Aktualitet

Në Idlib të Sirisë janë rreth 1.2 milionë jetimë

Published

4 years ago

on

“Ne kemi jetimore për djem dhe vajza në (qytetin sirian) Jarabulus, ku jetimët tanë janë strehuar, arsimuar”, tha kreu i organizatës joqeveritare turke, “Fondacioni Jetimi”, Murat Yilmaz

Ka rreth 1.2 milionë jetimë në provincën veriore siriane të Idlibit që kanë nevojë për mbështetje të madhe, tha kreu i organizatës joqeveritare turke, “Fondacioni Jetimi”, raporton Anadolu Agency (AA).

“Nëse nënat e jetimëve janë gjallë, ata i përqafojnë këta fëmijë, por nëse jo, atëherë janë të afërmit e tyre më të ngushtë si hallat, xhaxhallarët dhe gjyshërit. Por, për fëmijët që janë privuar nga një mbështetje e tillë, ka jetimore”, tha Murat Yilmaz për AA.

Yilmaz nënvizoi se nevojat e këtyre jetimoreve janë të mëdha – agjencitë e ndihmave bëjnë përpjekje për të përmbushur shpenzimet e ushqimit, veshjeve, artikujve të shkrimit, shëndetit dhe akomodimit të fëmijëve (siç janë ngrohja).

Ai theksoi se ka dhjetëra jetimore në Idlib. Duke kujtuar se ekziston një mjedis lufte 10-vjeçar në Siri, ai tha se fondacioni i tij ka qenë aktiv në vend që nga viti 2017.

“Seriozisht, vëllezërit dhe motrat tona kanë lëvizur në veri të vendit drejt kufirit turk për shumë vite”, tha ai.

Yilmaz tha se fondacioni i tij përpiqet të mbështesë refugjatët sirianë si në Turqi dhe në këtë rajon.

“Si Fondacioni Jetimi, ne gjithashtu punojmë për strehimin e fëmijëve në rajon. Ne kemi jetimore për djem dhe vajza në (qytetin sirian) Jarabulus, ku jetimët tanë janë strehuar, arsimuar. Dhe sigurisht, lufta do të thotë dhimbje e madhe, trauma dhe vuajtje të mëdha”, tha ai.

Yilmaz vuri në dukje se fondacioni gjithashtu jep kontribut serioz për fëmijët në aspektin psiko-shoqëror.

Ndihmë më e gjerë

Duke thënë se fondacioni po ashtu ka një qendër të shërbimit social në rajonin Babiska të Idlibit, ai theksoi: “Kjo qendër e shërbimit social është vendi i vetëm që ndodhet midis çadrave dhe shtëpive të briketave, ku jetojnë 10 mijë njerëz.

“Dhe në këtë vend, ne ofrojmë arsim dhe aftësim profesional për të dy jetimoret dhe jetimët tanë. Ne kemi klube sportive për fëmijët tanë, dhe po ashtu sigurojmë informacione në lidhje me artet pamore”, tha Yilmaz.

Ai shtoi se nuk është e mundur të plotësohen të gjitha këto nevoja të gjera nga disa institucione dhe ekziston nevoja për ndihmë dhe mbështetje më të gjerë.

Derisa konflikti midis regjimit të Bashar al-Asadit dhe sirianëve vazhdon, qindra mijëra njerëz kanë vdekur dhe miliona janë zhvendosur. Aktualisht, 4.3 milionë sirianë jetojnë në Idlib.

Related Topics:
Continue Reading

Bota

Sërish lëkundje të forta tërmeti në Greqi, ja ku ishte epiqendra

Published

41 minutes ago

on

January 22, 2025

By

Një tërmet i fuqishëm me magnitudë 5.1 ballë ka tronditur ishullin e Lesvos në Greqi, duke shkaktuar panik tek banorët. Epiqendra e tërmetit ishte 8 km nga Mithymna, dhe lëkundjet janë ndjerë në të gjithë ishullin, ku shumë banorë janë frikësuar dhe janë dalë në rrugë për siguri. Tërmeti kishte një thellësi fokale prej 14.6 km dhe është ndjerë gjithashtu në ishujt fqinjë, përfshirë Kion.

Sipas dëshmive të banorëve, lëkundjet kanë pasur një kohëzgjatje të gjatë, duke shkaktuar frikë dhe duke sjellë rënie të objekteve dhe pajisjeve në shtëpitë e tyre. Deri tani nuk ka raporte për të lënduar apo dëme materiale, por autoritetet lokale janë në gatishmëri për të monitoruar situatën, veçanërisht në fshatrat e ishullit.

Profesori Efthimios Lekkas, ekspert i gjeologjisë, ka theksuar se është ende herët për të dhënë një konkluzion për shkakun e lëkundjeve të fuqishme./UBTNews/

Continue Reading

Bota

Shpërthim në një minierë në Poloni, plagosen 16 punëtorë

Published

51 minutes ago

on

January 22, 2025

By

Një shpërthim ka ndodhur në një minierë në Poloni, duke plagosur 16 punëtorë. Ngjarja ka ndodhur mesditën e së mërkurës në rajonin Katowice të Polonisë jugore. Të plagosurit kanë pësuar kryesisht djegie dhe lëndime në krahë dhe këmbë. Situata është ndjekur nga autoritetet lokale, të cilat po merren me hetimin e shkakut të shpërthimit./UBTNews/

Continue Reading

Bota

Emmanuel Macron u bën thirrje vullnetarëve të rinj për të ‘përforcuar’ ushtrinë franceze

Published

60 minutes ago

on

January 22, 2025

By

Presidenti francez Emmanuel Macron ka bërë thirrje për mobilizimin e vullnetarëve të rinj për të forcuar ushtrinë franceze, gjatë një fjalimi në Komandën e Mbështetjes Dixhitale dhe Kibernetike të Ushtrisë në Francën perëndimore. Ai kërkoi nga qeveria dhe forcat e armatosura të zhvillojnë propozime për të mobilizuar më shumë vullnetarë të rinj, duke i trajnuar dhe i integruar ata në ushtri kur është e nevojshme.

Macron theksoi se ky proces nuk ka për qëllim rikthimin e shërbimit të detyrueshëm ushtarak, por synon të angazhojë të rinjtë që janë të gatshëm të kontribuojnë për forcimin e ushtrisë. Ky program ishte një nga premtimet e fushatës së tij presidenciale në vitin 2017 dhe pas kritikave, ai u realizua në vitin 2019 me formën e Shërbimit Kombëtar Universel (SNU), i cili synon të ofrojë mundësi rinore për të mësuar dhe kontribuar në ushtri.

Megjithatë, programi ka hasur në kritika lidhur me koston e tij dhe efikasitetin, duke çuar në një reduktim të buxhetit për SNU-në nga Senati francez. Ndërkohë, Franca ka një objektiv ambicioz për të arritur 210,000 ushtarakë aktivë dhe 80,000 rezervistë deri në vitin 2030./UBTNews/

Continue Reading

Bota

Trump: Nëse Elon Musk do të blejë TikTok-un e mirëpres këtë vendim pozitiv

Published

1 hour ago

on

January 22, 2025

By

Presidenti i SHBA-së, Donald Trump, ka shprehur mbështetje për idenë që miliarderi i teknologjisë, Elon Musk, të blejë aplikacionin TikTok. Gjatë një deklarate në Shtëpinë e Bardhë, Trump tha se do të ishte i hapur ndaj një marrëveshje të tillë, duke theksuar se nëse Musk do të dëshironte ta blinte TikTok-un, ai e mirëpriste këtë vendim pozitiv.

Trump përmendi se gjatë mandatit të tij të mëparshëm ishte takuar me pronarët e TikTok-ut dhe kishte sugjeruar që aplikacioni të blihej dhe t’i jepej “gjysma” e SHBA-së. Ai argumentoi se Shtetet e Bashkuara duhet të kenë një partneritet të fuqishëm me TikTok-un dhe se kjo marrëveshje mund të ishte shumë e arsyeshme për të dyja palët.

Gjithashtu, Trump nënshkroi një urdhër ekzekutiv që shtynte ndalimin e TikTok-ut për 75 ditë, duke cituar çështje të sigurisë kombëtare dhe duke u munduar të shpëtojë aplikacionin, i cili përdoret nga rreth 170 milionë amerikanë. Ai theksoi se TikTok mund të kishte një vlerë deri në një trilion dollarë, dhe se SHBA kishte të drejtën ta shesë ose ta mbyllë aplikacionin.

Në këtë kontekst, Trump pohoi se administrata e tij po punonte për të krijuar një “sipërmarrje të përbashkët” me kompanitë që mund të ishin të interesuara për të blerë TikTok-un, me Shtetet e Bashkuara si partner. Ai theksoi se shumë investitorë dhe kompani mund të kishin interes në një marrëveshje të tillë, duke e bërë TikTok një mundësi tërheqëse për SHBA-në.

Vendimi i fundit i Gjykatës së Lartë të SHBA-së miratoi një ligj që mund të ndalonte TikTok-un nëse ByteDance, kompania kineze që e zotëron, nuk pranonte investime të tjera për aplikacionin. Pas një periudhe të shkurtër pa funksionim të shërbimeve, TikTok njoftoi se ishte duke rikthyer shërbimet për përdoruesit amerikanë pas garancive nga Trump./UBTNews/

Continue Reading

Të kërkuara