Lajmet

Në Onkologji mungojnë citostatikët, besohet që këtë javë do të ndodhë furnizimi

Gexha-Bunjaku ka bërë thirrje tek gratë që të bëjnë më shumë kontrolle mjekësore.

Published

on

Në Klinikën e Onkologjisë pranë Qendrës Klinike Universitare të Kosovës (QKUK) në të cilën brenda këtyre 9 muajve të vitit 2021 janë identifikuar rreth 300 gra me kancer të gjirit nga e premtja po mungojnë citostatikët që nevojitet për trajtimin e pacientëve të prekur nga kjo sëmundje, për të cilët u tha se po shpresojnë që brenda kësaj jave do të furnizohen.

Kjo u bë e ditur gjatë vizitës së parë pasi mori detyrën si ushtruese e detyrës së ministres ë Shëndetësisë, Dafina Gexha-Bunjaku e cila këtë vizitë e konsideroi si mbështetje për pacientët e prekur nga kanceri i gjirit dhe profesionistët shëndetësorë.

Ushtruesja e detyrës së ministres ë Shëndetësisë, Dafina Gexha-Bunjaku theksoi se luftimi i kancerit në Kosovë do të bazohet në një program nacional që do të zbatohet me një udhërrëfyes dhe protokolle moderne.

Gexha-Bunjaku ka bërë thirrje tek gratë që të bëjnë më shumë kontrolle mjekësore me qëllim të diagnostikimit të hershëm të këtyre sëmundjeve.

“Në 9 muajit e fundit janë trajtuar rreth 400 gra të moshës mbi 50 vjeç dhe çdo ditë ofrohen shërbime të ndryshme në një numër prej më shumë se 450 shërbime në ditë. Vlen të përmendet se asnjë pacientë që ka qenë në shërbim onkologjik dhe ka qenë i infektuar me COVID-19 nuk ka përfunduar me fatalitet dhe se vaksinimi i tyre në bazë të rekomandime mjekësore ka qenë prioritet[…]Si Ministri e Shëndetësisë do të ofrojmë mbështetjen tonë që luftën kundër kancerit në Kosovë ta bazojmë në një program nacional që zbaton udhërrëfyes dhe protokolle moderne dhe i cili i ndërlidh mirë të tria nivelet e kujdesit shëndetësorë[…]Jo vetëm në QKUK në Prishtinë por edhe në disa komuna tjera kanë vënë në punë mamografinë duke i zgjeruar këto shërbime dhe duke qenë më kudo të ndodhura dhe në shkallë më të gjerë dhe inkurajoj komunat që nuk kanë mamograf jo vetëm ta sigurojnë aparaturën por të sigurojnë edhe qëndrueshmërinë e skrininungut për kancer të gjirit”, theksoi ajo.

Ndërsa, drejtori i Shërbimi Spitalor Klinik Universitar të Kosovës(ShSKUK), Valbon Krasniqi u shpreh se situata pandemike në vend nuk ka penguar punën për avancimin e Klinikës së Onkologjisë e cila nga janari ka nisur edhe ofrimin e shërbimeve të brai-terapisë përmes të cilët janë trajtuar mbi 60 pacientëve.

Krasniqi njoftoi se nga java e ardhshme do fillojnë me shërbimin e mamografi mobile në komunat që nuk kanë këtë pajisje.

“Këtë vit kemi arritur që ta funksionalizojmë edhe aparaturën e re të radioterapisë dhe në ditë trajtohen rreth 15-shërbime të radioterapisë. Trajtimi i kancerit të gjirit por edhe sëmundjeve të tjera kancerogjene kërkon përfshirje më gjithëpërfshirëse të të gjitha institucioneve jo vetëm të Onkologjisë ne në kuadër të ShSKUK-ë në kuadër të mundësive tona dhe donatorëve kemi arritur që të fillojmë me procedurat të diagnostikimit të hershëm në mënyrë të veçantë të kancerit të gjirit, ku në Institutin e Patologjisë kemi investuar me pajisje mjekësore dhe reagenca dhe tani aty bëhet diagnostikim i hershëm në fazën zero. Ne shumë shpejt qysh gjatë javës së ardhshme meqenëse situata epidemilogjike me COVID-19 na mundëson të fillojmë me shërbimet e mamografisë mobile në komunat dhe qendrat që ende nuk kanë mamografe”, u shpreh Krasniqi.

Drejtori i Klinikës së Onkologjisë, Ilir Kurtishi tha se në këtë nëntë mujor të vitit 2021 rreth 300 femra janë identifikuar me kancer të gjirit, ndërsa kjo Klinik ka ofruar mbi 200 mijë shërbime gjatë këtyre muajve.

Duke folur për mungesën e barnave nga lista esencial, Kurtishi tha se aktualisht ka mungesë të disa citostatikëve për të cilët beson se do furnizohen brenda kësaj jave.

“Këtë vit për 9 muajt e parë kemi kryer rreth 200 mijë shërbime, ndërkaq në Klinikën tonë në bazë të regjistrit që ne kemi në Klinik i cili nuk është i plotë ne kemi identifikuar rreth 300 femra me kancer të gjirit të moshave të ndryshme me dominim tek femrat mbi moshën 50 vjeçare, ndërkaq është interesat se për herë të parë vjet dhe sivjet është rritur numri i femrave të cilat diagnostikohen në stadin e parë dhe të dytë të sëmundjes që jep shpresë për një trajtim më të mirë[…] Citostatikë kemi shumicën e citostatikëve i kemi në klinik por ka mungesë për dy-tre. Ky një është nga e premtja do thotë të premten nuk ka pasur shpresojmë që nesër, pasnesër me ndërhyrjen e drejtorisë qendrore ne të furnizohemi me atë ilaç dhe paramendojeni një pacientë i cili ka nevojë për atë trajtim është fjala për herceptin e merr falas nga Qeveria e Kosovës rreth 50 mijë euro shërbim brenda një viti e numri i tillë i femrave në Kosovë është rreth 100 deri 150 dhe deri tani gati gjithmonë e kanë këtë ilaç[…]jo nuk e sigurojnë pacientët për disa ditë presin dhe pastaj e marrin tek ne”, theksoi drejtori i Onkologjisë.

Lidhur me këto mungesa në Klinikën e Onkologjisë ,u.d e ministres së Shëndetësisë, Dafina Gexha-Bunjaku tha se buxheti për listën esenciale ka qenë i ulët por që po bëjnë vazhdimisht përpjekje për plotësimin e mungesave.

“Ne në vitin 2021 e kemi një buxhet i cili është buxhet më i vogël se sa ai i vitit 2020 dhe që nga marsi i këtij viti qeveria ka bërë përpjekjet maksimale për të ofruar nevojat e buxhetit i cili ka qenë shumë i mangët për vitin 2021. Në kontakt të vazhdueshëm me drejtorin e SHSKUK-së dhe ministrinë e Financave kemi bërë përpjekjet dhe vazhdojmë të bëjmë përpjekjet për plotësimin dhe ofrimin në përqindje sa më të larta të barnave edhe ofrimit të trajtimit të pacientëve onkologjik”, u shpreh ajo.

Lidhur me këto mungesa në Klinikën e Onkologjisë ,u.d e ministres së Shëndetësisë, Dafina Gexha-Bunjaku tha se buxheti për listën esenciale ka qenë i ulët, por që po bëjnë vazhdimisht përpjekje për plotësimin e mungesave.

“Ne në vitin 2021 e kemi një buxhet i cili është buxhet më i vogël se sa ai i vitit 2020 dhe që nga marsi i këtij viti qeveria ka bërë përpjekjet maksimale për të ofruar nevojat e buxhetit i cili ka qenë shumë i mangët për vitin 2021. Në kontakt të vazhdueshëm me drejtorin e SHSKUK-së dhe ministrinë e Financave kemi bërë përpjekjet dhe vazhdojmë të bëjmë përpjekjet për plotësimin dhe ofrimin në përqindje sa më të larta të barnave edhe ofrimit të trajtimit të pacientëve onkologjik”, u shpreh ajo.

Lidhur me problemin e placentave që janë në frigoriferët e Klinikës së Gjinekologjisë dhe Obstertikës, drejtori i SHSKUK-së tha se ka disa muaj që janë në pritje të komunës së Prishtinës për të caktuar një hapësirë se ku do mund të groposen këto mbetje.

Ndërsa, për ikjen e profesionistëve shëndetësor, ushtruesja e detyrës së ministres së Shëndetësisë, tha se si ministri do punojnë për të ofruar kushte më të mira të punës por edhe paga dinjitoze përmes Ligjit të Pagave.

Muaji tetor njihet si muaji i ndërgjegjësimit kundër kancerit të gjirit.

Aktualitet

Profesori i UBT-së, Bahri Gashi, pjesë e rrjetit prestigjioz ndërkombëtar të recensimit shkencor në Taylor & Francis

Published

on

Profesori i Fakultetit të Studimeve të Sigurisë në UBT, Bahri Gashi, është ftuar të kontribuojë si recensues i punimeve shkencore ndërkombëtare në një nga platformat më prestigjioze botërore të botimeve akademike, Taylor & Francis, me seli në Mbretërinë e Bashkuar.

Në këtë rol të rëndësishëm, profesori Gashi do të angazhohet në recensimin e artikujve shkencorë në fusha strategjike si:

  • Inteligjenca dhe Kundërinteligjenca;
  • Siguria Kombëtare;
  • Mbrojtja dhe Politikat e Sigurisë.

Kontributi i tij do të jepet në kuadër të revistës akademike të specializuar “International Journal of Intelligence and CounterIntelligence”, një revistë e indeksuar në platformat më të larta ndërkombëtare të certifikimit shkencor, e cila gëzon reputacion të lartë në komunitetin akademik dhe profesional të sigurisë.

Ky angazhim i profesorit të UBT-së është një dëshmi e qartë se UBT po fuqizon gjithnjë e më shumë praninë e tij në skenën ndërkombëtare të kërkimit shkencor, duke rritur besueshmërinë e akademikëve të saj dhe duke kontribuar në zhvillimin e fushave të rëndësishme për sigurinë dhe mbrojtjen në nivel global.

Continue Reading

Aktualitet

​Kransiqi i LVV-së në KQZ me aksion simbolik pas vendimit të PZAP-së për Listën Serbe

Published

on

Në mbledhjen e sotme të Komisionit Qendror të Zgjedhjeve anëtari i saj nga radhët e Lëvizjes Vetëvendosje, Alban Krasniqi në hyrje të mbledhjes vendosi mbishkrimin “Po pluralizmit, jo terrorizmit”. Ky veprim i Krasniqit erdhi pas vendimit të Panelit Zgjedhor për Ankesa dhe Parashtresa, i cili kërkoi nga Komisioni Qendror i Zgjedhjeve të certifikojë Listën Serbe për pjesëmarrje në zgjedhjet lokale të 12 tetorit 2025.

Gjatë kësaj mbledhje, me qëllim të përmirësimit të listave votuese, u miratua edhe largimi i 1 mijë e 514 personave të vdekur.

Arianit Elshani, udhëheqës i Këshillit i Operacioneve Zgjedhore, tha se shifra në fjalë është verifikuar bashkë me zyrtarët ekzekutiv të Komisioneve Komunale të Zgjedhjeve.

“Bëhet fjalë për 1 mijë e 514 persona të evidentuar si të vdekur të cilët në bazë të verifikimeve që janë bërë nga zyrtarët ekzekutiv të Komisioneve Komunale të Zgjedhjeve në terren, ku kanë marrë përsipër një listë të personave që janë mbi 95 vjeç dhe figurojnë në listën votuese”, tha ai.

E me kërkesë të qytetarëve të lagjes “Marigona Residence”, Komisioni Qendror i Zgjedhjeve miratoi edhe hapjen e qendrës së re të votimit në këtë lagje.

Elshani tha se kjo ka qenë kërkesë e 260 votuesve dhe se qendra e votimit do të jetë në shkollën “Internacional School of Prishtina-ISP”.

“Bëhet fjalë për shkollën ‘Internacionale School of Prishtina – ISP’ që gjendet në lagjen Marigona këta votues kanë qenë të alookuar për të votuar në një qendër tjetër të votimit në fshatin Peroc në ‘Miladin Mitiq’, mirëpo është kërkuar një numër prej 260 votuesve në këtë rast ekziston mundësia me u bartë në këtë qendër të votimit”, deklaroi ai.

Në këtë mbledhje u votua edhe udhëzimi për votimin e Personave me Nevoja të Veçanta (VPNV), i cili synon lehtësimin dhe garantimin e të drejtës kushtetuese për të votuar për të gjithë qytetarët pa përjashtim dhe ka për qëllim të përcaktojë mënyrën e regjistrimit, evidentimit dhe votimit të Peronave me Nevoja të Veçanta, të cilët nuk mund të votojnë në vendvotimin e tyre.

 

Continue Reading

Aktualitet

Kosova humb 114 milionë euro për energji, Shoqata e Prodhuesve fajëson institucionet

Published

on

Shoqata e Prodhuesve Vendor ka reaguar ashpër pas lajmeve se Kosova ka humbur 114 milionë euro nga projektet e Bashkimit Evropian të dedikuara për fushën e energjisë, si pasojë e sanksioneve të vendosura nga BE-ja.

Përmes një reagimi në Facebook, përfaqësuesi i shoqatës, Kushtrim Ajvazi, ka kritikuar institucionet e vendit për, siç e quan ai, dështimin në ruajtjen e interesit shtetëror dhe ekonomik.

“Për informaten tuaj, Kosova ka humbur 114 milionë € projekte në fushën e energjisë nga sanksionet e BE-së. Këto mjete ishin të destinuara për zhvillim dhe stabilitet të furnizimit energjetik”, ka shkruar Ajvazi.

Ai ka hedhur poshtë arsyetimin e institucioneve që dalja e Kosovës në tregun e lirë të energjisë ishte një kusht nga BE-ja.

“Mos e përdorni më arsyetimin se e kemi pas kusht nga BE-ja me dalë në treg të lirë, se është marre për juve”, ka përfunduar ai

Continue Reading

Aktualitet

UBT ofron Master në Psikologji me standarde evropiane

Published

on

UBT ofron programin Psikologji në nivelin Master, i cili synon përgatitjen e profesionistëve të aftë për të kuptuar mendjen dhe sjelljen njerëzore, si dhe për t’u shërbyer individëve dhe komunitetit në fusha të ndryshme të shëndetit mendor.

Ky program dyvjeçar, i akredituar sipas standardeve më të larta evropiane, ofron njohuri dhe përvojë praktike në psikologjinë klinike, këshilluese, edukative dhe organizative. Studentët mësojnë teknika të avancuara të vlerësimit psikologjik, terapitë moderne, si dhe metodologjitë kërkimore të cilat u japin atyre kompetencat e nevojshme për t’u bërë pjesë aktive e zgjidhjes së sfidave psiko-sociale.

Misioni i programit

Programi ka për qëllim të edukojë dhe fuqizojë psikologët e ardhshëm përmes një kurrikule kërkimore, duke promovuar praktikën etike, të menduarit kritik dhe ndjeshmërinë kulturore. Theksi vihet te përgatitja e profesionistëve që do të kontribuojnë jo vetëm në shëndetin mendor dhe kërkimin shkencor, por edhe në zhvillimin e politikave të nivelit kombëtar e ndërkombëtar.

Çfarë ofron Masteri në Psikologji?

  • Kurse të specializuara në psikologji klinike, këshillim, psikologji zhvillimore dhe sociale
  • Një kurrikulë të përputhur me standardet EuroPsy
  • Praktika në institucione shëndetësore, shkolla, organizata joqeveritare dhe komunitete
  • Pjesëmarrje në projekte kërkimore dhe punë në terren
  • Përfshirje në aktivitete të komunitetit me fokus në shëndetin mendor

Karrierë dhe ndikim shoqëror

Diplomuarit e këtij programi janë të përgatitur për një gamë të gjerë rolesh profesionale, nga psikoterapia dhe këshillimi, deri te politika publike dhe hulumtimi shkencor. Ata do të jenë në gjendje të kryejnë vlerësime e ndërhyrje psikologjike, të hartojnë projekte kërkimore, të promovojnë shëndetin mendor në komunitet dhe të ndikojnë në hartimin e politikave sociale dhe shëndetësore.

Stafi dhe kërkimi shkencor

Fakulteti i Psikologjisë në UBT kontribuon në një kulturë të gjallë akademike dhe kërkimore, në përputhje me Strategjinë e Kërkimit 2024–2029. Programi synon zhvillimin e projekteve ndërdisiplinore, bashkëpunimet globale dhe botime shkencore, duke e vendosur Kosovën në hartën ndërkombëtare të studimeve psikologjike.

UBT bashkëpunon ngushtë me institucione shëndetësore dhe organizata të komunitetit për të zhvilluar iniciativa në shëndetin mendor, trajnime profesionale dhe konsultime. Deri në vitin 2029, Masteri në Psikologji synon të jetë:

  • Lider kombëtar në kërkimin dhe trajnimin psikologjik
  • Partner i njohur në Evropën Juglindore
  • Qendër e konferencave dhe botimeve ndërkombëtare
  • Promovues i mirëqenies psiko-sociale nëpërmjet arsimit cilësor dhe përfshirjes në komunitet

Struktura e studimeve

Programi ofron një kurrikulë të balancuar midis teorisë dhe praktikës, me lëndë të avancuara si Psikologji Klinike dhe Psikoterapi, Psikologji Kognitive, Psikopatologji, Psikometri, Etikë në Psikologji dhe përfundon me tezën e masterit dhe praktikën profesionale.

APLIKO TANI ONLINE!

Continue Reading

Të kërkuara