Teknologji

NFT-të i hapin telashe ligjore Tarantinos, ai po përballet me një padi për filmin “Pulp Fiction”

Kompania Miramax po e akuzon atë për shkeljen e të drejtave të autorit.

Published

4 years ago

on

Kompania Miramax po akuzon regjisorin për shkelje të të drejtave të autorit, kjo për shkak të planeve për të nxjerrë në ankand skenarë origjinalë dhe komente audio, përcjell UBT News.

Në fillim të këtij muaji, Quentin Tarantino u shfaq në një panair të kripto-artit në Nju Jork. Aty ai shpalli një ankandë për të NFT-ve ekskluzive, të cilat bazohen në skenarin e Pupl Fiction.

Megjithatë, kjo shpallje e vendosi regjisorin në telashe ligjore!

Të martën (16 nëntor), Miramax – kompania argëtuese që financoi dhe shpërndau Pulp Fiction në vitin 1994 – ngriti një padi kundër Tarantinos, duke e akuzuar atë për shkelje të së drejtës së autorit për shitjen e NFT-ve bazuar në skenarin e filmit, transmeton UBT News.

Siç është detajuar në njoftimin origjinal për shtyp për ankand, skenat e Pulp Fiction do të dalin në shitje si NFT Sekrete në tregun OpenSea, duke shfaqur një skenar origjinal të shkruar me dorë dhe komentet shtesë. Përmbajtja do të mbahet private nëse shitja lejohet të vazhdojë dhe pronari do të jetë në gjendje t’i shikojë ato ekskluzivisht.

Megjithatë sipas kompanisë, Tarantino nuk u konsultua me ta paraprakisht, pavarësisht faktit se ajo ende zotëron të drejtat për filmin. Edhe pse avokatët e Miramax dërguan një letër, kjo nuk e ndaloi regjisorin dhe ekipin e tij që të ecnin para me shitjen.

Në padi thuhet se avokati i Tarantinos i tha Miramax-it se regjisori ruan të drejtën për të publikuar skenarin e tij si pjesë e marrëveshjes origjinale të Pulp Fiction dhe se ai në thelb po “publikon” skenarin përmes shitjes së NFT./UBTNews/

Related Topics:
Continue Reading

Teknologji

Chrome bëhet më inteligjent, Google prezanton “AI Mode”

Published

7 hours ago

on

December 12, 2025

By

Google po teston AI Mode, një funksion të ri të inteligjencës artificiale që integrohet drejtpërdrejt në shfletuesin Chrome, në vend që përdoruesit të dërgohen në një faqe të veçantë kërkimi.

Aktualisht është i disponueshëm vetëm në Chrome Canary, ku hapet përmes adresës chrome://contextual-tasks.

Funksioni ofron një ndërfaqe të dedikuar “Meet AI Mode” dhe një fushë “Ask anything”, duke lejuar përdoruesit të marrin përgjigje për pyetje të ndryshme — madje edhe në lidhje me faqet që kanë të hapura, pa kopjuar ose ngjitur URL-në.

Veçoria është ende në fazë eksperimentale dhe pritet të ndryshojë para se të lëshohet për përdoruesin e gjerë, por synon të sjellë një përvojë më të integruar e më të fuqishme të përdorimit të AI gjatë shfletimit. /A.Z/UBT News/

Continue Reading

Teknologji

Google prezanton veçorinë “Android Emergency Live Video”

Published

1 day ago

on

December 11, 2025

By

Google ka lansuar një veçori të re për telefonat Android të quajtur Android Emergency Live Video, që lejon ndarjen e videos live me shërbimet e emergjencës.

Funksionon me një prekje të vetme, duke e bërë më të shpejtë ndihmën në raste emergjente.

Gjatë një telefonate ose mesazhi emergjent, dispeçeri mund të kërkojë video live nga telefoni juaj, dhe ju mund të filloni transmetimin e sigurt menjëherë.

Kjo u lejon ndihmësve të vlerësojnë situatën në kohë reale dhe, nëse është e nevojshme, t’ju udhëzojnë në procedura shpëtimi, si CPR, derisa të mbërrijë ndihma.

Veçoria nuk kërkon konfigurim paraprak, është e enkriptuar automatikisht, dhe përdoruesi vendos kur dhe çfarë të ndajë. Aktualisht është e disponueshme në SHBA, si dhe në rajone të caktuara të Gjermanisë dhe Meksikës për telefonat Android me Android 8 ose më të ri dhe Shërbimet Google Play.

Google njofton se po punon me organizata të sigurisë publike në mbarë botën për ta zgjeruar këtë shërbim edhe në më shumë vende. /A.Z/UBT News/

Continue Reading

Teknologji

Apple zbulon planet për iPhone 18, teknologji dhe performancë e përmirësuar

Published

1 day ago

on

December 11, 2025

By

Edhe pse iPhone 18 është larg lansimit të tij, thashethemet dhe rrjedhjet e informacionit po qarkullojnë në internet.

Seria e ardhshme pritet të prezantohet në shtator 2026, megjithatë disa raportime sugjerojnë se modeli standard shtyhet deri në pranverë 2027, me një version të përfolur iPhone 18e. Nuk është e qartë nëse Apple do t’i lansojë të gjitha variantet njëkohësisht, iPhone 18 Pro dhe Pro Max—ose nëse linja do të ndahet në periudha të ndryshme.

Sipas thashethemeve, kompania po teston teknologjinë 3D nën ekran, gjë që mund t’i japë një pamje më elegante telefonit.

iPhone 18 pritet të vijë me çipin e ri A20, i cili premton shpejtësi dhe efikasitet më të lartë, A20 mund të jetë deri 15% më i shpejtë se A19, duke përdorur rreth 30% më pak energji.

Një veçori e mundshme që mund të mungojë është Butoni i Kontrollit të Kamerës, i cili debutoi me iPhone 16.

Apple shqyrton heqjen e tij, duke përmendur angazhimin e ulët të përdoruesve dhe kostot e prodhimit, pritet që modeli bazë i iPhone 18 të ketë RAM të përmirësuar, duke shkuar deri 12 GB, për të përballuar veçoritë e inteligjencës artificiale.

Modeli bazë i iPhone 17 ka 8 GB RAM, që konsiderohet mjaftueshëm, por Apple po synon të rrisë performancën për kërkesat e së ardhmes.

Megjithëse ndryshimet nuk pritet të jenë revolucionare—pasi iPhone 17 ka përmirësime të dukshme në kamerë dhe ekran, iPhone 18 pritet të sjellë disa veçori të vlefshme që ia vlen të prisni. /A.Z/UBT News/

 

 

 

Continue Reading

Teknologji

Kontroll më i rreptë në Snapchat, procesi i ri që duhet ta kalojnë përdoruesit në Australi

Published

1 day ago

on

December 11, 2025

By

Snapchat, një nga platformat më të përdorura nga adoleshentët në Australi, ka nisur të përdorë softuerin e kompanisë me bazë në Singapor, k-ID, për të parandaluar përdorimin e aplikacionit nga fëmijët nën moshë.

Kjo kompani ofron teknologji për verifikimin e moshës për shërbime të ndryshme digjitale, përfshirë lojërat online dhe rrjetet sociale.

Në Snapchat, përdoruesve u shfaqet një kërkesë për të verifikuar moshën e tyre përmes disa metodave, ndër to edhe dërgimi i një selfie-je që analizohet nga softueri për të përcaktuar moshën.

Disa përdorues pretendojnë se kanë gjetur mënyra për ta anashkaluar këtë sistem, p.sh duke përdorur fotografi të personave më të rritur.

Drejtori i çështjeve korporative të k-ID, Luc Delaney, tha për BBC-në se verifikimi i moshës mbetet një “luftë e vazhdueshme” për kompanitë që merren me këto shërbime.

Ai thekson se softueri do të zhvillohet më tej me kalimin e kohës, sidomos pasi të zbulohen metoda të reja që përdoruesit përdorin për të mashtruar sistemin.

“Ne nuk i inkurajojmë njerëzit të përpiqen të tejkalojnë këto mekanizma, se përfundojnë të përjashtuar nga platforma”, shtoi Delaney. /A.Z/UBT News/

 

Continue Reading

Të kërkuara