Lajmet

Në OKB, Blinken sheh një bashkëpunim të ri në Oqeanin Atlantik

Ai do të takohet me homologët nga Angola, Brazili, Gana, Portugalia dhe Senegali si pjesë e një grupimi të ri.

Published

on

Sekretari amerikan i Shtetit, Antony Blinken, të martën do të kërkojë të formojë një komunitet të ri të kombeve të Atlantikut me 100 milionë dollarë të tjera për të mbështetur iniciativa rreth mjedisit dhe sigurisë detare, thanë zyrtarët.

Blinken do të takohet së bashku me homologët nga Angola, Brazili, Gana, Portugalia dhe Senegali si pjesë e një grupimi të ri prej rreth 10 vendesh, tha një zyrtar i lartë i Departamentit të Shtetit.

“Shtetet e Bashkuara shpresojnë të punojnë me vendet e Atlantikut për të zhvilluar një kornizë të re për bashkëpunimin e rregullt Atlantik, përmes të cilit vendet tona mund të krijojnë dhe të kryejnë një qasje të përbashkët për avancimin e qëllimeve tona të përbashkëta në rajon”, tha një zyrtar në kushte anonimiteti.

Nisma vjen pasi administrata e Presidentit Joe Biden vë një fokus në rritje në bashkëpunimin mjedisor në mbarë botën, përfshirë shëndetin e oqeaneve.

Administrata i ka vënë tashmë një prioritet të lartë Paqësorit, i parë si një zonë konflikti të mundshëm në mes të rritjes së shpejtë të Kinës.

Zyrtari tha se grupimi i ri i Atlantikut do të synojë të zhvillojë një “ekonomi të qëndrueshme oqeanike” dhe të mbështesë shëndetin e oqeanit, duke përfshirë adresimin e ndryshimeve klimatike dhe ekosistemet detare./UBTNews/

Lajmet

​UEFA shtyn vendimin për përjashtimin e Izraelit

Published

on

UEFA ka vendosur të tërhiqet nga planet për ta përjashtuar Izraelin nga garat evropiane, pas prezantimit të planit të paqes nga presidenti amerikan Donald Trump për t’i dhënë fund luftës në Gaza.

Organi qeverisës i futbollit evropian kishte parashikuar një mbledhje urgjente të Komitetit Ekzekutiv, mes raportimeve se shumica e anëtarëve mbështesnin ndalimin e ekipeve izraelite.

Mirëpo, iniciativa e Trump, e cila përfshin një plan 20-pikësh me proces demilitarizimi dhe rindërtimi, ka bërë që UEFA të mbajë një qëndrim pritës.

Plani është pranuar nga kryeministri izraelit Benjamin Netanyahu dhe gëzon mbështetjen e tetë shteteve, ndërsa ish-kryeministri britanik Tony Blair është emëruar anëtar i parë i “Bordit të Paqes” që do të mbikëqyrë përkohësisht Gazën nëse propozimi miratohet.

Izraeli është anëtar i UEFA-s që nga viti 1984, por përfshirja e tij shpesh ka shkaktuar polemika.

Një vendim për përjashtim do të kishte ndërlikuar edhe kualifikimet e Kupës së Botës, të cilat zhvillohen nën organizimin e FIFA-s.

Ky zhvillim pritet të lehtësojë presionin ndaj presidentit të FIFA-s, Gianni Infantino, i cili shihet si aleat i afërt i Trump./S.K/KP/

Continue Reading

Lajmet

Anulohet Superkupa e Kosovës në basketboll

Published

on

Federata e Basketbollit e Kosovës ka njoftuar dje se Superkupa e Meshkujve për edicionin 2025/26 është anuluar dhe nuk do të zhvillohet.

Ky vendim është marrë me qëllim që të mos tejzgjatet vijimi i kampionatit të ProCredit Superligës dhe për të siguruar zhvillimin e garave sipas kalendarit të paraparë.

Federata ka theksuar se vendimi synon të ruajë ritmin e normalitetit në garat e basketbollit dhe të garantojë zhvillimin e ndeshjeve sipas datave të parashikuara/S.K/KP/

Continue Reading

Lajmet

​Trajneri i Sllovenisë: Duhet ta mposhtim Kosovën nëse duam të shkojmë më larg

Published

on

Trajneri i kombëtares së Sllovenisë, Matjaž Kek, ka shpallur listën e lojtarëve për ndeshjet kualifikuese të Kupës së Botës kundër Kosovës dhe Zvicrës. Sfida e parë zhvillohet më 10 tetor në Prishtinë, ndërsa më 13 tetor sllovenët presin Zvicrën në Stožice.

Pas një barazimi ndaj Suedisë dhe një humbjeje të thellë nga Zvicra në shtator, Kek e sheh përballjen në Kosovë si përcaktuese.

“Jemi të vetëdijshëm për atë që na pret në Prishtinë. Me gjithë respektin për Kosovën dhe Zvicrën, por duhet t’i fitojmë këto ndeshje nëse duam diçka më shumë”, tha ai në konferencën për shtyp në Brdo.

Tekniku paralajmëroi se skuadra duhet të tregojë fytyrën e vërtetë të saj në fushë.

“Në Bazel ishim shumë të dobët, por treguam çfarë jemi të aftë kundër Suedisë. Nëse nuk e bëjmë tani, nuk kemi të drejtë të mendojmë për Kupën e Botës. Unë besoj te kjo skuadër.”. tha ai.

Në listën e tij mungojnë për shkak lëndimesh Andraž Šporar, Jan Mlakar dhe portieri Martin Turk, ndërsa janë rikthyer Jon Gorenc Stankovič, Blaž Kramer dhe Nejc Gradišar. Po ashtu, për herë të parë është ftuar edhe portieri i Celjes, Žan Luk Leban./S.K/KP/

Continue Reading

Lajmet

​FIFA e dënon sërish Federatën Shqiptare të Futbollit

Published

on

Komisioni i Disiplinës i FIFA-s ka vendosur të gjobisë Federatën Shqiptare të Futbollit me 10 mijë franga zvicerane, për incidente të ndodhura jashtë stadiumit “Air Albania” gjatë ndeshjes Shqipëri-Letoni.

Kjo ndeshje u zhvillua më 9 shtator 2025, në kuadër të eliminatoreve të Botërorit 2026.

FSHF bën me dije se do ta apelojë këtë vendim në instancat përkatëse të FIFA-s dhe ka nisur procedurat ligjore.

Me këtë rast, FSHF u ka bërë thirrje tifozëve që në ndeshjet e ardhshme të tregojnë qytetari dhe të mbështesin Kombëtaren pa shkaktuar situata që dëmtojnë imazhin dhe interesat e saj./S.K/KP/

Continue Reading

Të kërkuara