Lajmet

Në ditën e festës hebreje, New York Times publikon fjalëkryq “në formë svastika”

Shumë njerëz e quajtën edicionin e enigmës së saj “të neveritshme” dhe “tronditëse”.

Published

on

New York Times u përball me reagime të ashpra të dielën pasi publikoi një fjalëkryq që shumë veta theksuan se kishte formën e një Svastika.

Kjo shkaktoi bujë në rrjetet sociale, veçanërisht pasi Svastika është e lidhur në mënyrë famëkeqe me Partinë Naziste. Kjo, së bashku me faktin se fjalëkryqi u botua më 18 dhjetor, që ishte mbrëmja e parë e Hanukkah, një festival hebre shkaktoi bujë të mëtejshme kundër gazetës.

Përdoruesit e Twitter kritikuan gazetën amerikane më 18 dhjetor, me shumë njerëz që e quajtën edicionin e së dielës të enigmës së saj “të neveritshme” dhe “tronditëse”.

Enigma e titulluar “Some Theme’s Missing”, u krijua nga Ryan McCarty, i cili më parë ka krijuar 22 enigma të tjera për gazetën.

Të shumta ishin reagimet në rrjete sociale menjëherë pas lansimit të enigmës.

“Më numëroni si një nga komentuesit e shumtë që panë menjëherë svastikën”, ka shkruar një person. “Do të ishte mirë që redaktorët e enigmës ta trajtonin këtë dhe dikush të merrte përgjegjësinë. Kujt i intereson nëse do të ishte ‘e paqëllimshme’? A nuk janë për këtë redaktorët?”

“Hiqni Svastikën. Ju shfaqni shije të keqe duke marrë parasysh shkallën e rritur të antisemitizmit në SHBA tani”, komentoi dikush tjetër.

“Unë në fakt nuk e shikova dizajnin e përgjithshëm derisa mbarova enigmën, por më pas u trondita… Ky është incidenti i tretë, ata u kritikuan për dizajne të ngjashme në 2014 dhe 2017, kështu që nëse nuk është e qëllimshme, kjo është jashtëzakonisht e pakujdesshme duke pasur parasysh se ka ndodhur më parë”, shtoi një tjetër komentues.

Në vitin 2017, llogaria zyrtare e New York Times Games ndau një postim në Twitter duke shpjeguar se fjalëkryqi i atij viti nuk ishte ashtu si dukej./UBTNews/

Lajmet

Dy të arrestuar për vjedhjen e bizhuterive në muzeun e Luvrit në Paris

Published

on

Mediat franceze kanë njoftuar se dy të dyshuar janë arrestuar për vjedhjen e xhevahireve të çmuara të kurorës nga muzeu i Luvrit në Paris.

Zyra e prokurorit të Parisit tha se njëri prej burrave ishte marrë në paraburgim ndërsa po përgatitej të merrte një fluturim nga Aeroporti Charles de Gaulle, njofton BBC.

Sendet me vlerë 88 milionë euro (76 milionë paund; 102 milionë dollarë) u vodhën nga muzeu më i vizituar në botë të dielën e kaluar, kur katër hajdutë me vegla elektrike hynë me forcë në ndërtesë në mes të ditës.

Ministri i drejtësisë i Francës ka pranuar se protokollet e sigurisë dështuan, duke e lënë vendin me një imazh jo të mirë./S.K/KP/BBC/

Continue Reading

Lajmet

India dhe Kina rifillojnë fluturimet direkte, përmirësohen marrëdhëniet

Published

on

Fluturimet direkte midis Indisë dhe Kinës kanë rifilluar, ndërsa marrëdhëniet midis vendeve duket se po përmirësohen.

Fluturimi IndiGo 6E 1703 nga Kolkata u ul në qytetin jugor kinez të Guangzhou të hënën, duke transportuar rreth 180 pasagjerë, njofton BBC.

Fluturimet midis dy vendeve u pezulluan për herë të parë gjatë pandemisë Covid në fillim të vitit 2020 dhe nuk u rifilluan pasi një përplasje vdekjeprurëse në një zonë kufitare të diskutueshme të Himalajeve përshkallëzoi tensionet.

Por të dy vendet kanë rindërtuar vazhdimisht marrëdhëniet dhe vitin e kaluar ata arritën një marrëveshje historike mbi patrullat kufitare./S.K/KP/BBC/

Continue Reading

Lajmet

Dita Botërore e Trashëgimisë Audiovizuale

Published

on

Dita Botërore e Trashëgimisë Audiovizuale shënohet çdo 27 tetor, datë kjo e zgjedhur nga UNESCO në vitin 2005 me qëllim ngritjen e vetëdijes për rëndësinë e ruajtjes së dokumenteve audiovizuale.

Dokumentet audio-vizuale, si filmat, programet e radios dhe televizionit, janë trashëgimi e përbashkët dhe përfshijnë xhirimet e para të shekujve 20 dhe 21.

Ato ndihmojnë mbrojtjen e identitetit kulturor të njerëzve, por thesaret e panumërta të dokumentarëve janë zhdukur qe nga shpikja e teknologjisë së imazheve dhe zërit që ndihmon njerëzit nëpër botë për të shfaqur më mirë eksperiencat e tyre, kreativitetin dhe njohuritë.

Të gjitha trashëgimitë audio-vizuale në botë janë të rrezikuara, thuhet në ueb sajtin zyrtar të Kombeve të Bashkuara, me rastin e shënimit të kësaj dite. /S.K/KP/International Institute of Mass Media/

Continue Reading

Lajmet

10 vjet nga nënshkrimi i MSA-së me Bashkimin Evropian

Published

on

Janë bërë 10 vjet që kur Kosova ka nënshkruar Marrëveshjen e Stabilizim-Asociimit me Bashkimin Evropian, më 27 tetor 2015 në Strasburg.

Kjo marrëveshje u cilësua e një rëndësie historike për integrimin politik, ligjor dhe ekonomik të Kosovës në Bashkimin Evropian.

Marrëveshja për Stabilizim-Asociim kërkon nga një vend që synon anëtarësimin në BE, të sigurojë se mekanizmat e tij të qeverisjes dhe të shoqërisë civile përmbushin standardet e BE-së.

Nënshkrimi i MSA-së u bë nga ish-kryeministri i Kosovës, Isa Mustafa në Strasburg./S.K/KP/

Continue Reading

Të kërkuara