Lajmet

“Nëse jetoni në të kaluarën, do të vdisni në të kaluarën” – Këshillat që ju duhen për të korrur sukses

Janë gjithsej 6 këshilla që duhet të ndiqni.

Published

5 years ago

on

Suksesi është rrjedhojë e një rrugëtimi plot mundim, i cili finalizohet me diçka që synohet. Mirëpo që të korrësh sukses, duhet të kesh parasysh disa gjëra, pasi nuk është diçka e lehtë. Ne ju sugjerojmë të hiqni dorë nga këto 6 gjëra dhe do ta shihni se si keni për të mbërritur aty ky dëshironi.

1. Mendimet e tepërta.
Është gjëja më e rëndësishme për të arritur suksesin e dëshiruar. Mjaft u menduat tepër për veten, apo fjalët e të tjerëve. Mendohuni vetëm për hapin e radhës që do të hidhni dhe vazhdoni të bëni progres.

2. Frika për të ndryshuar.
Mos ki frikë nga ndryshimet. Sukseset në vetvete janë arritje që vijnë si pasojë e ndërmarrjes së nismave të reja, pa e menduar pjesën e ndryshimit. Jini të hapur ndaj çdo risie apo ndryshimi në jetën tuaj dhe do ta shihni sa të lehtë do e keni të arrini suksesin e dëshiruar.

3. Mjaft jetuat në të kaluarën.
E shkuara duhet të jetë një kapitull i mbyllur. Sigurisht duhet ta mendojmë për gjërat e bukura që kemi kaluar, por kurrsesi nuk duhet të shndërrohet në një ndalesë në rrugën tonë drejt suksesit. Mjaft jetuat në të kaluarën dhe jetoni të tashmen duke menduar për të ardhmen dhe për atë që doni të arrini.

4.Mos mendoni se nuk keni një qëllim.
Gjatë rrugës drejt suksesit mund të keni edhe momente kur do të dështoni. Janë pikërisht këto momente që do t’ju demoralizojnë dhe mund t’ju bëjnë të ndiheni keq, sikur nuk keni një qëllim. Mundet të të mos dëshironi më të vazhdoni përpara. Mirëpo pikërisht në këto momente duhet të vazhdoni më fuqishëm përpara, pasi ju keni një qëllim të caktuar dhe duhet ta arrini, pavarësisht çdo disfate të pësuar.

5. Mjaft menduar se nuk jeni mjaftueshëm të mirë në atë që bëni.
Nëse ka diçka që kam arritur të kuptoj në jetë, është se përherë do të ketë më të mirë në një fushë të caktuar. E mira nuk ka fund, por kjo gjë nuk duhet të na demoralizojë për të menduar se nuk jemi të aftë në atë që bëjmë. Përkundrazi, duhet të na shtyjë të gjejmë anët tona më të forta krahasuar me të tjerët. Ne jemi të aftë dhe dimë të japim maksimumin tonë, kur na kërkohet.

6. Mos e sakrifikoni asnjëherë lumturinë tuaj për të tjerët.
Sado përzemër ta keni dikë, lumturinë tuaj duhet ta vendosni përherë në plan të parë. Vlerësojeni veten dhe mos vendosni asnjë person tjetër përpara vetes suaj, pasi sa më shumë të bëni për të tjerët, aq mëshumë do ta kuptoni se njerëzit janë mosmirënjohës dhe në fund nuk do ta dinë për nder për asnjësakrificë që keni bërë për ta./bota.al

Related Topics:
Continue Reading

Rajoni

Alarm për bombë në disa institucione në Shqipëri

Published

2 hours ago

on

October 19, 2026

By

Një mesazh kërcënues për bombë ka mbërritur në disa institucione shtetërore në Shqipëri. A2 CNN raporton se një email ka kërcënues ka mbërritur në kryeministri, ministri, institucione të drejtësisë dhe Bankën e Shqipërisë.

“Ju njoftojmë urgjentisht se në këtë moment brenda ndërtesës është vendosur një mjet shpërthyes që përmban nitrat amoni (ANFO). Sot, me lejen e Allahut, do të kryejmë një seri sulmesh terroriste të planifikuara në territorin e vendit. Ajo që do të përjetoni sot është vetëm fillimi. Një ditë, qeveria juaj do të dorëzojë pushtetin dhe do të vendoset Sheriati”, thuhet në mesazh.

Pas marrjes së mesazhit, është boshatisur Gjykata dhe Prokuroria e Fierit. Administrata është alarmuar, ndërsa në zonë është shtuar prania e forcave të Policisë. /A2 CNN/

Continue Reading

Aktualitet

Vitia: 53.4 për qind e grave me kancer të gjirit diagnostikohen në stadin e parë dhe të dytë

Published

3 hours ago

on

October 19, 2026

By

Ministri i Shëndetësisë, Arben Vitia, ka bërë të ditur se 53.4 për qind e grave të diagnostikuara me kancer të gjirit në Kosovë janë identifikuar në stadin e parë dhe të dytë të sëmundjes, duke theksuar rëndësinë e zbulimit të hershëm për suksesin e trajtimit dhe rritjen e mundësive për mbijetesë.

Këtë deklaratë Vitia e bëri në Simpoziumin e Tretë për Kancerin e Gjirit, të organizuar nga Kolegji i Kirurgëve të Kosovës, ku u diskutua për ndërgjegjësimin, diagnostikimin e hershëm dhe përmirësimin e shërbimeve shëndetësore për gratë.

Ai bëri të ditur se mamografia ofrohet falas në institucionet publike shëndetësore, ndërsa gjatë këtij viti pritet të shtohen edhe tetë mamografë digjitalë në komunat ku mungojnë këto pajisje. Gjithashtu, përmes mamografit mobil, shërbimi po u ofrohet edhe grave në komunat që nuk kanë aparatura të tilla.

Sipas Vitisë, Kosova tashmë ka edhe planin e veprimit për skriningun e kancerit të gjirit për periudhën 2026–2028, me synim përmirësimin e diagnostikimit dhe qasjes në shërbime shëndetësore.

Ndërkaq, drejtori i Shëndetësisë në Komunën e Prishtinës, Bujar Gashi, bëri të ditur se gjatë vitit 2025 janë realizuar gjithsej 1.847 mamografi në kuadër të aktiviteteve për zbulimin e hershëm të kancerit të gjirit. Prej tyre, 463 janë kryer vetëm gjatë muajit tetor.

Gashi njoftoi gjithashtu se gjatë këtij viti, deri në ditën e mbajtjes së simpoziumit, janë realizuar 700 mamografi, prej të cilave rreth 150 gjatë muajit tetor.

D.L

Continue Reading

Vendi

UBT organizon Konferencën më të madhe shkencore për Mjekësinë Sportive, me pjesëmarrjen e profesionistëve botërorë

Published

4 hours ago

on

October 19, 2026

By

UBT do të mirëpresë më 21 tetor, Konferencën e Dytë Ndërkombëtare për Mjekësinë Sportive – ICSM 2026, e cila do të bëjë bashkë profesionistë shëndetësorë, hulumtues, akademikë dhe ekspertë të sportit për të diskutuar zhvillimet e reja në mjekësinë sportive, inovacionin dhe qëndrueshmërinë në praktikën klinike dhe sportive.

Konferenca, e organizuar nga Instituti për Mjekësi Sportive i UBT-së, në bashkëpunim me International Federation of Sports Medicine (FIMS), SHAPE Project – Sport, Health, and the People dhe Kosovo Association of Sports and Exercise Medicine (KASEM), në Parkun Shkencor, Inovativ dhe Teknologjik të UBT-së, do të zhvillohet nën temën “Innovation and Resilience in Sport Medicine”, duke krijuar një platformë për shkëmbimin e njohurive shkencore, përvojave profesionale dhe praktikave bashkëkohore në këtë fushë.

Në kuadër të konferencës do të trajtohen tema me rëndësi për zhvillimin e mjekësisë sportive, përfshirë shëndetin funksional, radiologjinë, ortopedinë, teknologjitë e veshshme (wearable technologies), inteligjencën artificiale dhe mundësitë që sjell inovacioni teknologjik në përmirësimin e kujdesit shëndetësor dhe performancës sportive.

Konferenca synon të forcojë bashkëpunimin ndërmjet komunitetit akademik, profesionistëve shëndetësorë dhe sektorit sportiv, duke nxitur diskutimin mbi qasjet e reja shkencore dhe zbatimin e tyre në praktikë.

Konferenca është e akredituar nga Oda e Mjekëve të Kosovës (OMK), në kuadër të Edukimit të Vazhdueshëm Profesional (EVP).

Për më shumë informata rreth programit, të interesuarit mund të vizitojnë: LINKU.

Continue Reading

Lajmet

Skenderaj: Qëlloi qenin me armë, policia ia sekuestron armën

Published

4 hours ago

on

October 19, 2026

By

Një person është shoqëruar në polici pasi dyshohet se ka shtënë me armë zjarri në drejtim të qenit të një bashkëqytetari në Skenderaj. Ngjarja ka ndodhur të dielën, më 18 tetor, rreth orës 10:20.

Pas raportimit të rastit, Policia e Kosovës, në konsultim me prokurorin e shtetit, ka ushtruar kontroll në shtëpinë e të dyshuarit, ku ka gjetur dhe sekuestruar një armë gjuetie.

I dyshuari është intervistuar nga hetuesit policorë dhe më pas, me vendim të prokurorit, është liruar në procedurë të rregullt. Rasti po hetohet nën dyshimin për veprat penale “Përdorim i armës” dhe “Mbajtje në pronësi, kontroll ose posedim të paautorizuar të armëve”. /E.A/

Continue Reading

Të kërkuara