Lajmet nga UBT

Në Konferencën e Psikologjisë prezantohen gjetje të shumta shkencore

Published

on

Sot ka nisur punimet konferenca e Psikologjisë. Përgjatë konferencës e cila u nda në tri sesione të ndryshme, janë paraqitur një sërë prezantimesh të studimeve dhe hulumtimeve psikologjike në lidhje me çështje të ndryshme sociale dhe individuale në Kosovë.

Në mesin e temave që u diskutuan përgjatë këtyre sesioneve janë roli i mbështetjes së kolegëve në rritjen e mirëqenies së punonjësve dhe performancës në kontekstin organizativ, ndërgjegjësimi mbi shëndetin mendor, ndikimi i rrjeteve sociale në mirëqenien psikologjike dhe krahasimi social, ku rast studimi janë studentët e drejtimit Infermieri në UBT, si dhe shumë e shumë tema të tjera që zgjuan interes të lartë te të pranishmit.

Në këtë konferencë u prezantuan këto tema:

Keynote speakers:

Orhideja Surbanovska

Fatbardha Qehaja Osmani

Sesioni i parë:

Chair: Fatbardha Qehaja Osmani

Co: Ejona Icka

  • “The Role of the Big-Five Personality Model in Explaining Support for EU Membership: The Case of Kosovo”, Denis Çelçima, Frederik Dara, Eglantina Kalluçi, Markela Muça, & Ridvan Peshkopia;
  • “Born that Way: The Effects of the Big Five Personality Traits in People’s Ideological Affiliation”, Frederik Dara, Markela Muça, & Ridvan Peshkopia;
  • “Political Trust and Attitudes toward Government Anti-COVID Policies”, Frederik Dara, Eglantina Kalluçi, & Ridvan Peshkopia;
  • “Protective measures or shelter-in-place: Personality and attitudes toward anti-pandemic policies in Kosovo”, Frederik Dara, Ridvan Peshkopia, & Edin Pula;
  • “The Psychological Roots of Acquiescence and Resistance: How Personality Traits Explains Public Attitudes toward Governments’ Responses to COVID-19”, Frederik Dara, Ridvan Peshkopia & Violeta Zefi;
  • “Fostering Employee Well-being: Exploring the Interplay of Coworker Support, Work Engagement, Burnout, and Job Performance in Organizational Contexts”, Valdrin Krasniqi & Eglantina Kraja Bardhi.

Sesioni i dytë:

Chair: Qufli Osmani

Co – Chair: Diana Sejdiu Shala

  • “Which executive functions predict semantic fluency in preschool children?”, Fatbardha Qehaja Osmani;
  • “The interaction of gifts and morality in the creation of personality”, Ejona Icka;
  • “Mental Health Awareness in Kosovo: Perceptions, Knowledge, and Barriers”, Violeta Zefi, Anduena Dibrani & Kaltrina Rrafshi;
  • “Psychological effects and therapeutic role of group counseling in women diagnosed with breast cancer”, Anora Kroj;
  • “From Behind the Social Media Scene to Mental Health and Trafficking”, Mirlinde Bilalli & Elmedina Shabani;
  • “Sexting: Insights from Emerging Adults in Kosovo”, Violeta Zefi, Drenushë Krasniqi, & Elona Sopa.

Sesioni i tretë:

Chair: Violeta Zefi

Co – Chair: Valdrin Krasniqi

  • “Metric characteristics of the scale for measuring learning styles in the student population”, Qufli Osmani & Delvina Beka;
  • “The No-Self Thesis: Counterarguments from Abnormal Psychology”, Elma Berisha;
  • “Motivation-stimulation of psycho-social energies for high educational achievements in teenagers”, Denis Çelçima, Emrush Thaçi & Diana Sejdiu;
  • “The Role of the Adoption Procedure in the Psychological Well-being of Adopted Children and Adoptive Parents”, Nerenxa Alia Dranga;
  • “The influence of social media on eating habits”, Diana Sejdiu Shala, Laura Binxhija Qeska & Florent Bojku;
  • “The Impact of social media on psychological well-being and social comparison on nursing students in UBT”, Anita Sadikaj, Orhideja Surbanovska, Rinor Berisha & Zehra Saiti.

Continue Reading

Lajmet nga UBT

UBT hap Akademinë Verore për Ekonomi, Financa, Banka dhe Sigurime

Published

on

By

Fakulteti i Menaxhmentit, Biznesit dhe Ekonomisë në UBT ka hapur zyrtarisht Akademinë Verore për Ekonomi, Financa, Banka dhe Sigurime, e cila po zhvillohet në kuadër të aktiviteteve edukative dhe shkencore që synojnë thellimin e njohurive të studentëve dhe profesionistëve mbi zhvillimet më të fundit në ekonominë moderne.

Hapjen zyrtare të akademisë e bëri Prof. Kestrim Avdimetaj, i cili theksoi se ky aktivitet do të shërbejë si një platformë për analizimin e faktorëve kryesorë të ekonomisë dhe rritjes ekonomike, qëndrueshmërisë financiare, ambientit të investimeve dhe inovacioneve në sektorët financiar dhe bankar. Ai nënvizoi rëndësinë që do t’i kushtohet temave aktuale si tregjet e kapitalit, bankat digjitale, kriptovalutat dhe sfidat që paraqiten në sektorin e sigurimeve, duke krijuar një bashkëbisedim ndërmjet akademisë dhe sektorit privat.

Në vijim të programit, të pranishmit patën mundësinë të ndjekin prezantimin e Prof. Zef Dedaj, Drejtor i Përgjithshëm i KIESA-s (Agjencia Kosovare për Investime dhe Përkrahje të Ndërmarrjeve), i cili foli për ekosistemin e inovacionit dhe mundësitë e investimeve në Kosovë. Ai ndau të dhëna mbi mjedisin ekonomik dhe afarist të vendit, marrëveshjet ndërkombëtare të investimeve dhe tregtisë së lirë, si dhe sektorët më premtues industrialë. Një theks i veçantë iu kushtua përkrahjes për ndërmarrjet e vogla dhe të mesme, si shtyllë e zhvillimit ekonomik dhe gjenerimit të vendeve të reja të punës.

Në pjesën e dytë të akademisë, Prof. Ermal Lubishtani solli një analizë të thelluar mbi rëndësinë e institucioneve në tërheqjen e Investimeve të Huaja Direkte (FDI). Ai theksoi se mungesa e FDI-ve vazhdon të jetë një nga pengesat kryesore për rritjen ekonomike të qëndrueshme në Kosovë, ndërsa vuri në dukje se cilësia e institucioneve – si atyre formale ashtu edhe joformale – është thelbësore për krijimin e një ambienti të besueshëm dhe tërheqës për investitorët ndërkombëtarë.

Akademia Verore do të vazhdojë me sesione të tjera interaktive dhe ligjërata nga profesorë vendorë dhe ndërkombëtarë, duke krijuar një hapësirë për rrjetëzim, shkëmbim idesh dhe ndërtim të kompetencave profesionale për të rinjtë që synojnë karrierë në fushat e ekonomisë, financave, bankave dhe sigurimeve.

Continue Reading

Lajmet nga UBT

Mbahet ceremonia e shpërndarjes së certifikatave për pjesëmarrësit e nivelit të parë të UBT Startup School në Prizren

Published

on

By

Më 1 korrik 2025, në Parkun Inovativ të Prizrenit, u zhvillua ceremonia e shpërndarjes së certifikatave për pjesëmarrësit që përfunduan me sukses nivelin e parë të Shkollës së Ndërmarrësisë – UBT Startup School, organizuar nga UBT dhe Quality Kosova, me mbështetjen financiare të GIZ Gjermane.

Në këtë aktivitet, 24 studentë morën certifikatat e tyre, duke shënuar një hap të rëndësishëm në rrugëtimin e tyre drejt zhvillimit të aftësive ndërmarrëse dhe inovative.

Në emër të UBT-së, një fjalë rasti mbajti Dr. Besnik Skenderi, Drejtor për Produkte dhe Shërbime Profesionale në UBT, i cili theksoi rëndësinë e përkrahjes së të rinjve në ndërtimin e ideve dhe nismave të reja të biznesit.

Në ceremoni mori pjesë edhe Nehat Islami, këshilltar për Bashkëpunim Ekonomik dhe Zhvillim të Sektorit Privat nga GIZ Gjermane, i cili përgëzoi të rinjtë për angazhimin dhe entuziazmin e tyre.

Të pranishëm ishin gjithashtu edhe Dr. Zef Dedaj dhe Dr. Vehbi Sofiu, të cilët përkrahën iniciativën dhe ndanë vlerësime pozitive për nivelin dhe përmbajtjen e trajnimit.

Pjesëmarrësit u shprehën se trajnimi ka qenë shumë i vlefshëm dhe se njohuritë dhe aftësitë e fituara tashmë po i zbatojnë në mënyrë praktike në projektet e tyre personale dhe profesionale.

Continue Reading

Lajmet nga UBT

UBT shpall konkurs për pranimin e studentëve të rinj për vitin akademik 2025/26

Published

on

By

UBT shpall konkursin e rregullt publik për pranimin dhe regjistrimin e studentëve të rinj për vitin akademik 2025/2026, në të gjitha programet e studimit, në nivelet: Bachelor dhe Master, të akredituara nga Agjencia e Akreditimit e Kosovës dhe të licencuara nga MAShTI.

Të drejtën e konkurrimit dhe të regjistrimit në studimet themelore (Bachelor) e kanë të gjithë kandidatët të cilët e kanë përfunduar shkollimin e mesëm të lartë dhe të cilët e kanë përfunduar me sukses testin kombëtar të maturës.

Programet e studimit në UBT, në nivelin Bachelor i gjeni në këtë link:

PROGRAMET BACHELOR

Për regjistrimin në studimet Master kërkohet që kandidati të ketë përfunduar studimet Bachelor.

Programet e studimit në UBT, në nivelin Master i gjeni në këtë link:

PROGRAMET MASTER

Qendrat e regjistrimit të UBT-së në Kosovë:

  • Prishtinë;
  • Lipjan;
  • Prizren;
  • Pejë;
  • Ferizaj;
  • Gjilan.

Mobilitetet/bursat ndërkombëtare:

  • Erasmus+;
  • CEEPUS;
  • PoSIG, etj.

Gjuha e studimeve:

  • Gjuhë shqipe;
  • Gjuhë angleze;
  • Mundësia e studimit në gjuhë të tjera.

Për sukses të garantuar, UBT ofron për studentët:

  • Orientim dhe praktika profesionale, kurse, vizita studimore dhe certifikime;
  • Sistem online dhe qasje në kompjuterë;
  • Licenca falas për softuerë;
  • Praktikë në kompani vendore dhe ndërkombëtare;
  • Librari me mbi 200 mijë tituj dhe qasje në libraritë elektronike botërore;
  • Praktikë dhe eksperimente në laboratorë bashkëkohorë;
  • Trajnime: CISCO, Microsoft, AutoCad, IPMA, etj;
  • Certifikime për kontabilistë në bashkëpunim me SCAAK.
  • Integrim të Inteligjencës Artificiale – VR/AR.

Studentët të cilët aplikojnë në studime themelore, i bashkëngjisin aplikacionit:

  • Certifikatën e maturës shtetërore – origjinale ose kopje të noterizuar (Për shtetasit jashtë Kosovës nuk nevojitet);
  • Diplomën e shkollës së mesme – origjinale ose kopje të noterizuar;
  • Dëftesat e shkollës së mesme – origjinale ose kopje të noterizuar;
  • Ekstrakti i lindjes.

Për më shumë informacione rreth programeve të studimit dhe mundësive që ofron UBT, ju lutemi që të ndiqni linkun: ubt-uni.net, na ndiqni edhe në rrjetet tona sociale: FacebookInstagramTwitterLinkedIn dhe TikTok.

Leading the Way

#jointheLEADER

Continue Reading

Lajmet nga UBT

UBT International Smart Schools tani edhe në Prizren: Promovohen drejtimet për mjekësi në ditën e Testit të Arritshmërisë

Published

on

By

Në një nga ditët më të rëndësishme për semimaturantët në mbarë vendin, ditën e  Testit të Arritshmërisë, stafi i UBT International Smart Schools ka qenë i pranishëm në qytetin e Prizrenit së bashku me nxënësit për të promovuar ofertën arsimore.
UBT ka ndarë materiale informuese, duke ofruar detaje mbi mundësitë që ofron kjo shkollë për të gjithë të rinjtë që dëshirojnë të ndjekin një karrierë në fushën e mjekësisë.
Me një infrastrukturë moderne dhe metodologji të avancuar të mësimdhënies, UBT International Smart Schools ofron dy drejtime në Shkollën e Mesme të Mjekësisë:
Bashkëpunëtor Profesional i Infermierisë
Teknik i Laboratorit Mjekësor
Këto drejtime janë të dizajnuara për të përgatitur të rinjtë për një karrierë të sigurtë në shëndetësi, me fokus për praktikë të drejtpërdrejtë në institucionet shëndetësore dhe zhvillimin profesional  të garantuar. Përmes bashkëpunimit me profesionistë të fushës dhe praktikave në ambiente reale, të rinjtë do të jenë të përgatitur për tregun e punës dhe sfidat e sektorit të shëndetësisë.
Për të qenë pjesë e gjeneratës së re të profesionistëve që kujdesen për shëndetin, regjistrohu tani! Vendet janë të limituara.

Continue Reading

Të kërkuara