Lajmet

Nëntë gjëra që nuk duhet t’ia thoni kurrë vajzës tuaj!

Published

4 years ago

on

Ka disa gjëra që nuk duhet t’i thoni kurrë vajzës tuaj në çdo moshë. Ndonjëherë mund të mos duket kështu, por ajo po ju dëgjon. Ajo po mëson nga ju dhe po ju shikon.

“Pusho së qari”
Gjithkush ka të drejtën e emocioneve të veta. Nëse i thoni vajzës suaj që të mos qajë, po i thoni që po dobësohet duke derdhur lot. Ju gjithashtu i thoni se ndjenjat e saj janë të pavlefshme. Nëse vajza juaj po qan, përpiquni të zbuloni psenë. Flisni me të për problemin, pavarësisht sa i vogël mund të jetë.

“Mos e bëj, do t’i trembësh djemtë”
E rëndësishme është që kurrë të mos i thoni vajzës tuaj të shmanget nga diçka, vetëm sepse ajo mund të humbasë miratimin e fëmijëve në klasë. Asnjëherë mos i nënkuptoni se mendimi i bashkëmoshatarëve të saj meshkuj ka më shumë rëndësi sesa mendimi i saj për veten. Lëreni të bëjë atë që do, edhe nëse është tipikisht një sport ose aktivitet “mashkullor”.

“Po e bën gabim, më lër ta bëj unë”
Mund të jetë joshëse të zgjasësh dorën dhe të lidhësh këpucët e vajzës kur ajo e zgjat shumë. Por ju duhet ta lini atë të përpiqet dhe të dështojë derisa të ketë sukses. Të bërit gjithçka për të nuk do ta mësojë atë të jetë proaktive dhe e pavarur. Jepini kohë për të mësuar vetë.

“Po shton në peshë?”
Asnjë vajzë, pavarësisht nga mosha e saj, nuk duhet të ndihet e gjykuar nga pesha e vet. Komente si kjo mund të dëmtojnë, veçanërisht në moshë të re. Ato mund t’i mbeten në mendje për vitet që vijnë. Mënyra më e mirë për të siguruar që vajza juaj është e shëndetshme, është ta mësoni atë dhe të inkurajoni një mënyrë jetese të shëndetshme. Të qënit e shëndetshme nuk ka të bëjë me një numër në peshore.

“Nuk është për vajzat”
Asnjëherë mos e dekurajoni vajzën tuaj që të marrë pjesë në një aktivitet që ka qenë historikisht për djemtë dhe mos e dekurajoni atë që të hyjë në një fushë të dominuar nga meshkujt. Nëse ajo dëshiron të studiojë inxhinieri, inkurajojeni. Nëse do të marrë mësime karateje apo boksi, regjistrohuni. Mbështetja e saj do ta ndihmojë të thyejë barrierat më vonë në jetë. Jini krenarë që ajo e di se kush është dhe kush dëshiron të jetë.“Je shumë dembele!”
Shpesh ekziston një arsye themelore pse fëmijët nuk janë në gjendje të arrijnë atë që kërkohet prej tyre. Sulmi ndaj vetëvlerësimit të vajzës tuaj nuk do të bëjë asgjë të mirë. Të quhesh dembele nuk çon në motivim. Në vend të kësaj, uluni me vajzën tuaj dhe zbuloni se çfarë po ndodh.

“Eshtë qesharake”
Nëse vajza juaj është e shqetësuar ose e mërzitur për diçka, mos i thoni që është qesharake. Kur i refuzoni ndjenjat e saj, po i thoni se mënyra sesi ajo ndihet nuk është e vlefshme. Dëgjoni atë që thotë ajo dhe ndihmojeni të kalojë kohë të vështira.

“Mjaft u bëre kaq nevojtare”
Kjo do të shkaktojë një tendosje në marrëdhënien tuaj. Ajo do të mendojë se nuk mund të vijë më tek ju kur lëndohet ose ka nevojë për ndihmë. Gjithashtu mund të shkatërrojë vetëvlerësimin e saj dhe ta bëjë atë të vendosë në dyshim emocionet e veta. Si prind, puna juaj është të jeni atje për fëmijët tuaj. Nëse vajza juaj po ju kërkon, merrni pak kohë për ta dëgjuar.

“Pse nuk mund të jesh si vëllai / motra jote?”
Asnjëherë mos e krahasoni vajzën tuaj me dikë tjetër. Çdo vajzë duhet të përpiqet të jetë pjesa e saj më e mirë. Ajo duhet të ndihet komode duke qenë origjinale dhe unike. E vetmja mënyrë që ajo të rritet për t’u ndier rehat në lëkurën e saj është të ndjekë qëllimet dhe të marrë vendimet e veta, dhe të zhvillojë personalitetin e saj./dritare.net

Related Topics:
Continue Reading

Lajmet

Arrestohen tre zyrtarë policorë në Klinë, dyshohen se keqtrajtuan një qytetar gjatë arrestimit

Published

6 hours ago

on

June 30, 2025

By

Prokuroria Themelore në Pejë njofton se në koordinim me Inspektoratin Policor të Kosovës, pas grumbullimit të provave dhe analizimit të tyre, kanë arrestuar sot tre zyrtarë policorë, të cilët dyshohen se gjatë arrestimit të një personi kanë tejkaluar autorizimet e tyre dhe kanë keqtrajtuar fizikisht të njëjtin derisa i njëjti ishte i prangosur.

“Me urdhër të prokurorit të shtetit, tre të dyshuarit (zyrtarë policorë) janë ndaluar për 48 orë për veprën penale “Keqtrajtim gjatë ushtrimit të detyrës zyrtare ose autorizimeve publike”, thuhet në njoftim, raporton “Betimi për Drejtësi“.

Bëhet e ditur se hetuesit e IPK-së me autorizim të Prokurorisë Themelore në Pejë do të ndërmarrin edhe veprime tjera hetimore drejt ndriçimit të plotë të të gjitha rrethanave që ndërlidhen me këtë rast.

Një ditë më parë, Inspektorati Policor i Kosovës (IPK) njoftoi se i ka rekomanduar Policisë së Kosovës suspendimin e tre zyrtarëve policorë të Stacionit Policor të Klinës.

Në njoftim thuhej se incidenti ku dyshohet se janë përfshirë tre zyrtarët policorë raportohet të ketë ndodhur më 28 qershor 2025 në rrugën “Ismail Qemajli” në qytetin e Klinës, përkatësisht në oborrin e shtëpisë së një qytetari.

“Bazuar nga të gjeturat e hetimit fillestar ekziston dyshimi se zyrtarët policorë kanë tejkaluar autorizimet e tyre gjatë përdorimit të forcës ndaj një qytetari përderisa në deklaratat e tyre dhe në raportet zyrtare është prezantuar një version që rezulton të jetë në kundërshtim të plotë me pamjet e incizuara dhe provat faktike. Në bazë të kompetencave të përcaktuara me Ligjin për Inspektoratin Policor të Kosovës, hetuesit e IPK-së kanë rekomanduar suspendimin ndaj tre zyrtarëve policorë të përfshirë si të dyshuar për veprën penale “Keqtrajtim gjatë ushtrimit të detyrës zyrtare ose autorizimeve publike”, njoftoi IPK-ja.

Continue Reading

Lajmet

Nga 1 Korriku nis patrullimi i përbashkët mes Policisë së Kosovës dhe asaj të Shqipërisë

Published

7 hours ago

on

June 30, 2025

By

Në kuadër të sezonit veror dhe rritjes së fluksit të qytetarëve që udhëtojnë nga Kosova drejt Shqipërisë, nga data 1 korrik 2025 do të nisë zyrtarisht patrullimi i përbashkët ndërmjet Policisë së Shtetit dhe Policisë së Kosovës në territorin shqiptar.

Ky zhvillim vjen pas nënshkrimit të një Memorandumi Bashkëpunimi nga Drejtori i Përgjithshëm i Policisë së Shtetit, Ilir Proda, dhe homologu i tij nga Kosova, Kolonel Gazmend Hoxha.

“Qëllimi i këtij bashkëpunimi është forcimi i sigurisë rrugore, menaxhimi më efikas i trafikut në akset kryesore që lidhin të dy vendet, si dhe parandalimi i shkeljeve dhe aksidenteve rrugore gjatë muajve të verës”, thuhet në njoftimin e policisë së shtetit.

Continue Reading

Lajmet

​Osmani do t’i ftojë në takim liderët e partive, kërkon zbatim të aktgjykimit të Kushtetueses

Published

7 hours ago

on

June 30, 2025

By

Presidentja Vjosa Osmani do t’i ftojë liderët e partive politike në takime në ditët në vijim, tha për KosovaPress, këshilltari për media, Bekim Kupina.

Ai tha se Osmani pret që partitë e përfaqësuara në Kuvend ta zbatojnë Aktgjykimin e Gjykatës Kushtetuese dhe ta përfundojnë seancën konstituive brenda 30 ditësh, siç ka kërkuar gjykata.

“Nëse paraqitet nevoja, presidentja mbetet e gatshme t’i drejtohet Gjykatës Kushtetuese për sqarime shtesë”, tha ai.

Continue Reading

Lajmet

Temperaturat e larta në Pallatin e Drejtësisë, dy gjykata reduktojnë orarin e punës

Published

7 hours ago

on

June 30, 2025

By

Temperaturat e larta në objektin e Pallatit të Drejtësisë në Prishtinë kanë bërë që të reduktohet, përkohësisht, orari i punës në dy gjykata.

Gjykata Themelore në Prishtinë njoftoi se do të reduktojë orarin e punës nga ora 08:00 deri në 14:00.

Shërbimet administrative do të mbeten funksionale edhe pas orës 14.00, vetëm me staf të kufizuar, sipas rotacionit të përcaktuar nga udhëheqësit përkatës, njoftoi gjykata të hënën, më 30 qershor.

“Seancat gjyqësore të cilat janë të caktuara pas orës 14:00, do të zhvillohen sipas orarit të paraparë, përveç rasteve kur gjyqtari i rastit apo trupi gjykues vlerëson se kushtet e punës nuk e lejojnë mbajtjen e tyre. Stafi i Gjykatës Themelorë në Prishtinë, të cilët janë të diagnostifikuar me sëmundje kronike lirohen nga puna nga ora 12:00”.

Këto masa janë të përkohshme dhe do të vlerësohen në mënyrë të vazhdueshme, duke mundësuar zgjatjen apo ndryshimin e tyre, varësisht nga zhvillimet klimatike dhe vlerësimet e menaxhmentit të gjykatës.

Masat e aplikuara do të zgjasin deri më datë 25 korrik, me mundësi rishikimi.

Gjykata tha se këto masa të përkohshme janë ndërmarrë si pasojë e “kushteve të rënduara të punës në objektin e Pallatit të Drejtësisë, temperaturave të larta dhe mungesës së klimatizimit, me qëllim të mbrojtës së shëndetit të stafit dhe palëve pjesëmarrëse në procedurë”.

Edhe Gjykata Supreme njoftoi se kryetari Fejzullah Rexhepi, ka vendosur që të reduktohet puna në këtë institucion.

“Gjyqtarët dhe stafi mbështetës me probleme shëndetësore nga mesdita janë liruar nga puna. Këto masa do të rishikohen në vazhdimësi, varësisht nga ndryshimet klimatike dhe sanimi i problemeve nga Ministria e Punëve të Brendshme, si përgjegjëse për menaxhimin e objektit”.

Continue Reading

Të kërkuara