Lajmet nga UBT

Në UBT ofrohet trajnimi profesional për juristë “Klinika Juridike”

Trajnimi ka për qëllim përgatitjen e studentëve profesionalisht.

Published

on

Në UBT do të fillojë trajnimi më inovativ dhe profesional në Kosovë për juristë “Klinika Juridike”, për studentët e Fakultetit Juridik të cilët kanë përfunduar studimet bachelor dhe shprehin interes për aftësim profesional.

Trajnimi ju mundëson kandidatëve që për një periudhë dyjavore të mësojnë dhe të ushtrojnë në praktikë shkresat e ndryshme ligjore në modulin civil dhe modulin penal.

Trajnimi ka për qëllim përgatitjen e studentëve profesionalisht, si dhe për t’u përgatitur për provimin e Jurisprudencës në fushën penale dhe civile.

Trajnimi “Klinika Juridike” përmban dy module dhe pjesën teorike:

  1. Moduli Juridiko – Penal;
  2. Moduli Juridiko – Civil;
  3. Kushtetues dhe Administrative (pjesa teorike).

Plani operativ i trajnimit parashihet të jetë:

  • 7 ditë, Moduli Civil nga 3 orë akademike;
  • 7 ditë, Moduli Penal nga 3 orë akademike;
  • 3 ditë, Kushtetues dhe Administrative (pjesa teorike).

Trajnimi “Praktika Juridike” ju dedikohet të gjithë studentëve të drejtësisë nga universitetet publike dhe private, juristëve të rinj që kanë përfunduar studimet, janë të punësuar apo kanë nevojë për ngritjen e aftësive të tyre praktike nga fusha juridike, kandidatëve të cilët përgatiten për provimin e jurisprudencës dhe personave të tjerë të punësuar në sektorin publik ose privat që kanë interes për të avancuar aftësitë e tyre praktike nga fusha juridike.

Duke marrë në konsideratë specifikat e trajnimit, numri i kandidatëve është i limituar.

lajme

UBT uron 28 Nëntorin – Ditën e Flamurit dhe Pavarësisë

Published

on

Rektori i UBT-së, Prof. Dr. Edmond Hajrizi, ka uruar studentët, pedagogët dhe gjithë bashkëkombësit shqiptarë për 28 Nëntorin, Ditën e Flamurit dhe të Pavarësisë së Shqipërisë.

Në mesazhin e tij, Rektori Hajrizi thekson rëndësinë historike të kësaj dite: ngritjen e flamurit kuq e zi mbi Kështjellën e Krujës nga Skënderbeu dhe shpalljen e Pavarësisë së Shqipërisë më 28 nëntor 1912 në Vlorë, si shenjë të qëndresës, sakrificës dhe ëndrrës për liri që çdo shqiptar e mban në zemër.

Ai nënvizon se kjo ditë nuk është vetëm një kujtesë historike, por edhe një thirrje për të ndërtuar të ardhmen. “Është përgjegjësia jonë të kultivojmë dijen, të zhvillojmë talentet dhe të edukojmë brezat e rinj që ata të jenë trashëgimtarët dinjitozë të këtij kombi,” thekson Rektori Hajrizi.

UBT beson se arsimi është flaka që do të ndezë Nëntorin e Tretë të kombit tonë – një Nëntor i dijes, i punës dhe i përkushtimit të rinisë. Të rinjtë janë fuqia që do të ruajë gjuhën, identitetin dhe vlerat kombëtare, duke ndërtuar një shoqëri të drejtë dhe të suksesshme.

Gëzuar 28 Nëntorin!

Continue Reading

Lajmet nga UBT

Profesori i UBT-së, Alfred Marleku, publikon artikullin shkencor në revistën ndërkombëtare Defense & Security Analysis

Published

on

By

Profesori i Fakultetit të Shkencave Politike në UBT, Prof. Dr. Alfred Marleku, ka publikuar artikullin e tij më të ri shkencor në revistën ndërkombëtare Defense & Security Analysis, e cila botohet nga Taylor and Francis.
 
Artikulli me titull “The return of conscription? Western Balkan defence policies in the wake of Russia’s invasion of Ukraine” analizon se si lufta në Ukrainë ka ndikuar politikat e rekrutimit në Ballkanin Perëndimor.
 
Duke u mbështetur në teorinë e “dilemës së sigurisë”, artikulli shpjegon se rritja e tensioneve gjeopolitike ka shtyrë vendet e rajonit të rishikojnë debatet dhe politikat e tyre ndaj mbrojtjes. Kështu, Serbia ka rikthyer shërbimin e detyrueshëm ushtarak, një veprim që interpretohet si shenjë pasigurie dhe që ka rritur frikën e militarizimit në rajon. Në anën tjetër, Shqipëria, Mali i Zi dhe Maqedonia e Veriut kanë zgjedhur të forcojnë ushtritë e tyre profesionale, pa u kthyer tek modeli i shërbimit të detyrueshëm. Në Kosovë, mjedisi i brisht i sigurisë, i ndikuar nga marrëdhëniet e tensionuara me Serbinë, vazhdon të ushqej debatet e brendshme rreth nevojës për shërbim të detyrueshëm ushtarak. Ndërsa në Bosnje dhe Hercegovinë, ndarjet politike mes entiteteve e vështirësojnë krijimin e një qasjeje të unifikuar të mbrojtjes.
 
Ky artikull përbën një kontribut të rëndësishëm në literaturën e sigurisë rajonale, politikat e mbrojtjes dhe ndikimin që zhvillimet gjeopolitike kanë në shtetet e brishta dhe politikisht të fragmentuara.
 
Artikulli mund të lexohet në:

Continue Reading

Rajoni

Rektori Hajrizi merr pjesë në Forumin Ekonomik të Brezovicës 2025

Published

on

Rektori i UBT-së, Prof. Dr. Edmond Hajrizi, mori pjesë dhe prezantoi në Forumin Ekonomik të Brezovicës 2025, një ngjarje e rëndësishme e organizuar nga Oda Ekonomike e Kosovës në bashkëpunim me WB6 CIF, e cila bëri bashkë figura të rëndësishme të ekonomisë, institucioneve ndërkombëtare dhe sektorit akademik nga i gjithë rajoni.

Rektori Hajrizi ishte pjesë e diskutimeve rreth “EU integration opportunities”, paneli i cili trajtoi temat kyçe të integrimit ekonomik rajonal dhe afrimit me tregun e përbashkët evropian, me fokus të veçantë në mundësitë për bizneset dhe institucionet që të bëhen pjesë e zinxhirëve të vlerës së BE-së.

Gjatë prezantimit të tij, Rektori Hajrizi theksoi rëndësinë e arsimit të lartë, inovacionit dhe kërkimit shkencor si shtylla kryesore për zhvillimin ekonomik të qëndrueshëm në Ballkanin Perëndimor. Ai prezantoi rolin e UBT-së në krijimin e ekosistemeve të inovacionit, zhvillimin e kompetencave të avancuara digjitale dhe nxitjen e ndërmarrësisë, duke theksuar se institucionet e arsimit të lartë janë ndër akterët kryesorë që mund të përshpejtojnë integrimin e rajonit në tregun evropian.

Rektori Hajrizi gjithashtu nënvizoi se transformimi digjital, zhvillimi i kapitalit njerëzor dhe bashkëpunimi ndër-sektorial janë elemente kyçe që do t’i mundësojnë rajonit të jetë konkurrues në ekonominë moderne dhe të shfrytëzojë maksimalisht programet dhe iniciativat e BE-së për Ballkanin Perëndimor.

Continue Reading

Lajmet

Dy çmime për studentët e UBT-së në Konventën e Industrisë së Drurit

Published

on

Studentët e UBT-së kanë shënuar një sukses të jashtëzakonshëm në garën studentore të dizajnit, të zhvilluar në kuadër të Konventës së 8-të të Industrisë së Drurit, një prej ngjarjeve më të rëndësishme për sektorin e përpunimit të drurit në Kosovë. Konventa, e organizuar nga Shoqata e Përpunuesve të Drurit të Kosovës, mblodhi profesionistë, ekspertë dhe studentë nga e gjithë vendi, duke krijuar një platformë të rëndësishme për prezantimin e ideve dhe inovacioneve në industrinë e drurit.

Në këtë aktivitet, të dy çmimet kryesore u fituan nga studentët e UBT-së: vendi i dytë u fitua nga Berna Salihu dhe vendi i tretë nga Diona Ukaj. Të dy projektet u vlerësuan për kreativitetin, funksionalitetin dhe elegancën e dizajnit, duke reflektuar përgatitjen profesionale dhe qasjen moderne të studentëve në këtë fushë.

Në këtë konferencë mori pjesë edhe Dekania e Fakultetit të Artit dhe Dizajnit në UBT, Ariana Gjoni, e cila përfaqësoi institucionin në emër të Rektorit të UBT-së. Ajo theksoi rëndësinë e bashkëpunimit ndërmjet industrisë dhe institucioneve akademike, si dy shtylla kyçe për zhvillimin e sektorit të drurit dhe të dizajnit në Kosovë.

UBT ka ndërtuar ndër vite një model unik bashkëpunimi me industrinë e drurit, prodhimit dhe dizajnit. Institucioni beson se universiteti duhet të jetë i lidhur ngushtë me ekonominë reale, të prodhojë dije praktike dhe të kontribuojë në modernizimin e industrisë. Si rezultat, çdo vit më shumë se 90% e studentëve të UBT-së punësohen në këtë sektor, shpesh para diplomimit.

Suksesi i Bernës dhe Diona Ukajt përbën një dëshmi të talentit, përkushtimit dhe nivelit të lartë të përgatitjes së studentëve të UBT-së. Institucioni shpreh krenarinë për këtë arritje dhe riafirmon angazhimin për t’i mbështetur studentët në rrugëtimin e tyre akademik dhe profesional.

Continue Reading

Të kërkuara