Lajmet

Në Kosovë ka mungesë të kontrollit të ushqimit

“Kosova nuk kam problem me mungesën e ushqimit, por me kualitetin”

Published

4 years ago

on

Organizuar nga Instituti për Politika Zhvillimore (INDEP), në partneritet me Ekipin e Kombeve të Bashkuara në Kosovë (UNKT) dhe Ministrinë e Bujqësisë, Pylltarisë dhe Zhvillimit Rural janë mbajtur diskutimet në grupe të ndara në kuadër të tryezës “Dialogu për sistemet e qëndrueshme ushqimore”, ku edhe janë prezantuar rekomandimet, raporton Ekonomia Online.

Dardan Abazi, nga INDEP-i, para nisjes së prezantimit të rekomandimeve tha se gjatë diskutimit, grupet  ndanë tema të rëndësishme të cilat do të jenë pjesë e samitit të ushqimit në Kombet e Bashkuara.

“Të gjitha këto grupe kanë prezantuar nga një raportues, për shkak të kohës diskutimi ishte mjaft i pasur duke dëgjuar tema shumë të rëndësishme, si digjitalizimi i parcelave, bujqësisë dhe që do të jenë pjesë e sistemit të ushqimit të Kombeve të Bashkuara”.

Leutrim Gërmizaj, nga Rrjeti i Organizatave për Zhvillim Rural të Kosovës, gjatë prezantimit të rekomandimeve nga grupi punues theksoi se në Kosovë ka mungesë të kontrollit të ushqimit, derisa shtoi se gratë nuk janë të përfshira në menaxhimin e fermave.

“Temë interesante ka qenë kontrolli i ushqimit, ku kontrolli i ushqimit mungon më Kosovë, po ashtu dhe mungesa e implementimit të Legjislacionit. Temë tjetër ka qenë edhe mungesa e kapaciteteve profesionale ku fermerët ata që punojnë në terren hezitojnë që të marrin mbështetje profesionale”.

“Gratë shume pak janë të përfshira në menaxhmin e fermave të ndryshme. Kosova nuk kam problem me mungesën e ushqimit, por me kualitetin”.

Shpat Ejupi nga Instituti i Pavarur i Ushqimit, tha se sistemi ushqimor në Kosovë ka nevojë të ridefinohet e të përmirësohet që t’i mundësohet vendit për të shitur produkte jashtë në gjithë BE-në.

“Diskutuam për ngritjen e vetëdijes së konsumatorëve si dhe më shumë inspektime para daljes në treg, por a ka nevojë ka nevojë si dhe folëm për digjitalizimin e parcelave, dhe kjo duhet të jetë cak i Ministrisë së Bujqësisë dhe të krijohen skema mbështetëse me nivelin e sistemeve të ushqimeve lokale”.

Xhevdet Gegollaj raportues i grupit të tretë, tha se përdorimi i plehrave inorganike është duke e dëmtuar mjedisin, raporton EO.

“Ne e diskutuam problematikën e ekonomisë qarkore. Ka disa vite që aktetët e ndryshëm janë duke e promovuar atë si një platformë e politikave adaptueses për të tranzituar një sistem ushqimor që është më miqësor ndaj njerëzimit dhe mjedisit”.

Related Topics:
Continue Reading

Lajmet

Rama nga Londra: Kosova s’duhet të merret me Serbinë, por të përmbushë detyrimet ndaj BE-së

Published

11 hours ago

on

October 21, 2025

By

Në Londër po zhvillohet një tryezë me temën “Ballkani Perëndimor dhe Bashkimi Europian”, ku ndër folësit kryesorë është edhe kryeministri i Shqipërisë, Edi Rama.

I pyetur për pozicionin e Kosovës në rajon dhe për ecurinë e saj drejt anëtarësimit në Bashkimin Europian, Rama u shpreh se Prishtina duhet të fokusohet tek përmbushja e detyrimeve që burojnë nga dialogu me Serbinë dhe jo tek vetë raportet dypalëshe.

“Që të jetë e suksesshme Kosova duhet të harrojë Serbinë, fjalë për fjalë dhe duhet të realizojë të gjitha pikat që kanë të bëjnë me dialogun e ndërmjetësuar nga BE-ja, pavarësisht nga Serbia, pra ata t’ia lënë topin në fushë Serbisë dhe të ecin para drejt Europës duke lënë Europën të merret me Serbinë dhe mos ta lënë çështjen e Serbisë të shndërrohet në çështje fajësimi midis të dyjave. Megjithatë, është mendimi im ky, unë respektoj atë që vendosin udhëheqësit e zgjedhur të Kosovës për vendin e tyre”, tha ai./EO

Continue Reading

Lajmet

Supremja: Pranohet ankesa e kandidatit të pavarur për kryetar të Kllokotit, rrëzohet vendimi i PZAP-së

Published

11 hours ago

on

October 21, 2025

By

Kolegji i Gjykatës Supreme e ka pranuar si të bazuar ankesën e kandidatit të pavarur për kryetar të Komunës së Kllokotit, Arber Emini, dhe ka prishur vendimin e Panelit Zgjedhor për Ankesa dhe Parashtresa (PZAP), të datës 15.10.2025.

Sipas Supremes, çështja është kthyer në rivendosje në PZAP.

“Bazuar në shkresat e lëndës, Arber Emini me datë 13.10.2025, është ankuar në PZAP, me pretendimin se “me datë 12.10.2025 në Zgjedhjet Lokale në Kllokot, Serbia ka ndërhyrë në sistemin zgjedhor në Komunën e Kllokotit, duke fabrikuar dëshmi mjekësore serbe të strukturave paralele për t’u shfrytëzuar votuesit me asistencë të përdorin këtë vërtetim mjekësor”, thuhet në komunikatë.

Më tej thuhet se Gjykata Supreme e Kosovës vlerëson se PZAP, gabimisht ka vendosur kur e ka hedhur poshtë ankesën e ankuesit, për faktin se nga pretendimet që dalin nga ankesa, i njëjti është ankuar për procesin dhe parregullsitë gjatë ditës së votimit dhe jo kundër rezultateve preliminare të tabuluara nga KQZ, ashtu siç ka pretenduar PZAP në vendimin e saj.

“Andaj, në rivendosje, PZAP, udhëzohet që t’i evitojë shkeljet e theksuara në Aktvendimin e Gjykatës Supreme, AA.nr.93/2025, dhe të vendos në mënyrë meritore lidhur me ankesën e kandidatit të pavarur për kryetar të Komunës së Kllokotit, Arber Emini”, thuhet në njoftim.

Zgjedhjet e rregullta komunale janë mbajtur më 12 tetor./KP

Continue Reading

Lajmet

Rrahje dhe gjuajtje me armë zjarri në qendër të Podujevës, policia jep detaje

Published

11 hours ago

on

October 21, 2025

By

Pak qaste më parë ka ndodhur një rrahje dhe gjuajtje me armë zjarri në Podujevë.

Lajmin e ka konfirmuar Flora Ahmeti zëdhënëse e Policisë së Kosovës për Rajonin e Prishtinës.

Sipas Ahmetit lidhur me këtë rast policia ka shoqëruar në stacion policor katër persona, prej tyre 1 dëshmitar dhe tre persona të dyshuar të cilët ishin të përfshirë në rast.

Ajo tha se sot rreth orës 14:30 është pranuar informata për një rrahje dhe shkrepje të armës në Podujevë.

“Me të marrë informatën policia, ka dalë në vendin e ngjarjes nga ku jemi njoftuar se si pasojë e rrahjes nga një mjet i fortë (shkop) është lënduar një person i cili është dërguar për trajtimin e nevojshëm mjekësor. Lidhur me këtë rast policia ka shoqëruar në stacion policor katër persona, prej tyre 1 dëshmitar dhe tre persona të dyshuar të cilët ishin të përfshirë në rast”, thuhet në përgjigjen e zëdhënëses Ahmeti.

Ajo ka shuar se aktualisht policia po vazhdon punën për zbardhjen e rrethanave dhe motiveve që karakterizojnë ngjarjen./KP

Continue Reading

Lajmet

​Vdes në moshën 29-vjeçare kampioni amerikan i shahut

Published

12 hours ago

on

October 21, 2025

By

Kampioni amerikan i shahut dhe komentatori online Daniel Naroditsky ka ndërruar jetë në moshën 29-vjeçare.

Sipas BBC, familja e tij e përshkroi vdekjen si të papritur, pa dhënë shkakun.

Naroditsky ishte një lojtar i talentuar, edukator dhe komentator, i njohur për kanalin e tij në YouTube me afro 500,000 abonentë dhe stream-et në Twitch me 340,000 ndjekës.

Ai luajti një rol kyç në popullarizimin e përmbajtjes së shahut online.

Ai filloi shahun në moshën 6 vjeç, fitoi Kampionatin Botëror të të Rinjve nën 12 vjeç në 2007, dhe në 2013 u bë Grandmaster i SHBA-së. Naroditsky u diplomua në Stanford dhe punoi si trajner shahu në Charlotte, Karolina e Veriut.

Shumë kolegë dhe fansa e përshkruan si një inspirim, historian të shahut dhe dikë që e bënte lojën argëtuese dhe të thjeshtë për të gjithë./S.K/KP/

Continue Reading

Të kërkuara