Lajmet

Në aktivitetin e Shkencave Politike prezantohen dhjetëra punime shkencore

Në kuadër të Konferencës Ndërkombëtare për Shkencë, Teknologji, Biznes dhe Inovacion.

Published

5 years ago

October 30, 2021

Betim Gashi

Shkencëtarë të rinj, profesorë dhe ekspertë të fushës së Shkencave Politike kanë paraqitur e prezantuar punime shkencore në aktivitetin e organizuar nga UBT, në kuadër të Konferencës Ndërkombëtare për Shkencë, Teknologji, Biznes dhe Inovacion. Gjatë këtij aktiviteti punime shkencore prezantuan edhe studiues nga rajoni, Evropa dhe më gjerë.

Punimet që janë dorëzuar dhe prezantuar në konferencën e kësaj fushe janë:

Sesioni i parë

Chair: Lauri Taburi(Estonia)

Co – Chair:Hajdi Xhixha

“Can Democratic Subjectivity be a Way Out of Recent Crisis Democracy? The Case of Turkey”, Erdem Damar (Turkey).
“The Return of the Left in Kosovo politics and the possibility of changes amid international ingerence”, Victoria Perino Rosa (Brasil).
“Challenges and benefits of the European “Green Agenda” for participating countries”, Xhemail Qupi, Shpendim Hoxha (Macedonia),
“The consociatonal model of deomcracy in Kosovo in comparison to other regional and international cases” Labinot Greicevci (Kosovo)
“Effective instruments in Combating Corruption in conflict and post-conflict countries”, Karoly Nagy (Hungary), Edmond Hajrizi (Kosovo), Luna Shamieh (Hungary).

Sesioni i dytë

Chair:Ekaterina Marmilova (Russia)

Co – Chair: Florin Aliu

“Local elections in Kosovo, a set theoretic model of explanation” Mehdi Sejdiu (Kosovo)
“The gap between the legal framework and social order adressing property rights for Kosovo women” Hanza Kastrati, Riola Morina, Krenare Lika, Dritero Arifi (Kosovo)
“Pragmatic Peacebuilding: A new paradigm for postconflict efforts toward Peace” Henry F.Carey (USA), Ridvan Peshkopia (Albania)
“The impact of Diaspora on local economic development in Post Covid19” Xhemail Qupi, Fisnik Muca (Macedonia)
“Explaninig political affinities in Kosovo: Socio-demographic issues, articulation and ideology”, Artan Mustafa, (Kosovo)

Sesioni i tretë

Chair: Marzena Zakowska (Poland)

Co – Chair:Shqipe Mjekici

“The Importance of Territorial Organization in the Conception of Civil and Territorial Defense” Mentor Tahiri (Kosovo)
“You can go your own way: How transit-country migration attitudes are influenced by European Union deals” Dastid Morina, Ridvan Peshkopia, Stephen Voss (Kosovo and USA)
“Ukranian-East European relations from the point of view of the Intermarium and the Vishegard 4-countries” Sandor Foldvari (Hungary)
“Unemployed,complaint and unhappy – Impact of Covid19 in the Western Balkans” Elvisa Drishti (Albania)
“Implication of Turkey’s politisized Kin-community-making in the Balkans: Transitive Turkish identity in North Macedonia” Abdullah Sencer Gozubenli (Turkey)

Sesioni i katërt

Chair: Janusz Bugajski (U.S.A)

Co – Chair:Albana Rexha

“Kosovo’s foreign policy and NATO membership: opportunities and challenges” Bahri Gashi (Kosovo), NgadhnjimBrovina (Kosovo)
“Balkan leaders plans vs European Union plans! The case of Albania, Kosovo and North Macedonia” Ines Stasa (Albania), Ada Guven (Albania)
“The use of force against civil aircraft-intruders: international legal aspect” Redion Luli (Albani), Hajdi Xhixha (Albania)
“The Trump effects on US Public Diplomacy: Results from survey experiments in three “swing” countries between EU and Russia” Henry E.Hale(USA), Ridvan Peshkopia (Albania)
“Human Rights and Security” Basri Kastrati(Kosovo), Nikolo Spasov (Macedonia)

Lajmet

Rama: Shtëpia në “Rrugën A” është ndërtuar pa leje dhe në pronë komunale

Published

5 hours ago

July 22, 2026

UBT News

Kryetari i Prishtinës, Përparim Rama, ka reaguar lidhur me çështjen e shtëpisë në Rrugën A, duke sqaruar se ajo është ndërtuar pa leje dhe ndodhet në pronë komunale.

Rama ka bërë të ditur se familjet që kanë banuar në këtë shtëpi janë evakuuar para dy vitesh, për shkak të punimeve në “Rrugën A” dhe rrezikut nga rrëshqitja e dheut.

Sipas tij, pavarësisht se shtëpia është ndërtuar pa leje në pronë komunale, Komuna e Prishtinës ka paguar dhe vazhdon të paguajë shpenzimet e qirasë për familjet e evakuuara.

“Kryeqyteti ka paguar dhe vazhdon të paguajë shpenzimet e qirasë për familjet e evakuuara”, ka deklaruar Rama.

Ai u ka bërë thirrje personave që të mos hyjnë në këtë zonë, duke theksuar se ajo mbetet e rrezikshme për shkak të punimeve dhe mund të paraqesë rrezik për jetën e tyre dhe të ekipeve në terren.

Rama ka theksuar se prona komunale duhet të respektohet dhe të mbrohet sipas ligjit, njësoj si çdo pronë tjetër.

“Prona është e shenjtë. E tillë është edhe kjo pronë, pronë komunale, në pronësi të Komunës dhe si e tillë meriton të njëjtin respekt dhe mbrojtje sipas ligjit”, ka thënë Rama. /A.K/

Lajmet

Nuk deklaroi mbi 10 mijë euro, Dogana i konfiskon 25% të mjeteve monetare

Published

6 hours ago

July 22, 2026

UBT News

Dogana e Kosovës ka konfiskuar 25 për qind të mjeteve monetare të padeklaruara, të zbuluara gjatë një kontrolli rutinor në Pikën e Kalimit Kufitar Vërmicë.

Sipas njoftimit të Doganës, zyrtarët doganorë kanë ndaluar për kontroll një automjet me targa vendore në hyrje të Republikës së Kosovës, pasi drejtuesi i tij kishte hyrë në pikën kufitare me shpejtësi të lartë, duke ngjallur dyshime.

Gjatë intervistimit fillestar, drejtuesi kishte deklaruar se nuk posedonte mallra apo mjete monetare që i nënshtroheshin deklarimit. Megjithatë, pas një kontrolli të detajuar, zyrtarët doganorë kanë gjetur mjete monetare që tejkalonin kufirin ligjor prej 10 mijë eurosh dhe nuk ishin deklaruar pranë autoriteteve.

Në përputhje me legjislacionin në fuqi për parandalimin e pastrimit të parave dhe financimit të terrorizmit, Dogana ka ndërmarrë masat ligjore, duke konfiskuar 25 për qind të shumës së padeklaruar, ndërsa për pjesën tjetër është kërkuar dokumentacion që dëshmon origjinën e ligjshme të mjeteve.

Sipas Doganës, rasti është proceduar sipas kompetencave ligjore dhe procedurat do të vazhdojnë deri në përfundimin e shqyrtimit administrativ dhe ligjor.

Dogana e Kosovës rikujton se çdo person që hyn ose del nga Republika e Kosovës me 10 mijë euro ose më shumë, në para të gatshme ose mjete të tjera monetare të bartshme, është i obliguar t’i deklarojë ato pranë autoriteteve doganore. Mosdeklarimi përbën shkelje të ligjit dhe mund të sjellë konfiskim të pjesshëm të mjeteve, si dhe procedura të mëtejshme për verifikimin e origjinës së tyre./A.K/

Lajmet

FSK angazhohet për shuarjen e zjarrit në deponinë e mbeturinave në Sverkë të Pejës

Published

7 hours ago

July 22, 2026

UBT News

Forca e Sigurisë së Kosovës (FSK) ka njoftuar se është angazhuar në ndërhyrjen për shuarjen e zjarrit me përmasa të mëdha që ka përfshirë deponinë e mbeturinave në fshatin Sverkë të Komunës së Pejës.

Sipas njoftimit, pas kërkesës së pranuar nga Qendra e Situatave e Sekretariatit të Këshillit të Sigurisë së Kosovës, Qendra Operative e FSK-së ka bërë menjëherë vlerësimin e rrezikut dhe të kapaciteteve reaguese.

Me urdhër të Komandantit të FSK-së, gjenerallejtënant Bashkim Jashari, janë mobilizuar njësitë e specializuara të Gardës Kombëtare, të cilat kanë nisur operacionin në terren me qëllim izolimin e vatrës së zjarrit, parandalimin e ndotjes toksike të mjedisit dhe shmangien e pasojave për shëndetin e qytetarëve.

FSK ka bërë të ditur se njësitë e saj po veprojnë në koordinim me autoritetet qendrore dhe lokale, shërbimet emergjente dhe banorët e zonës, me synimin që situata të vihet sa më shpejt nën kontroll.

Në fund, Forca e Sigurisë së Kosovës ka ritheksuar përkushtimin e saj për t’u shërbyer qytetarëve në përputhje me detyrat dhe misionin kushtetues./A.K/

Lajmet

REL: BE-ja kërkon pezullimin e rrënimit të shtëpive buzë Ujmanit

Published

7 hours ago

July 22, 2026

UBTNews

Zyra e Bashkimit Evropian ka kërkuar që të ndërpritet rrënimi i shtëpive buzë Liqenit të Ujmanit, teksa shprehu keqardhje për aksionin e një dite më parë të ndërmarrë nga autoritetet e Kosovës.

Sipas BE-së, me rrënimin e shtëpive në Ujman nuk u respektuan “procedurat e rregullta ligjore”.

Blloku evropian tha se aksioni i së martës i autoriteteve të Kosovës u ndërmor në kohën kur banorët kishin nisur procedura gjyqësore brenda afatit 15-ditor, të përcaktuar në njoftimet e ndërmarrjes publike “Ibër-Lepenc”.

“BE-ja është e shqetësuar për mungesën e respektimit të procedurës së rregullt ligjore në këtë dhe në disa raste të tjera të kohëve të fundit në veri të Kosovës që nga shkurti i këtij viti”, thuhet në reagim.

Ndërmarrja Publike Hidroekonomike “Ibër-Lepenc” tha se 11 shtëpitë e rrënuara ndodheshin ilegalisht në pronën e saj.

Kryeshefi i kësaj ndërmarrjeje, Faruk Mujka, tha se pronarëve u ishte kërkuar më 3 korrik që t’i lironin shtëpitë, por pas moszbatimit të kërkesës, Inspektorati i Ministrisë së Mjedisit dhe Planifikimit Hapësinor, në bashkëpunim me Policinë e Kosovës, nisën zbatimin e vendimit për rrënimin e tyre më 21 korrik.

Ndërkaq, BE-ja kërkoi që të ndërpriten menjëherë të gjitha rrënimet, largimet e detyruara apo marrjet në posedim të pronave, derisa të adresohen shqetësimet lidhur “me procedurën e rregullt ligjore”, duke kërkuar që autoritetet të bashkëpunojnë me banorët dhe komunat e prekura dhe të gjejnë zgjidhje ligjore.

“Masat e pakthyeshme të zbatimit në kontekstin e procedurave në zhvillim dhe pretendimeve të kontestuara pronësore ngrenë shqetësime serioze për sundimin e ligjit”, tha BE-ja, duke shtuar se pret nga Kosova që në përputhje me rrugën evropiane, të adresojë këto shqetësime me urgjencë dhe “veprime të ngjashme të mos përsëriten”.

Ndërkaq, Ambasada gjermane në Prishtinë tha se ndan shqetësimet e shprehura nga BE-ja.

“Jemi thellësisht të shqetësuar lidhur me rrëzimin e shtëpive në Ujman”, tha Ambasada gjermane, duke kërkuar që të ketë procese të rregullta ligjore.

“Ne bëjmë thirrje që veprime të tilla të ndalen menjëherë dhe bëjmë thirrje për transparencë dhe zgjidhje të ligjshme”.

Branimir Mihajlloviq, banor i Mitrovicës së Veriut dhe pronar i një shtëpie në Ujman, i tha Radios Evropa e Lirë se vitin e kaluar kishte paraqitur kërkesë për legalizimin e pronës në sistemin e Kosovës dhe ishte i gatshëm të paguante qiranë ndaj institucioneve të Kosovës.

“Unë i kam të gjitha dokumentet. Papritur si pronar u paraqit ‘Ibër-Lepenci’. Ne nuk ndodhemi fare në brezin ujor. Edhe nëse do të ishim, do të paguaja qira dhe tatime. Kam paguar edhe energjinë elektrike. Sipas ligjit, toka mund të jepet me qira dhe pikërisht këtë kemi kërkuar”, tha Mihajlloviq më 21 korrik.

Rrënohen shtëpi buzë Liqenit të Ujmanit

Ai tregoi se, së bashku me pronarët e tjerë të shtëpive, kryesisht serbë nga veriu i Kosovës, kanë paraqitur ankesë tek Avokati i Popullit dhe në Gjykatën Themelore në Mitrovicë.

“S’është mbajtur asnjë seancë. Kërkuam pezullim të përkohshëm të rrënimit, por ende nuk ka vendim”, deklaroi ai.

Liqeni i Ujmanit ndodhet në komunën e Zubin Potokut, në veriun e Kosovës, të banuar me shumicë serbe. Ai konsiderohet infrastrukturë strategjike për Kosovën, pasi shërben për furnizimin me ujë, prodhimin e energjisë elektrike dhe ujitjen.

Ndryshe, që nga viti 2024, autoritetet në Kosovë kanë nisur mbylljen e institucioneve serbe, duke i cilësuar ato si paralele dhe të paligjshme. Veprimet e Qeverisë së Kosovës në veri shpesh janë përballur me kritika nga faktori ndërkombëtar. /REL/