Në një intervistë për podcastin “All the Smoke” me Matt Barnes, ish-bejsbollisti i skuadrës Atlanta Braves, David Justice, ka folur hapur për periudhën kur ishte i martuar me fituesen e çmimit “Oscar”, aktoren Halle Berry.

“Ajo më kërkoi të martoheshim pas vetëm pesë muajsh që njiheshim. Nuk e di nëse zemra ime ishte me të vërtetë aty. Nuk doja ta bëja të ndihej keq duke i thënë ‘jo’. Ishim mirë, po vibronim, ishim ende në fazën e muajit të mjaltit”, tha Justice, raportoi USA Today.

Çifti, i martuar nga viti 1993 deri 1997, shpesh qëndronte larg njëri-tjetrit, pasi Berry ishte jashtë vendit për xhirime.

“Nuk pati shumë vëmendje negative derisa vendosa ta lë në vitin 1996”, ka thënë ai.

Justice ka treguar se disa muaj pas martesës filloi të dyshonte për të ardhmen e tyre.

“Jam nga Midwesti dhe e shikoja nusen si dikë që duhej të gatuante, të pastronte. Mendova ‘Nëse kemi fëmijë, a është kjo gruaja me të cilën dua të ndërtoj familje?’ Në atë kohë, si djalë i ri, ajo nuk gatuante, nuk pastronte dhe nuk më dukej edhe aq si grua shumë e denjë për të qenë nënë”, theksoi Justice.

Ai ka thënë se e kishte kuptuar se aktorja nuk ishte personi me të cilin donte ta kalonte jetën, ani pse ai beson që ajo marrëdhënie do të mund të shpëtohej.

“Sinqerisht, ndoshta do ia kishim dalë, nëse do të dija për terapinë. Isha i ri dhe kisha pasur vetëm një marrëdhënie serioze para saj. Nuk kisha shumë dije apo përvojë mbi marrëdhëniet”, ka thënë ai.

Justice shprehu pakënaqësi që Berry nuk e sqaroi një incident të vitit 1996, kur tregoi për People se një ish-partner i paidentifikuar e kishte goditur në kokë duke i shpuar daullen e veshit dhe duke i shkaktuar humbje dëgjimi.

“Ajo e la botën të mendojë se isha unë. Mendoj se ishte shumë gabim nga ana e saj”, ka thënë ai.

Pavarësisht kësaj, ai ka pranuar se mund ta kishte menaxhuar ndarjen më mirë.

“E shoh tani dhe them: ajo më donte. Mund ta kuptoj pse do të ishte e zemëruar. Imagjino ta duash dikë dhe ai të thotë që do të ndahet, pa asnjë mundësi që ta rikthesh. Duhet të ketë qenë e vështirë për të. Nuk dola gradualisht nga marrëdhënia, u largova menjëherë. Mund ta kisha bërë më butë”, ka thënë ai.

Berry 58-vjeçe, është në një lidhje të gjatë me Van Hunt. Ajo ka qenë e martuar më parë me Olivier Martinez dhe Eric Benét, e ka dy fëmijë: Nahlan me ish-partnerin Gabriel Aubry, dhe Maceon me Martinezin. David Justice, 59 vjeç, është i martuar që 24 vjet me Rebecca Justicen, me të cilën ka dy fëmijë.

U lind në varfëri, humbi nënën në moshën dymbëdhjetëvjeçare dhe u braktis nga babai. Jetimorja ku e rritën motrat murgesha i mësoi të qepte, me premtimin për “një jetë të ndershme”.

Por, Gabrielle Chanel nuk kërkonte të mbijetonte, ajo donte të fluturonte.

Çdo qepje e saj ishte një betim: askush nuk do të vendoste për të. Me kapelat e para që nisi të shiste, përballej me tallje dhe dyshime:

“Një grua me dyqan të vetin? Absurd.” Por Chanel e dinte që nuk ishte thjesht një tregtare ajo ishte Parisi që ata ende nuk e njihnin.

Flokët e shkurtër, fustanet pa korse, dizajnet që sfidonin rregullat të gjitha ishin deklarata lirie. Luftërat botërore i mbyllën dyqanet, por jo frymën e saj.

Kur të gjithë menduan se historia e Chanel kishte marrë fund, ajo u rikthye për të treguar se kishte ende kapituj për të shkruar.

Chanel Nº 5 u bë parfumi më i famshëm në botë, por aroma e vërtetë e saj ishte sfida.  “Si nuhatet guximi?” – pyeti një stilist i ri. “Si të mos dorëzohesh. Si parfum me plagë,” u përgjigj ajo.

Mesazhi që do t’i jepte asaj vajze të vogël të jetimores ishte i qartë: “Mos e lejo baltën ku ke lindur të të ndalojë së lulëzuari. Lulet më të forta rriten mbi rrënoja.”

Emri i saj i vërtetë është Elizabeth Maresal Mitchell, por ajo njihet më mirë dhe më gjerësisht si Elizabeth Banks.

E lindur në Pittsfield, Massachusetts, më 10 shkurt 1974, është aktore, regjisore dhe producente e suksesshme. Debutimi i saj erdhi më 1998, “Surrender Dorothy”, në të cilin luajti rolin e Vick I.

Që atëherë, është shfaqur në filma të shumtë duke përfshirë “Scrubs”, “Modern Family”, “Catch Me If You Can”, “What to Expect When You’re Expect”, “The 40-YearOld Virgin”, “W.”, “Spider-Man”, “Pitch Perfect”, “The Hunger Games”, “Walk of Shame” dhe “The Lego Movie”.

Vitet e para të Elizabeth Banks

Babai i saj punonte si punëtor fabrike për ‘General Electric’, nëna e saj ishte e punësuar në një bankë. Më e madhja nga katër vëllezër e motra, u shfaq për herë të parë në ekran si fëmijë në serialin “Finders Keepers të Nickelodeon”. Që atëherë, ndjeu shkëndijën e performimit dhe të të qenit para kamerës.

U diplomua në Universitetin e Pensilvanisë, duke u bërë e para në familje që mori diplomë. Më 1998, përfundoi studimet  në Teatrin e Konservatorit Amerikan. E ndryshoi emrin për të shmangur ngatërrimin me aktoren Elizabeth Mitchell dhe që nga fillimi i karrierës së saj, ajo ka portretizuar një gamë të gjerë personazhesh në ekranin e madh. Banks ka qenë një prani e përsëritur në seriale të ndryshme televizive.

Aftësia për të siguruar paraqitje të përsëritura mund të jetë shenjë se publiku e shijon ta shohë në ekran.

Jeta personale

Në vitin 2003, u martua me të dashurin e saj të kolegjit, Max Handelman. Ata kanë dy fëmijë – Felix dhe Magnus – të lindur përkatësisht në 2011 dhe 2012.

Puna pas kamerës

Edhe pse ka luajtur në shumë produksione, talenti shkon përtej aktrimit. Banks ka lënë gjurmë të fortë si producente dhe regjisore në disa projekte.

Shkathtësia përfshin edhe huazimin e zërit të saj në videolojëra, duke demonstruar gamën e saj të gjerë. Talenti i pamohueshëm i Banks lë gjurmë në çdo projekt që ndërmerr. Është nominuar e ka fituar çmime të shumta që njohin aftësitë dhe kreativitetin e saj. Këto çmime shërbejnë si provë se kur vendosmëria dhe dëshira kombinohen me një përgatitje të fortë, suksesi është i arritshëm.

Cila është pasuria neto e Elizabeth Banks?

Është vlerësuar se nëpërmjet punës si aktore, producente e regjisore, Elizabeth ka grumbulluar një pasuri neto prej mbi 40 milionë eurosh.

Është prezantuesja e “Press Your Luck”, i cili i ka sjellë asaj të ardhura të konsiderueshme, duke shtuar shifrën e përmendur fillimisht si pasuria e saj neto.

Karriera e Banks, që përfshin më shumë se dy dekada, është një dëshmi e aftësisë së saj për t’u përshtatur, për të rishpikur veten dhe për të lënë një gjurmë të pashlyeshme si në industrinë e filmit ashtu edhe në atë televizive.

Qoftë në ekran apo pas kameras, puna e saj vazhdon të ketë jehonë me audiencat në mbarë botën.

Aktori i njohur britanik, Ray Brooks, një figurë e dashur e ekranit të vogël dhe zëri i paharrueshëm i serialit të famshëm për fëmijë “Mr Benn”, ka ndërruar jetë në moshën 86-vjeçare pas një sëmundjeje të shkurtë.

Lajmin e hidhur e konfirmoi familja e tij, e cila bëri të ditur se u nda nga jeta të shtunën, i rrethuar nga të afërmit. Gjatë karrierës pesëdekadëshe, Brooks luajti në disa nga serialet dhe dramat më të njohura të televizionit britanik, shkruan DailyMail.

Ai u bë i famshëm me rolin e Reg në dramën “Cathy Come Home”, një produksion i BBC-së me regji të Ken Loach, i cili trajtonte krizën e strehimit dhe mbeti një nga transmetimet më me ndikim në historinë e televizionit. Në vitet e 80-ta fitoi zemrat e publikut me rolin e Robbie Box në “Big Deal” dhe si Max Wild në “Running Wild”. Brooks ishte një nga të paktët aktorë që u shfaq në “Coronation Street” dhe “EastEnders”, duke lënë gjurmë me interpretimet e tij.

Zëri i tij u bë pjesë e fëmijërisë së miliona britanikëve përmes “Mr Benn”, ku fraza “sikur me magji!” mbetet ikonike. Edhe pse seriali pati vetëm 13 episode, ai u transmetua vazhdimisht për më shumë se dy dekada.

Përveç televizionit, aktori pati role të suksesshme në kinema dhe teatër, përfshirë filmin fitues të Palmës së Artë “The Knack… and How to Get It” dhe komedinë “Carry On Abroad”. Ai gjithashtu kontribuoi si narrator në programe të tjera dhe bëri zërin për qindra reklama.

Familja e tij kujtoi dashurinë e Brooks për futbollin, veçanërisht për klubin Fulham, dhe për kohën e kaluar në Brighton, vendlindjen e tij.

Në vitet e fundit, ai jetoi me demencë, por deri në fund ruajti lidhjen e ngushtë me të afërmit. Larg nga skena dhe kamerat, Ray Brooks mbeti një njeri i thjeshtë, i përkushtuar ndaj familjes dhe pasioneve të tij.