar Ibrahim, si dhe ish-kryeministrin Abdullah Ahmad Badawi, në shenjë mirënjohjeje për kontributin e tyre në mbështetje të Kosovës.

Presidentja Osmani, në prezencë të korit diplomatik dhe të ftuarve të tjerë, do ta hapë zyrtarisht Ambasadën e Republikës së Kosovës në Kuala Lumpur, një hap i rëndësishëm në forcimin e pranisë diplomatike të Kosovës në rajonin e Azisë Juglindore.

Presidentja Osmani do të zhvillojë gjithashtu takime me përfaqësues të Dhomës Kombëtare të Tregtisë dhe Investimeve të Malajzisë (NCCIM), si dhe me përfaqësues të sektorëve të rëndësishëm të ekonomisë malajziane, përfshirë prodhimin, teknologjinë dhe turizmin. Me këtë rast, do të diskutohet për mundësitë konkrete të bashkëpunimit ekonomik mes dy vendeve dhe tërheqjes së investimeve në Kosovë”, thuhet në njoftimin e Zyrës së Presidentes së Kosovës.

Continue Reading

Lajmet

26 vjet nga masakra e Studimes së Vushtrrisë

Published

on

By

Sot mbushen 26 vjet nga koha kur në Studime të Vushtrrisë forcat kriminele serbe vranë 116 shqiptarë të pafajshëm.

Këta të fundit u nxorën nga kolona e qindra njerëzve që kishin marrë rrugë për Shqipëri.

Nga dëshmitarët mësohet se 116 civilët u pushkatuan brenda dy orëve.

Kjo ditë do të kujtohet sot me një akademi përkujtimore në Studime.

Continue Reading

Të kërkuara