Shëndet

Nëntë këshilla për të humbur peshë pa dieta rraskapitëse

Sipas shkencëtarëve nga Penn State College, vetëm një në gjashtë vetë arrin të humbasë peshën dhe ta mbajë atë humbje peshe.

Published

on

Ka shumë pak njerëz që mund të thonë sinqerisht se kurrë nuk kanë tentuar të humbin peshë në një pikë të jetës së tyre apo në një tjetër.

Sipas shkencëtarëve nga Penn State College, vetëm një në gjashtë vetë arrin të humbasë peshën dhe ta mbajë atë humbje peshe. Lajm i mirë është se ka disa rregulla të thjeshta që mund të ndiqni për të përmirësuar statistikat dhe për të ndihmuar veten të formoni trupin që dëshironi!

Më poshtë ju kemi renditur një listë faktesh të provuara shkencërisht që mund të kenë një ndikim pozitiv në procesin e humbjes së peshës:

Shtoni yndyrna të shëndetshme në dietën tuaj ushqimore

Kur përpiqeni të ulni numrin e kalorive që konsumoni, duket e arsyeshme ndalimi i konsumimit të ushqimeve të tilla si arra, farëra, djathë dhe gjalpë.

Megjithatë, duhet më shumë kohë që yndyrnat të treten sesa proteinat dhe karbohidratet, kështu që uria nuk do t’ju shqetësojë për një kohë më të gjatë.

Gjithashtu, yndyrnat e pasaturuara ndihmojnë trupin të tresë lycopene, lutein dhe beta-carotene.

Mos e mbivlerësoni humbjen e kalorive gjatë aktivitetit fizik

Shkencëtarët zbuluan se njerëzit me peshë të tepërt shpesh mbivlerësojnë numrin e kalorive të djegura gjatë stërvitjes së tyre. Si rezultat, ata e lejojnë veten të hanë më shumë ushqime, duke menduar se ata kanë shpenzuar shumë energji.

Po, duhet të hani pas një stërvitje, por mos shkoni përtej limitit të marrjes së përditshme kalorike. Përndryshe, i gjithë kuptimi i të ushtruarit do të humbasë.

Lani me kujdes frutat dhe perimet

Frutat dhe perimet në fakt mund të bëhen një arsye për të shtuar peshë shtesë nëse nuk i lani mirë. Arsyeja është se pesticidet e mbetura mund të ngadalësojnë metabolizmin tuaj, gjë që mund të shkaktojë që ju të shtoni peshë.

Këto kimikate duhet të mbrojnë ushqimet nga parazitet, por ato përfundojnë duke pasur një ndikim negativ në shëndetin e njeriut.

Pesticidet pengojnë funksionin e tiroidesit që çon në një çekuilibër hormonal. Shkencëtarët mendojnë se edhe ata dëmtojnë mitokondrinë – pjesët e qelizave që kthejnë ushqimin që konsumoni në energji.

Mos iu ndani vajit të ullirit

Shkencëtarët gjermanë kanë zbuluar se shtimi i vajit të ullirit në ushqim mund t’ju bëjë të ndiheni më shpejt të ngopur.

Gjithashtu rezulton se edhe era e vajit të ullirit zgjat kohën kur niveli i sheqerit është i qëndrueshëm, kështu që nuk ndiheni të uritur.

Hani me kënaqësi

Oreksi ynë rregullohet nga një hormon i quajtur ghrelin. Niveli i tij rritet kur jeni të stresuar dhe zvogëlohet kur ndjeni kënaqësi nga të ngrënit.

Me fjalë të tjera, nëse përjetoni kënaqësi duke ngrënë diçka, nuk do të ndiheni të uritur së shpejti. Dhe nëse po e hani diçka me zor e të stresuar, ju do ta gjeni veten duke qëndruar para një frigorifer të hapur shumë më shpejt.

Ndaj, nëse nuk ju pëlqejnë disa ushqime, zëvendësojini ato me diçka që ju pëlqen.

Zgjidhni pastën e duhur

Indeksi Glicemik paraqet një rritje në nivelin e sheqerit në gjak të një personi 2 orë pas ngrënies. Sa më i ulët të jetë indeksi, aq më ngadalë sheqeri hyn në gjak. Pra, trupi prodhon doza më të vogla të insulinës për përpunimin e sheqerit.

Megjithatë, nëse hyn shumë sheqer në gjak shpejt, trupi do të duhet të prodhojë një sasi të madhe të insulinës e cila do të dërgojë një sinjal në tru që është koha për të ngrënë përsëri.

Ndaj, ushqimet me një indeks të ulët glicemik janë më të mira për ata që janë duke u përpjekur për të humbur peshë.

Merrni vitaminat e kalciumit në qoftë se ju nuk mund të tretni produktet e qumështit

Shumë njerëz janë intolerantë ndaj laktozës, kështu që ata thjesht përjashtojnë qumështin nga dieta e tyre krejtësisht. Por djathi, qumështi dhe gjiza janë burime të mëdha të kalciumit që ndihmojnë në përshpejtimin e metabolizmit të yndyrave, sipas shkencëtarëve.

Pesha e pjesëmarrësve të eksperimentit që mori një vitaminë kalciumi u ul nga 26% në 70%.

Ndaj, nëse jeni intolerantë ndaj laktozës, provoni marrjen e vitaminave të kalciumit dhe vitaminës D.

Hani ushqim të ngurta në mëngjes

Shkencëtarët e kanë ditur se mëngjesi është i domosdoshëm që prej një kohe të gjatë. Tani ata po studiojnë ushqimin në pjatë dhe ndikimin e tij në trupat tanë.

Për shembull, ata dëshmuan se efikasiteti i proteinave rritet kur konsumohet në formë solide.

Konsumoni çokollatë të zezë

Rezulton se, çokollata jo vetëm që ka një ndikim pozitiv në shëndetin tuaj, por gjithashtu mund t’ju ndihmojë të humbni dhe të mbani peshën tuaj.

Shkencëtarët zbuluan se njerëzit me një dietë të ulët të karbohidrateve që hanë sasi të vogla të çokollatës së zezë nuk e rimorën peshën që humbën.

Shëndet

Pse fryhet barku? Shkaqet dhe zgjidhjet më të zakonshme

Published

on

Fryrja e barkut është një nga shqetësimet më të zakonshme që raportohen në kabinetet mjekësore.

Ajo ndodh kur barku zmadhohet përtej përmasave normale për shkak të gazrave, lëngjeve, përmbajtjes tretëse ose ndryshimeve strukturore në organet e brendshme.

Shkaqet kryesore:

Shkaqe organike: shtatzënia, shtimi në peshë, bllokimet në zorrë, gastropareza, celiakia, peritoniti, asciti ose rritja e organeve të brendshme.

Shkaqe funksionale: gazrat nga sindroma e zorrës së irrituar (IBS), intoleranca ushqimore, kapsllëku, çrregullime të tkurrjes së zorrëve dhe dobësia e muskujve të barkut.

Diagnoza

Mjeku vlerëson simptomat përmes ekzaminimit fizik, nëse është e nevojshme, kryen ultratingull abdominal apo analiza tjera për të përcaktuar shkakun.

Trajtimi

Në rastet organike, trajtohet sëmundja themelore. Në rastet funksionale, ndihmojnë laksativët, probiotikët, enzimat tretëse dhe ndryshimet në dietë.

Shmang ushqimet që shkaktojnë gazra.

Ha ngadalë dhe në porcione të vogla.

Pij më shumë ujë dhe konsum më shumë fibra.

Bëj aktivitet fizik të rregullt.

Nëse fryrja është e shpeshtë ose e shoqëruar me dhimbje, kërko këshillë mjekësore për të përjashtuar shkaqe më serioze. /A.Z/UBT News/

 

Continue Reading

Shëndet

Ekspertët paralajmërojnë: Këto dy ushqime të përpunuara e dëmtojnë trurin

Published

on

Ushqimet e përpunuara që mund të dëmtojnë më shumë shëndetin e trurit, sipas një studimi të ri, janë mishi i përpunuar dhe pijet e gazuara me sheqer.

Një ekip studiuesish nga Universiteti Virginia Tech ka zbuluar se personat që konsumojnë rregullisht këto produkte kanë rrezik dukshëm më të lartë për të zhvilluar probleme njohëse, përfshirë çrregullime që lidhen me demencën dhe sëmundjen e Alzheimerit, raporton Science Alert.

Studimi u mbështet në të dhënat e Universitetit të Michiganit për Shëndetin dhe Pensionimin, ku u analizuan 4,750 amerikanë mbi 55 vjeç, të ndjekur për një periudhë shtatëvjeçare (2014–2020). Çdo dy vjet, pjesëmarrësit i’u nënshtruan testeve të kujtesës dhe aftësive njohëse, duke përfshirë kujtimin e menjëhershëm, kujtimin e vonuar, llogaritje të thjeshta dhe ushtrime për përqendrim.

Rezultatet treguan se 1,363 persona zhvilluan probleme me kujtesën. Ata që konsumonin një racion mishi të përpunuar në ditë kishin 17% më shumë rrezik për çrregullime njohëse, ata që pinin çdo ditë pije të ëmbëlsuara – si kola, çaj i ftohtë me sheqer apo lëngje frutash industriale – kishin 6% më shumë rrezik.

Megjithatë, studimi nuk gjeti një lidhje të fortë mes konsumit të përgjithshëm të ushqimeve ultra të përpunuara dhe rritjes së rrezikut për probleme njohëse, përveç mishrave të përpunuar dhe pijeve me sheqer. Ushqime të tjera si gatimet e gatshme, ëmbëlsirat, snack-et e kripura apo produktet e bulmetit dhe drithërave nuk rezultuan me ndikim të njëjtë negativ.

Autorët theksojnë se shmangia e këtyre dy kategorive kryesore mund të ndihmojë në mbrojtjen e shëndetit të trurit.

“Ka gjëra që mund t’i ndryshoni. Sekreti është moderimi dhe balanca në zgjedhjet ushqimore,” – deklaroi profesoresha Brenda Davy, autore e studimit.

Ndikimi i ushqimeve të përpunuara është më i madh sesa mendojnë shumica e njerëzve. Vetëm më 2020, 65% e ushqimeve dhe 38% e pijeve të blera nga familjet amerikane përbëheshin nga produkte të përpunuara me ngjyrues, aromatizues e përbërës artificialë që mungojnë në ushqimin e përgatitur në shtëpi.

Një tjetër autor i studimit, Ben Katz nga Virginia Tech, sugjeroi se edukimi ushqimor mund të jetë pjesë e zgjidhjes: “Nuk mjafton të ndjekësh një dietë. E rëndësishme është t’u japësh njerëzve aftësitë për të gatuar sipas asaj diete,” – u shpreh ai. /A.Z/UBT News/

Continue Reading

Shëndet

Ndërrimi i natës rrit rrezikun e kancerit tek gratë

Published

on

Puna gjatë natës ka qenë prej kohësh e lidhur me shëndetin e dobët. Tani një studim i ri sugjeron se për gratë, puna gjatë kësaj kohe mund të rris rrezikun e kancerit.

Hulumtuesit kanë zbuluar se gratë që punojnë në turnin e natës janë pothuajse pesë herë më të rrezikuara nga kanceri në krahasim me gratë që punojnë gjatë ditës.

Në këtë studim ekspertët kanë gjetur se gratë që punonin gjatë natës ishin më shumë të rrezikuara nga kanceri i gjirit, kanceri i lëkurës dhe kanceri i mushkërive, shkruan Medicalnewstoday,

Bashkautori i hulumtimit, Xuelei Ma, nga Qendra Mjekësore e Kinës Perëndimore dhe kolegët e tij kanë publikuar gjetjet e tyre në revistën “Cancer Epidemiology, Biomarkers & Prevention”.

Hulumtimet e mëparshme kanë treguar se puna gjatë ndërrimit të natës mund të pengojë rëndë ritmin tuaj të qarkullimit.

Ky është orari kur rregullohen proceset fiziologjike të trupit gjatë një cikli 24 orësh. /A.Z/UBT News/

Continue Reading

Shëndet

Ja lista me ushqime që mbajnë yndyrën në gjak nën kontroll

Published

on

Meqenëse nuk kanë kurrfarë shijeje apo arome, këta dy artikuj mund t’u shtohen ushqimeve më të llojllojshme. Hani pa u shtuar sheqer dhe organizmit tuaj do t’u bëjnë mirë.

Në ditë mjafton të hani një deri në dy lugë të vogël fara chia, ndërkaq nga ajo lugë të vogël do të përfitoni deri në tri herë më shumë hekur sesa nga spinaqi.

Më parë duhet t’i zhytni në ujë, meqë nuk kanë aromë mund t’u shtohet të gjitha gjellëve – supës, perimeve, vezëve e pijeve. Farat e chias janë me omega-3 të thartirave yndyrore, të cilat ndihmojnë në rregullimin e kolesterinës së mirë dhe të kolesterinës së keqe në gjak, ndihmojnë ne shëndetin e zemrës.

Pas eliminoni nga organizmi të të gjithë “armiqtë” e njohur, sheqerit, produkteve të mishit dhe të tjera, në ushqim shtoni farat e tërshërës.

Konsumoni ashtu siç janë, pa shtesa të ëmbla. Kokrrat e tërshërës pastrojnë zorrët nga yndyrat, sepse fibrat e tërshërës të njohura si beta-glukan, yndyrarti thithin, andaj kolesterina as që hyn në gjak dhe në qarkullim të gjakut.

Një filxhan kokrra tërshëre do t’i plotësojë nevojat ditore për beta-glukan, mirëpo fibra të tilla ka edhe në elb dhe në alga.

Në ushqim kohë pas kohe përdorni edhe avokado, e cila, pos që ul kolesterinën LDL, mbron edhe arteriet. /A.Z/UBT News/

Continue Reading

Të kërkuara