Lajmet nga UBT
Në UBT u mbajt debati rreth inovacionit nga Kosova për vendet gjermanofolëse në kuadër të “Ditët e Gjuhës Gjermane”
Në këtë takim me studentët e UBT-së, u diskutua rreth temës: “Inovacion nga Kosova për vendet gjermanofolëse”.
Në kuadër të kremtimit të ditëve të gjuhës gjermane, në Parkun Shkencor Inovativ të UBT-së, në Lipjan, u organizua një debat me sudentët e UBT-së, me pjesëmarrjen e rektorit të UBT-së, prof. dr. Edmond Hajrizi, përfaqësueses nga Oda Ekonomike Gjermano-Kosovare, Nora Hasani, përfaqësueses nga Zyra Ekonomike e Austrisë në Kosovë, Vjosa Huruglica, Darsej Rizajt nga Shkolla Digjitale, si dhe Albena Çarkaxhiut nga kompania “One For”.
Në këtë takim me studentët e UBT-së, u diskutua rreth temës: “Inovacion nga Kosova për vendet gjermanofolëse”, me theks në lidhjet ekonomike në mes Kosovës dhe shteteve gjermanofolëse, si dhe mundësive që iu ofrohen studentëve për të ushtruar veprimtarinë dhe profesionin në vend.
Rektori i UBT-së, prof. dr. Edmond Hajrizi, gjatë diskutimit tha se UBT ka synim të formojë një ekosistem të inovacionit, por që duhet të rritet më shumë bashkëpunimi ndërmjet industrive nga vendet gjermanofolëse me ato në Kosovë.
“Duhet të ketë bashkëveprim, të mos kemi vetëm marrës ose dhënës, por të kemi partneritet me industritë nga vendet gjermanofolëse. UBT ka si synim të krijojë një ekosistem të inovacionit ku ndërlidh komponente të ndryshme dhe të nevojshme për të ndërtuar atë frymën inovative, atë konceptin që gjenerohen kreativitete, burime, prototipe, me shpresë që ndërtohen biznese të reja”, ka thënë rektori Hajrizi.
Rektori Hajrizi potencoi arritjet e Parkut Shkencor Inovativ të UBT-së, si i vetmi në rajon që ka zhvilluar rrjetin 5G, njëkohësisht qendrën më të madhe të realitetit virtual, me kapacitete të mëdha infrastrukturore dhe të përafruara me standardet më të mira evropiane.
Përfaqësuesja nga Oda Ekonomike Gjermano-Kosovare, Nora Hasani, tregoi mbi interesimin e lartë të Gjermanisë për të investuar në Kosovë, duke theksuar rritjen e investitorëve sidomos pas hapjes nga pandemia COVID-19.
“Interesimi i industrive gjermane për investime në Kosovë është i madh, sidomos pas hapjes nga pandemia COVID-19 dhe zhvillimeve të fundit në Ukrainë. Partneriteti i Gjermanisë me Kosovën do të funksionojë edhe në të ardhmen dhe do të vazhdojë të mbetet ndër parneritetet më serioze”, u shpreh Hasani.
Përfaqësuesja nga Zyra Ekonomike e Austrisë në Kosovë, Vjosa Huruglica tha se bizneset austriake kanë rritur interesimin për të investuar në Kosovë, për shkak të kapaciteteve njerëzore që ka vendi ynë.
“Është rritur jashtëzakonisht shumë interesimi i kompanive austriake për tregun kosovar, posaçërisht për fushën e IT-së, dhe Kosova ka një reputacion jashtëzakonisht të mirë tek bizneset austriake”, potencoi Huruglica.
Në këtë debat morën pjesë edhe Darsej Rizaj nga Shkolla Digjitale, si dhe Albena Çarkaxhiu nga kompania “One For”, të cilët potencuan reputacionin e Kosovës dhe të rinisë kosovare për të depërtuar shumë lehtë në tregjet evropiane, e sidomos të vendeve gjermanofolëse si Gjermania, Austria dhe Zvicra.
Debati me studentët e UBT-së u organizua për nder të ditëve të gjuhës gjermane nga Ambasada e Gjermanisë, ajo e Zvicrës, si dhe e Austrisë, në Kosovë, për t’i njoftuar më shumë të rinjtë rreth inovacionit dhe investimeve në digjitalizim dhe kreativitet.
Aktualitet
UBT fton studiues dhe profesionistë për dorëzimin e abstrakteve në Konferencat e Shkencave Politike dhe Sigurisë
Aktualitet
UBT prezanton modelin e parë Digital Twin të Kampusit Smart City në aktivitetin përmbyllës të projektit Evropian IoT-ECO në Sofia
Rektori i UBT-së, Prof. Dr. Edmond Hajrizi, së bashku me Prof. Dr. Besnik Qehaja, dekan i Fakultetit të Shkencave Kompjuterike dhe Inxhinierisë, dhe ekipin e UBT-së, po marrin pjesë në aktivitetin përmbyllës të projektit IoT-ECO, pjesë e programit Erasmus-LS, ERASMUS-EDU-2022-CBHE, i cili po mbahet në Technical University of Sofia, në Bullgari.
Ky projekt ndërkombëtar synon zhvillimin e modeleve inovative për Internet of Things (IoT) në fushën e ekonomisë së gjelbër, duke bashkuar ekspertë dhe akademikë nga universitete të ndryshme të rajonit dhe Evropës.
Në këtë aktivitet u prezantua modeli i parë real i Digital Twin Smart City Kampus në UBT, një inovacion unik i zhvilluar mbi infrastrukturën Smart City dhe teknologjitë e avancuara nga ekipi i UBT-së. Ky model digjital funksionon si një pasqyrim virtual i kampusit dhe qytetit, duke mundësuar ndërveprim në kohë reale.
Kjo teknologji rrit ndërveprimin dhe aftësinë për të reaguar shpejt ndaj situatave, si dhe kontribuon në përmirësimin e cilësisë së jetës, efikasitetit dhe sigurisë.
Rektori Hajrizi prezantoi gjithashtu UBT Hub, duke theksuar kontributin dhe avancimet e universitetit në integrimin e IoT në mjedisin akademik dhe industrial. Ai diskutoi rëndësinë e zhvillimit të infrastrukturës digjitale dhe bashkëpunimeve ndërkombëtare për fuqizimin e inovacionit dhe edukimit teknologjik në Kosovë, me theks të veçantë te modelet inovative që janë zhvilluar dhe implementuar në fushat e IoT, inteligjencës artificiale, smart cities, smart education, mjekësisë, etj.
Programi i ngjarjes përfshin prezantime mbi modelet virtuale të IoT, integrimin me cloud, aplikimet praktike në industri, si dhe sfidat e sigurisë kibernetike në rrjetet moderne inteligjente. Përveç pjesës akademike, aktiviteti ofron edhe vizita kulturore dhe ture në Sofia, duke krijuar hapësirë për shkëmbim përvojash dhe rrjetëzim ndërkombëtar.
Ushtaraku i FSK-së, Major Vilson Musaj, student në nivelin Master në Fakultetin e Politikave Publike dhe Menaxhimit në UBT, mbrojti me sukses tezën e tij me temë: “Rëndësia e regjimenteve të këmbësorisë në Forcën e Sigurisë së Kosovës – Një perspektivë strukturore: studim krahasimor (FSK, Ushtria Amerikane dhe NATO)”.
Ky punim, i cili u realizua me përkushtim të madh, i siguroi Major Musajt diplomën dhe gradën shkencore “Master në Politika Publike dhe Menaxhim”.
Komisioni vlerësues, i përbërë nga Prof. Dr. Hajdi Xhixha (kryetare), Prof. Dr. Arian Kadriu (anëtar) dhe Prof. Dr. Bahri Gashi (mentor), e vlerësuan këtë hulumtim si të parë në format dhe strukturën e tij në këtë fushë, duke e konsideruar si një punim serioz shkencor dhe mjaft kompleks.
Prezantimi i të gjeturave, argumentimi dhe krahasimi i hipotezave u vlerësuan me performancë të lartë akademike dhe notë maksimale, duke reflektuar një strukturë të qartë operacionale ushtarake dhe qasje profesionale në trajtimin e temës.
Major Vilson Musaj, i cili u gradua në këtë gradë më 1 korrik 2025, është emëruar Oficer për Bashkëpunim me ODC dhe Iowa (Office for Defense Cooperation – Zyra për Bashkëpunim të Mbrojtjes në Ambasadën Amerikane) në Departamentin për Bashkëpunim Ndërkombëtar dhe Integrime Euro-Atlantike në Ministrinë e Mbrojtjes. Ai vazhdon të shërbejë aktualisht në këtë departament të rëndësishëm, duke kontribuar në zhvillimin dhe integrimin e Forcës së Sigurisë së Kosovës.
UBT fton studiues dhe profesionistë për dorëzimin e abstrakteve në Konferencat e Shkencave Politike dhe Sigurisë
UBT shpall thirrjen për Konferencën Ndërkombëtare të Gjuhës dhe Kulturës 2025
Gjykata spanjolle liron Dani Alves-in
Caktohet data, Pogba rikthehet në fushë
Aksident me fatalitet në Blagaj të Pejës
Legjenda e Barcelonës njofton pensionimin nga futbolli
Osmani takohet me presidentin e Senegalit
Arrestohet një i dyshuar për sulm seksual ndaj një të miture në Podujevë
Nis Superliga e Kosovës në futsall këtë fundjavë
-
Aktualitet1 month agoProfesori i UBT-së, Bahri Gashi, pjesë e rrjetit prestigjioz ndërkombëtar të recensimit shkencor në Taylor & Francis
-
Lajmet nga UBT3 months agoUBT shpall konkurs për pranimin e studentëve të rinj për vitin akademik 2025/26
-
Aktualitet2 months agoBSc në Shëndet Publik dhe Shkenca Mjekësore në UBT – Investim për të ardhmen e shëndetit të popullatës
-
Kërkime3 months agoProfesori i UBT-së, Musa Sabedini, publikon punim shkencor në revistën ndërkombëtare JGPSCD në SHBA