Tre raste të dhunës në familje janë raportuar gjatë 16 dhe 17 gushtit në Prishtinë, Pejë dhe Gjakovë.

Në Prishtinë, një burrë është arrestuar nën dyshimin se ka ushtruar dhunë fizike dhe psikike ndaj bashkëshortes së tij. Viktimës i është ofruar tretman mjekësor, ndërsa i dyshuari, pas intervistimit, është dërguar në mbajtje me vendim të prokurorit.

Në Pejë, një grua ka raportuar se bashkëshorti i saj në vazhdimësi kishte ushtruar dhunë fizike dhe psikike ndaj saj dhe dy fëmijëve të tyre. Viktimat kanë pranuar tretman mjekësor, ndërsa i dyshuari është arrestuar. Ai nuk është intervistuar pasi ishte nën ndikim të alkoolit dhe, me vendim të prokurorit, është dërguar në mbajtje.

Ndërkaq, në Gjakovë, një grua ka raportuar se ish-bashkëshorti i saj, në kundërshtim me urdhrin e gjykatës, e kishte kanosur përmes telefonit. I dyshuari është arrestuar dhe është dërguar në mbajtje me vendim të prokurorit./A.K/

Lexoni pesë kuriozitete. Mund të mos i keni ditur:

1. rex ka të ngjarë të ketë pasur pupla. Shkencëtarët në Kinë zbuluan skelete të tiranozaurëve të periudhës së hershme të Kretakut që ishin të mbuluar me pupla. Nëse paraardhësit e T. rex kishin pupla, ndoshta kishte edhe T. rex.

2. Ekipet e futbollit që veshin uniforma të kuqe luajnë më mirë. Ngjyra e rrobave tuaja mund të ndikojë në mënyrën se si perceptoheni nga të tjerët dhe të ndryshojë mënyrën se si ndiheni. Një përmbledhje e ndeshjeve të futbollit në 55 vitet e fundit, për shembull, tregoi se ekipet që veshin një uniformë të kuqe luanin vazhdimisht më mirë në ndeshjet në shtëpi sesa ekipet me çdo ngjyrë tjetër.

3. Kur e prisni një krimb në dy pjesë, ai rigjenerohet. Megjithatë, kjo funksionon vetëm nëse pritet gjerësisht – dhe jo të gjithë do ta bëjnë. Krimbat e tokës mund të rigjenerojnë bishtin e tyre, dhe krimbi i sheshtë planarian mund të rigjenerojë të gjithë trupin e tij nga një copë e vogël indi.

4. Turbinat me erë vrasin midis 10,000 dhe 100,000 zogj çdo vit në Mbretërinë e Bashkuar. Është interesante se lyerja e njërës prej teheve të një turbine me erë me të zezë mund të zvogëlojë vdekjet e zogjve me 70 për qind.

5. Kërmijtë kanë dhëmbë. Midis 1,000 dhe 12,000 dhëmbëve, për të qenë të saktë. Megjithatë, ata nuk janë si tanët, kështu që mos mendoni për kërmijtë me buzëqeshje qesharake dhëmbësh. Do t’i gjeni “dhëmbët” e vegjël të kërmillit në të gjithë gjuhën e tij si limë.

Policia e Kosovës ka ndërmarrë masa ndaj një vozitësi, pas dy rasteve të kundërvajtjeve të evidentuara dhe të publikuara në media e rrjete sociale.

Rasti i parë ka ndodhur më 12 gusht 2026, kur vozitësi kishte lejuar që pasagjerët në ulësen e pasme të nxirrnin pjesë të trupit jashtë dritares së automjetit. Pamjet e kësaj ngjarjeje u publikuan në disa portale, pas së cilës Policia e Kosovës e ftoi vozitësin për intervistim.

Ndaj tij u shqiptua gjobë prej 100 eurosh për kundërvajtjen e kryer.

Ndërkohë, më 16 gusht 2026, pas publikimit të një videoje në rrjetet sociale, Policia identifikoi një tjetër shkelje.

Në pamje shihet vozitësi duke kryer në mënyrë të vrullshme një kthim gjysmërrethor, duke rrezikuar pjesëmarrësit e tjerë në trafik.

“Me datёn 12.08.2026, kundёrvajtёsi ka lejuar qё pasagjerёt nё ulёsen e prapme tё dalin me njё pjesё tё trupit jashtё nga dritarja e veturёs, kjo ngjarjё ёshtё publikuar nё disa portale, dhe Policia menjёhere e ka ftuar vozitёsin dhe ndaj tij ёshtё shqiptuar tiketa prej:100 euro. Me datёn 16.08.2026, Pas publikimit tё videos nё rrjetet sociale, ku shihet kundёrvajtёsi duke bёrё nё menyrё tё vrullshme kthimin gjysёmrrethor me kёtё gjest ka rrezikuar pjesёmarrёsit tjerё nё trafik, Policia e ka ftuar dhe ndaj tij ёshtё shqiptuar tiketa prej: 150 euro”, thuhet në njoftim./A.K/

Tre partitë opozitare shqiptare – PDK, LDK dhe Aleanca – kanë refuzuar ftesën e ushtrueses së detyrës së presidentes, Albulena Haxhiu, për takimin konsultativ rreth zgjedhjes së presidentit dhe formimit të institucioneve.

Takimi është mbajtur të martën në orën 09:00, ndërsa në të kanë marrë pjesë përfaqësues të partive në pushtet dhe të subjekteve politike të komuniteteve.

PDK-ja dhe Aleanca e kishin refuzuar pjesëmarrjen që të shtunën, duke argumentuar se fillimisht duhet të vazhdojë seanca konstituive e Kuvendit. PDK-ja ka kritikuar rolin e Haxhiut në organizimin e takimit, ndërsa Aleanca ka kundërshtuar edhe ftesën e kryeministrit në detyrë, Albin Kurti, për liderët e partive politike.

Të hënën, edhe LDK-ja njoftoi se nuk do të merrte pjesë në takim, duke e konsideruar Haxhiun në këtë fazë vetëm deputete të Kuvendit. Megjithatë, LDK-ja është shprehur e gatshme të diskutojë me Albin Kurtin për një zgjidhje politike dhe zgjedhjen e një presidenti konsensual.

Ftesa e Haxhiut kishte për qëllim diskutimin për zhvillimet aktuale politike e institucionale dhe arritjen e një marrëveshjeje për një president konsensual, si dhe formimin e institucioneve të tjera kushtetuese.

Ngërçi politik lidhet ngushtë me mosvazhdimin e seancës konstituive të Kuvendit. Deputetët kanë dhënë betimin, por seanca ka mbetur pezull në pikën për zgjedhjen e kryetarit të Kuvendit, pasi Albin Kurti ka kërkuar fillimisht marrëveshje për presidentin.

LVV-ja dhe partnerët e saj nga komunitetet kanë numrat e nevojshëm për konstituimin e Kuvendit dhe formimin e Qeverisë, por për zgjedhjen e presidentit nevojitet pjesëmarrja e së paku 80 deputetëve në dy raundet e para të votimit.

Nëse presidenti nuk zgjidhet brenda afatit kushtetues prej 60 ditësh, Kuvendi shpërndahet dhe vendi shkon në zgjedhje të reja.

Kriza institucionale në Kosovë vazhdon prej një periudhe të gjatë, me disa procese zgjedhore dhe përpjekje të pasuksesshme për krijimin e institucioneve funksionale./A.K/