Sport

Nga basketbolliste në gjyqtare që synon garat evropiane, njihuni me Irma Konjushën

Pas pensionimit, Konjusha ka vendosur që të jetë gjyqtare.

Published

4 years ago

on

Tanimë ish-basketbolliste, Irma Konjusha kishte vendosur që të pensionohet nga ky sport, ku fitoi shumë trofe në karrierën e saj, por që ky nuk do të jetë fundi për karrierën e saj në parket.

Pas pensionimit, Konjusha ka vendosur që të jetë gjyqtare, ku javën e kaluar debutoi në Superligën e Kosovës në basketboll, dhe u bë njëra nga fermat e rralla që gjykon në elitën e meshkujve.

Po ashtu, Konjusha është kandidate potenciale për licencë të FIBA-s, ku edhe ka treguar që synimi i saj është të ndajë drejtësinë edhe në garat evropiane.

Në një intervistë për faqen zyrtare të FBK-së, Irma tregoi se a ishte vendim i vështirë pensionimi nga basketbolli, ku më pas foli edhe për synimet e saj.

“Ishte vendim i vështirë për tu pensionuar, pasi është sporti i zemrës time, ku një pjesë të madhe të jetës time, e kam kaluar në parket. Megjithatë, e kam konsideruar se është koha e duhur për tu larguar si basketbolliste për t’iu përkushtuar një profesioni tjetër, me shumë rëndësi për mua”, tha Konjusha për faqen zyrtare të FBK-së.

“Si basketbolliste kam fituar shumë trofe, ndërsa si gjyqtare, shpresoj se do të licencohem dhe të gjykojë ndeshje ndërkombëtare, të organizuara nga FIBA. Do të ishte nder dhe përgjegjësi. Shpresoj që me punë do të arrij këtë qëllim një ditë”, shtoi më tej Konjusha.

Irma së fundi ishte pjesë e Bashkimit, kurse ka luajtur për Prishtinën dhe Penzën, duke fituar shumë trofe në karrierën e saj. Po ashtu ka luajtur për Kosovën A të femrave, duke debutuar në garat ndërkombëtare, kurse sa ishte pjesë e skuadrës prishtinase garoi në FIBA EuroCup Women.

Related Topics:
Continue Reading

Lajmet

Për edicionin e ri të basketbollit shorti hidhet më 12 shtator

Published

1 hour ago

on

September 2, 2025

By

Federata e Basketbollit të Kosovës (FBK) ka njoftuar se shorti për edicionin e ri të garave do të tërhiqet më 12 shtator në zyrat e saj.

Sipas njoftimit, fillimisht nga ora 11:00 do të hidhet shorti për Superligën e Femrave, ndërsa një orë më vonë, nga ora 12:00, do të tërhiqet shorti për ProCredit Superligën.

Me hedhjen e shortit do të përcaktohen çiftet e para të kampionatit të ri, i cili pritet të sjellë edhe këtë sezon përballje interesante dhe rivalitet të lartë në parket.

/S.K/KP/FBK

Continue Reading

Lajmet

​Isak: Me Liverpoolin kam shumë për të dhënë, dua të fitoj gjithçka

Published

2 hours ago

on

September 2, 2025

By

Liverpooli ka zyrtarizuar transferimin e sulmuesit suedez, Alexander Isak, nga Newcastle United për një shumë rekord prej 130 milionë funtesh, duke e bërë atë blerjen më të shtrenjtë në historinë e futbollit britanik.

“Të Kuqtë” do të paguajnë 125 milionë funte për Isak, ndërsa vetë lojtari heq dorë nga një bonus prej 5 milionë funte për të realizuar lëvizjen drejt Anfield.

Lojtari i cili ka shënuar 62 gola në 109 paraqitje për Newcastle, u prezantua me kontratë gjashtëvjeçare pas vizitave mjekësore në Kirkby.

“Ndihem mrekullisht… Jam shumë i lumtur që jam pjesë e kësaj skuadre, këtij klubi dhe gjithçkaje që ajo përfaqëson. Pres me padurim të shoh shokët e mi të ekipit dhe tifozët. “Mendoj se kam shumë për të dhënë. Dua të fitoj gjithçka”, u shpreh ai.

/S.K/KP/BBC

Continue Reading

Lajmet

​Kosova gati për Kampionatin Botëror të Boksit

Published

2 hours ago

on

September 2, 2025

By

Kampi përgatitor i Kombëtares së Kosovës në boks është drejt përfundimit dhe përfaqësuesja është gati për sfidën e radhës për Kampionatin Botëror që zhvillohet nga 4 deri më 14 shtator 2025 në Liverpool.

Në përbërjen e ekspeditës së Kosovës do të jenë boksierja Donjeta Sadiku (60 kg), boksierët Bashkim Bajoku (55 kg), Loris Idrizi (65 kg) dhe Shpetim Bajoku (70 kg).

Përfaqësuesen e Kosovës do ta udhëheqin përzgjedhësit Faton Xhakli dhe Marjola Sallauka, ndërsa pjesë e delegacionit do të jetë edhe sekretari i përgjithshëm Latif Demolli..

Ekipi i Kosovës udhëton më 2 shtator drejt Liverpoolit, aty ku do të masë forcat me boksierët më të mirë të botës.

/S.K/KP/FBK

Continue Reading

Lajmet

​Muharremaj: Stadiumi i Suharekës do të jetë me standarte të UEFA-s

Published

2 hours ago

on

September 2, 2025

By

Në zonën industriale të Suharekës sot do të mbahet ceremonia e vënies së gurthemelit për ndërtimin e stadiumit të ri të qytetit.

Ky projekt madhor, i cili do të ndërtohet sipas standardeve më të larta të UEFA-s, do të ketë kapacitet prej 6,518 ulësesh dhe infrastrukturë moderne.

Investimi po realizohet nga Ministria e Kulturës, Rinisë dhe Sportit, ndërsa hapësira është siguruar nga Komuna e Suharekës.

Kryetari i Komunës, Bali Muharremaj, u shpreh mirënjohës për Ministrin e Kulturës, Hajrulla Çeku, për bashkëpunimin dhe angazhimin e treguar në këtë projekt, duke theksuar se vetëm me bashkëpunim të ngushtë mes qeverisë dhe komunës mund të sjellin zhvillim për qytetarët.

“Projekt i cili do të ndërtohet sipas standardeve më të larta të UEFA-s, me kapacitet prej 6,518 ulësesh dhe infrastrukturë moderne, është investim i Ministrisë së Kulturës. Hapsirën e kemi siguruar ne si Komunë e Suharekës.”, ka shkruar Muharremaj në Facebook.

Stadiumi i ri pritet të bëhet një qendër e rëndësishme sportive për Suharekën dhe mbarë Kosovën.

/S.K/KP/

 

 

Continue Reading

Të kërkuara