Lajmet nga UBT
Në UBT mbahet një diskutim konstruktiv për biznesin dhe teknologjinë me Frank Hysën
Ai u mirëprit nga rektori i UBT-së, Prof. Dr. Edmond Hajrizi, i cili i uroi mirëseardhje në UBT.
Published
2 years agoon
By
Betim GashiNë Parkun Shkencor Inovativ të UBT-së në Lipjan u organizua një diskutim i hapur dhe mjaft konstruktiv rreth fushës së biznesit, inovacionit dhe të teknologjisë me Frank Hysën, drejtor i inovacionit në kompaninë e njohur të konsulencës “Capgemini” në San Francisco.
Ai u mirëprit nga rektori i UBT-së, Prof. Dr. Edmond Hajrizi, i cili i uroi mirëseardhje në UBT dhe e falënderoi atë për gatishmërinë për të diskutuar me të pranishmit mbi këtë çështje.
Duke iu drejtuar të pranishmëve, Frank Hysa tha se biznesi po e përshpejton botën dhe vlerësoi rolin e UBT-së në raport me industrinë, duke vlerësuar lart ndikimin që ka UBT në këtë drejtim.
“Ju jeni në trajektoren e duhur në raport me industrinë. Hapat e ardhshëm gjatë pesë viteve të ardhshme janë sjellja e talenteve brenda atyre organizatave, duke u ofruar qasje në kërkimet tuaja, si dhe t’i shtyni njerëzit të krijojnë sa më shumë start-ups. Kështu që, ju duhet të mendoni se si munden organizatat edhe nëse janë të vogla të ndërtojnë kompani të reja, spin-offe të reja, të bëjnë eksperimente të reja në të gjithë ekosistemin e UBT-së”, deklaroi ai mes tjerash.
Rektori Hajrizi potencoi nevojën e thellimit të bashkëpunimit mes bizneseve dhe ekosistemit të UBT-së, për të krijuar mundësi të reja dhe për të ndërtuar një koncept më të mirë për të gjithë ata që duan të përfshihen në fushën e biznesit dhe të teknologjisë.
“UBT duke pasur një lloj infrastrukture të mirë dhe me ekspertizë shumë të mirë, mendoj se duhet të kemi gjithnjë e më shumë ndikim. Pra, ne kemi ndikim në shoqëri, por fluksin e produktivitetit për start-ups mund ta shtojmë. Ne i ftojmë të gjitha bizneset të na bashkohen në ekosistemin e UBT-së, duke ofruar kështu një perspektivë më të mirë për ta dhe për të rinjtë”, u shpreh rektori Hajrizi.
Frank Hysa është drejtor i inovacionit në kompaninë e njohur të konsulencës “Capgemini”, konkretisht udhëheq departamentin që quhet shkëmbimi i inovacioneve të aplikuara në San Francisco, me fokus të krijohet një rritje më e madhe dhe kontributin në impaktin që ka Silicon Valley Ecosystem.
Ai ka fituar titullin Ph.D., mbi strategjitë e hapura të inovacionit dhe ka mbi 10 vjet përvojë në menaxhimin e inovacionit duke punuar me korporata, startup-e dhe ekosisteme teknologjike.
Ai është gjithashtu një mentor në disa nga komunitetet më të mëdha të startup-eve në botë, duke përfshirë institutin Founder dhe Startup Grind. Ka lindur në Shqipëri, teksa ka kaluar mbi 20 vjet nëpër Evropë dhe aktualisht me qendër në San Francisko, CA.







lajme
UBT uron 28 Nëntorin – Ditën e Flamurit dhe Pavarësisë
Published
2 days agoon
November 28, 2025By
Driton Iseni
Rektori i UBT-së, Prof. Dr. Edmond Hajrizi, ka uruar studentët, pedagogët dhe gjithë bashkëkombësit shqiptarë për 28 Nëntorin, Ditën e Flamurit dhe të Pavarësisë së Shqipërisë.
Në mesazhin e tij, Rektori Hajrizi thekson rëndësinë historike të kësaj dite: ngritjen e flamurit kuq e zi mbi Kështjellën e Krujës nga Skënderbeu dhe shpalljen e Pavarësisë së Shqipërisë më 28 nëntor 1912 në Vlorë, si shenjë të qëndresës, sakrificës dhe ëndrrës për liri që çdo shqiptar e mban në zemër.
Ai nënvizon se kjo ditë nuk është vetëm një kujtesë historike, por edhe një thirrje për të ndërtuar të ardhmen. “Është përgjegjësia jonë të kultivojmë dijen, të zhvillojmë talentet dhe të edukojmë brezat e rinj që ata të jenë trashëgimtarët dinjitozë të këtij kombi,” thekson Rektori Hajrizi.
UBT beson se arsimi është flaka që do të ndezë Nëntorin e Tretë të kombit tonë – një Nëntor i dijes, i punës dhe i përkushtimit të rinisë. Të rinjtë janë fuqia që do të ruajë gjuhën, identitetin dhe vlerat kombëtare, duke ndërtuar një shoqëri të drejtë dhe të suksesshme.
Gëzuar 28 Nëntorin!
Lajmet nga UBT
Profesori i UBT-së, Alfred Marleku, publikon artikullin shkencor në revistën ndërkombëtare Defense & Security Analysis
Published
3 days agoon
November 27, 2025By
UBTnews
Rajoni
Rektori Hajrizi merr pjesë në Forumin Ekonomik të Brezovicës 2025
Published
3 days agoon
November 27, 2025By
Driton Iseni
Rektori i UBT-së, Prof. Dr. Edmond Hajrizi, mori pjesë dhe prezantoi në Forumin Ekonomik të Brezovicës 2025, një ngjarje e rëndësishme e organizuar nga Oda Ekonomike e Kosovës në bashkëpunim me WB6 CIF, e cila bëri bashkë figura të rëndësishme të ekonomisë, institucioneve ndërkombëtare dhe sektorit akademik nga i gjithë rajoni.
Rektori Hajrizi ishte pjesë e diskutimeve rreth “EU integration opportunities”, paneli i cili trajtoi temat kyçe të integrimit ekonomik rajonal dhe afrimit me tregun e përbashkët evropian, me fokus të veçantë në mundësitë për bizneset dhe institucionet që të bëhen pjesë e zinxhirëve të vlerës së BE-së.
Gjatë prezantimit të tij, Rektori Hajrizi theksoi rëndësinë e arsimit të lartë, inovacionit dhe kërkimit shkencor si shtylla kryesore për zhvillimin ekonomik të qëndrueshëm në Ballkanin Perëndimor. Ai prezantoi rolin e UBT-së në krijimin e ekosistemeve të inovacionit, zhvillimin e kompetencave të avancuara digjitale dhe nxitjen e ndërmarrësisë, duke theksuar se institucionet e arsimit të lartë janë ndër akterët kryesorë që mund të përshpejtojnë integrimin e rajonit në tregun evropian.
Rektori Hajrizi gjithashtu nënvizoi se transformimi digjital, zhvillimi i kapitalit njerëzor dhe bashkëpunimi ndër-sektorial janë elemente kyçe që do t’i mundësojnë rajonit të jetë konkurrues në ekonominë moderne dhe të shfrytëzojë maksimalisht programet dhe iniciativat e BE-së për Ballkanin Perëndimor.
Lajmet
Dy çmime për studentët e UBT-së në Konventën e Industrisë së Drurit
Published
4 days agoon
November 26, 2025By
Driton Iseni
Studentët e UBT-së kanë shënuar një sukses të jashtëzakonshëm në garën studentore të dizajnit, të zhvilluar në kuadër të Konventës së 8-të të Industrisë së Drurit, një prej ngjarjeve më të rëndësishme për sektorin e përpunimit të drurit në Kosovë. Konventa, e organizuar nga Shoqata e Përpunuesve të Drurit të Kosovës, mblodhi profesionistë, ekspertë dhe studentë nga e gjithë vendi, duke krijuar një platformë të rëndësishme për prezantimin e ideve dhe inovacioneve në industrinë e drurit.
Në këtë aktivitet, të dy çmimet kryesore u fituan nga studentët e UBT-së: vendi i dytë u fitua nga Berna Salihu dhe vendi i tretë nga Diona Ukaj. Të dy projektet u vlerësuan për kreativitetin, funksionalitetin dhe elegancën e dizajnit, duke reflektuar përgatitjen profesionale dhe qasjen moderne të studentëve në këtë fushë.
Në këtë konferencë mori pjesë edhe Dekania e Fakultetit të Artit dhe Dizajnit në UBT, Ariana Gjoni, e cila përfaqësoi institucionin në emër të Rektorit të UBT-së. Ajo theksoi rëndësinë e bashkëpunimit ndërmjet industrisë dhe institucioneve akademike, si dy shtylla kyçe për zhvillimin e sektorit të drurit dhe të dizajnit në Kosovë.
UBT ka ndërtuar ndër vite një model unik bashkëpunimi me industrinë e drurit, prodhimit dhe dizajnit. Institucioni beson se universiteti duhet të jetë i lidhur ngushtë me ekonominë reale, të prodhojë dije praktike dhe të kontribuojë në modernizimin e industrisë. Si rezultat, çdo vit më shumë se 90% e studentëve të UBT-së punësohen në këtë sektor, shpesh para diplomimit.
Suksesi i Bernës dhe Diona Ukajt përbën një dëshmi të talentit, përkushtimit dhe nivelit të lartë të përgatitjes së studentëve të UBT-së. Institucioni shpreh krenarinë për këtë arritje dhe riafirmon angazhimin për t’i mbështetur studentët në rrugëtimin e tyre akademik dhe profesional.
Rektori Hajrizi po qëndron në vizitë zyrtare në Texas
28 Nëntori pa kufij – Nga Shqipëria në Kosovë
UBT uron 28 Nëntorin – Ditën e Flamurit dhe Pavarësisë
Mjekra e dyfishtë, zgjidhje praktike për fytyrë më të bukur
Sipërfaqet dhe objektet që nuk duhet t’i pastroni kurrë me uthull
Profesori i UBT-së, Alfred Marleku, publikon artikullin shkencor në revistën ndërkombëtare Defense & Security Analysis
Makina e vitit 2026 në Gjermani, ja kush po e dominon kategorinë
Volejbollistja Julia Azevedo shpëton mrekullisht pas një sulmi me armë në Rio de Janeiro
Ndërron jetë aktori dhe këngëtari Michael DeLano
Të kërkuara
-
Aktualitet1 month agoProfesoresha e UBT-së, Marigona Bekteshi-Ferati, fituese e bursës prestigjioze Fullbright Visiting Scholar, Profesor Vizitor dhe Post Doktoraturë
-
Rajoni2 months agoPolicia, FSK-ja dhe Shërbyesit Civilë përfitojnë bursë 20 për qind në programet Master Shkenca Politike dhe Studime të Sigurisë në UBT
-
Vendi3 months agoVotoni për UBT-në dhe Rektorin Hajrizi në Triple E Awards: Dy nominime të reja ndërkombëtare për institucionin dhe Kosovën
-
Lajmet3 months agoProfesori i UBT-së fiton grant prestigjioz kërkimor në Universitetin Çarls të Pragës
