Në natën mes të shtunës dhe të dielës (29-30 mars) fillon llogaritja verore e kohës, ora do të shkojë 60 minuta përpara.

Momenti zyrtar i ndërrimit të orës është pikërisht në orë 02:00, atëherë kur akrepat kalojnë 60 minuta para duke shënuar 03:00.

Ky sistem, i njohur si orari veror, ka filluar të aplikohet për herë të parë gjatë Luftës së Parë Botërore dhe është përdorur gjerësisht që nga viti 1972, me qëllimin e fillimit për kursimin e energjisë.

Megjithatë, me avancimin e teknologjisë, qëllimi origjinal i tij është bërë më pak i efektshëm, pasi zgjatja e ditës ka çuar në përdorimin më të madh të ajrit të kondicionuar, duke krijuar një efekt “bumerang” që mund të sjellë më shumë shpenzime energjie.

Gjykata e Koçanit ka shqyrtuar 22 ankesa të të dyshuarve lidhur me zjarrin tragjik në diskotekën “Puls”, ku humbën jetën 59 persona. Për 19 prej tyre, gjykata vendosi që masa e paraburgimit të mbetet në fuqi, ndërsa tre të tjerë janë dërguar në arrest shtëpiak. Këtyre tre personave u janë marrë pasaportat për të parandaluar lëvizjen e tyre jashtë vendit.

Në lidhje me këtë vendim, prokuroria ka parashtruar ankesë për dy nga ata që ishin në paraburgim, ish-kryetarët e Komunës së Koçanit, Ratko Dimitrov dhe Nikolço Iliev, të cilët tani janë në pritje të vendimit të Gjykatës së Apelit në Shtip. Një tjetër person që ka përfituar nga masa e arrestit shtëpiak është Aneta Simeska Dimoska, ish-drejtoresha e Inspektoratit Shtetëror të Tregut.

Kryetari aktual i Komunës së Koçanit, Ljupço Papazov, mbetet i dyshuar dhe në paraburgim, ndërsa hetimi për zjarri që mori jetën e shumë personave është zgjeruar me gjithsej 34 të dyshuar fizike dhe tre persona juridikë. Ata akuzohen për vepra të rënda kundër sigurisë publike, me mundësi dënimi deri në 20 vjet burg.

Mbrëmjen e djeshme, banorët e ishullit të Kretës në Greqi u tronditën nga disa tërmete me magnituda të ndryshme, të regjistruara me shkalla Rihhter 3. Epiqendra e këtyre tërmeteve ishte në detin Egje, afër Heraklion, me thellësi 28 km.

Deri tani, nuk ka pasur raportime për dëme serioze, përveç panikut të shkaktuar te banorët. Autoritetet lokale ende nuk kanë dhënë informacione shtesë për pasojat, por lëkundjet e forta janë ndjerë në të gjithë ishullin./UBTNews/